السبت، 21 يونيو 2008

سقراطه ...مريضه


مسز رايق :- ازيك يانعمه ياختى الف الف سلامه عليكى ..هو انا اقوم انتى تتعبى ؟؟؟

سقراطه :- الله يسلمك ياختى برضه تعبتى نفسك وجيتى انتى والرايق ؟؟؟؟؟

الرايق :- هااااااااااى سقراطه ....متتصوريش انا فرحت قد ايه ؟؟؟...قصدى زعلت قد ايه لما عرفت ان انتى بتودعى ....هو الدكتور قالك فاضل كام يوم ؟؟؟؟

مسز رايق :- حرام عليك يارايق ..فال الله ولا فالك .. برضه ده وقت هزار ومناكفه ؟؟؟

الرايق :- مش انتى يا وليه قولتى عايزين نزور اختى سقراطه علشان عيانه قوى ومبتتحركشى من مكانها ؟؟؟

سقراطه :- برضه فيك خير يا رايق ...دول بس شويه برد

الرايق :- وات ؟؟؟....شويه برد فى الصيف ؟؟؟...انتى معندكيش بوصله ولا ايه ؟؟؟..فى حد فى الدنيا ياخد برد فى الصيف .؟؟؟...ممكن معلشى تقولى شويه حر

سقراطه :- هو البرد له موسم ؟؟؟ انا اخدت دور برد من المروحه

الرايق :- ههههههههه ....بتهزرى ؟؟؟...طبعا شكلك بتهزرى ...اول مره فى حياتى اشوف مروحه بتعدى انسان ...انت بوستيها ؟؟؟...ولا شربتى من كوبايه المروحه شربت منها ؟؟؟...ولا اكلتى بمعلقتها ؟؟؟

سقراطه :- لأ ظريف ....ههههههههه.......انت جاى لوحدك ولا جاى مع الماما ؟؟؟؟...مش بقولك ظريف يا مضروب وبكره لما تكبر هتبقى ظرف ...ونرميك فى صندوق البوسته ...ونلزق على قفاك طابع ...ونكتب على ضهرك شكرا لساعى البريد ...وكل ما واحد يستلمك يقطعك

الرايق :- حتى وانتى بتحتضرى لسانك طويل ...ماتيبجى اقصهولك احسن تفيصى وانتى مش حالقه لسانك.
ورينى ايدك اكشف عليكى

سقراطه :- لا يا خويا متشكرين افضالك انا كاشفه عند الدكتور وجايبه علاج ومش محتاجه لكشف سعادتك ...نقطنا انت بسكاتك احسن

الرايق :- نقطه ؟؟؟؟؟....ليه انتى ولدتى ولا ايه ؟؟؟....هو الزياره عندكم بنقطه ؟؟؟؟...هو انا جاى ازورك فى فرح بعوالم ولا ايه ؟؟؟؟
هاتى ايدك بلاش تخاريف ولعب عيال

مسز رايق :- ماتسيبها يارايق فى حالها البنيه تعبانه حرام عليك

الرايق :- شط اب يور ماوس ....امال انا جاى وخابط المشوار ده كله وجايب معايا كيلو وربع تفاح وفى الاخر ماكشفشى على المريضه
نو
نو
نو
انا لازم اقوم بواجبى ...هاتى ايدك ...اول القصيده اهه ...مش قصه ليه ضوافرك ؟؟؟؟.....عايزك تجوابى عليا بسرعه ومن غير ما تفكرى وانتى مغمضه عنيكى....6787 ×778 +987654 × 67654 - 7632 = كام ؟؟؟؟

سقراطه :- انت هتهزر ؟؟؟سيب ايدى

الرايق :- طبعا مش عارفه ....لا اله الا الله .....الحاله متأخره خالص ..هسألك سؤال تانى ..لو جاوبتى عليه ممكن يكون فيه امل ...لكن لو مقدرتيش هنضطر نعملك عمليه

