الأربعاء، 24 سبتمبر 2008

جزمه تزحلق على السيراميك

الرايق :- هاااااااااااااااى ايفرى بدى ... شيلوا معايا يا انجالى الهدايا كتيييييييييييييير

الاولاد :- هيييييييييييييييه بابا جه ....هييييييييييييييه بابا جه

مسز رايق :- ايه ده كله يا رايق ... انت ورثت ولا ايه ؟؟؟؟؟

سقراطه :- يا ما جاب الغراب لامه ....ايه ده كله انت سرقت البنك الاهلى ولا ايه ؟؟؟؟

الرايق :- اعوذ بالله ...سقراطه هنا .... انتى مش مع اخواتك محبوسه فى رمضان ؟؟؟؟ ايه طلعك ؟؟؟؟ وخرجتى امتى من القمقم ؟؟؟؟

سقراطه :- محبوسه ؟؟؟؟ ليه كنت جنيه ولا عفريته يا رايق ؟؟؟؟

الرايق :- تعالوا اتفرجوا على هدايا العيد ... ادى اول هديه اهيه

سقراطه :- جزمه تزحلق على الجليد ....ههههههه ...مش بقولك ياما جاب الغراب لامه

مسز رايق :- ايه ده صحيح يا رايق هتعمل بيها ايه دى ؟؟؟؟

الرايق :- سيبك انتى مسز رايق دونت تسمعى كلام الكريزى سقراطه ام السقاريط دى انا لسه عندى مفاجاه

سقراطه :- ورينا يا زعيم عصرك واوانك .... ايه ده كمان مضرب تنس ... ومضرب جولف .... وخيمه جاهزه ... ايه ده فين هدوم العيد ؟؟؟

الرايق :- بس يا مجنونه انتى هدوم مين هو انا لسه صغير على الكلام ده

الرايق الصغير :- هدوم لينا احنا يابابا ... انت نسيتنا ولا ايه ؟؟؟ هو انت لاقينا جنب جامع

الرايق :- بس يا ولد ... الهدوم دى شكليات وانا مش ببص للشكليات دى .... انا محضر لكم مفأجاه

مسز رايق :- شكليات ايه ونيله ايه يا رايق ... فين هدوم العيد انت مش واخد ال 500 جنيه بتوع الجمعيه تجيب للاولاد هدوم العيد

الرايق :- بصى مسز رايق ... دونت وورى ...انا عامل حساب كل حاجه ... الرايق مبيفوتشى حاجه بتيتا

سقراطه :- خلينا وراء الكداب لغايه باب الدار .... ايه هى المفاجأه يا رايق ؟؟؟؟

الرايق :- هو انتى بتحشرى نفسك فى الكلام ليه ؟؟؟ عارفه يا سقراطه .... انا نفسى اروح انا وانتى جنينه الحيوانات ..واكيد اكيد هاخرج من غيرك ... والحراس هناك هيشكرونى قوى قوى قوى

سقراطه :- انا يارايق .... طيب بص لنفسك فى المرايه ... اللهم انى صايمه

الرايق :- شط اب يور ماوس ... بصى مسز رايق انا عندى ليكم مفاجاه جنان

مسز رايق :- خير يا خويا

الرايق :- هنروح نقضى العيد فى باريس

الاولاد :- هييييييييييييييييه هنروح فرنسا ....هنروح فرنسا

الرايق :- مين جاب سيره فرنسا يا اغبياء ... هنروح باريس عاصمه المانيا

سقراطه :- ياعم المانيا المانيا مش مشكله ....بس هتروح المانيا ازاى وانت كحيان وعدمان وندمان

الرايق :- موتى بغيظك يا سقراطه .... بصى مسز رايق ... بصوا يا اولاد ... حموده اخو العلامه الكبير حسن الفراش مسافر بكره يدور على شغل فى لبنان وهيطلع على ليبيا ومنها للسودان ويروح قبرص ومنها لالمانيا ....وحسن وعدنى اول ما اخوه يلاقى شغل هيبعتلى انا والعيله نقضى العيد هناك

الجميع :- اممممممممممممممممممممم

الرايق :- ايه مالكم ؟؟؟؟؟؟؟؟؟؟؟؟؟؟
فى ايه ؟؟؟؟
محدش بيرد ليه ؟؟؟؟؟؟؟؟؟؟؟؟؟
مش مهم ... اروح اجرب الجزمه ....واتزحلق بيها على السيراميك

هناك 76 تعليقًا:

قوس قزح يقول...

