الأربعاء، 9 يوليو 2008

شيكات ...نو نو نو


ترررررررن ....تررررررررررررن ...ترررررررررن

الرايق :- الو

صوت :- الو السلامه عليكم ...معايا استاذ عبده الرايق

الرايق :- وعليكم السلام ...استاذ مين ؟؟ انتى اتعميت ولا ايه ؟؟؟ مش شايفنى فى السماعه ؟؟؟ ... معاك الدكاتره عبده باشا الرايق

صوت :- انا بكلم حضرتك يا دكاتره بخصوص الشيك

الرايق :- نو نو نو انا الدكاتره عبده الرايق لايمكن اقبل ابدا شيكات ...انا عايز الجايزه كاش مانى ..وتكون فلوس مش معلمه ..انا لايمكن ارضى ابدا بالشيكات حتى لو اتلمت السويد كلها برجالتها ونسوانها وعيالها .. انا دونت موافق

صوت :- يا دكاتره اسمعنى ارجوك

الرايق :- نو نو نو انا مش هاسمعك ومتضيعشى وقتى مع السلامه

سقراطه :- مين ده يا رايق ؟؟؟

الرايق :- اه ..هنا بقى وتعملى نفسك قريبه فريد الاطرش ...وتعملى نفسك مش سامعه حاجه

سقراطه :- انا سمعاك بتقول شيك والجايزه والسويد ..فى ايه يارايق ؟؟؟؟

مسز رايق :- ايه يا عبده الحكايه ياخويا فى ايه ؟؟؟؟

الرايق :- الجماعه بتوع جايزه موبيل عايزين يدونى الجايزه بالشيكات ....وانا قولتلهم نو نو نو... انا لايمكن اعمل زى البشر التانيه واقبل شيكات ..لازم كاش مانى يا اما بلاش

سقراطه :- طيب ليه ؟؟؟وبأماره ايه ؟؟؟وعلشان ايه ؟؟؟

الرايق :- طول عمر لسانك طويل يا سقرووووطه ... وادى السويد كلها بتحفى ورايا علشان يدونى الجايزه وانا مش موافق ...انا داخل المكتبه بتاعتى اطالع الكتب الثقافيه ..انا مش هضيع وقتى معاكم ...ابقى زروينا بعد كام الف سنه ياسقراطه ....سلالالالالالالام

سقراطه :- هو ايه الحكايه ياختى الرايق جوزك بقى مثقف وهياخد جايزه نوبل ؟؟؟؟؟

مسز رايق :- مثقف مين يا نعمه ..انتى بتصدقى ؟؟؟ قال مثقف قال ..بلا نيله

سقراطه :- ماهو بيقول انه داخل المكتبه بتاعته

مسز رايق :- مكتبه ايه يا حسره ...ده عامل صندوق قديم مكتبه وحاطط فيه كام مجله من بتوع سمير وميكى وبطوط وكتب المدرسه بتاعه العيال وكرارسهم القديمه ...وكل شويه يقعد يقراء فيهم

سقراطه :- امال ايه حكايه الجايزه دى ؟؟؟....الكلام فعلا قدامنا اهه

مسز رايق :- والله مانا عارفه بقى ...يمكن يكونوا اتهبلوا ولا حاجه هما كمان

ترررررررررررررررن ......ترررررررررررن ...ترررررررررررررن

الرايق :- انا جاى اوعوا حد يرد ..الجماعه دول مش ناويين يجيبوها البر ....الو

صوت :- الو يا دكاتره

الرايق :- انت تانى يا بتاع الشيك ؟؟؟

صوت :- ايوه يا دكاتره ..ياريت تسمعنى ومتقفلشى السكه

الرايق :- اخر كلام عندى ...الجايزه تيجى فلوس مش متعلمه ..وميعاد التسليم الساعه واحده بالليل بعد كمين الكيلو 109 طريق القاهره - السويس وياريت متبلغوش البوليس ..مع السلامه

سقراطه :- نهارك زفت يارايق بوليس ايه ؟؟؟؟؟

الرايق :- مش هما بيقولوا كده فى الافلام ؟؟؟ انا عملت زى الافلام ...واطلعى انتى منها يا ام السقاريط

سقراطه :- طيب يا اخويا خلى المتكلم عاقل والمستمع مجنون ...انا عايزه اعرف هيدوك جايزه نوبل على ايه ؟؟؟؟