سقراطه :- معاك للصبح يا رايق ...اسأل

الرايق :- فى عام 1942 اى قبل انتهاء الحرب العالميه ب 3 سنين كانت هناك معارك منتشره فى انحاء العالم ومنها باريس ..السؤال بقى بيقول فى يوم 26 مارس من نفس العام دارت معركه قتل فيها جندى فرنسى وكانت معه محفظه بها عده صور
1 - كم صوره كانت فى المحفظه ؟؟؟
2 - لمن كانت تلك الصور اذكرى الاسماء ثلاثيه ؟؟؟

سقراطه :- ههههههه ...مش بقولك دمك يلطش ...مش عارفه

الرايق :- ايييييييييييييييييييه دنيا ....احنا عملنا اللى علينا والباقى على ربنا....للاسف يا جماعه ...احنا مضطرين نغير المخ ...وننفخ الرئتين ...ونبدل تروس القلب ...ونغير المعده والامعاء والكبد ...وربنا يستر

مسز رايق :- ياراجل اتقى الله حرام عليك انت ايه ..كل حاجه واخدها هزار كده ؟؟؟

الرايق :- هو انا لو كنت بهزر كنت جبت التفاح وركبت مواصلات وجيت على هنا ؟؟؟؟

سقراطه :- اه تفاح و مواصلات ؟؟؟؟....بقولك ايه يا رايق خد يا خويا ال 50 جنيه دى حوشهالى معاك هاخدها منك بعد 100 سنه لو عشنا ..وممكن تصرفها دلوقتى براحتك

الرايق :- ماشى وانا موافق ...بس ده حق نفخ الرئتين فين الباقى .؟؟؟؟؟؟؟؟؟؟؟

هناك 53 تعليقًا:

بطوط حبوب يقول...

ههههههههههههههه
والله سقراطه دى عسل

بس انت شكلك كنت يتتلكك عشان تمسك ايديها
القط بيحب خناقه

رئـــــيسـة حزب الأحلام يقول...

ههههههههههههههههه
ليه كدة الست عيانه حرام عليك
انت بعد كدة ماتزرهاش وهى عيانة
تحياتى لك

همس الاحباب يقول...

ههههههههههههههههه
صباح الفل يا باشا
وصلك 2000 جند تمن الاعلان ولا لسه
انا بعتهم على طايرة ورق من اسبوع كده اكيد لسه ما وصلوش
بس معلش زمانهم فى الطريق انت عارف ازمة المواصلات والرياح العكسية

همس الاحباب يقول...

اه نسيت اقولك
الف سلامة على سقراطه
والله زعلت بجد هى صحيح بتظبطك
بس برده حرام
وزعلان اكتر على كيلو وربع تفاح
بس هما ليه كيلو وربع يا رايق
وعامل فيها دكتور
وفى الاخر 50 جند .
نو
نو
نو
انت مش ممكن تقبل اقل من 500 جم فى الكشف يا راجل انت علامة
انت الدكاترة / عبده باشا الرايق
وبعدين سقراطة ازاى تبوس المروحة
مش تقولها فيه فيروس فى الجو

همس الاحباب يقول...

انت جاى لوحدك ولا جاى مع الماما ؟؟؟؟...مش بقولك ظريف يا مضروب وبكره لما تكبر هتبقى ظرف ...ونرميك فى صندوق البوسته ...ونلزق على قفاك طابع ...ونكتب على ضهرك شكرا لساعى البريد ...وكل ما واحد يستلمك يقطعك
ههههههههههههه
لا بجد البت سقراطة مظبطاك حتى وهى تعبانة
انت عارف انا لو حد قلى كده اعمل ايه
اقوله ربنا يسامحك
هههههههههههه

Mafrousa يقول...

ههههههههههههه
اتلزقت على قفاك ورقة بوسته ههههههههههه
ويختمو على قورتك ختم الصادر
ههههههههه
وبعدين ايه المسأله السهله ديه
الحل:424051205128
لو عاوز تتأكد استعمل سلالم المصلحه فى العد
ههههههههههههه

الطائر الحزين يقول...

