تحديث
-------
كان اسمهم عاشقين ... ودلوقتى من بعضهم مخنوقين
تدوينه جديده للمفقوعه مرارتها
على مدونه
.
.
===================
المذيعه :- اعزائى المشاهدين ..اهلا ومرحبا بكم فى برنامجكم سماء العلم ..يسعدنا ان نستضيف فى هذه الحلقه واحدا من اعلام العلم والثقافه فى جمهوريه مصر العربيه ..السيد \ عبده الرايق الحائز على جائزه نوبل
المذيعه :- اعزائى المشاهدين ..اهلا ومرحبا بكم فى برنامجكم سماء العلم ..يسعدنا ان نستضيف فى هذه الحلقه واحدا من اعلام العلم والثقافه فى جمهوريه مصر العربيه ..السيد \ عبده الرايق الحائز على جائزه نوبل
الرايق :- سيد مين ومصر مين يا مزمزين .....انا الدكاتره \ عبده بيه الرايق .واحد من اعلام العلم واثقافه فى مصر والعالم العربى والكره الارضيه ..وبعدين اسمها جايزه موبيل مش نوبل ..انتى هتعملى زى سقراطه ولا ايه ؟؟؟؟؟؟
المخرج :- ستوب !!!!!!!!لو سمحت يا دكتور عبده ممكن تسيب الاستاذه لمياء هى عارفه شغلها كويس ...انا ارجوك لو سمحت
الرايق :- نو نو نو ...انا مش الدكتور عبده الرايق ...انا الدكاتره عبده الرايق
المخرج :- ياسيدى على عينى وعلى راسى ...لو سمحت يا سياده الدكاتره عبده الرايق سيب المذيعه تقوم بشغلها ....يلا يا جماعه ...ثرى ..تو ...وان
المذيعه : - احنا نحب نعرف من سعادتك ليه الدول الاوروبيه اتقدمت عن الدول العربيه رغم اننا اصحاب حضارات قديمه مثل الحضاره الفرعونيه والفينيقيه
الرايق :- بالذمه ده سؤال يرضى ربنا ؟؟...بقى انا واخد عربيه مخصوص من السويس وجاى هنا اسجل معاكم علشان تكلمونى عن الفينيكيه ..انا مالى ومال الفنيك ..هو احنا هنا للعلم ولا هنغسل حمامات ...ادى اللى ناقص نتكلم عن الفنيك كمان
المخرج :- ستوووب ....فنيك ايه يا دكاتره عبده بيه ...بتقولك الحضاره الفينيقيه ...غير الفنيك خالص ....بلاش السؤال ده يا لمياء ...يلا يا جماعه جاهزين ؟ ...ثرى ..تووو ...وان
المذيعه :- الدكاتره \ عبده الرايق ..ممكن حضرتك تقولنا ..ليه رشحوك لجايزه نوبل ؟؟ ومتى ستذهب سيادتك الى السويد لاستلام الجائزه ؟؟؟؟؟
الرايق :- ليه رشحونى ؟؟؟؟؟ياسااااااااااااااااتر يا رب ....هى الناس مبتحبش الخير لبعضيها كده ليه ؟؟؟ زعلانه انتى انهم رشحونى ؟؟؟ روحى اسئاليهم انتى ...ده ايه ده ..حقد ..وبعدين اروح السويس استلم الجايزه ؟؟؟...طيب مانا من السويس جبتى ايه من عندك
المخرج :- ستووووووووب ....سويس ايه وحقد ايه يا استاذ ؟؟مش ممكن كده ارجوك عندى شغل تانى ....ياريت تجاوب على المذيعه عدل ارجوك
يلا يا جماعه ...جاهزين ؟ .....ثرى ...تو ...وان
المذيعه :- الدكاتره \عبده الرايق ..ممكن حضرتك تقولنا انت حصلت على كام دكتوراه ؟؟؟
