السبت، 14 يونيو، 2008

الرايق وصل للعالميه

تحديث
-------
كان اسمهم عاشقين ... ودلوقتى من بعضهم مخنوقين
تدوينه جديده للمفقوعه مرارتها
على مدونه
.
.
===================
المذيعه :- اعزائى المشاهدين ..اهلا ومرحبا بكم فى برنامجكم سماء العلم ..يسعدنا ان نستضيف فى هذه الحلقه واحدا من اعلام العلم والثقافه فى جمهوريه مصر العربيه ..السيد \ عبده الرايق الحائز على جائزه نوبل

الرايق :- سيد مين ومصر مين يا مزمزين .....انا الدكاتره \ عبده بيه الرايق .واحد من اعلام العلم واثقافه فى مصر والعالم العربى والكره الارضيه ..وبعدين اسمها جايزه موبيل مش نوبل ..انتى هتعملى زى سقراطه ولا ايه ؟؟؟؟؟؟

المخرج :- ستوب !!!!!!!!لو سمحت يا دكتور عبده ممكن تسيب الاستاذه لمياء هى عارفه شغلها كويس ...انا ارجوك لو سمحت

الرايق :- نو نو نو ...انا مش الدكتور عبده الرايق ...انا الدكاتره عبده الرايق

المخرج :- ياسيدى على عينى وعلى راسى ...لو سمحت يا سياده الدكاتره عبده الرايق سيب المذيعه تقوم بشغلها ....يلا يا جماعه ...ثرى ..تو ...وان

المذيعه : - احنا نحب نعرف من سعادتك ليه الدول الاوروبيه اتقدمت عن الدول العربيه رغم اننا اصحاب حضارات قديمه مثل الحضاره الفرعونيه والفينيقيه

الرايق :- بالذمه ده سؤال يرضى ربنا ؟؟...بقى انا واخد عربيه مخصوص من السويس وجاى هنا اسجل معاكم علشان تكلمونى عن الفينيكيه ..انا مالى ومال الفنيك ..هو احنا هنا للعلم ولا هنغسل حمامات ...ادى اللى ناقص نتكلم عن الفنيك كمان

المخرج :- ستوووب ....فنيك ايه يا دكاتره عبده بيه ...بتقولك الحضاره الفينيقيه ...غير الفنيك خالص ....بلاش السؤال ده يا لمياء ...يلا يا جماعه جاهزين ؟ ...ثرى ..تووو ...وان

المذيعه :- الدكاتره \ عبده الرايق ..ممكن حضرتك تقولنا ..ليه رشحوك لجايزه نوبل ؟؟ ومتى ستذهب سيادتك الى السويد لاستلام الجائزه ؟؟؟؟؟

الرايق :- ليه رشحونى ؟؟؟؟؟ياسااااااااااااااااتر يا رب ....هى الناس مبتحبش الخير لبعضيها كده ليه ؟؟؟ زعلانه انتى انهم رشحونى ؟؟؟ روحى اسئاليهم انتى ...ده ايه ده ..حقد ..وبعدين اروح السويس استلم الجايزه ؟؟؟...طيب مانا من السويس جبتى ايه من عندك

المخرج :- ستووووووووب ....سويس ايه وحقد ايه يا استاذ ؟؟مش ممكن كده ارجوك عندى شغل تانى ....ياريت تجاوب على المذيعه عدل ارجوك
يلا يا جماعه ...جاهزين ؟ .....ثرى ...تو ...وان

المذيعه :- الدكاتره \عبده الرايق ..ممكن حضرتك تقولنا انت حصلت على كام دكتوراه ؟؟؟

الرايق :- ستووووووب ...ايه كام دكتوراه دى هو انا مش قلتلك بلاش الحساب ارجوكى انا ميح فيه خالص ؟؟؟

المخرج :- ستووووب ....ماتتفضل هنا مكانى يا استاذ رايق وانا اروح بيتنا ...انت مال حضرتك ستووووب ولا ما ستوبش ...لو سمحت ابوس ايدك ..خلصنا من اليوم الاسود ده
يلا يا جماعه ..جاهزين ؟ ثرى ..تو ...وان