بقول لك انا معاكى منفاخ بتاع عم الجزيرى العجلاتى لو حبيت تنفخ رئة ابقى أخد خمسين وانت الخمسين التانية

مش عاوزين حمرقه
علشان متبقاش حمراقوتى

2ensan wnsan يقول...

ههههههههههههههههههههههههه

يا حول الله سقراطه خلاص هتموت لا حول ولا قوة الا بالله باست المروحه واتعدت

يللا بقى المفروض المروحه دي تتبتر من السقف وتتنقل على بيت الرايق عشان ما تعديش حد تاني ولا ايه يا رايق

سلام

Empress appy يقول...

حرام عليك بجد انت كده هتجيب لها شلل فى ودنها من اللى بتعمله هههههههههههههه

kochia يقول...

بصراحة المرة دي انا معجبة بسقراطة دي اوي
حاسة انها عرفت ترد عليك كمان يجب
وعجبني كمان موضوع الظرف .. اظن وضبتك تمام
الظاهر هي بتتالق وهي عيانة
مش هتعدي تشوف الحلقة التانية من مذكرات نتاوي
عاوزة اعرف رايك بقي

تحياتي

آفاق الحرية يقول...

من الاخر كده انت كنت منمر علي الخمسين جنيه يارايق
صح؟؟؟
يلا ياعم حلال عليك

Asmaa mahaba يقول...

ههههههه
اتقى الله يا رايق المره دى هى تعبانه انت بكرا تعبان وعلى الباغى تدور الدوائر
تحياتى ليك سومه_87

المـــفـــــــقــــــــوعـــــة مــرارتـهــا يقول...

باين عليك سرك باتع
عييت الست مراتك وعييت أختها
واضح انك حامل في المرض ومش واخد بالك
عندي سؤال لو عرفته تبقي سليم ولو ماعرفتهوش تبقي عيان وانت اللي جايب لهم الكافية
من هو الراجل اللي شال اللوز لرمسيس
بلاش ده
فيه سؤال أسهل
ماأسم الداية إللي ولدت حتشبسوت في بنتها مريت
خللي بالك بقي من السؤال ده
من هو المدون إللي هايدخل السجن لأنه عليه خمس شيكات من غير رصيد

Unknown يقول...

بجد بجد مش معقووووووووووووووول تحفة والله تجنن تهوس ربنا يكرمك

غير معرف يقول...

ههههههههههههه
بقى ناوى تعملها عمرة وتغيرلها القلب وتنفخ الرئتين
هههههههههه
انت بتكلم عربيه ولا ايه

بس خف عليها شويه لحسن دى عيانه ودعوة المريض مجابه

سلامى
:))

Unknown يقول...

أولا أحب احييك على المدونة الرائعة
ثانيا أنا ندمان غنى مزرتش المدونة الجميلة دى اللى تخرج الواحد من جو الكآبة اللى عايشه، وتأخرى فى زيارتك ناتج عن انشغالى بشغلى ودراستى
بجد مدونة جميلة ورائعة واعتبرنى من زوارك الدايمين يا رايق
سيبلى فرصة بقى أقرأ البوستات اللى أقدر عليها
تحياتى

اهو ده عيبه يقول...

يعنى واخرتها مش ناوى تسيب الست فى حالها
لازم يعنى تشترى سكاتك ب50 جند

روح زورها مرتين تلاته كمان يمكن تطلعلك بمبلغ كويس

مهو برضه زيارة المريض واجب وانت سيد من يعمل الواجب

الطائر الحزين يقول...

أخى الحبيب عبده الرايق
ما كان لى أن ارد دعوة لك
وشكرا لتوسمك فى شىء قد لا أجده فى نفسى

انا قبلت الدعوة وكنت مجهز تدوينة ونشرتها

(ينفع انقلها هناك ولا التدوينات لا تتكرر!!!!)

حنين القلب يقول...