حمدالله على السلامة
وحشنا تدوينك هنا
و بعدين ايه يعنى لما يكون الواحد طموح و عنده امل و يعمل حسابه قبل الهنا بسنة
بس الحوسة ان الدعوة تجيلك لما العيد يبقى فى شهر 7 و يبقى موسم الجليد خلص

ساعتها هتعمل ايه فى الجزمة بقى ؟؟

اقولك ابقى اعملها مخرطة للملوخية
ههههههههههههههههههههههههه

حنين القلب يقول...

يعنى انا لو من ولادك
اقتلك واخلص منك
حكايه ان باريس فى المانيا دى سهله طول عمرك عمال تلعب فى البلاد وتنقلها من مكانها
انما تقولى رايح لبنان ولبييا وهيطلع على السودان لا والمصيبه انك تفقكر انه هيفضل عايش بعد اللفه المنيله دى وعندك امل انه هيوصل ويفتكرك ويعبرك ويبعت ليك قيل العيد
اااااااااااااه انت تقصد العيد الكبير سنه 2865 صح
اقولك فيك ايه واذان الفجر بياذن
يا رب يخليك يا روقه بس تبعد عن الواد حسن الفراش لحسن لو مراتك طلبت الطلاق هيكون بسببه
تصبح على خير يا احلى روقه

حنين القلب يقول...

روقه نسيب اقولك
هات الجزمه وانا هتصرف فيها
هبيعها ب 2.5 فى اى مكان اهه نستنفع منك باى حاجه
ولا اقولك هى بتزحلق على السيرميك صح
طيب دى تتعمل بيها ايه؟؟
ايه؟
ااااااااااااايه؟؟
اقولك فكرة حلوة انا هعمل الشارع بتاعنا سيراميك واروح بيها الشغل كل يوم واهى ترحمنى من الشارع الطويل اللى بمشيه
ربنا يرحمنا
كل سنه وانت طيب يا روقه العيد فاضل عليه 5 ايام هاااااااا واخدلى بالك

Empress appy يقول...

هههههههه اهلا اهلا انت بتطلع مع هلال العيد والله حلو كويس خالص

والله هما غلطانين ومش عارفين قيمة مواهبك الفذه اقولك خليهم يستخدومها فى تقطيع اللحمه اذا دخلت البيت يعنى هههههههههههه

سارة درويش يقول...

هههههههههههههههههههههههه شكلك هتحتاج الخيمة فعلاً ههههههههه الا اذا كانت مسز رايق طيوبة وما بتستعملش اسلوب الطرد برا البيت هههههههههه

دعاء مواجهات يقول...

عود ٌ راااايق جدا ياعمنا

اين كنت مختفى

ومالو سيراميك سيراميك

المهم تعيش


ربنا يخليك ليهم وتفسحهم كمان وكمان

هههههههههههههههههه

نورتنى اوى ع فكرة .

عبده الرايق يقول...

قوس قزح
مخرطه ملوخيه ؟؟؟؟؟؟؟؟؟؟
تصدقى يا بنت يا قوس قزح فكره حلوه
واقعد على الدريكسيون بتاع الجزمه وهاتك يا لف
وبعدين يا قوس قزح يابنتى انتى عقلك راح فين
هو فى شهر فى السنه اسمه شهر 7
نو
نو
نو
السنه 6 شهور بس

عبده الرايق يقول...

حنين القلب
هههههههههههه
هو انتى متأكده ان مراتى لو طلبت الطلاق يبقى بسبب حسن الفراش
عارفه لو كان كلامك صح
ابوس حسن الفراش
حبيبى يا حسن يا فراش

عبده الرايق يقول...