المذيعه :- كنا عايزين نعرف رأى حضرتك فى العولمه ؟؟؟

الرايق :- بصراحه انا بحب العولمه جدا .ومن اشد المعجبين بالست تحيه كاريوكا والست نعيمه عاكف والست ام تامر ...بصراحه انا بحب الفرح لما يكون فيه عولمه ...الزق جنب المسرح ..واى نقطه طايره كده ولا كده القطها ..بصراحه كل فرح فيه عولمه بيطلعلى كام جند محترمين

المخرج :- ستوووووب ....محمد يا حسن ...استااااااااذ محمد ...انا مش هاشتغل الحلقه دى ....سوورى ...انت جايبلى واحد لاسع خالص ..وانا اصلا مش ناقص
خلاص ماشى علشان خاطرك ...بس وحياه ابوك يا محمد كلمه كلمتين انا خلاص مرارتى هتنفجر
يلا يا جماعه ....جاهزين ؟؟؟...ثرى ..تو ..وان

المذيعه :- استاذ عبده ..نحب نعرف حضرتك اخذت جائزه نوبل عن اى فرع من فروع المعرفه

الرايق :- اى فرع ؟؟؟؟؟؟؟هما فرعين مفيش غيرهم طول عمرنا نسمع عنهم فرع دمياط وفرع رشيد...وبعدين انا مش بدق ..دمياط ماشى ..رشيد ماشى ...كله محصل بعضه

المخرج :- ستوووووووووووووووووووب ....انا يستحيل اكمل مع الجدع ده

الرايق :- يستحيل مين يابا ...انا جاى مخصوص من السويس وصاحى الساعه 11 بالليل وجاى فى عربيه مخصوص ب 2000 جند وفى الاخر تقولى مش هنكمل البرنامج

المخرج :- عربيه ايه دى اللى تاخد 2000 فى مشوار مصر السويس ؟؟؟؟؟؟؟؟

الرايق :- انت اصلا مش عايش فى الدنيا ..زانا رحت الموقف بتاع التاكسى ونقيت عربيه مدندشه وقلت للسواق تودينى التليفزيون فى مصر وتاخد كام ؟؟؟قام السواق بصلى بكل تناحه وقله ذوق وقالى ..دى عربيه باربع كوتشات ..لو عايز عجله على قدك روح اجرك واحده ...رحت انا قلت له انا هادفع الاجره قبل ما نتحرك ..عايز كام ؟؟؟ قام السواق قالى عايو 500 جند حسبتها فى عقل بالى 500 جند فى اربع كوتشات يعنى السواق عايز منى 2000 جند ...رحت مديله ال 2000 جند وقلت له توكل على الله

المخرج :- ههههههههههه.....اربع كوتشات ؟؟؟طيب علشان ضحكتنى انا هاكمل الحلقه
جاهزين يا جماعه ؟؟؟؟ ...ثرى ...تو ..وان

المذيعه :- استاذ عبده .هل تؤمن بالحدود الجغرافيه والسياسيه بين الدول العربيه بعضها البعض ...ام تتمناها قوميه عربيه واحده ؟

الرايق :- هى لو عربيه واحده مش هنعرف نركبها كلنا ..لكن ممكن اتوبيس يكفينا ..ولو حد مروح فى طريق السويس اوصله

المخرج :- ستوووووب ...فركش يا جماعه ....استاذ عبده ..انا بحييك جدا جدا واحنا لاغينا البرنامج خالص من على خريطه التليفزيون .زوادى يا عم 2500 جنيه للعربيه المخصوصه بتاعتك

الرايق :- لكن انا دافع 2000 جند بس

المحرج :- حضرتك دفعت 2000 جنيه على الاربع كوتشات بس ..الظاهر حضرتك نسيت الاستبن

مسز رايق :- عبده ..انت يا عبده ....سى عبده ...اصحى ياسى عبده

الرايق :- انا فين يا وليه ؟؟؟؟وفين ال 2500 جند ..وفين المخرج ؟؟؟ وفين المذيعه ؟؟؟

مسز رايق :- مخرج ايه ومذيعه ايه اصحى وفوق كده علشان تروح الشغل

الرايق :- منك لله مسز رايق كنتى استنى لما احط الفلوس فى جيبى

هناك 79 تعليقًا:

همس الاحباب يقول...