الرايق :- ستووووووب ...ايه كام دكتوراه دى هو انا مش قلتلك بلاش الحساب ارجوكى انا ميح فيه خالص ؟؟؟
المخرج :- ستووووب ....ماتتفضل هنا مكانى يا استاذ رايق وانا اروح بيتنا ...انت مال حضرتك ستووووب ولا ما ستوبش ...لو سمحت ابوس ايدك ..خلصنا من اليوم الاسود ده
يلا يا جماعه ..جاهزين ؟ ثرى ..تو ...وان
المذيعه :- كنا عايزين نعرف رأى حضرتك فى العولمه ؟؟؟
الرايق :- بصراحه انا بحب العولمه جدا .ومن اشد المعجبين بالست تحيه كاريوكا والست نعيمه عاكف والست ام تامر ...بصراحه انا بحب الفرح لما يكون فيه عولمه ...الزق جنب المسرح ..واى نقطه طايره كده ولا كده القطها ..بصراحه كل فرح فيه عولمه بيطلعلى كام جند محترمين
المخرج :- ستوووووب ....محمد يا حسن ...استااااااااذ محمد ...انا مش هاشتغل الحلقه دى ....سوورى ...انت جايبلى واحد لاسع خالص ..وانا اصلا مش ناقص
خلاص ماشى علشان خاطرك ...بس وحياه ابوك يا محمد كلمه كلمتين انا خلاص مرارتى هتنفجر
يلا يا جماعه ....جاهزين ؟؟؟...ثرى ..تو ..وان
المذيعه :- استاذ عبده ..نحب نعرف حضرتك اخذت جائزه نوبل عن اى فرع من فروع المعرفه
الرايق :- اى فرع ؟؟؟؟؟؟؟هما فرعين مفيش غيرهم طول عمرنا نسمع عنهم فرع دمياط وفرع رشيد...وبعدين انا مش بدق ..دمياط ماشى ..رشيد ماشى ...كله محصل بعضه
المخرج :- ستوووووووووووووووووووب ....انا يستحيل اكمل مع الجدع ده
الرايق :- يستحيل مين يابا ...انا جاى مخصوص من السويس وصاحى الساعه 11 بالليل وجاى فى عربيه مخصوص ب 2000 جند وفى الاخر تقولى مش هنكمل البرنامج
المخرج :- عربيه ايه دى اللى تاخد 2000 فى مشوار مصر السويس ؟؟؟؟؟؟؟؟
الرايق :- انت اصلا مش عايش فى الدنيا ..زانا رحت الموقف بتاع التاكسى ونقيت عربيه مدندشه وقلت للسواق تودينى التليفزيون فى مصر وتاخد كام ؟؟؟قام السواق بصلى بكل تناحه وقله ذوق وقالى ..دى عربيه باربع كوتشات ..لو عايز عجله على قدك روح اجرك واحده ...رحت انا قلت له انا هادفع الاجره قبل ما نتحرك ..عايز كام ؟؟؟ قام السواق قالى عايو 500 جند حسبتها فى عقل بالى 500 جند فى اربع كوتشات يعنى السواق عايز منى 2000 جند ...رحت مديله ال 2000 جند وقلت له توكل على الله
المخرج :- ههههههههههه.....اربع كوتشات ؟؟؟طيب علشان ضحكتنى انا هاكمل الحلقه
جاهزين يا جماعه ؟؟؟؟ ...ثرى ...تو ..وان
المذيعه :- استاذ عبده .هل تؤمن بالحدود الجغرافيه والسياسيه بين الدول العربيه بعضها البعض ...ام تتمناها قوميه عربيه واحده ؟
الرايق :- هى لو عربيه واحده مش هنعرف نركبها كلنا ..لكن ممكن اتوبيس يكفينا ..ولو حد مروح فى طريق السويس اوصله
