الأحد، 20 يوليو، 2008

دروس بالعافيه ..فى التاريخ والجغرافيا


سقراطه :- اهو الفلحوس جوزك وصل

مسز رايق :- اهلا ياسى عبده حمدلله على السلامه

الرايق :- شرفتى كازينو الرايق يا سقراطه ...انتى رجلك خدت على بيتنا يعنى...ماتجيبى جوزك وعيالك وتقعدى هنا واحنا نقرفص على السلم

مسز رايق :- عيب كده ياسى عبده ...ماتزعليش منه يا نعمه ده بيهزر

سقراطه :- يهزر ولا ميهزرشى ...انا باجى هنا لبيت اختى مش لبيت الرايق

الرايق :- خليكى قاعده ياختى فى بيت اختك .....سواق لورى يكون اعمى واطرش يسلم عليكى بالدوبل

سقراطه :- بطبرطم بتقول ايه يا رايق ؟؟؟؟؟؟؟؟

الرايق :- لا ابدا ..انا داخل اصحح الكراريس.. اصل الاشاره فتحت

سقراطه :- هههههههه .....كراريس !!!!!!!.....هو انت بتعرف تصحح كراريس ؟؟...وكراريس ايه دى بقى يا فالح ؟؟

الرايق :- بصى يا سقراطه ....مساهمه منى انا الدكاتره عبده الرايق فى حل مشكله نحو الاميه ...قررت اعلم اهل الحته مجانا بدون اى ماااااانى ...واتفرج على الحلاوه حلاوه

سقراطه :- اسمها محو الاميه يا رايق ...مش نحو الاميه

الرايق :- نحو الاميه يا متخلفه ....بمعنى اننا نجرى نحو الاميه ونمسحها باستيكه

سقراطه :- نحو ولا محو ...مش مشكله ...هى فكره كويسه جدا يارايق بس ياريت تيجى من حد تانى غيرك

الرايق :- ليه كده يا سقاريطو هو انا كخه ولا ايه ؟؟؟

سقراطه :- لا انت مش كخه ..ورينى الكراريس دى

الرايق :- ياريت تغسلى ايدك بالليفه والصابونه الاول

سقراطه :- ورينى بس كده...ايه ده ...مصر دوله خليجيه !!!!!!!!!!

الرايق :- طبعا يا جاهله ....الدكاتره عبده الرايق بيصحح الجغرافيا والتاريخ ....مصر مش واقفه على خليج السويس

سقراطه :- ايوه بتطل على خليج السويس

الرايق :- تبقى دوله خليجيه ولا لأ

سقراطه :- لا ناصح من يومك ....وايه ده كمان ....الناس ايام صلاح الدين مكنوش يعرفوا الملابس

الرايق :- طبعا يا فالحه ..صلاح الدين بنى ايه ؟؟؟؟

سقراطه :- بنى القلعه

الرايق :- طيب لو كانوا يعرفوا الهدوم مش كانوا لبسوها

سقراطه :- مش بقولك ناصح ..وايه ده كمان ....اكبر بلد بتنتج الحبر هى السودان ...وايش عرفك انت ؟؟

الرايق :- طبعا انتى جاهله ....السودان فيها النيل الازرق ولا لأ ؟

سقراطه :- فيها النيل الازرق

الرايق :- خلاص خدوا منه الحبر ... انتى لازم تدخلى نحو الاميه يا سقراطه

سقراطه :- ههههههههه .....لامتشكره خالص يارايق ...اصل العلم بتاعك ده صعب على الواحده اللى زى حالاتى

الرايق :- انا ممكن احجزلك مع المعاقين ذهنيا

سقراطه :- طيب قولى يا رايق ...مين اول من نادى بحريه المرأه ؟؟؟؟

الرايق :- قنوات الدش طبعا هى دى عايزه سؤال

هناك 83 تعليقًا:

دعاء مواجهات يقول...