والله انت عسل يا رايق ده انت بهدلت الست خالص ايه اللى هتغيره ده كله وبعدين يا رايق احنا مش قولنا مليون مرة بلاش تاريخ حرب عالميه ايه اللى سنه 1942هو مفيش فايده فيك ابدا
وبعدين انت طبعا ارتحت لما اخدت ال 50 جند انا عارفه كنت ولا هتنام ولا هتاكل مسز رايق لو كنت مش اخدتهم الحمد لله انك اخدتهم
ربنا يكرمك يا رايق ضحكتنى بقالى اكتر من 9 ايام مش ضحكت
سلام يا روقه

Mafrousa يقول...

انت فين؟؟؟؟
المدونه دمها تقيل من غيرك

المـــفـــــــقــــــــوعـــــة مــرارتـهــا يقول...

انت ياعم انت
انا نزلت بوست جديد في الدرافت بتاع مدونة الضاحكون
روح اقراه وظبطه لو محتاج كلمة كدة ولا كلمة كدة

عاشــــــ النقاب ـقــــة"نونو" يقول...

هههههههههههههههههههه
الف سلامة عليها
فينك

دعاء مواجهات يقول...

اشوفك على خير

سلااام

لا اله الا الله

انت تسال والكمبيوتر يجيب يقول...

الأخ العزيز الرايق
تحيه من القلب
يسعدنا ان نخبرك باننا قررنا اعطائك فرصه اخرى للفوز بالربع مليون يورو اذا تمكنت من الأجابه على سؤال جديد بسيط للغايه فى مدونتنا
http://netonradio.blogspot.com
وسوف نعلن ذلك فى حلقة الأحد29 اظهارا لجدية العرض ....فنرجوا عدم التحلف والتواجد قبل الموعد بوقت كاف
مع تمنياتا لك بكل التوفيق وسلامنا لكل فرد فى عائلة الرايقين واذا حبيت ممكن ارسال سياره خاصه بحرس خصوصى لأنتقالك الى الكىبورد وبكده توفر اجرة التاكسى وتشترى بيها الكوتشى اللى بينور
يلا ياعم مين قدك

ريمان يقول...

ههههههههه

ايه الكلام الجميل ده

المدونه دى ظريفه جدا جدا

ما شاء الله

والله مدونه دمها خفيف اوى

تقبل مرورى

واحــ الفكر و القلم ــة يقول...

هههههههههههههههههههه
يا عينى يا سقراطه
وقعتى و محدش سمى عليكى
الدكاترة الرايق شخص حالتك بانك محتاجة
" نغير المخ ...وننفخ الرئتين ...ونبدل تروس القلب ...ونغير المعده والامعاء والكبد ...وربنا يستر "


وطبعا الدكاترة الرايق مش أى دكاترة ولا ممرضين يقدروا يكسروا كلمته


دى حالتك يعينى ميئوس منها

فرصة يا رايق تلملها تبرعات
هههههههههههههههههه
بفكرك اهه انا بس بحب أخدم


سالى

انت تسال والكمبيوتر يجيب يقول...

ايها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com
http://dear.to/cairo

27 يونيو, 2008 07:47 ص

Miss. Sosa يقول...

هههههههههه
والله يا رايق انت شخصية زي العسل
ده انا جبت اختي وقعدت تقرأ وتضحك
وبكرة هجيب ماما وبابا وهفرج عليك خلقه هههههه قصدى هفرجهم على المدونة

بس سقراطة ظبطتك جامد وافحمتك ههههه

Desert cat يقول...

اصدقائى الأعزاء المدونين والمدونات
تمت اليوم إذاعة الحلقة الثانية الخاصة بالربوت فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحاً ما عدا يوم الجمعه
وتضمنت الحلقة الثانية اليوم إذاعة كومنتات
سلوى ( رئيسة حزب الاحلام )
عبده الرايق
تامر نبيل
أيوية
هانى ميشيل
عبدالله
ميسوسوب
مدحت محمد
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo

تمنياتنا بدوام التواصل

Desert cat يقول...