الرايق :- يا متخلفه ياللى شبه اختك مسز رايق ....هيدونى جايزه نوبل عن علمى الكبير

سقراطه :- فى ايه ؟؟؟؟؟؟؟؟ ماتخلى الطابق مستور احسن

الرايق :- بصى يا سقراطه انا اتعمل عليا 140 الف بحث عالمى واكدت اللجنه انى استحق الجايزه عن جداره

سقراطه :- ومين بشرك بقى بالخبر الحلو ده ؟؟؟؟

الرايق :- العلامه الكبير الواد حسن باشا الفراش ...وكمان قالى انهم قعدوا يصقفوا للرايق وانجازاته 4 ايام بلياليهم

سقراطه :- وانت مصدقه ؟؟؟؟؟؟؟

الرايق :- ومصدقوش ليه ؟؟؟وبعدين اديكى شايفه التليفونات بتجرى ورايا ازاى ...عارفه يا سقراطه ...انتى اول واحده هتستفاد من الجايزه . هود يكى عند اجدع دكتور تجميل فى السويس يقصلك لسانك من لغلوغه

ترررررررررررررررن .......ترررررررررررررن ....تررررررررررررررن

الرايق :- رن للصبح انا مش هارد عليك

سقراطه :- اوعى كده يا رايق ....انا هارد على التليفون ...الو

صوت :- الو ...لو سمحتى يا مدام قولى للاخ اللى عندك لو مارحشى بكره للمعلم اسامه بتاع التلاجات ودفع الشيك اللى عليه باقى قسط التلاجه هيوديه المحكمه وقد اعذر من انذر ...سلام عليكم

هناك 68 تعليقًا:

Mafrousa يقول...

هههههههههههههههههههههههه
ههههههههههههههههههههههه
هيييييييييييييييييه انا اول تعليق

Mafrousa يقول...

و التااني
و التاني
والتاااني
هيييييييييييييييييييه

Mafrousa يقول...

و التالت
لااالااللا

والتالتهييييييه انا بلعب لوحدي
هيييييييييه

Mafrousa يقول...

كفايه كده
هههههههههه
ميكي و سمير
ده انا على كده بلمجلدات اللى عندي
اقش كل الجوايز العلميه

Mafrousa يقول...

لأ
لأ
لأ
خليهم 5 علشان الحسد
هههههههههههههههههه
التلاجه...
ممممممممممممممم
انت عندك تلاجه؟؟؟؟؟؟؟؟؟؟؟!!!
وبتحط فيها القله علشان تسقع
هههههههههههههههه

Mafrousa يقول...

هههههههههههههههه
اقولك خليهم 6 لغاية لما حد يجي
ههههههههههههه
و لو اني حاسه انك حتلعب الدنيئه و تطلع تمن التلاجه من التعليقات
هههههههههههههههه
بس اسه الالاااطه اللى حطت عليك ياروقه عامل مكتب
الل الله فى الشقه؟؟؟ده و لا على سطوح البيت اللى جنبكوم

Mafrousa يقول...

طيب خليهم 7 و امرنا لله
هههههههههههههههههههه
انا عاوزه حق الحاجه الساقعة بتاعة كل مجيه
ولا انت فاكر مجيتي ديه ببلاش
نو
نو
نو
كل مجيه بجنيه
و الركنه بجنيه
امال ايه مش انا بركن عندك لغاية لما اكتب
هههههههههههههههه

عبده الرايق يقول...

البنت مفروسه افترست التعليقات
اهربوا
اجروا
مفروسه افترست
مفروسه بقت مفترسه يارجاله
بابوليييييييييييييييييييييس النجده
ياعسكرى
ياحكومه

حنين القلب يقول...

ههههههههههههههههههههههههههههههه
هييييييييييييييييييييه الرايق هيتحبس
يا رب ما تدفع يا رايق علشان تتحبس واجيب ليك عيش وحلاوة
احسسسسسسسسسسسسسسسسسسسسن
علشان تبطل فشر سويد ايه اللى بتجرى وراك الا قولى يا رايق اين تقع السويد؟؟
سلام يا روقه

عبده الرايق يقول...