لولولولولولوللى

الأول ولا أنا متهيألى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دعاء مواجهات يقول...

ياخبر يانااس

دا طلع هو الأول بعينة

وشحمة ولحمة.........

مش مصدقة نفسة

انا خلاااص أغمن عليا.........

دعاء مواجهات يقول...

يكرمكوا ياللى فوقتوونى

منجيلكوش فى حاجة وحشة أبدا ً

إزيك ياعبدو عامل إية ياخويا؟؟

وإية أخبار المودام؟؟

والأولاد؟؟

والمدير ياخويا لسة منكد عليك؟؟

ولسة ياخويا بتلعب جولف بردوو؟؟

ولا غيرت الصنف؟؟؟

دعاء مواجهات يقول...

طمننا كدة علييك ياعبدو

ياخويا محدش هنا نتكلم براحتنا؟؟؟

قولتلى بقى ناوى تعزل وتسيب الشقة القديمة؟؟

لااا ياعم حى خامس مين وسادس مين

هو فية زى شبرا؟؟؟

اة صح بس بردو بلدك اولى بيك

اوعااك تسيبلهم الكادر ياخويا وتساافر ابدا

قولهم انا قاعدلكم فيها...

ايوا كدة مظبوط كلامك ياخويا أوومال

انت تقوول حاجة غلط أبداً...

دعاء مواجهات يقول...

إستنى بقى أحسن بيقولوا فية (بوست)

ولازم يتقرى وأبصر إية؟؟؟؟؟

أما أروح أقراة وأرجعلك

إوعى تقوم من مكاانك

مسافة السكة وجااية................................

دعاء مواجهات يقول...

ههههههههههههههههههههههههه

تعجبنى كدة وانت مسنجف معلوماتك ومظبطها ياعم الراايق انت

واية يانااس الإقناع دة هو فية كدة فى الحيااة

يكرمك ياخويا ويخليك للتاريخ والجغرافيا

ويخلييك للشعب (نحو الأمية)

بيييس بقى يااارايق

أحسن ورايا شوية نووم لاازم أخلصهم..

appy يقول...

انا بس متفقه معاك يا دكاترة فى حاجه واحده بس وهى دى اللى غفرت لك كل المصايب اللى فاتت هههههههههههههههه
ان اللى طالب بتحرير المرأة قنوات الدش ههههههههههههههه
طيب مين اللى حرر قناة السويس هههههههههههههههه

رئيس حزب المغتربين يقول...

ههههههههههههههه جامده اوى اوى موضوع قنوات الدش ديه والى اجمد قناة السويس فعلا احنا دولة خليجية يعنى المفروض اسيب الامارات وارجع ما احنا دولة خليجية بقا ربنا يكرمك يا عبدو يارب وتطلعلنا بترول كمان

واحدة مفروسة يقول...

تصدق و تآمن بالله
انا مره اخدت واحد فى امتحان التاريخ
انا حاكيه عنه فى مدونتي و اياميها
والدي الله يرحمه قاللي ...يا بنتي لو كنتي كتبتي اسمك كاانوا ادولك اكتر من واحد
بس تصدق انا لو المدرس بتاعي كان زييك كنت تفوقت و جبت النمرة النهائية
.....لعلمك بقى بالمعلومات الجهابذه ديه يا دكاتره
اقدر اقولك...اتكل على الله و رو ح وزارة الثقافه و عيد صياغة التاريخ

انا معاك ان اللى حرر المرأه قنوات الدش
وان مصر دوله خليجيه..بحته...شوف كام خليجي موجودين فى مصر...و كام طفل اتولد من اب خليجي
مش علشان شوية ميه.....وتقولي خليجيه
نو
نو
نو
خليك متعمق....فى معاميق التاريخ

و على البركة و سرح مسز رايق و العيال و البت الغلسه سقراطه
ووديهم للواد غريب....اصل ابوه عامل....ريزورت.....جميل جدااا
و مسميه بريزون فاذر اوف غاريب
ههههههههههههههههههه
و ادعيلي

kochia يقول...