ثوانى احجز
واشوف الرايق وصل فين

همس الاحباب يقول...

ههههههههههه
ههههههههههه
ايه يا عمنا ده ده انت جبت للمذيعة والمخرج العصبى يار اجل
المخرج لغى البرنامج من خريطة التليفزيون خالص وبصراحة عنده حق
بجد ربنا يكون فى عونك يا فرنسا
ههههه

همس الاحباب يقول...

لا لسه فيه تانى
وان شاء الله خدت الدكتوراة امتى بقى
وجائزة نوبل لا موبيل فينك يا سقراطه
فنيك ايه يا جدع هو انت بتسجل فى الحمام
احسن حاجة فيك انك اقرع ونزهى
عربية ب2000 جم وشاطر فى الحساب
ما تيجى اديك كورس فى الحساب واخد منك 2000 يورو بس
والله انا اتعديت منك وبقيت مادى ههه
وفى الاخر حلم طب الحمد لله كنت اتبوز علاقتنا مع التليفزيون يا راجل

همس الاحباب يقول...

اه نسيت حاجة
العولمة لا جامدة بصراحة

بصراحه انا بحب العولمه جدا .ومن اشد المعجبين بالست تحيه كاريوكا والست نعيمه عاكف والست ام تامر ...بصراحه انا بحب الفرح لما يكون فيه عولمه ...الزق جنب المسرح ..واى نقطه طايره كده ولا كده القطها ..بصراحه كل فرح فيه عولمه بيطلعلى كام جند
هو انت بتبقى ماسك النقطة ولا ايه
انا قاعد مستنى فرنسا بصراحة
تشوف حل فى الموضوع ده

همس الاحباب يقول...

على فكرة انت مشكلة والله
انا مش عارف امسك نفسى من الضحك
روح يا شيخ وتعالى بسرعة
لا بجد انت فاكهة المدونين والله
بمووووت فيك يا جدع
بجد مالكيش حل
ربنا يكرمك ويسعدك دايما
تحياتى وحبى

اهو ده عيبه يقول...

الحمد لله جيت بدرى الحقلى حته بقى اقعد فيها
اهى دى البرامج ولا بلاش اللى تروق المخ وتجلى الصدر ولا اللبان الدكر
مش تقولى فكر وثقافه وكلام مياكلش عيش
هى دى الثقافه على اصولها وهو ده الفكر الجديد اللى هينقلنا نقله حضارية كبيرة بس شكلها هتكون على نقاله

تانى مرة ابقى اعمل الحلم بتايمر علشان تظبطه وتصحى بعد الفلوس ما تدخل جيبك
سلام يا رايق

appy يقول...

لااااااااا بجد انت غلطان خلى بالك بعد كده انت نسيت تحسب للراجل الزيت ولو كاوتش ضرب هههههههه بقولك ايه تيجي اوصلك انا واخد الف بس ههههههه انت لقطه فى الحساب هى 3X4 بكام هههههههههههههه

قوس قزح يقول...

و الله يا رايق انت اخرك تطلع فى الكاميرا الخفية
مش لما تحلم يا رايق تحلم بحاجة معقولة ؟
2500 جند مرة واحدة ؟

بس عارف تلات اجوبة عندك حكاية
الفنيكية - العولمة - الوحدة الاتوبيسية

ابقى اتغطى يا راااااايق :))

حاجات جوايا يقول...

ههههههههههههههههههههههههههههههه
فضحتنا
فضحتنا
الحمد لله انه كان حلم
كان زمان سيرتنا دلوقت على كل لسان
ههههههههههههههههههههههه

بس مقولتلناش خدت الدكتوراهات دى كلها فى ايه ؟؟؟

والتاكسى يقولك 500 تديله 2000 ياريتك ما حسبتها ههههههههههه

دمت مبدعا وباسما أخى الفاضل

سالى

فاتيما يقول...