حنين القلب
فرحانه فيا يا حنين ؟؟؟؟؟
وبعدين اين تقع السويد ؟؟؟؟؟؟؟؟
ههههههههههههههههه
هههههههههههههههههه
ههههههههههههههههه
ده بالذمه سؤال
مع انى ماليش فى الاستاتيكا ولا التفاضل والتكامل لكن هجاوب
السؤال غير منطقى وغير مظبوط
لان السويد لم تقع بعد
لانها لو وقعت كنا شفناها تحت الترابيزه لكن طالما مفيش حاجه تحت التربيزه يبقى السويد لم تقع بعد ولسه على الترابيزه

رئـــــيسـة حزب الأحلام يقول...

ههههههههههههههههههههههههههه
هههههههههههههههههههه
جايوة نوبل جايزة نوبل وفى الاخر
طلعت قسط التلاجة
ربنا يكرمك يارايق
الف مبروك

فاتيما يقول...

لا حول و لا قوة إلا بالله
بقى وزير المالية بتاعنا هيتحبس ؟؟؟
حلووووو
أنا مساعد الوزير
يعنى هستلم مكانك يا معلم
قصدى يا دكاترة
أهو كدا
النبى تدينى نمرة عم إسامة دا عشان أبعتله الحلاوة
و لا بلاش ليفتكرها تمن التصليح و لا حاجة
هجيبلك عيش فينو
و حلاوة بالشيكولاتة يا عبدوووو
أنا بنت أصول برضو و العشرة متهونش

حنين القلب يقول...

صححححححححححححح يا روقه هى فعلا لم تقع بعد
اقول ايه بس منا لسه راجعه من الضاحكون القيك هتترفد وهنا تقولى لسه مش وقعت
ربنا موجود يصبرنا عليك يا روقه
سلاموز يا روقه

Mahmoud البطراوى يقول...

ههههههههههههههههههه

هو الراجل بتاع نوبل وسقراطه بتكدب اوعى تصدقها

maiosha يقول...

هههههههههههههه
هى دى الشيكات .. حتى قسط التلاجة مش عايز تدفعه يا شيخ حرام عليك

وعايز تاخد نوبل كمان (قصدى موبيل يعنى ) .. بس بقولك إيه يا رايق لما تاخد نوبل دى وحياتك متنسنيش عايزة أتصور معاك صورة بالجايزة علشان أغيظ العيال وأقولهم إنى أعرف ناس مشهورة

خلاص إتفقنا

kochia يقول...

ههههههه
بصراحة انا في الاول صدقت

وبعدين ده انا كنت ناوية اروح اقابلكم في الكيلو 109 واشرف علي عملية التسليم والتسلم
وكنت هجيب معايا كشاف بينور ويطفي لوحده لزوم الشغل

لكن الظاهر التصفيق اللي كان اربع ايام بلياليهم هيبقي اربع ايام بلياليهم برده بس علي ذمة التلاجة

Lobna Ahmed Nour يقول...

ههههههههه .. مافيش فايدة فيك يا رايق

قصدي يا دكاتره رايق

روح سدد الشيك اللي عليك بقى

ههههههههههههه

انين الحزن يقول...

والله انت عسل


انت بجد مفيش منك اتنين

هيا فرنسا مش بتظهر ليه ياروقه انت عايز تستولي علي المدونه التانيه لوحدك ولا ايه نظامك


سلاموووووووز
وزة

Empress appy يقول...

طيب اصبر على رزقك
عمال تتنك على الراجل ما هو ده التسرع يا عبدوو باشا
معلش معلش العتب على النظر انت اصلك مكنتششايفه على الفوون

Doba يقول...

هتقطلعلها لسانها من لغلوغه يا مفترى
اه يا مفترى
هتتخانق مع مين بقى بعد كده

وبتذاكر فى موسوعة ميكى وسمير
ده انت على كده جهبز وضليع واحنا مش مقدرين

الطائر الحزين يقول...

رايق هوانت بتشتر تلاجة من معلمين؟
انت شاريها باللحمة اللى فيها ولا ايه ويا ترى القسط ده قسط اللحمة ولا قسط التلاجة

همس الاحباب يقول...

هههههههههه

ايه يا دكاترة احنا خلصنا من السلف
طلعت شيكات ودائنون ولا ايه
ايه النظام يا رايق
كده اتشمت فينا العدو

همس الاحباب يقول...

وبعدين سقراطه مالها ومالك
مش كفاية اتعملها عملية تجميل وتشيل لسانها من لغلوغه
بس بجد حلوة لغلوغه هو فين لغلوغه ده يا رايق

همس الاحباب يقول...