اممممممم
كل يوم الواحد بيكتشف فيك مواهب
بصراحة البلد غرقت من مواهبك
كل دي معلومات
تاريخ وجغرافيا

بجد خسارتك هنا
لازم تروح برنامج من سيربح المليون تعقد جورج قرداحي في عيشته ومعلوماته وتيجي
نعمل لك زفة من اول القلعة لحد الخليج
ونغرقك هناك
مش بقوللك خسارة في البلد


تحياتي

kochia يقول...

علي فكرة
انا جالي تاج
او واجب
زي ما بيسموه
وقالولي دبسي فيه حد

وحبيت ادبسك انت

تعالي عندي اقرا الاسئلة وجاوب وراعي الشروط

سلام

همس الاحباب يقول...

هههههههههه
بجد انت علامة يا دكاترة والله
ايه المعلومات القيمة دى
وانا بقول نحو الامية فى تقدم وازدهار ليهطلعت بفضل العلامة الكبير عبده باشا
ومصر دولة خليجية اى نعم

هههه جميلة قوى حكاية القلعة وصلاح الدين جديدة بجد يا روقة
والله بجد ده اكتشاف جهنمى
فعلا قاسم امين مظلوم واللى حرر المراة
وخنق الرجالة قنوات الدش

همس الاحباب يقول...

بس سيبك انت البت سقراطه كده اتستفيد من خبرتك المعملية العلمية الفذة
وممكن تاخد 19 دكتوراة على ايد الرايق
وبعدين البنت دعاء بتلعب لوحدها فى المدونة
وفاكرة نفسها لسه فى العمرة وبتطوف فى مدونة الرايق ولا ايه

ادم المصرى يقول...

نعم ايه ده انا مش مستوعب كل شويه اقرأ الموضوع معرفش اعلق اقول ايه طيب بص بقه انتا حرر قنوات الدش واحنا نحرر انفسنا

رئـــــيسـة حزب الأحلام يقول...

ههههههههههههههههههههههههه
ههههههههههههههههههههههههههه
هههههههههههههههه
محو الاميه يارايق الحقوا ياحكومه الرايق هيخلص على الاميه
ياااااااااااااااااااخرابى
سنقف اولا ضد الرايق
نحن مع الدكاترة الرايق ضد الاميه
سلامى

سبهللة يقول...

ههههههههههههههههه
انا ضحكت كمل لم اضحك من قبل
ههههههههههههههه
تسلم ايدك يا مستر رايق
وانا معاك فى نحو الامية دى

حنين القلب يقول...

والله العظيم حرام عليك يا رايق
يا سيدى قولت مليون مرة مش ليك دعوة بالتاريخ والجغرافيا
خسارة الناس اللى هتعلمهم هيطلعوا من تحت ايدك مش عارفين هماعايشين فين اصلا فى مصر ولا فى دبى
بقى مصر دوله خليجيه
يا لهوووووى
والله لو سقراطه موتتك تبقى عملت فينا واجب
نو
نو
نو
انت تدرس موسيقه ونطرش ماشى
انما تاريخ وجغرافيا بلاش والنبى
سلام يا روقه

مدحت محمد يقول...

ليك تاااج عندىىىىىىىىىى

maiosha يقول...

ههههههههههههههههه
مظبوط يا رايق .. كل حرف بتقوله طالع من عقل واعى ودارس ومدرك الأشياء
ده إنت عليك كرافتة ترد الروح يا شيخ

وطول ما أنا باجى هنا وأقرا معلوماتك الجبارة دى همشى بخطوات واسعة نحو الأمية
هههههههههههههههههه
لا مجهود جامد جامد يعنى
ربنا يعينك ويكون فى عون تلاميذك

المـــفـــــــقــــــــوعـــــة مــرارتـهــا يقول...