حنين القلب
ايوه نعم عارف ان فاضل على العيد 5 ايام
وانا واخد بالى تمام
ومجهز كل حاجه متخافيش
بس هدوم عيد
نو
نو
نو
انا هاحجز ليكى لفه على الجزمه
تتفسحى بيها براحتك
وهاجرلك نص ساعه بحالها
كل سنه وانتى طيبه يا عيون بابا
اخر العنقود سكر معقود على رأى فرنسا

عبده الرايق يقول...

¨¨¨°~*§¦§ Appy §¦§*~°¨¨
هههههههههههههههه
ابى
والله معرفتكيش
ايه النيولوك الجديد ده
انتى جبتى هدوم العيد من ورانا ولا ايه
كل سنه وانتى طيبه يا رحاب

عبده الرايق يقول...

سمو الأميرة سارة
اهلا وسهلا بسمو الاميره ساره
شرفتى مدونه السلطان الكبير سمو السلطاطين عبده الرايق
سعاده البرنس الكبير عبده الرايق
اتفضلى سمو الاميره لقاعه كبار الزوار
هش ياض الفراخ من جوه عندنا ضيوف
تحياتى مولاتى
شرفتى الحته دى والحته دى

عبده الرايق يقول...

دعاء مواجهات
كل سنه وانتى طيبه وبخير وسعاده يا دعاء
وانتى بجد نورتينى جدا

Mafrousa يقول...

ههههههههههههههههههههههه
انت دماغ عاليعهاوي
بس فين الهدية بتاعتي؟؟؟!!!
ههههههههههههه
الهدوم من الكماليات
واااااااااو
عندك حق انت كفايه عليك قباب السيراميك ده
هههههههههههههههههه
انا عاوزه الهدية بتاعتي
عاااااااااااااااااااااااا

son's egypt يقول...

السلام عليكم
مبروك علي الهدايا وبالذات الجزمة
ابقي جربها كويس

جنّي يقول...

السلام عليكم


تقبال الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

همس الاحباب يقول...

حمدلله على السلامة
يا جدع انا نسيت انه ليك مدونة
عامة كل سنة وانت طيب ومنور المدونة دايما

همس الاحباب يقول...

روقة
ايه اللبتعمله ده فى المودام والاولاد
وكمان قدام سقراطه
اشرب يا حلو سنتك بيضاء مع سقراطة وعائلة الرايق
وجزمة للتزحلق على السيراميك جبتها منين يا رايق دى
بجد بجد انت اقرع ونزهى وربنا حسن الفراش اتبقى نهايتك على ايده

اهو ده عيبه يقول...

والله وحشتنى خفه دمك
ايه الهدايا العجيبة دى انا والله افتكرتك اخدت فيلا فى الرحاب ولا مدينتى وجايب الحاجات دى لزوم العيشة هناك
عموما ربنا يوفق وتلحقوا تعيدوا

كل سنة وانت طيب

عبده الرايق يقول...

واحدة مفروسة
طبعا هديه بنتى الغاليه مفروسه موجوده ومحجوزه
لكن من الاخر كده
هدوم وكلام فاضى
نو
نو
نو
اقولك تعالى خدى لفه ورايه على الجزمه
بييييييييييب بيب بيب

عبده الرايق يقول...

son's egypt
ابن مصر الغالى واحشنى والله
كل سنه وانت طيب
ومتخافشى انا هاجرب الجزمه ذهابا وايابا وغيابا

عبده الرايق يقول...

جنّي
بارك الله فيك
وكل عام وانتم والاسره الكريمه بخير

عبده الرايق يقول...

همس الاحباب
هههههههههههههه
وانا كمان كنت ناسى
انت كنت معدى هنا بالصدفه قلت اشرب بق ميه لقيت المدونه مهجوره
والفيران ولدت فيها
هههههههههه
بقولك يا خالد
ماليكشى صرفه نبيع الفيران دى يمكن نطلع لنا بكام الف دورر
انا محوش 10 تجواز انما ايه من فصيله الاسد

عبده الرايق يقول...