بس انت طلعت مثقف قوى
وبتقرا كتب سمير وميكى جيب ماشى
طب الكراريس الفاضية بتعمل بيها ايه
اوعى تكون ولا بلاش
اه نسيت اقولك هى مفروسة واخدة المدونة والتعليقات لحسابها ولا ايه
مفروسة بالنص يا مفروسة

عبده الرايق يقول...

رئـــــيسـة حزب الأحلام
نو
نو
نو
جايزه نوبل جايه فى الطريق
بس انا اللى تقلان عليهم شويه

عبده الرايق يقول...

فاتيما
اووووووووووووووووووووووووووووت
جات معاكى اوت يا فاتيما
والرايق مش هيتحبس
وبرضه هافضل وزير ماليه
وهافضل الرئيس المباشر بتاعك
وهاخصم ليكى 30 سنه ل قدام علشان انتى فرحتى فيا

عبده الرايق يقول...

حنين القلب
عرفتى بقى ان الدكاتره عبده الرايق مذاكر التاريخ كويس
انا قاعد هنا تحت التربيزه
واى دوله هتقع هاعرفها عدل

عبده الرايق يقول...

بطوط حبوب
حبيبى انت يا بطوط
فعلا هو الراجل بتاع نوبل
منك لله ياسقراطه
بس انت رايك اقبل منه الجايزه شيكات ؟

عبده الرايق يقول...

maiosha
نو
نو
نو
انا مقدرشى اتصور مع حد ابدا
ممكن تشترى صورتى ب 15 الف دورر
وتعملى عليها فوتو شوب وتلزقى صورتك جنبى
وبعد كده تتمرعى بقى براحتك قدام الدنيا كلها
بس الحقى قبل الصوره ماتغلى
انا معروض عليا الصوره ب 40 الف دورر
لكن قلت ان انتى غلبانه ومسوره الجناح اضحك عليكى انتى الاول

عبده الرايق يقول...

kochia
جدعه يابت يا كويشا
انتى تنفعى تشتغلى مع البيج بوص الرايق
انا من انهارده هاديكى قسم الافيون
يلا بقى شدى حيلك علشان تترقى لقسم احسن
وبعدين انا فاهمك كويس
وعارف انكى عايزه تقولى انهم هيصقفوا 4 ايام بلياليهم قفا الرايق فى القسم
بصى بقى
اقولك على المفيد
طبعا انتى من السويس
وعارفه قسم الاربعين
القسم كله فى جيب العبد لله من اول قصر الشوق لغايه موقف حوض الدرس
انا بلا فخر
وخلى الكلام ده فى سرك
اعرف شخصيه مهمه قووووووووووووووووى
فى القسم
عارفه
اقولك وخلاص
ابن خاله جوز اختى ليه عسكرى امن مركزى صاحب اخوه فى القسم
يلا بقى فضحنا نفسنا على الهوا

عبده الرايق يقول...

Unique
اسدد ؟؟؟؟؟؟؟؟؟؟
ده برضه اسمه كلام ؟؟؟؟؟؟؟
وانت ترضهالى ؟؟؟؟؟؟؟؟
نو
نو
نو

عبده الرايق يقول...

انين الحزن
وزه بنتى العزيزه
فرنسا ظهرت امبارح
اصلى بريطانيه كانت عازمها عند المانيا

عبده الرايق يقول...

appy
انتى بتهزرى بقى يا ابى
اشوفه فى الفوون ؟؟؟؟؟؟؟
ده برضه اسمه كلام ؟؟؟
ازاى يا فالحه اشوفه فى الفون وهو كان طافى النور فى الاوده وهو بيتكلم ؟؟؟
انا ممكن اكون لمحته من الجنب لما مشى بالسماعه جنب النور

عبده الرايق يقول...

Doba
فعلا انا جهبز وضليع جدا جدا جدا
وحافظ الف ب كلها
واقدر اسمعها غايبا
امال ايه
دكاتره بقى
شكلك كده مش مصدقه

عبده الرايق يقول...

الطائر الحزين
هههههههههههههههه
يابنى لقب معلم ده بيضربوا بيه المثل فى كل حاجه
يعنى عندك حرب اكتوبر
بيقولوا ضربه معلم
لما نشوط بالنتى ونجيب جون يقولك شوطه معلم
يبقى بقى مش كتير على بتاع التلاجات يبقى معلم
معلم معلم بس يسبنا فى حالنا

عبده الرايق يقول...