اصدقائى الأعزاء المدونين والمدونات
تمت اليوم إذاعة آخر الإجابات التى وردت على سؤال تبريد البروسيسور فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحاً ما عدا يوم الجمعه
وتضمنت الحلقة إجابات
إنجى البوهى
عبده الرايق
Miss Saso
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo

تمنياتنا بدوام التواصل

أم أحمد المصرية يقول...

يا سلام شوف بقي لي زمان ما زرتكش هنا بزورك في المدونة المشتركة و يوم ما اجي الاقيك قابض 50 جنيه غير ال2000 اللي باعتهم خالد ثمن الاعلان يا ما انت كريم يارب طيب فوت لي بقي الف جنيه علي الماشي انت عارف الصيف و مصاريفه و حسددهم لك يوم ما ترجع ال 50 جنيه لسقراطة
اعتبر ده وعد

Doba يقول...

منشششششششششاااااااااااار
انت منشار
طالع واكل
نازل واكل

بلاعة فلوس يا ولاد
منتش عاوز مساعد ولا حاجة

فى الانتظار
سلام

Desert cat يقول...

اصدقائى الأعزاء المدونين والمدونات
غداً 2/7 يتم إذاعة إجاباتكم على سؤال الإختراعات
فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحا على إذاعة البرنامج العام ما عدا يوم الجمعة
وسيذاع اجابات كل من
سلوى سمير ( رئيسة حزب الأحلام )
محمد الكومى
انجى البوهى
ميسوسوب
روفى
عبده الرايق
تمنياتنا بدوام التواصل

انت تسال والكمبيوتر يجيب يقول...

الرايق غدا الأربعاء 2-7 يعقد مؤتمرا صحفياالساعه التاسعه وعشر دقائق صباحا وهو مذاع على أذاعة مصر الرئيسيه ويعلن فى المؤتمر توصله لأختراع عجيب يقضى على مشاكل نقص المال فى ايدى الكثير من الناس نهائيا
التفاصيل وكيفية الستماع لمن هم خارج القاهره يكون من خلال رابط فى موقعنا
http://dear.to/cairo
وسيتم تسجيل المؤتمر ويذاع بعد ذك فى ارشيف مدونتنا
http://netonradio.blogspot.com

ابو درويش يقول...

دى اول زياره ليى
مدونه جميله ودمها زى الشربات
ارجو لك التوفيى
السلام عليكم
تحياتى
من ابودرويش

انت تسال والكمبيوتر يجيب يقول...

المؤتمر الصحفى الذى عقده احوكم لواء دكتور محافظ امين شرطه عبده الرايق البوم صباحا فى تمام التاسعه وعشر دقائق واذيع على الهواء مباشرة على موجات اذاعة مصر الرئيسيه واعلن فيه اكتشافه الجديد للقضاء على نقص المال فى ايدى الكثيرين من ابناء الشعب ...هذا المؤتمر قد احدث ردود افعال عالميه واسعة النطاق وترجم الى كثير من لغات العالم كان آخرها لغة زيمبابوى ...ومن فاته الأستماع يمكنه الأستماع الى المؤتمر وتصريحات العلامه الدكتور لواء امين شرطه محافظ عبده الرايق فى مدونتنا او موقعنا وهما كالتالى
http://netonradio.blogspot.com
http://dear.to/cairo
والتسجيل موجود فى الأرشيف حلقة 2-7-2008

انت تسال والكمبيوتر يجيب يقول...

المؤتمر الصحفى الذى عقده احوكم لواء دكتور محافظ امين شرطه عبده الرايق البوم صباحا فى تمام التاسعه وعشر دقائق واذيع على الهواء مباشرة على موجات اذاعة مصر الرئيسيه واعلن فيه اكتشافه الجديد للقضاء على نقص المال فى ايدى الكثيرين من ابناء الشعب ...هذا المؤتمر قد احدث ردود افعال عالميه واسعة النطاق وترجم الى كثير من لغات العالم كان آخرها لغة زيمبابوى ...ومن فاته الأستماع يمكنه الأستماع الى المؤتمر وتصريحات العلامه الدكتور لواء امين شرطه محافظ عبده الرايق فى مدونتنا او موقعنا وهما كالتالى
http://netonradio.blogspot.com
http://dear.to/cairo
والتسجيل موجود فى الأرشيف حلقة 2-7-2008

نوري يقول...