همس الاحباب
هو انت عرفت موضوع القرعه دى ؟؟؟؟؟؟؟
طيب
انا مش هاعمل اى لقاء تانى مع برنامج ملوك وسلاطين على الهواء
ده فضايح يا عم
خلوووووووووووووووود حبيبى
بوسه كبيره للغاليه قوى همس
وقولها عمك الرايق بيقولك كل سنه وانتى طيبه وياريت تجهز العيديه
احسن انا ابتديت اكح تراب
كح كح كح كح

عبده الرايق يقول...

اهو ده عيبه
والله انتى اللى وحشتينى جدا
اما بقى بالنسبه للشقه بتاعه مدينتى او الرحاب
نو
نو
نو
دى مش من مستوايا
انا بفكر فى مستوطنه على كوكب سيروس
وهاعزم كل اصحابى هناك
ووسيله المواصلات موجوده
توك توك

رندا يقول...

هههههههههههههههههه

اولا اسم البوست روعة جديد جديد على الاخر

وكدة هتخيلنى احضر شاش وقطن هو انت بتعرف تتزحلق غير على قشر الموز ياعم الرايق هههههههههههه

بس قولى اية الى رايح السودان ومنها على ليبيا وبعديها المانيا وبعدين هى باريس عاصمة المانيا اتصدق كلة معاك جايز برضة ههههههههههه

وصرفت كل الفلوس على خيمة اية دى خيمة رمضانية هههههههههه
اة ياخوفى يابدران من الخيمة
مسسز رايق هتاخد الخيمة وتفصل قماشها لبس العيد ههههههه
ومش هتتهنى عليها يارايق نفر نفر

وبعدين مش جبت لية عدة غطس كمان ههههه
وبعدين تروح المانيا ليييية فين جزر البهامز
لالالا مستواك لازم يكون مش اقل من جزيرة

وتودى سقراط ومسسز رايق هناك وتسيبهم وترجع هههههههه
بوست عالى من شخص عالى الفكر والافكار

امااروح اقراة لعاشر مرة عجبنى فكرتة جدااااااااااا

تحياتى وتقديرى

وكل سنة وانت بخير العيد قرب

رندا

رندا يقول...

رايق نسيت اقولك لو روحت جزر البهامز
هتعرف تطلب المنيو هناك هههه
ياترى هتاكل ازاى اقولك

اطلب على ضمنتى اتنين دبل اتشيز بس يكون بلين
وقولة خلى البرجر ول ضن ههههه
واطلب لمسز رايق تشكين فيلية بلين برضة ههههههههه

وياريت شوية فرنش فرايز
واى حاجة ديت اصلى عارفة انت عامل دايت هههههههههه

وسقراط دى مش تجيبلها حاجة خلى اكلها عليا هجيبلها ام على تاخدها وتريحنا منها هههههههههه

رندا

عبده الرايق يقول...

راندا

يا خمس مراحب

ولا اقولك خمس الاف مرحبا هو انا هادفع من جيبى
جزيره البهامز ؟؟؟؟؟؟؟؟؟
نو
نو
نو
دى مش من مستوايا
انا رايح المانيا مش شخص عادى
نو
نو
نو
انا رايح عمده لباريس وخلاص جهزت كل حاجه اشتريت شيخ الغفر وشيخ البلد والغفر كمان
كلفونى كتير
لكن علشان المنظره برضه كله يهون
ويمك تضرب معايا وامسك ملك المانيا بدل هتلر
انا حاسس كده والكلام ليكى ان الالمان مش عايزين هتلر فى الحكم

عبده الرايق يقول...

راندا

نعم نعم نعم
بتقولى ايه ؟؟؟؟؟؟؟؟؟


اطلب على ضمنتى اتنين دبل اتشيز بس يكون بلين
وقولة خلى البرجر ول ضن

نو
نو
نو
انتى بتغظينى يعنى
انا عارف كل الاكل اللى انتى قلتى عليه ده
وده مش من مستوايا
انا الرايق
عارفه يعنى ايه الرايق
وعندك واحد بصاره دروت فاليه واتنين عدس استرن باليه جزيره البجع وصلحه

رندا يقول...