همس الاحباب
ايه يابنى ده
دائنون ؟؟؟؟
انت مش هتنسى انك محاسب
اسمهم ديانه
قرايب موشى ديان والملكه ديانا

عبده الرايق يقول...

همس الاحباب
لغلوغه اخر فرع رشيد على اليمين عدل

عبده الرايق يقول...

همس الاحباب
مفروسه انتهزت فرصه انى كنت لسه فاتح المدونه ومحطيتشى التذاكر ولعبت براحتها

mostafa rayan يقول...

عبدة باشا الرايق
تحياتي لمزاجك العالي ودمك اللي زي العسل

مدحت محمد يقول...

يادى جايزة موبيل ياعم روح ادفع
الشيك اللى عليك هتتسجن

متخافش مش هتتسجن وراك محامى شاطر هيبيعك فى مينيت
هههههههههههههههههههههه

وعلى رأى هيفا

متقولش لحد انك تعرفنى ههههههههه

شفـقــة و إحســــان يقول...

هههههههههههههههههههههه
انت سكر ورايق يا رايق

عبده الرايق يقول...

mostafa rayan
وتحياتى الكبيره لك يا مصطفى
نورت المدونه

عبده الرايق يقول...

مدحت محمد
هههههههههه
عارفك طبعا
انا لفيت على يفط المحامين اللى فى السويس
وقدرت احدد مكانك
لكن علشان الارض كرويه اروح تانى يوم الاقى المكتب لف مع الارض
مستنى كده يوم اجازه من اللف والدوران بتاع الارض وامسكك

عبده الرايق يقول...

شفقة هانم واحسان بك
وانتم الاتنين عسل ابيض
وسكر كمان

دعاء مواجهات يقول...

ازيك ياراايق باشا

بجد الواحد كان مفتقدك

نورتنى بجد ف المدونة

وربنا يكتبهالك ياارب

سلااام

almasry يقول...

حبيت بس أمسى على أجمل رايق فيكى يامصر


تحيـــاتى
المصـــرى

عبده الرايق يقول...

دعاء مواجهات
الف حمدلله على السلامه يا دعاء
نورتى المدونه
زياره مقبوله ان شاء الله

عبده الرايق يقول...

Desert cat
شكرا على اهتمامك
وتحيه لكى ولكل اعضاء فريق برنامج انت تسأل والكمبيوتر يجيب

عبده الرايق يقول...

almasry
احلى تحيه واحلى مسا للناس الكويسه

kochia يقول...

قسم الافيون حتة واحدة
انا عرفت دلوقتي انت بتعزني قد ايه

بس علي فكرة انا اطمنت اوي للواسطة بتاعتك اللي هناك
كدة نشتغل علي مية بيضا
لحد ما نشوف حكاية الكادر دي هترسي ولا هتغرق
بس كنت فاكرة ان الواسطة اللي هناك حسن باشا الفراش
اصله بسبع ارواح وبيظهر في كل مشاهد الفيلم
بس كويس خليه مركز احسن في الشغل اللي في ايديه

اكيد في ايديه شغل دلوقتي مش كدة ؟؟؟

المـــفـــــــقــــــــوعـــــة مــرارتـهــا يقول...

غلطاااااااااااااااااااااان ياعبدو
حد يرسم الرسم ده كله وفي الآخر يسيب السماعة في أيد الأعداء

مبروك عليك الجايزة بس أبقي أتغطي كويس عشان الحلم مايقلبش كابووووووووووس

bastokka طهقانة يقول...

جايب تلاجة بالقسط و جاي تسعدني ؟؟
امضاء عفروتو


اوروفوار

حنين القلب يقول...

الحق يا رايق
تعالى شوف خالد همس الاحباب قايل عليك ايه فى مدونتى
فضحك فضيحه منيله
الحق نفسك وتعالى رد عليه الا هيبقى منظرك وحش اوى
تصور بيقول عليه اييييييييييه؟؟
ولا اقولك خليه لما تيجى تقراه بنفسك علشان عايزين نخلص على خالد ده خااااااااااااااالص
سلام يا روقه وفى انتظار انك تجيب حقك وحقى

Desert cat يقول...