ههههه
طب كويس و لله
اللى بتعمله فى الناس بيخلصه منك الرايق الصغير و سواق البيجو
و جايزة نوفل مرة واحدة
الحمدلل
لا اشتغلت مذيعة و لا مخرجة و لا معدة برامج
و الا كنا هنخسر بعض
و مسز رايق دى جدعة و الله
دايما تصحيك فى التوقيت المناسب
كل حلم و انت طيب

maiosha يقول...

ههههههههههههههه

مش ممكن يا رايق إنت بجد رهيب
حتى فى الحلم يا راجل جبت للمخرج إنهيار عصبى .. أمال لو كان حقيقة كنت هتعمل إيه؟؟

وجايزة نوبل كمان .. طيب على إيه .. على قعدتك على السلم

لا إنت متألق يا رايق وكل بوست بتتألق أكتر

ربنا يوفقك وعقبال ما تعملنا حضارة عظيمة زى الحضارة الفينيكية بالضبط
بس إلحق إعملها قبل ما الفنيك يغلى

Unique يقول...

دكاترة رايق .. كان هيبقى شرف عولمي للامة الاتوبيسية كلها انك تنور التليفزيون وفي ايدك جايزة موبيل للفرع اللي يعجبك

ربنا يصبرك يا مسز رايق

واحدة مفروسة يقول...

نو
نو
نو
انا التعليق رقم 13
انا مش بحب الرقم ده
انا حروح و ارجع تاني

واحدة مفروسة يقول...

ايون كده تمام 14 احسن من 13 و اكتر كمااان اكتب التعليق بقى

هههههههههههههه
هههههههههههههههه
هههههههههههههههههه
هههههههههه

إيه بس هوه كده مسخسخه على روحي من الضحك

إيه بتقول ايه؟
كنت سخسخت فى التعليق 13 و خلاااص

نو ...نو...يا دكاترة...رقم 13 رقم نحس...مش عارفه ليه؟
بس انا قلت لو سخسخت فى التعليق 13 و هو نحس يمكن ملاقيش حد يفوقني.....
قلت اسيبه و ادخل على 14 اسخسخ براحتي
هههههههههههههه
صح النوم
و قلتلك مليون مره اتغطى و انت نااااايم
هههههههههههههه
بس حلوة حته العولمه و الفنيك... الصراحه البوست كله
تديهونى و اسيبك تنام شوية تحط الفلوس ف جيبك
هههههههههههههههههه

نونو يقول...

ههههههههههههههههههههه
مبروووووووك

آفاق الحرية يقول...

ههههههههههههههههه
مش تقول ياعم نخش في مداخلة ولا حاجة
اهه نعمل منظر في الحلم يعني
ههههههههههههه

shayma يقول...

هههههههههههههههه
لاااااااااااااا
جامده يا عبده باشا
جامده دااااااااا

بقى اسمها موبل وهتستلمها من السويس
ههههههه
ولا كله كوم وام تامر كوم تانى
وانا اقول اول متشوف عولمه بتسيب مسز رايق وتروح تلزق جمب المسرح ليه
اتارى فيها سبوبه

لا بجد تحفه يا عبده باشا
تحياتى وسلاماتى
:))))))))

kochia يقول...

مستر عبده بيه الرايق
انا فخورة جدا اني من السويس وسعيدة اني هقدر احضر الحفلة بتاعة الجايزة طبعا
وايه المخرج اللي مش فاهم حاجة ده
مخرجين اخر زمن
معلش بقي انت الكبير
لو رحت الحلم تاني تستلم الجايزة ابقي بلغني

تحياتي

ahmed saker يقول...

هههههههههههه

ايه خفة الدم دي كلها

المدون جميلة و انا سعيد جدا برؤيتها و بمطالعتها

شكرا لك

الطائر الحزين يقول...

عبده

من فضلك فتش مسز رايق اخذت منك الفلوس وبعدين صحتك انا عارف الحركات دى كويس جدا

جميل بجد

tamer.sala7 يقول...

عسسسسسسسسسسسسسسل

الحلقة دي عسل يا باشا

بصراحة المخرج ده حيجيلو نزيف في المخ زي بتاع يوسف شاهين من اللي انت عملته فيه بس الحمد لله انه طلع في الاخر حلم والا كانت حتبقي كارثة وبعدين العربية من السويس للقاهرة غالية ليه كدة ؟؟

المـــفـــــــقــــــــوعـــــة مــرارتـهــا يقول...