ويمك تضرب معايا وامسك ملك المانيا بدل هتلر
انا حاسس كده والكلام ليكى ان الالمان مش عايزين هتلر فى الحكم

----------------

ملك المانيا ههههههههههه

وهتلر اية بس انت عايش ايام الحرب العالمية
اة علشان كدة اشتريت الخيمة هههه
طيب كنت اشتريت طيارة ورق ياراجل
ومسسز رايق السيدة الاولى هههههه
لا على كدة بقى لازم تشترى حاجة ضرورى الضرورى
لازم تشترى خوزة ونبلة هههههههههه

رندا

عبده الرايق يقول...

راندا
ايه
هو هتلر مش موجود
اوعى تقولى مااااااااااات
نو
نو
نو
محدش قالى
امال مين ملك المانيا دلوقتى ؟؟؟؟
ريتشارد قلب الاسد ؟؟؟؟

عبده الرايق يقول...

راندا
انا برضه مصمم انى اكون ملك المانيا
علشان يكون قصرى جنب ساعه بيج بن
اصلى الموبايل بتاعى بيخرف دايما فى الساعه

رندا يقول...

وعندك واحد بصاره دروت فاليه واتنين عدس استرن باليه جزيره البجع وصلحه

....................

هههههههههههه

استرن بالية طيب صاحب بالية اقصد بالين كداب كدب

وواحد فوار متين على مية بيضة وصلحة

بعد اكلة البصارة

انا نفسى فى البصارة قوى فكرتنى اهئ اهئ اهئ

رندا

عبده الرايق يقول...

راندا
ارجوكى
اوعى تقولى ساعه بيج بن كمان ماتت

رندا يقول...

راندا
ارجوكى
اوعى تقولى ساعه بيج بن كمان ماتت

..................

تؤ تؤ تؤ تؤ

ساعة بيج بن جنب برج بيزا المائل

وعقارب الساعة هربت وسافرت انتكيا البلد تصيف

عبده الرايق يقول...

راندا
ههههههههههههههه
ساعه بيج بن جنب برج ميرا المائل
ههههههههههه
ادى اخره التعليم الحكومى
اروح فين بس ياربى ؟؟؟؟؟؟؟؟
برج ميزا المائل ده فى اسوان
اقول تااااااااااااااااااانى
برج ميزا فى اسوان يا راندا
وساعه بيج بن فى باريس عاصمه المانيا
ربنا يخليك ليا يا حسن باشا يا فراش كل حاجه مفهمنانى كويس
هههههههههههههه
مش تقوليلى تعليم حكومى
شويه شويه تقوليلى واشطن موجوده فى امريكا كمان

kochia يقول...

نورت بيتك يا عم عبده
مش هعلق علي التزحلق لان يمكن تكون وقعت دلوقتي ومتكسر ومش هتقدر ترد كويس

الف سلامة

تحياتي

رندا يقول...

برج ميزا فى اسوان يا راندا

.....................

هو بقى اسمة برج ميزا مش بيزا كمان

دة ميزة الى يعرف الرايق هههههه

حلوة برج ميزة هههههههه

وفى اسوان هو رايح ياخد حمام شمس ولا اية ههههه

رندا

عبده الرايق يقول...

هو الدكتور قالك
صحيح برج بيزا راح الحمام
اصلخ يا حبه عين امه اكل فسيخ حمضان وبطنه واجعاه ومعسكر بقاله يومين فى الحمام

رندا يقول...

انت بعت البرج للحمام
انت فاكرة برج حمام هههههههه

اكيد اكل الحمام كلة وكان طفس

شكلك فى الاخر رحلتك مش هتكون فى المانيا ولا عند برج بيزا

كبيرك غية الحمام الى على
السطوح هههه

رندا

عبده الرايق يقول...

راندا
غيه الحمام اللى فوق السطوح
نو
نو
نو
برج ميزا بتاع عصافير تى بايلوس من نوع الاسد فصيله الفيل
ودى عصافير موجوده فى جزيره الرايق
ومش هتلاقيها فى اى قاره من قارات العالم ال9
حصريا فى جزيره الرايق
عارفه
اموت واعرف يعنى ايه حصريا

صبرني يارب يقول...

وحياة والدك يا رايق لو روحت باريس الى فى المانيا

ابقى قولي فى واحده هناك فى حلقت لجوزي ومن يومها وهو بطل يحلق اصلا عند حلاق

قلتله لا راجل ولا ست يا معلمي انا الى باحلقله فى البيت .