اصدقائى الأعزاء المدونين والمدونات
موعدنا السبت 19/7/2008 مع حلقة جديدة من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
والحلقة تتضمن رودو المدونين الأعزاء على سؤال من المخطأ ( الطلاق بالمحمول )
والتعليقات التى ستذاع
سومه
سلوى سمير
رافتولوجيا
عدى محمد يونس
habiby
ميسوسوب
استرالي
دعوه للأمل
أيوية
احلام اليقظه
مجرد خواطر
mohra
جيهان على
عبده الرايق
هانى ميشيل
ٍSOU
حاجات جوايا
روفى
مواطن مصرى

كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواصل

غير معرف يقول...

ان شاء الله تقدر تسدد الديون بتاعتك من الكادر سمعت انه فى السكة
بس انا فعلا مش كادر امسك نفسى من الضحك وسلملى على الترماى

انت تسال والكمبيوتر يجيب يقول...

اصدقائى الأعزاء المدونين والمدونات
موعدنا السبت 19/7/2008 مع حلقة جديدة من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
والحلقة تتضمن رودو المدونين الأعزاء على سؤال من المخطأ ( الطلاق بالمحمول )
والتعليقات التى ستذاع
سومه
سلوى سمير
رافتولوجيا
عدى محمد يونس
habiby
ميسوسوب
استرالي
دعوه للأمل
أيوية
احلام اليقظه
مجرد خواطر
mohra
جيهان على
عبده الرايق
هانى ميشيل
ٍSOU
حاجات جوايا
روفى
مواطن مصرى

كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواص

انت تسال والكمبيوتر يجيب يقول...

الأخت العزيزه فرنسا
تحيه طيبه وشكرا على كلمتك الرقيقه ...طبعا رقيقه يارايق ...ونتمنى ان نرى كل الأحبه زوار هذه المدونه المبهجه عندنا فى مدونة البرنامج ليجيبوا على ما نطرحه من اسئله او يروون لنا عن الأنترنت فى حياتهم ...لتذيع حكاياتهم واحاباتهم...نرجوا ان نراكم جميعا فى مدونتنا مع حبيب الملايين -ملايين البشر وليس الجنيهات-عبده الرايق ...وكدونتنا عنوانها سهل وطبعا اللى يسأل مايتهوش وطبعا الرايق مألقوش ان فيه اوتوبيسات مكيفه من جميع المحافظات للمدونه وعنوانها هو
http://netonradio.blogspot.com

Asmaa mahaba يقول...

ههههههههههههههههه تصدق يا رايق من كتر انشغالى بعبدو وفرنسا والضاحكون نسيت المدونه بتاعتى وبتاعتك وبتاعه خالتو فرنسا خالص
ياله خير ان شاء الله
تحياتى ليك سومه_87

عبده الرايق يقول...

kochia
الواد حسن الفراش كده حاف ؟
نو
نو
نو
الواد العلامه الكبير حسن باشا الفراش

عبده الرايق يقول...

المـــفـــــــقــــــــوعـــــة مــرارتـهــا
فعلا عندك حق
مفروض كنت ارد انا برضه
غلطه وندمان عليها

عبده الرايق يقول...

bastokka طهقانة
هو التلاجه بالتقسيط شويه ؟؟؟؟؟؟؟

عبده الرايق يقول...

حنين القلب
شفتى بعت له الجنود بتاعتى ازاى

عبده الرايق يقول...

Desert cat
والله تعبينك معانا يا قطتنا

عبده الرايق يقول...

شريف
السلام هيوصل بس للمترو

عبده الرايق يقول...

CAIROCOMPUTER
الاستاذ صلاح حجازى شكرا جزيلا لك

عبده الرايق يقول...

CAIROCOMPUTER
شكرا بالنيابه عن فرنسا وكل زوار المدونه الكرام

عبده الرايق يقول...

سومه...مجنونه فى بلد عاقل
ومين سمعك كلنا مشغولين عن مدوناتنا

حاجات جوايا يقول...

هههههههههههههههههههه
يا دى الاحراج

ده انا اتحرجتلك والله
يا كسوفى يا كسوفى

وكمان سقراطه هتكشر عن انيابها وتستعد للانقضاض .. يعنى مش هتخلص كمان من الشماتة واللسان الطويل

ربنا معاااااااااااااك

سالى