هههههههههههههههههههههههههههههههه
كويس انه طلع حلم
ده لو كان علم كان زمان المخرج في العباسية بيصيف

عبده الرايق يقول...

همس الاحباب
حبيب قلبى خالوووووووووووووود
تكسب معانا البريمو
الجايزه الكبرى
تكسب 9900 جند
ابعت بقى 100 جند علشان ابعت لك العشر تلاف مقفولين

عبده الرايق يقول...

همس الاحباب
المخرج ده فالصو يا خالد
مش مثقف خالص
انا بعرف اصقف احسن منه وبصقف كف سويسى كمان

عبده الرايق يقول...

همس الاحباب
اوعى تكون يا خالوووووووووووووود فاكرنى مبعرفشى فى الحساب
نو
نو
نو
انا حافظ جدول الضرب لغايه 3 فى 12
وبالاماره = 36
وهادخل من الاسبوع الجاى على جدول 4
دعواتك بقى يا خالووووووووووود

عبده الرايق يقول...

همس الاحباب
من القلب للقلب رسول يا خالد يا خويا
ربنا يحببنا فى بعض كمان وكمان ويؤاخينا على صراطه المستقيم
اللهم امين

عبده الرايق يقول...

اهو ده عيبه
هى دى
فعلا لازم اركب للحلم تايمر
ابوسعيد بتاع الغسالات جنبنا يركب تايمر صينى من الرخيص
واهو ينفع برضه
لكن التايمر ده اركبه على المخده ولا على نافوخى ؟؟؟؟؟؟

عبده الرايق يقول...

appy
ايه ؟ 4×3 بكام ؟؟؟
مانل لسه قايل لهمس الاحباب انى حافظ لغايه جدول 3 ×12
لسه الاسبوع الجاى هادخل على جدول 4
لكن اوعدك
فى خلال سنتين هاحفظ جدول 4 صم

عبده الرايق يقول...

قوس قزح
اتغطى فى الحر ده
دانا جسمى يتملى حمو النيل
لا ياستى انا احلم احسن
وبعدين انا مشفتش حاجه من ال 2500 جند

عبده الرايق يقول...

حاجات جوايا
يابوليييييييييييييييييس
يا حكووووووووووووووووووومه
يا عسسسسسسسسسسسسسسسسسسسسسسكرى
قفشت سالى جايه متنكره باسم حد تانى
امسك يا جدع
حلق يا جدع
تحيه من اخوكى الرايق
لاختى سالى
وعلى فكره احنا فى انتظار تدوينه ليكى ضاحكه ننشرها فى مدونه فرنسا والرايق
لو جاهزه ابعتيها على اميلى
او اميل فرنسا

عبده الرايق يقول...

فاتيما
برضه مسز رايق دى جدعه ؟؟؟؟؟؟؟
دى ضيعت على العبد لله 2500 جند
وانا كنت هاخدها فى رحله للمأذون لكن قلت يمكن اختها فاتيما تزعل بلاش اطلقها وفاتيما هتدفع ال 5000 جند اللى ضاعوا

واحدة مفروسة يقول...

انا قاعده مستنيه الرد على التعليق بتاعي
يالله علشان مستعجله اوي
فين العقد

عبده الرايق يقول...

maiosha
الحضاره الفينيكيه دلوقتى مالهاش لزمه
العلم تقدم
دلوقتى حضاره ايريل
انتى مسمعتيش الشعار الحضارى
ايريل ايريل ..هو هو
لا مش هو بتاعه الكلب
هو هو
غير هو هو
لان هو هو
تختلف كليا وجزريا عن هو هو
رغم ان هو هو
تتشابه فى المظهر مع هو هو
الا ان هو هو
تختلف فى الجوهرعن هو هو

عبده الرايق يقول...

Unique
مانا قولتلهم ميهمنيش
فرع دمياط معنديش مانع
فرع رشيد برضه شغال
اعمل ايه تااااااااااااااانى ؟؟؟

عبده الرايق يقول...

واحدة مفروسة
ههههههههههههههههه
مبتحبيش الرقم ده ؟؟؟؟؟؟
الكمبيوتر سجله خلاص يا حلوه
معندناش فصال
رقمك وانتى حره فيه

عبده الرايق يقول...