لما تيجى تروح قولي يا اخويا عشان تبقى تجبهالي من شعرها

رندا يقول...

اموت واعرف يعنى ايه حصريا

....................
ياسلاطين الزبادى الى مش عادى

كمان مش عارف حصريا يعنى اية ياقواميس المّنافلة الى بتشتغل بالاشعال الذاتى
حصريا يامعلم جاية من كلمة حصيرة زى السجادة كدة اقولك مثل

جلوس الرايق على الحصيرة استحالة لانة يتملك كرسى العرش هههه

فكرتنى بمسلسل زينب والعرش هههه

ال صحيح هى زينب اتسحرت ولا لسة

يارب يااخويا يارب

maiosha يقول...

حمد لله على السلامة يا رايق

هل هلالك

كل سنة وإنت طيب .. مع إننا مبقيناش قد المقام يا سيدى .. ما إنت هتصيف فى باريس بقى .. عاصمة ألمانيا

بس عيالك دول ليهم الجنة والله .. أنا لو منهم أفرشلك الخيمة دى فى الصالة وأعتكف

بقى صرفت فلوس الجمعية علشان تجيب جزمة وتتزحلق على السيراميك..هههههههه.. والله إنت مفترى

ربنا يكون فى عونهم .. صحيح يا رايق .. هتعمل إيه بعد رمضان وإنتهاء موائد الرحمن؟؟

عبده الرايق يقول...

صبرني يارب
عارفها
وبكره لما اسافر المانيا هجيبها
البنت دى عارفها كويس
فارشه على الرصيف على باب المطار
وبتحلق للزباين باى حاجه 3 بيضات
رغفين عيش
نص رطل دره
عودين قصب
مش بيهمها اى فلوس
بس بتوع المرافق مبهدلينها كل شويه يجروا وراها

عبده الرايق يقول...

راندا
انا برضه كنت بقول كده من زمان
انتى صححتى معلوماتى
حصريا يعنى حصيره
فعلا
لما قناه تذيع الفيلم وتقول حصريا يبقى قصدهم لازم نقعد على الحصيره
يبقى الفيلم ده معمل للمشاهده الحصيراتى
ياخبر ابيض
يعنى لما يذيعوا ماتش كوره ويقولوا على الهواء
يبقى انا لازم اطلع من البلاكونه واقعد على الهواء
طيب انا ساكن فى التالت ممكن الهواء ده يخرشمنى

عبده الرايق يقول...

maiosha
لا طبعا انا هابعت لكل اصحابى دعوات
وكلنا هنصيف فى المانيا
بس خلى بالك الناس بتوع باريس
مخهم مقفل ومش مدردحين زى حالاتنا
نو
نو
نو
دول لسه لغايه انهارده بيركبوا الحمير
اييييييييييييييييه
غلابه

almasry يقول...

لا بجد همه نقلوا باريس من فرنسا ولا ايه


متكونش اتسرقت يارايق؟


بقولك ايه متزورنا بقى وآى هجيب تو يو حاجات جامده لزوم العيد بقى


تحيــــــاتى







المصــــــــــرى

عبده الرايق يقول...

almasry
باريس مش اتسرقت ولا حاجه
باريس فى مكانها يا معلم
بس المشكله فينا احنا
احنا درسنا التاريخ والجغرافيا غلط
باريس عاصمه المانيا واللى سبب الاختلاف ده ان باريس كانت رايحه فرنسا فى واجب عزاء الناس شافوها يحسبوها من فرنسا بس هى دى البروبليم
وايام فيرى فيرى وايتنج زا الهديه

Empress appy يقول...

اها بتنكر يا بابتى ههههههه وخنسرت من المصروف المسخوط اللى بتديه لينا

حسن حنفى يقول...

كل سنه وحضرتك طيب

ودايما بخير يارب

فرنسا هانم يقول...

كل سنه وانت طيب يا رايق
وعيد فطر سعيد ان شاء الله

قوس قزح يقول...