خدني معاك في الفصول دي ياعبدو
احسن ده انا طلعت قلقاسة خالص في المعلومات البتنجانية دي
بس عشان اسمحلك تعمللي غسيل مخ بالفنيك لازم الأول تكتب تعهد بأنك ترجعني مسقفة ومطبلة

Doba يقول...

رايق
يا
يعيش
يا
يعيش
============
ايه اروقان ده يا مستر رايق
بجد جهبذ عن حق
وتستاهل بجدارة جاية موبل
وكمان لقب الدكاترة عبده الرايق
========

شكلنا كلنا هناخد إمتياز فى التاريخ والجغرفيا على ايديك يا مستر رايق

إلا قولى الدرس بكام فى نحو الأمية أحسن عاوزة ادخل ولاد اخويا واشترك

وهدفع بالدورر يا رايق
بس اوعى تزود عليا

يلاباى
هبة

egyboy يقول...

دكاتره عبده الرايق

خلاص لقيت المدرس اللى هيعلمنى صح

انا عايز انضم لفصول نحو الأميه من زمان وأنا عايز أفيد أهل الحته

هتخودنى معاك يا دكاتره ولا ايه


مصطفى

عبده الرايق يقول...

الظاهر ان مستوى التعليم فى مصر بقى ضعيف جدا
لان كل الناس عايزه تشترك فى نحو الاميه
وانا مستعد انى ادخلكم كلكم فصول نحو الاميه ببلاش
************
يا اهل بلدى
فى كل مكان
من المنزله
لغايه اسوان
ياللى اتحرمتوا من التعليم الفرصه لسه قدامكم
من غير ماتدفع ولا مليم الرايق ناوى يعلمكم
******************
انا دلوقتى هاكتب اسماء الناس اللى عايزه تشترك معانا فى نحو الاميه
وهاقسمكم لفصول
ومش مطلوب منكم غير كراسه وقلم رصاص واستيكه
وعدد 3 ساندويتشات للدكاتره عبده الرايق
وكل واحد وذوقه
يعنى ممكن ساندويتش لحمه بيض بسطرمه طعميه فول بصاره سمك شوربه رز
اى حاجه
وكل واحد هيقعد حسب نوع الساندويتش بتاعه
يعنى اصحاب الكباب والكفته واللحمه والسمك
دول هيقعدوا على التخت
واصحاب البسطرمه واالبيض وووووو
هيقفوا فى الفصل
واصحاب الفول والطعميه هيقضوا الدرس وشهم للسبوره ورافعين ايديهم لفوق

ساتابع معكم الرد على التعليقات بعد سماع الصفاره

عبده الرايق يقول...

ارجوا ممن يريد الاشتراك فى نحو الاميه سرعه الاشتراك
لان الاماكن محدوده

عبده الرايق يقول...

دعاء مواجهات
لا فعلا الاول
ولا انا برضه متيئالى ؟؟؟

عبده الرايق يقول...

فوقى يا دعاء
بلاش يغمن عليكى هنا
الارض فيها صراصير

عبده الرايق يقول...

دعاء مواجهات
من جهه المدير
لسه قارفنا فى عيشتنا
اما الجولف
هو كل حياتى

عبده الرايق يقول...

دعاء مواجهات
شبرا مين يا دعاء ؟؟؟؟؟
انا من السويس
ايه اللى هيودينى شبرا فى الاسكندريه ؟؟

عبده الرايق يقول...

دعاء مواجهات
ربنا يكرمك يا دعاء فعلا التاريخ له ناسه
وله مشجعينه

عبده الرايق يقول...

appy
طبعا اللى حرر قناه السويس
هو العلامه الكبير حسن باشا الفراش
هو قالى كده بعضمه لسانه
كنا قاعدين على القناه انا وهو وقالى شايف المركب الكبيره اللى ماشيه فى القناه دى
قلت له شايفها
قالى لولا العبد لله ماكانتشى تعرف تمشى اصلى انا محرر القناه
قلت له ازاى
قالى اصطدت سمكه بورى كبيره لو كانت كبرت كانت سدت القناه بعد 100 سنه

عبده الرايق يقول...