واحدة مفروسة
انا موافق
خدى البوست كله
ولو عايزه 4 او 5 بوستات معنديش مانع
بس تدفعى ال 2500 جند
وممكن تاخدى المدونه كلها وعليها مسز رايق هديه مع ضمان لمده 3 ايام

عبده الرايق يقول...

نونو
على ايه ؟؟؟؟؟؟
على الحلم ولا الفلوس اللى طارت
اكيد دى شماته

عبده الرايق يقول...

آفاق الحرية
مينفعشى مداخلات البرنامج مش على الهواء
لكن اول ما اطلع على الهواء
هاقولكم تتصلوا وانتوا عارفين بقى
الو
ممكن اكلم الدكاتره الرايق
انا افاق الحريه كنت تلميذ عندك فى الكليه يا دكاتره
وانا بقى ابص لك على الشاشه واقولك سورى انا ناسيك معرفكشى

عبده الرايق يقول...

shayma
طبعا سبوبه
وبعدين الناس دول بيشربوا ازايز الحاجه الساقعه ومش بيكملوها كلها
برضه بنبل ريقنا
وكام جند يغيروا خط سيرهم فى الطيران
برضه بنكسب

عبده الرايق يقول...

kochia
انا فى قمه السعاده انى عرفت ان انتى من السويس
كويس علشان لما ننزنق فى قرشين نكب على بعض
انا مزنوق تسلفينى
انتى مزنوقه معاكى ربنا
يعنى المركب تمشى
الف تحيه لبنت بلدى
وانا شرفنى انا ازور مدونتك
بس مفيش ليه عندك اكل وشرب ولحمه ووز وبط وفراخ وفيروز ؟؟؟؟؟؟؟؟

عبده الرايق يقول...

ahmed saker
انا الاسعد بوجودك هنا
وياريت تكون المدونه عند حسن ظنك
الف تحيه لك

عبده الرايق يقول...

الطائر الحزين
اذن
لايسلم الشرف الرفيع من الاذى
حتى يراق على جوانبه الدم

اين الساطور؟؟؟
اين الشومه؟؟؟
اين ديل الحدايه؟؟؟
اين ايد الهون؟؟؟
اين النبله ؟؟؟؟
ولا اقولك
ربنا على المفترى

عبده الرايق يقول...

tamer.sala7
العربيه غاليه علشان باربع كوتشات
كل فرده ب 500 جند
يعنى الراجل برضه مكارمنى
كتر خيره
عارف لو ماكانشى حلم
كنت رحت خدت الفلوس من حبابى عينيه

عبده الرايق يقول...

المـــفـــــــقــــــــوعـــــة مــرارتـهــا
خليه يصيف كهربا
بس انا حاسس انى معملتش معاه اى حاجه

همس الاحباب يقول...

حمدلله على السلامة
ايه النت كان فاصل ولا ايه
ولا مسز رايق سابتك نايم علشان تكمل الحلم وتاخذ 2500 جند
وبقى عايز 100 جند وتبعتلى 10000 مقفولين عيب ده احنا دفنينه سوا
اقولك ايه ابعت 9000 وخلى ال900 علشانك
ايه رايك كده اوفر صح
ههههههههه
تحياتى يا باشا

دعاء مواجهات يقول...

ههههههههههههههههههههههههههه

نفسى اعرف انت هتعيش ع الارض امتى بقى

محسسنى انك فى برج عاالى

والله عسل

وسكر كمان

عقبال ما يستضيفوك بجد وجداانى علشان يدوك الكاادر

تعالى عندى رديت عليك

وهسلفك بل همنحك........

نورتنى ياسى الرايق وابقى اغلط وكررها

بيس

حاجات جوايا يقول...

هههههههههههههههه
ربنا يكرمك مستنى تدوينة ضاحكة ليا انا !!!!!!!