المخرج :- ستوووووب ...فركش يا جماعه ....استاذ عبده ..انا بحييك جدا جدا واحنا لاغينا البرنامج خالص من على خريطه التليفزيون .زوادى يا عم 2500 جنيه للعربيه المخصوصه بتاعتك
الرايق :- لكن انا دافع 2000 جند بس
المحرج :- حضرتك دفعت 2000 جنيه على الاربع كوتشات بس ..الظاهر حضرتك نسيت الاستبن
مسز رايق :- عبده ..انت يا عبده ....سى عبده ...اصحى ياسى عبده
الرايق :- انا فين يا وليه ؟؟؟؟وفين ال 2500 جند ..وفين المخرج ؟؟؟ وفين المذيعه ؟؟؟
مسز رايق :- مخرج ايه ومذيعه ايه اصحى وفوق كده علشان تروح الشغل
الرايق :- منك لله مسز رايق كنتى استنى لما احط الفلوس فى جيبى
هناك 78 تعليقًا:
ثوانى احجز
واشوف الرايق وصل فين
ههههههههههه
ههههههههههه
ايه يا عمنا ده ده انت جبت للمذيعة والمخرج العصبى يار اجل
المخرج لغى البرنامج من خريطة التليفزيون خالص وبصراحة عنده حق
بجد ربنا يكون فى عونك يا فرنسا
ههههه
لا لسه فيه تانى
وان شاء الله خدت الدكتوراة امتى بقى
وجائزة نوبل لا موبيل فينك يا سقراطه
فنيك ايه يا جدع هو انت بتسجل فى الحمام
احسن حاجة فيك انك اقرع ونزهى
عربية ب2000 جم وشاطر فى الحساب
ما تيجى اديك كورس فى الحساب واخد منك 2000 يورو بس
والله انا اتعديت منك وبقيت مادى ههه
وفى الاخر حلم طب الحمد لله كنت اتبوز علاقتنا مع التليفزيون يا راجل
اه نسيت حاجة
العولمة لا جامدة بصراحة
بصراحه انا بحب العولمه جدا .ومن اشد المعجبين بالست تحيه كاريوكا والست نعيمه عاكف والست ام تامر ...بصراحه انا بحب الفرح لما يكون فيه عولمه ...الزق جنب المسرح ..واى نقطه طايره كده ولا كده القطها ..بصراحه كل فرح فيه عولمه بيطلعلى كام جند
هو انت بتبقى ماسك النقطة ولا ايه
انا قاعد مستنى فرنسا بصراحة
تشوف حل فى الموضوع ده
على فكرة انت مشكلة والله
انا مش عارف امسك نفسى من الضحك
روح يا شيخ وتعالى بسرعة
لا بجد انت فاكهة المدونين والله
بمووووت فيك يا جدع
بجد مالكيش حل
ربنا يكرمك ويسعدك دايما
تحياتى وحبى
الحمد لله جيت بدرى الحقلى حته بقى اقعد فيها
اهى دى البرامج ولا بلاش اللى تروق المخ وتجلى الصدر ولا اللبان الدكر
مش تقولى فكر وثقافه وكلام مياكلش عيش
هى دى الثقافه على اصولها وهو ده الفكر الجديد اللى هينقلنا نقله حضارية كبيرة بس شكلها هتكون على نقاله
تانى مرة ابقى اعمل الحلم بتايمر علشان تظبطه وتصحى بعد الفلوس ما تدخل جيبك
سلام يا رايق
لااااااااا بجد انت غلطان خلى بالك بعد كده انت نسيت تحسب للراجل الزيت ولو كاوتش ضرب هههههههه بقولك ايه تيجي اوصلك انا واخد الف بس ههههههه انت لقطه فى الحساب هى 3X4 بكام هههههههههههههه
و الله يا رايق انت اخرك تطلع فى الكاميرا الخفية
مش لما تحلم يا رايق تحلم بحاجة معقولة ؟
2500 جند مرة واحدة ؟