رئيس حزب المغتربين
نو
نو
نو
متسيبشى الامارات وتيجى هنا
احنا فعلا دوله خليجيه
لكن كل خليج وله ظروفه
احنا الخليج بتاعنا الظروف ملطشه معاه

عبده الرايق يقول...

واحدة مفروسة
مين غريب ده ؟؟؟؟؟؟؟
اوعى يكون الواد ابن بتاع السجن اياه
بتاع ابو غريب
نو
نو
نو
انا لايمكن اقبل من منطلق الوصف الصافى للامور المتداخله فى منطق الكلام العقلانى ان اتدرج الى اعلى من المستويات الافقيه البحته
مفرووووووووووووسه
سيبك من الكلمتين اللى فوق دول اصلى كنت بهرش فى عينى
انا حجزت لك فى فصول نحو الاميه
جايه ولا مش جايه ؟؟؟؟؟
انا عايز الناس تخرج من الجهل الحالى والاميه
وتنطلق مع نحو الاميه بمساعده الدكاتره عبده الرايق
وممكن اشغلك مدرسه فى الفصول بس لازم تعرفى تقرائى وتكتبى
يا ريت تكونى حتى بتفكى الخط وانا هاساعدك
انا كنت ملحوس كده لكن دلوقتى بعرف اكتب لوحدى لغايه السين غايبا
وبكتب اسمى لوحدى

عبده الرايق يقول...

kochia
هههههههههههههههههههه
جورج قرداحى !!!!!!!!!!!!!
هههههههههههههههههه
ده بيجى ياخد منى معلومات
ومره ماكنتش قاعد والواد ابنى الصغير محمد الرايق ادالوه معلومات غلط
قال ايه قاله ان عاصمه سوريا.. دمشق
انا لما جيت والواد قالى قعدت اضحك وقلت يستاهل احسن علشان مش بيدفع للدكاتره الرايق فلوس

عبده الرايق يقول...

kochia
مع انى مش بحب التاجات نوهيئا
الا انى موافق

عبده الرايق يقول...

همس الاحباب
قاسم امين !!!!!!!!!!!!!
مين قاسم امين ده ؟؟؟؟
مدير مدرسه يعنى ولا موظف عمومى
فهمنى بدل ما الخبط فى الجدع

عبده الرايق يقول...

همس الاحباب
يا خالد خليها تلعب
انا مدونتى مفتوحه لكل ابنائى
مش بيدفعوا فلوس ؟؟؟؟
خلاص براحتهم
اما البنت سقراطه دى طلعت جاهله قوى

عبده الرايق يقول...

ادم المصرى
رغم ان انت مستوعبتش حاجه
الا ان زيارتك لوحدها شرف ليا

عبده الرايق يقول...

رئـــــيسـة حزب الأحلام
جدعه يا ريسه
انا هاعمل حسابك فى الفصول

عبده الرايق يقول...

سبهللة
الحمد لله ايدينا فى ايد بعض
نموت ام الاميه

عبده الرايق يقول...

حنين القلب
انا منفعشى ادرس تاريخ وجغرافيا ؟
نو
نو
نو
انا الشعب
انا المرتفعات
انا السهول
انا الزمن
انا الحروب
انا الماغنسيوم
انا النواه
انا السيتوبلازم
انا الدكاتره عبده الرايق
ليسانس هندسه قسم صيدله من جمعيه الوفاء والامل
و65 دكتواره فى كل العلوم
و177 جايزه موبيل
وشهاده ابتدائى موثقه فى الشهر العقارى
وبعد كده ابطل ادرس الجغرافيا والتاريخ
نو
نو
نو
انتى اكيد بتتكلمى على حد تانى

عبده الرايق يقول...