انا كبيرى أضحك معاكوا على المواضيع الجميلة اللى بتنزلوها
لكن أنزل أنا تدوينة ضاحكة
هو هو هووووووووووو

مش انااااااااااا
ههههههههههههههههههههههه

دى قدرات خاصة أنا مش أدها
ربنا يكرمكوا ويجازيكوا كل خير على البسمة اللى بتضيفوها لحياتنا

دمتم جميعا بكل الخير والصحة والسعادة

سالى

mayada يقول...

ههههههههههههههه
هههههههههههههههههههه
هههههههههههههههههههههههههههههه
ههههههههههههههههههههههههههههههههههه
معنديش تعليق غير كده

(احمد سكر ) يقول...

ههههههههههه
ههههههههههه

هو انت كمان طلعت بتحلم ياعبد

ههههههههه

الحمد لله واحد تانى اهوه بيحلم

مش انا بس

ماشاء الله انت عثل اوى ياعبد

دمك شرباااات

تحياتى

سنكرره

Desert cat يقول...

اصدقائى الأعزاء المدونين والمدونات
سيتم اذاعه الحلقة الخاصة بإجابة سؤال تبريد البروسيسور يوم الخميس الموافق 19/6
فى برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وسيتم اذاعه كومنتات
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال

كما يمنكم سماع الحلقة بعد اذاعتها من الـ box
على يمين المدونة
http://netonradio.blogspot.com/

او من خلال الموقع
http://dear.to/cairo

تمنياتنا بدوام التواصل

.:.-=- ELGaZaLy-=-.:. يقول...

ههههههههههههههههههههههه

مستر عبدة...انت من السويس...لا يا راجل...

اجدع ناس يا عم دة انتو بلد الغريب

بجد رهيب اوى يا مستر عبدة حلمك دة..

وربنا يخليلك مسز عبدة

رئـــــيسـة حزب الأحلام يقول...

ههههههههههههههههههههههه
ههههههههههههههههههههههه
ههههههههههههههههه
ايه يادكاترة عبده الرايق
دكاترة ايه بس مش توضح
تحياتى لك

سوسا ومودى يقول...

هوة حلو أن الواحد يحلم بمستقبله
بس العمليه بهوقت منك خاااااالص
ههههههه
جايزة نوبل مرة واحده
وتليفزيونات وحوارات
بس بجد تستاهلها

مدونتك تحفه بجد وأسلوبك مبسط ولطيف وجذاب جدا جدا
أنا أول زيارة ليك
بس أكيد من الاخيرة أن شاء الله
ربنا يحققلك أحلامك ياارب

Desert cat يقول...

اصدقائى الاعزاء
المدونين والمدونات
تمت اليوم اذاعه الحلقة الخاصة بسؤال تبريد البروسيسور
فى برنامجنا الاذاعى انت تسال والكميوتر يجيب الذى يذاع يوميا الساعه 9.10 صباحا ما عدا يوم الجمعه على اذاعه البرنامج العام
تم اذاعة كومنت
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من من خلال موقع البرنامج
http://dear.to/cairo
تمنياتنا بدوام التواصل

زفته يقول...

والله انا لو مكان المخرج
اعتزل المهنه اكرملي

وصاحب القناه يقفلها
ربنا يسترك يامسز رايق
للتلفزيون المصري

زفته

غير معرف يقول...

حبيب قلبى عبده بيه
انا منشكح جدا من الانبساط المتبسط فى الروحانيه الكوميديه التلقائيه
لو فاهم حاجه فهمنى الله يسترك

القلم السكندري يقول...

بجد تدوينة جامدة جدا


أنا اتكسفت لك وانا بقرأ الصراحة==> من كتر التفاعل مع الموقف



تحياتي.. يارايق

موناليزا يقول...

ههههههههه
فكرتنى ببرنامج"حيلهم بينهم" بس المذيع هو اللى كان قايم بدورك

ادم المصرى يقول...

طيب لما اجى هقعد فين وايه الى عملتو فى المزيعه دى انا لو مزيع هولع فى البرنامج كلوووووههههههههههه جميل اوى يمان

مدحت محمد يقول...

ههههههههههههههههههههههههههههههه

من هنا للصبح بجد

ان قالو عليا فى البيت اتجنن من كتر الضحك اللى ضحكته
ههههههههههههههههههه

انت بتحب العولمة والست ام تامر هههههههه

تسلم يااخف دم

عبده الرايق يقول...

