الخميس، 4 مارس، 2010

مبروووووووك حنين القلب

الف الف الف مليون مبروك ابنتى الغاليه حنين القلب على المولود الجديد
مبروك علينا كلنا اصغر عضو فى عائله الرايق
****** الاستاذ الكبير\ عمر اشرف ******
على فكره يا حنين اسراء راسها والف برطوشه انها لازم تكلم النونو وتشيله
احاول اقنعها ان النونو فى الاسكندريه واحنا هنا فى السويس ولكن هى مش فاهمه حاجه
احاول اقنعها ان الاسكندريه محافظه والسويس محافظه تانيه خالص وان عدد محافظات مصر حوالى 16 محافظه بعد انضمام المحافظتان الجديدتان اكتوبر وحلوان
وان الجمهوريه تنقسم جغرافيا الى عده محافظات ونجوع وكفور
وان المسافه بين السويس والاسكندريه اكتر من 14 ساعه وحوالى 850 كليو متر
وان الثوار فى سنه 1919 قاموا بكسر خطوط السكك الحديديه التى تربط بين المحافظات وبعضها
لكن هى مش قادره تفهم كلامى نهائى
ومصممه انها تروح بكره الاسكندريه
اقولها يا اسراء انتى كبرتى دلوقتى وعندك 4 سنين ونصف يعنى مفروض تكونى فاهمه التضاريس الجغرافيه للوطن العربى وطبيعه عوامله وتقسيماته الاستعماريه وما قبل الاستعماريه والانشقاقات الداخليه التى اثرت تأثرا مباشرا على الحدود الدوليه
الا اننى كمن ينادى فى مالطه
وهى اكيد فاهمه بس بتستهبل
عموماالف الف الف الف مليار مبروك مره تانيه

هناك 4 تعليقات:

همس الاحباب يقول...

الف مبروك لحنين
والف مبروك على عودة المدونة
عمر وشه حلو
نورت عالم التدوين يا رايق

ندى الياسمين يقول...

يعنى كان لازم حنين ت ولد عشان نطلعك من الثبات العميق ولا ايه

يعنى اولدلكم ولا ايه عشان تصحوا كلكوا

ايه ده بقى


مبروك يا حنين ونورت يا عمر

نورت البلوج يا باشا

ندى الياسمين يقول...

طبعا مستغرب انت من وجود الكائن الغريب ده
ههههههههههههههههههههه

يلا مش مهم بقى

مسيرك تعرفنى

حنين القلب يقول...

انا جييييييييييييييييييت نورت البيت

ربنا يخليك ليه يا بابتى ولا يحرمنى منك ابداااااااااااااااااا

حفيدك عمر الرايق بيسلم عليك وبيقولك عايز الهديه بتاعته او ياخد 546847دولار ويشترى هديته بنفسه

معلش مهو حفيد الرايق عوام
هههههههههههههههههههههههههه