مدحت محمد
يدوم يا باشا

عبده الرايق يقول...

maiosha
انا ممنون جدا
ودى معلومات بسيطه
انما بقى باقى المعلومات بفلوووووووس
هو احنا هنطلع حاجات قيمه كده ببلاش
المعلومه بعد كده
بمليون دورر

عبده الرايق يقول...

المـــفـــــــقــــــــوعـــــة مــرارتـهــا
خلاص انا قيدت اسمك مع الطلبه فى الفصول
خلى بالك عندنا بكره ولمده اسبوع درس عملى
عن اللمبه الجاز

عبده الرايق يقول...

Doba
ده انا ابقى سعيد جدا ومبسوط ان هبه تبقى معانا
ومبسوط اكتر واكتر ان الدفع بالدورر
وانا لايمكن اذود عليكى ابدا ابدا
انا قلت الدروس ببلاش
لكن هارجع فى كلامى واخليها الدرس ب الف دورر

عبده الرايق يقول...

Doba
على فكره
انتى ليكى خصم خاص
ممكن تدفعى
999 دورر

عبده الرايق يقول...

egyboy
خلاص يا مصطفى
انا قيدت اسمك معانا
وهاخدك فى المنتخب بتاع الفصول بتاعتنا
منتخب السويس للكازوز
وانا كابتن الفريق
وده منتخب رياضى
مع الدروس العلميه فى نحو الاميه

رئيس حزب المغتربين يقول...

عبده باشا قبل ما تقفل ممكن اشترك معاكو معلش سجل اسمي بس بشرط هذاكر من هنا وهبقا انزل اجازة فى الامتحانات لانى بصراحة عايز اخد من علمك الى مش فاهم منه حاجة وعايز اعرف كمان حاجة هل الى انت بتقوله ده هو الى صح ولا العالم كله هو الى صح

fire bird يقول...

والله العظيم

انت احلى مدرس نحو امية انا شفته

كفاية ان معلوماتك منطقية

وماشية مع العصر

......................

دى اول زيارة ليا

بجد بوست دمه خفيف جدا

تقبل مرورى

انا كنت تايهة عنك فين

اكيد تحت خط الاستواء

معلش

مش هتتكرر تانى

استنانى دايما

وياريت تشرفنى

هناااااااااااااك

مش عارفة فين بالظبط

ياريت بخبرتك الجغرافية

تحددلى الموقع الجغرافى

مصيرى بين يديك

والا سابقى مجهولة الهوية

دعاء مواجهات يقول...

معلش ياخويا

العتب ع لاذاكرة بقى

شبرا من السويس مش بعيد اوى يعنى

جيت فى جمل

ربنا يعينكع الشغلااانة الجديدة دى

بس بقى بما انى اول تعليقاات يبقى لاازمن

يكونلى نسبة فى الدرووس دى

بالنص؟؟

عندك ماانع؟؟

تعالى شرفنى ونتفق

بيس

الطائر الحزين يقول...

سونة اجدع ناس

همس يقول...

هههههههههههههههههههههههه

ماشاء الله

تعرف انا اول مره اعرف انافاشله كمدرسه تاريخ ليه

علشان مجتش نحوك

حماك الله للوطن يا عم الرايق

نونو يقول...

ههههههههههه
دة التاريخ والجغرافيا اتطوروا اهو من بعد ما سيبتهم
الدنيا بتتقدم صحيح
ممكن اخد درس؟؟؟؟

حسن حنفى يقول...

ههههههههههههههه
موضوع جمييييييييييل
شكرا تقبل مروري

فاتيما يقول...