ده انت رايق ياعم الرايق
بس ده انت شرحت الوليه خالص
الا قولي عقل صوابع ايديهامش عايزين يقلو شويه اصلهم كتير قوي هي مش هتحتاج الـ30 كلهم فممكن نشيل منهم 10وكفايه عليها الباقي
واحنا طبعا مش هنثق في حد غيرك يقوم بالمهمه دي
فيلا بقي شد حيلك معانا

وبست وشز فور هير

انين الحزن يقول...

بابا عبده

وااااااااااااحشني اوي انا بوصلك السلام مع خالد بيقولك ولا لاءه

مبروك المدونه الجديده اكيد هتكون جامده

هو كيلو وربع تفاح طلع كام تفاحه؟؟

سلامووووووز
وزة

dina seliman يقول...

ههههههههه
صدق اللى سماك رايق
ربنا مايحرمك من روقان البال


جميله جدا
اول زياره ولن تكون الاخيره

. يقول...

i am new in blogging world
this my blog
http://aliaawwe.blogspot.com
waiting for your comments
thanks

المـــفـــــــقــــــــوعـــــة مــرارتـهــا يقول...

انت بطلت تكتب هنا ليه
لازم ترجع تكتب وماتنساش مدونتك
لانها هايبقي ليها شأن كبير جدا
وبكرة تقول البت سوسو قالت

عبده الرايق يقول...

بطوط حبوب
لايا راجل مش للدرجه دى

عبده الرايق يقول...

رئـــــيسـة حزب الأحلام
ضحكوا عليا وقالولي عيانه قوى

عبده الرايق يقول...

همس الاحباب
طياره ورق ؟؟؟؟؟؟
ربنا يستر من البوارج الامريكيه

عبده الرايق يقول...

همس الاحباب
تعمل ايه بقى طفاسه

عبده الرايق يقول...

همس الاحباب
شهم قوى يا ابو الشباب
تقوله ربنا يسامحك ؟؟؟؟؟؟؟؟
ههههههههههههههه

عبده الرايق يقول...

واحدة مفروسة
ههههههههههههه
انا برضه قولت مفيش الا مفروسه هى اللى هتجيب الديل من ديبه

عبده الرايق يقول...

الطائر الحزين
تسلم يا طائر
ابعت انت المنفاخ ومتقلقشى من ناحيه التقسيم

عبده الرايق يقول...

ياريت كانت مروحه سقف
نو
نو
نو
دى مروحه عربيه

عبده الرايق يقول...

appy
هى لسه مجلهاش
ماهى عامله نفسها مش سامعه اهى

عبده الرايق يقول...

kochia
اه جيتى مع سقراطه يا كوشا
طيب
دا احنا حتى ولاد بلد واحده

انت تسال والكمبيوتر يجيب يقول...

الأخت العزيزه فرنسا
تحيه طيبه وشكرا على كلمتك الرقيقه ...طبعا رقيقه يارايق ...ونتمنى ان نرى كل الأحبه زوار هذه المدونه المبهجه عندنا فى مدونة البرنامج ليجيبوا على ما نطرحه من اسئله او يروون لنا عن الأنترنت فى حياتهم ...لتذيع حكاياتهم واحاباتهم...نرجوا ان نراكم جميعا فى مدونتنا مع حبيب الملايين -ملايين البشر وليس الجنيهات-عبده الرايق ...وكدونتنا عنوانها سهل وطبعا اللى يسأل مايتهوش وطبعا الرايق مألقوش ان فيه اوتوبيسات مكيفه من جميع المحافظات للمدونه وعنوانها هو
http://netonradio.blogspot.com