بس عارف تلات اجوبة عندك حكاية
الفنيكية - العولمة - الوحدة الاتوبيسية
ابقى اتغطى يا راااااايق :))
ههههههههههههههههههههههههههههههه
فضحتنا
فضحتنا
الحمد لله انه كان حلم
كان زمان سيرتنا دلوقت على كل لسان
ههههههههههههههههههههههه
بس مقولتلناش خدت الدكتوراهات دى كلها فى ايه ؟؟؟
والتاكسى يقولك 500 تديله 2000 ياريتك ما حسبتها ههههههههههه
دمت مبدعا وباسما أخى الفاضل
سالى
ههههه
طب كويس و لله
اللى بتعمله فى الناس بيخلصه منك الرايق الصغير و سواق البيجو
و جايزة نوفل مرة واحدة
الحمدلل
لا اشتغلت مذيعة و لا مخرجة و لا معدة برامج
و الا كنا هنخسر بعض
و مسز رايق دى جدعة و الله
دايما تصحيك فى التوقيت المناسب
كل حلم و انت طيب
ههههههههههههههه
مش ممكن يا رايق إنت بجد رهيب
حتى فى الحلم يا راجل جبت للمخرج إنهيار عصبى .. أمال لو كان حقيقة كنت هتعمل إيه؟؟
وجايزة نوبل كمان .. طيب على إيه .. على قعدتك على السلم
لا إنت متألق يا رايق وكل بوست بتتألق أكتر
ربنا يوفقك وعقبال ما تعملنا حضارة عظيمة زى الحضارة الفينيكية بالضبط
بس إلحق إعملها قبل ما الفنيك يغلى
دكاترة رايق .. كان هيبقى شرف عولمي للامة الاتوبيسية كلها انك تنور التليفزيون وفي ايدك جايزة موبيل للفرع اللي يعجبك
ربنا يصبرك يا مسز رايق
نو
نو
نو
انا التعليق رقم 13
انا مش بحب الرقم ده
انا حروح و ارجع تاني
ايون كده تمام 14 احسن من 13 و اكتر كمااان اكتب التعليق بقى
هههههههههههههه
هههههههههههههههه
هههههههههههههههههه
هههههههههه
إيه بس هوه كده مسخسخه على روحي من الضحك
إيه بتقول ايه؟
كنت سخسخت فى التعليق 13 و خلاااص
نو ...نو...يا دكاترة...رقم 13 رقم نحس...مش عارفه ليه؟
بس انا قلت لو سخسخت فى التعليق 13 و هو نحس يمكن ملاقيش حد يفوقني.....
قلت اسيبه و ادخل على 14 اسخسخ براحتي
هههههههههههههه
صح النوم
و قلتلك مليون مره اتغطى و انت نااااايم
هههههههههههههه
بس حلوة حته العولمه و الفنيك... الصراحه البوست كله
تديهونى و اسيبك تنام شوية تحط الفلوس ف جيبك
هههههههههههههههههه
ههههههههههههههههههههه
مبروووووووك
ههههههههههههههههه
مش تقول ياعم نخش في مداخلة ولا حاجة
اهه نعمل منظر في الحلم يعني
ههههههههههههه
هههههههههههههههه
لاااااااااااااا
جامده يا عبده باشا
جامده دااااااااا
بقى اسمها موبل وهتستلمها من السويس
ههههههه
ولا كله كوم وام تامر كوم تانى
وانا اقول اول متشوف عولمه بتسيب مسز رايق وتروح تلزق جمب المسرح ليه
اتارى فيها سبوبه
لا بجد تحفه يا عبده باشا
تحياتى وسلاماتى
:))))))))
مستر عبده بيه الرايق
انا فخورة جدا اني من السويس وسعيدة اني هقدر احضر الحفلة بتاعة الجايزة طبعا
وايه المخرج اللي مش فاهم حاجة ده