يادى النيلة
يا عبدو ملكشى دعوة بالحاجات دى قولتلك كام مرة
بوظت التاريخ خاااااالص
حرام عليك يا عبدو
بقى مصر دولة خليجية ؟؟
طب يعنى أنا لو خبطت على باب مدونات المراكبى و نسرين بسيونى و خايف من الحقيقة و إيما ام البنين و الواد مادى 80 و المهندس مصرى و شقير و كل العالم دى هيطلعوا ساكنين فى الشارع اللى ورانا علطول كدا ؟؟
طب الله يطمنك
بص بقى
لا فكاك من إنك تيجى يوم التبرع بالدم
البت خيخة خلته يوم جمعة اول يوم فى شهر 8 يعنى تيجى بقى نشوفك
حاول عشان خاطرنا
و إذا كنت جاى
هتبقى مصر دولة خليجية
عشان خاطر عيونك
تحياتى يا عبدووو

shayma يقول...

هههههههههههههه

وانا برضه قلت معلوماتى باظت ليييييه

الحقلى مكان معاك فى نحو الاميه بتاعتك يا مسيو رايق لحسن انا كده اخاف على نفسى من الجهل
ههههههههههه

سلامى
:)))

الرسائل الرومانسية يقول...

اه يانى هطرد من البيت بسببك

من كتر الضحك والله

هههههههههههههههههه

الحبر الازرق من النيل الازرق

انت مشكلة تون كبيرة تون

المهم انا جاى اقلك لينك مدونة بفكر جديد مفاجأة تون عاوز رايك

ٍSOU يقول...

الا قولى يا دكاترة... انت اتعلمت فين؟؟
انت اللى مصر معلقة امالها عليك ..تعيد صياغة الحضارة كلها :))

NoRaaMaHdy يقول...

ههههههههههههههههههههههههه

لا جباااااااار درس التاريخ والجغرافيا دا

ههههههههههههههههههههه

مصر دوله خلجيه لا تخيل نظريه برضه

وحلو ان اللى حرر المرأة قنوات الدش

على فكره انت لازم مش تعلم محو الاميه لا انت لازم تشارك فى اعداد كتب التعليم كلها

تسلم على البوست


تحياتى (:

صاحب المضيفة يقول...

ومسحت الأمية بأستيكة ولا لسه يا سي عبده باشا


ربنا يبارك لك يا شيخ على الضحك ده



تحياتي

almasry يقول...

ربنا يخلى سقراطه والا كانت الجغرفايا ومعاها التاريخ راحوا فى داهيه


تحيـــــاتى
المصـــــــرى

زهرة يقول...

أذيك يا داكاترة

علي فكرة مدونتك حلوة جدا

وكمان البوست ده رائع
أما بالنسبة لموضوع نحو الأمية بتاعك
حاول تجرب شيء تاني
أنت برضه أعلي من كده ههههه

والمعلوامت اللي عندك تخلينا ننجح في التاريخ بأمتياز
ياريت يكون في منك في البلد أتنين هههه

أيه رايك سيبك من التاريخ وأشتغل وزير الثقافة
صدقني هتنجح أكتر هههههه
تحياتي ليك

سومه...مجنونه فى بلد عاقل يقول...

هههههه وانا برضوا بقول مين سبب نكسه الثانويه العامه اتاريك دخلت فى التعليم
انا عاوزه اسالك ثوره 19ى قامت سنه كام بالظبط
على فكره سقراطه دى واحده جدعه وموقفاك مظبوط
سومه_87

صوت من مصر يقول...

وحشنى يا بيس بجد
متخفش مذاكر البلوج بتاعك بالكامل وعموما اسف للتاخير

حاجات جوايا يقول...

ههههههههههههههههه
بجد مدرس ميه ميه
استاذ ورئيس قسم يا رايق

نجرى نحو الاميه ونمسحها باستيكه
.. ودنك منين يا جحا

مصر دولة خليجية لانها بتقع على خليج السويس

ايام صلاح الدين مكنش فيه هدوم ..

والسودان اكبر بلد تنتج الحبر لانها فيها النيل الازرق

بجد ده العلم الذى لا يكيل بالبتنجان


تسلم افكارك يا رايق

سالى

الدائخ يقول...

يا خبر أبيض .. ما داهية لتكون أنت اللي صححت ورق الثانوية السنة دي ؟

و أنا أقول العيال متدهورة ليه ؟

فاتيما يقول...