همس الاحباب
برضه مش واثق فى اخوك الرايق ياخالد
على العموم انا زعلان لغايه لما تبعت الامانه

عبده الرايق يقول...

دعاء مواجهات
انا هامشى على الارض ؟؟؟
ليه امال الهليكوبتر اللى دافع فيها الشىء الفلانى دى ليه ؟؟؟

عبده الرايق يقول...

حاجات جوايا
ربنا يكرمك يا سالى ويوفقك
قصدى يا حاجات جوايا
قصدى يا سالى
قصدى لخبطينى
مش عارف اركز
معكيش 100 جند سلف يمكن اعرف اركز ؟

عبده الرايق يقول...

mayada
هو ده شويه ؟؟؟؟؟؟؟
انا فرحان انى بضحكك
ربنا يسعدك كمان وكمان

عبده الرايق يقول...

(احمد سكر )
احمد باشا جه من غير الهدايا
ده تانى مره تعملها يابو حميد
على العموم
انا ممستنى تروح باريس
محتاج اربع عربيات مترو
علشان اشغلهم فى السويس

عبده الرايق يقول...

Desert cat
ماخسرنا يا قطه
وضاع علينا الكوتشى اللى بينور

عبده الرايق يقول...

.:.-=- ELGaZaLy-=-.:.
تحيه لك من كل شعب السويس بلد الغريب
نورتنى جدا

عبده الرايق يقول...

رئـــــيسـة حزب الأحلام
ملقتش مكان اكمل فيه كتابه

عبده الرايق يقول...

سوسا ومودى
مع انكم اتنين
يعنى هتكلفونى فى الزياره مشروبين
وانا لما ازوركم هاشرب مشروب واحد
لكن ملحوقه
اطلب شاى وحاجه ساقغه واخلبطهم على بعض

عبده الرايق يقول...

Desert cat
تعبينك معانا يا قطه
شكرا لكى

عبده الرايق يقول...

زفته
هو المخرج لما كان بيتنرفز كان بيقول جاجه زى اسمك كده
مع الاحترام الكامل ليكى
بس الاسم ده مجننى

عبده الرايق يقول...

غير معرف
ولا حاجه

عبده الرايق يقول...

القلم السكندري
تحياتى لك
وانا مبسوط من انفعالك جدا جدا

عبده الرايق يقول...

موناليزا
برنامج جميل
ياريت نوصل لربع البرامج الجميله دى

عبده الرايق يقول...

ادم المصرى
لا تولع ولا حاجه
الناس قفلوها من سكات وروحوا
تحياتى لك

عبده الرايق يقول...

مدحت محمد
اكيد طبعا بما انك من السويس
لو كنت كبير شويه هتفتكر ام تامر
والشيخ رجب والحاجه سماسم
تحياتى لاخى السويسى مدحت

CAIROCOMPUTER يقول...

الأخت العزيزه فرنسا
تحيه طيبه وشكرا على كلمتك الرقيقه ...طبعا رقيقه يارايق ...ونتمنى ان نرى كل الأحبه زوار هذه المدونه المبهجه عندنا فى مدونة البرنامج ليجيبوا على ما نطرحه من اسئله او يروون لنا عن الأنترنت فى حياتهم ...لتذيع حكاياتهم واحاباتهم...نرجوا ان نراكم جميعا فى مدونتنا مع حبيب الملايين -ملايين البشر وليس الجنيهات-عبده الرايق ...وكدونتنا عنوانها سهل وطبعا اللى يسأل مايتهوش وطبعا الرايق مألقوش ان فيه اوتوبيسات مكيفه من جميع المحافظات للمدونه وعنوانها هو
http://netonradio.blogspot.com

د/اجدع بنوته يقول...

مبدئيا كده

مدونتك م المدونات اللى كنت مفتقداها جدااااااااا

يارب تكون بخير وميسز رايق وسقراطه الجديده دى

هههههههههههههههههههه

ويارب تكون الحاله الماديه اتحسنت

علشان مش كل شويه بقى نسلفك

خمسين قرش ف خمسين قرش

الواحد برده محتاج يبدا يحوش

علشان يفتح العياده

will يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人