مخرجين اخر زمن
معلش بقي انت الكبير
لو رحت الحلم تاني تستلم الجايزة ابقي بلغني
تحياتي
هههههههههههه
ايه خفة الدم دي كلها
المدون جميلة و انا سعيد جدا برؤيتها و بمطالعتها
شكرا لك
عبده
من فضلك فتش مسز رايق اخذت منك الفلوس وبعدين صحتك انا عارف الحركات دى كويس جدا
جميل بجد
عسسسسسسسسسسسسسسل
الحلقة دي عسل يا باشا
بصراحة المخرج ده حيجيلو نزيف في المخ زي بتاع يوسف شاهين من اللي انت عملته فيه بس الحمد لله انه طلع في الاخر حلم والا كانت حتبقي كارثة وبعدين العربية من السويس للقاهرة غالية ليه كدة ؟؟
هههههههههههههههههههههههههههههههه
كويس انه طلع حلم
ده لو كان علم كان زمان المخرج في العباسية بيصيف
همس الاحباب
حبيب قلبى خالوووووووووووووود
تكسب معانا البريمو
الجايزه الكبرى
تكسب 9900 جند
ابعت بقى 100 جند علشان ابعت لك العشر تلاف مقفولين
همس الاحباب
المخرج ده فالصو يا خالد
مش مثقف خالص
انا بعرف اصقف احسن منه وبصقف كف سويسى كمان
همس الاحباب
اوعى تكون يا خالوووووووووووووود فاكرنى مبعرفشى فى الحساب
نو
نو
نو
انا حافظ جدول الضرب لغايه 3 فى 12
وبالاماره = 36
وهادخل من الاسبوع الجاى على جدول 4
دعواتك بقى يا خالووووووووووود
همس الاحباب
من القلب للقلب رسول يا خالد يا خويا
ربنا يحببنا فى بعض كمان وكمان ويؤاخينا على صراطه المستقيم
اللهم امين
اهو ده عيبه
هى دى
فعلا لازم اركب للحلم تايمر
ابوسعيد بتاع الغسالات جنبنا يركب تايمر صينى من الرخيص
واهو ينفع برضه
لكن التايمر ده اركبه على المخده ولا على نافوخى ؟؟؟؟؟؟
appy
ايه ؟ 4×3 بكام ؟؟؟
مانل لسه قايل لهمس الاحباب انى حافظ لغايه جدول 3 ×12
لسه الاسبوع الجاى هادخل على جدول 4
لكن اوعدك
فى خلال سنتين هاحفظ جدول 4 صم
قوس قزح
اتغطى فى الحر ده
دانا جسمى يتملى حمو النيل
لا ياستى انا احلم احسن
وبعدين انا مشفتش حاجه من ال 2500 جند
حاجات جوايا
يابوليييييييييييييييييس
يا حكووووووووووووووووووومه
يا عسسسسسسسسسسسسسسسسسسسسسسكرى
قفشت سالى جايه متنكره باسم حد تانى
امسك يا جدع
حلق يا جدع
تحيه من اخوكى الرايق
لاختى سالى
وعلى فكره احنا فى انتظار تدوينه ليكى ضاحكه ننشرها فى مدونه فرنسا والرايق
لو جاهزه ابعتيها على اميلى
او اميل فرنسا
فاتيما
برضه مسز رايق دى جدعه ؟؟؟؟؟؟؟
دى ضيعت على العبد لله 2500 جند
وانا كنت هاخدها فى رحله للمأذون لكن قلت يمكن اختها فاتيما تزعل بلاش اطلقها وفاتيما هتدفع ال 5000 جند اللى ضاعوا
انا قاعده مستنيه الرد على التعليق بتاعي
يالله علشان مستعجله اوي
فين العقد
maiosha
الحضاره الفينيكيه دلوقتى مالهاش لزمه
العلم تقدم
دلوقتى حضاره ايريل
انتى مسمعتيش الشعار الحضارى