إين إنت يا عبدوووووو
طمنا عليك
يا رب دايما تكون بخير
تحياتى ليك يا عزيزى

appy يقول...

لا
دي مغلومه قيمه يخرب بيت السمكه دي بجد ههههههههههههه

حسن ارابيسك يقول...

عم الراااااايق
الحقيقة لا طلعت محو ولا طلعت نحو
انا سمعت انها طلعت فحو
لكن انا ساتمتعت فعلاً واستفدت بهذه المباره المعرفية بينكما الطاحنه في
من سيربح الكتكوت
لدرجة اني بعد ماخلصت وجيت أروح وقفت تايه ولايص مش عارف هو بيتنا فين بالضبط
حد ادي اللي خدناه من منكم
تحياتي
حسن أرابيسك

حسن حنفى يقول...

هههههههههههههه

بسم الله ماشاء الله

مش اقدر اقول اكتر من كده

وفيه فعلا مدرسين معلومات الطلبه احسن منهم

ربنا يبارك في حضرتك

شمس النهار يقول...

السلام عليكم
اهلا بك
يا عم عبده
وشكرا

شفقة هانم واحسان بك يقول...

انت مش ممكن يا رايق انت وسقراطة دمكم زى السكر بجد عجبنى البوست المفيد جدا ده لا بصراحة كله معلومات وكان الواحد ما اتعلمش طول عمره
شفقة

Zanooba (Zeinab sab9n) يقول...

ههههه

يا حلولي يا حلولي على كده الحمد لله إني نفدت أصلاً من التاريخ و الجغرفيا في الثانوية السامة (العامة سابقاً) و أتجهت للهندسة ....المدونة تحفة بجد و أسلوبك طلقة مستنية جديدك

زيزو الشقى يقول...

بسم الله الرحمن الرحيم

عبده الرايق مدونتك حلوة قوى

وكل عام وانت بخير

وكل سنة وانت طيب

بمناسبة شهر رمضان

شهر الصوم

تحياتى

وكل احتراماتى

اتمنالك التوفيق

واتمنالك النجاح

مدونتى تنور لو زورتينى

شكرا



عز الدين



سلااااااام

عبدٌ من عباد الله يقول...

100 100
يا ريت تحجزلى عندك
احسن الواحد اكتشف ان فى حاجات كتير كان متعلمها غلط

عروسة ننوسة يقول...

كل سنة وانت طيب
انت مختفى فين؟؟

ňįĝŗő يقول...

السلام عليكم
إزي حضرتك يا أستاذ عبده
كل عام و انت إلى الله أقرب و على طاعته أدوم
كل سنة و حضرتك طيب

بلغنا الله شهر رمضان الكريم و أعاننا على صيامه و قيامه على الوجه الذي يُرضيه عنا و أعاده علينا أعواماً عديدة و أزمنة مديدة و بلغنا فضل قيام ليلة القدر



يلا سلام

رندا يقول...

اخى الجميل عبدة باشا الرايق

وحشتنى اوى زيارتك عندى

وكلامك الجميل اوى الى بيضحكنى من قلبى

كل عام وانت بخير وبصحة
وكل اسرتك بخير يارب
ربنا يحقق كل آمالك ودعواتك
وصيامك وقيامك



رمضان كريم

رندا

قوس قزح يقول...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

صبرني يارب يقول...

هههههههههههههههههههه
هى مسز رايق من المنصوره يا رايق ؟؟؟
على فكره ولا اعرفها

بالمناسبه بقى ما دام فيها نحو الاميه

ايه موقف طاجن الباميا باللحمه الضاني ؟؟؟

صبرني يارب يقول...

انت فين يا رايق مختفي ليه

اوعى تكون اعتكفت يا اخويا واحنا بنادي عليك

طيب لك تاج عندي ابقى تعالى خده بقى ولا نجبهولك لحد عندك يا باشا

will يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人