ايريل ايريل ..هو هو
لا مش هو بتاعه الكلب
هو هو
غير هو هو
لان هو هو
تختلف كليا وجزريا عن هو هو
رغم ان هو هو
تتشابه فى المظهر مع هو هو
الا ان هو هو
تختلف فى الجوهرعن هو هو
Unique
مانا قولتلهم ميهمنيش
فرع دمياط معنديش مانع
فرع رشيد برضه شغال
اعمل ايه تااااااااااااااانى ؟؟؟
واحدة مفروسة
ههههههههههههههههه
مبتحبيش الرقم ده ؟؟؟؟؟؟
الكمبيوتر سجله خلاص يا حلوه
معندناش فصال
رقمك وانتى حره فيه
واحدة مفروسة
انا موافق
خدى البوست كله
ولو عايزه 4 او 5 بوستات معنديش مانع
بس تدفعى ال 2500 جند
وممكن تاخدى المدونه كلها وعليها مسز رايق هديه مع ضمان لمده 3 ايام
نونو
على ايه ؟؟؟؟؟؟
على الحلم ولا الفلوس اللى طارت
اكيد دى شماته
آفاق الحرية
مينفعشى مداخلات البرنامج مش على الهواء
لكن اول ما اطلع على الهواء
هاقولكم تتصلوا وانتوا عارفين بقى
الو
ممكن اكلم الدكاتره الرايق
انا افاق الحريه كنت تلميذ عندك فى الكليه يا دكاتره
وانا بقى ابص لك على الشاشه واقولك سورى انا ناسيك معرفكشى
shayma
طبعا سبوبه
وبعدين الناس دول بيشربوا ازايز الحاجه الساقعه ومش بيكملوها كلها
برضه بنبل ريقنا
وكام جند يغيروا خط سيرهم فى الطيران
برضه بنكسب
kochia
انا فى قمه السعاده انى عرفت ان انتى من السويس
كويس علشان لما ننزنق فى قرشين نكب على بعض
انا مزنوق تسلفينى
انتى مزنوقه معاكى ربنا
يعنى المركب تمشى
الف تحيه لبنت بلدى
وانا شرفنى انا ازور مدونتك
بس مفيش ليه عندك اكل وشرب ولحمه ووز وبط وفراخ وفيروز ؟؟؟؟؟؟؟؟
ahmed saker
انا الاسعد بوجودك هنا
وياريت تكون المدونه عند حسن ظنك
الف تحيه لك
الطائر الحزين
اذن
لايسلم الشرف الرفيع من الاذى
حتى يراق على جوانبه الدم
اين الساطور؟؟؟
اين الشومه؟؟؟
اين ديل الحدايه؟؟؟
اين ايد الهون؟؟؟
اين النبله ؟؟؟؟
ولا اقولك
ربنا على المفترى
tamer.sala7
العربيه غاليه علشان باربع كوتشات
كل فرده ب 500 جند
يعنى الراجل برضه مكارمنى
كتر خيره
عارف لو ماكانشى حلم
كنت رحت خدت الفلوس من حبابى عينيه
المـــفـــــــقــــــــوعـــــة مــرارتـهــا
خليه يصيف كهربا
بس انا حاسس انى معملتش معاه اى حاجه
حمدلله على السلامة
ايه النت كان فاصل ولا ايه
ولا مسز رايق سابتك نايم علشان تكمل الحلم وتاخذ 2500 جند
وبقى عايز 100 جند وتبعتلى 10000 مقفولين عيب ده احنا دفنينه سوا
اقولك ايه ابعت 9000 وخلى ال900 علشانك
ايه رايك كده اوفر صح
ههههههههه
تحياتى يا باشا
ههههههههههههههههههههههههههه
نفسى اعرف انت هتعيش ع الارض امتى بقى
محسسنى انك فى برج عاالى
والله عسل
وسكر كمان
عقبال ما يستضيفوك بجد وجداانى علشان يدوك الكاادر
تعالى عندى رديت عليك
وهسلفك بل همنحك........
نورتنى ياسى الرايق وابقى اغلط وكررها
بيس
هههههههههههههههه
ربنا يكرمك مستنى تدوينة ضاحكة ليا انا !!!!!!!
انا كبيرى أضحك معاكوا على المواضيع الجميلة اللى بتنزلوها
لكن أنزل أنا تدوينة ضاحكة
هو هو هووووووووووو
مش انااااااااااا
ههههههههههههههههههههههه
دى قدرات خاصة أنا مش أدها
ربنا يكرمكوا ويجازيكوا كل خير على البسمة اللى بتضيفوها لحياتنا
دمتم جميعا بكل الخير والصحة والسعادة
سالى
ههههههههههههههه
هههههههههههههههههههه
هههههههههههههههههههههههههههههه
ههههههههههههههههههههههههههههههههههه
معنديش تعليق غير كده
ههههههههههه
ههههههههههه
هو انت كمان طلعت بتحلم ياعبد
ههههههههه
الحمد لله واحد تانى اهوه بيحلم
مش انا بس
ماشاء الله انت عثل اوى ياعبد
دمك شرباااات
تحياتى
سنكرره
اصدقائى الأعزاء المدونين والمدونات
سيتم اذاعه الحلقة الخاصة بإجابة سؤال تبريد البروسيسور يوم الخميس الموافق 19/6
فى برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وسيتم اذاعه كومنتات
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
كما يمنكم سماع الحلقة بعد اذاعتها من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo
تمنياتنا بدوام التواصل
ههههههههههههههههههههههه
مستر عبدة...انت من السويس...لا يا راجل...
اجدع ناس يا عم دة انتو بلد الغريب
بجد رهيب اوى يا مستر عبدة حلمك دة..
وربنا يخليلك مسز عبدة
ههههههههههههههههههههههه
ههههههههههههههههههههههه
ههههههههههههههههه
ايه يادكاترة عبده الرايق
دكاترة ايه بس مش توضح
تحياتى لك
هوة حلو أن الواحد يحلم بمستقبله
بس العمليه بهوقت منك خاااااالص
ههههههه
جايزة نوبل مرة واحده
وتليفزيونات وحوارات
بس بجد تستاهلها
مدونتك تحفه بجد وأسلوبك مبسط ولطيف وجذاب جدا جدا
أنا أول زيارة ليك
بس أكيد من الاخيرة أن شاء الله
ربنا يحققلك أحلامك ياارب
اصدقائى الاعزاء
المدونين والمدونات
تمت اليوم اذاعه الحلقة الخاصة بسؤال تبريد البروسيسور
فى برنامجنا الاذاعى انت تسال والكميوتر يجيب الذى يذاع يوميا الساعه 9.10 صباحا ما عدا يوم الجمعه على اذاعه البرنامج العام
تم اذاعة كومنت
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من من خلال موقع البرنامج
http://dear.to/cairo
تمنياتنا بدوام التواصل
والله انا لو مكان المخرج
اعتزل المهنه اكرملي
وصاحب القناه يقفلها
ربنا يسترك يامسز رايق
للتلفزيون المصري
زفته
حبيب قلبى عبده بيه
انا منشكح جدا من الانبساط المتبسط فى الروحانيه الكوميديه التلقائيه
لو فاهم حاجه فهمنى الله يسترك
بجد تدوينة جامدة جدا
أنا اتكسفت لك وانا بقرأ الصراحة==> من كتر التفاعل مع الموقف
تحياتي.. يارايق
ههههههههه
فكرتنى ببرنامج"حيلهم بينهم" بس المذيع هو اللى كان قايم بدورك
طيب لما اجى هقعد فين وايه الى عملتو فى المزيعه دى انا لو مزيع هولع فى البرنامج كلوووووههههههههههه جميل اوى يمان
ههههههههههههههههههههههههههههههه
من هنا للصبح بجد
ان قالو عليا فى البيت اتجنن من كتر الضحك اللى ضحكته
ههههههههههههههههههه
انت بتحب العولمة والست ام تامر هههههههه
تسلم يااخف دم
همس الاحباب
برضه مش واثق فى اخوك الرايق ياخالد
على العموم انا زعلان لغايه لما تبعت الامانه
دعاء مواجهات
انا هامشى على الارض ؟؟؟
ليه امال الهليكوبتر اللى دافع فيها الشىء الفلانى دى ليه ؟؟؟
حاجات جوايا
ربنا يكرمك يا سالى ويوفقك
قصدى يا حاجات جوايا
قصدى يا سالى
قصدى لخبطينى
مش عارف اركز
معكيش 100 جند سلف يمكن اعرف اركز ؟
mayada
هو ده شويه ؟؟؟؟؟؟؟
انا فرحان انى بضحكك
ربنا يسعدك كمان وكمان
(احمد سكر )
احمد باشا جه من غير الهدايا
ده تانى مره تعملها يابو حميد
على العموم
انا ممستنى تروح باريس
محتاج اربع عربيات مترو
علشان اشغلهم فى السويس
Desert cat
ماخسرنا يا قطه
وضاع علينا الكوتشى اللى بينور
.:.-=- ELGaZaLy-=-.:.
تحيه لك من كل شعب السويس بلد الغريب
نورتنى جدا
رئـــــيسـة حزب الأحلام
ملقتش مكان اكمل فيه كتابه
سوسا ومودى
مع انكم اتنين
يعنى هتكلفونى فى الزياره مشروبين
وانا لما ازوركم هاشرب مشروب واحد
لكن ملحوقه
اطلب شاى وحاجه ساقغه واخلبطهم على بعض
Desert cat
تعبينك معانا يا قطه
شكرا لكى
زفته
هو المخرج لما كان بيتنرفز كان بيقول جاجه زى اسمك كده
مع الاحترام الكامل ليكى
بس الاسم ده مجننى
غير معرف
ولا حاجه
القلم السكندري
تحياتى لك
وانا مبسوط من انفعالك جدا جدا
موناليزا
برنامج جميل
ياريت نوصل لربع البرامج الجميله دى
ادم المصرى
لا تولع ولا حاجه
الناس قفلوها من سكات وروحوا
تحياتى لك
مدحت محمد
اكيد طبعا بما انك من السويس
لو كنت كبير شويه هتفتكر ام تامر
والشيخ رجب والحاجه سماسم
تحياتى لاخى السويسى مدحت
الأخت العزيزه فرنسا
تحيه طيبه وشكرا على كلمتك الرقيقه ...طبعا رقيقه يارايق ...ونتمنى ان نرى كل الأحبه زوار هذه المدونه المبهجه عندنا فى مدونة البرنامج ليجيبوا على ما نطرحه من اسئله او يروون لنا عن الأنترنت فى حياتهم ...لتذيع حكاياتهم واحاباتهم...نرجوا ان نراكم جميعا فى مدونتنا مع حبيب الملايين -ملايين البشر وليس الجنيهات-عبده الرايق ...وكدونتنا عنوانها سهل وطبعا اللى يسأل مايتهوش وطبعا الرايق مألقوش ان فيه اوتوبيسات مكيفه من جميع المحافظات للمدونه وعنوانها هو
http://netonradio.blogspot.com
مبدئيا كده
مدونتك م المدونات اللى كنت مفتقداها جدااااااااا
يارب تكون بخير وميسز رايق وسقراطه الجديده دى
هههههههههههههههههههه
ويارب تكون الحاله الماديه اتحسنت
علشان مش كل شويه بقى نسلفك
خمسين قرش ف خمسين قرش
الواحد برده محتاج يبدا يحوش
علشان يفتح العياده
إرسال تعليق