رضي الله عنك وأرضاك
وهداك وأغناك
وعافاك وشفاك
ووفقك لخير الدعاء
وأجاب لك الرجاء
وأحبك بلا ابتلاء
وجعلك ساعياً للخير
مؤثراً في الغير
وكل عام وانت بخير

kochia يقول...

لا بجد دي زعلة جامدة
وانا اللي جاية اقوللك كل سنة وانت طيب

كدة برده ترد علي كل الناس اللي قبلي واللي بعدي وتطنشني

طيب انا غلطانة
وجاي قال تقوللي عيدية رجالة ومش عارف ايه
طيب بقي انا زعلانة
والصلح هيكلفك كتييييييييير

الله يسامحك
تزعلني ليلة العيد يا متوحش
(( اهئ اهئ اهئ ))

Unknown يقول...

السلام عليكم ورحمة الله وبركاته
ويارب تكون اتبسطت ف الزحلقة على السيراميك !!!!!هم السقرايط كده مابيعجبهوش العجب ولا الصيام فى رجب!!! مش كفايه المجهود الجبار اللى عملته عقبال مالفيت وجبت الحاجات الهايلة دى لأ مش عاجب السقراطة!!!!
على العموم مايهمكش منهم واتبسط انت وكل سنة وانت بالف خير
مالقيتش احلى من النهاردة
اقولها لك وللاسرة الكريمة كلها
فى اول زيارة لمدونتكم العامرة دايمآ
مرة تانية
عيد سعيد
وعمر مديد
وكل سنة
وانت طيب

رندا يقول...

كل سنة وانت طيب وزى الفل والياسمين

عيد سعيد عليك وعلى كل اولادك واسرتك الكريمة

كل عيد وانت طيب وبخير

اللهم بلغنا رمضان المقبل يارب


رندا

FreeKiller يقول...

الزميل المدون المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
مقر النادي الإجتماعي الخاااص بشركة مطاحن شرق الدلتا
أمام مقر الوفد بشـــــارع مدير الأمن - ميدان القومية - الزقازيق - محافظة الشرقية

و كل المدونين من كل حتة ف مصر مدعوين

وللمزيد من التفاصيل يرجي زيارة اللينك التاااااالي
http://goharyblog.blogspot.com/

لكم جزيل الشكر و كل عام و أنتم بخير


بنتهز الفرصه و بهنيك عالمدونة
دمك خفيف جدا

كل سنة و انت طيب
معلش همشي بقى ورايا دعوات كتير

FreeKiller يقول...

سلام

همس الاحباب يقول...

عيد سعيد
وكل سنة وانت طيب

عاشقة القمر يقول...

ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير

رندا يقول...

ياترى انت فين يامرزوق

روحت تجيب السلطانية ومش رجعت

خايفة تكون روحت تجيب طابع البوسطة

انا قلت السلطانية بس لو تسمع
الكلام ههههه

وبعدين اية يعنى ( طز فش ) جيب الى انت عايزة
شوف بقى مين الى هيديلك الربع جنية

انت فين يارايق بقالك مدة مش رديت على الكل مش عوايدك ياعمنا

جيت اسلم وادحرك التماسى

واقولك سلامات طيبون

رندا

عبده الرايق يقول...

kochia
لا مش وقعت ولا اتكسرت انا سليم
سليم الاول
وماليش دعوه بطومان باى

عبده الرايق يقول...

¨¨¨°~*§¦§ Appy §¦§*~°¨¨¨
مصروف مسخوووووووووووووط
نو
نو
نو
ربع جنيه فى الاسبوع مصروف مسخوط ؟؟؟؟؟
الله يرحم ايام جد جد جد
كان الربع جنيه ده بيجيب فيلا فى الساحل الشمالى
وبيجوز 5 عرسان
بلاش نتبطر

عبده الرايق يقول...

حسن حنفى
وانت طيب وبخير يا حسن

عبده الرايق يقول...

فرنسا هانم
كل سنه وانتى منوره يا فرنسا دايما وحمدلله على السلامه

عبده الرايق يقول...

قوس قزح
بارك الله فيكى ورزقكى مما تحبى وترضين
كل سنه وانتى شمعه منوره

عبده الرايق يقول...

جنّي
كل عام وانتم بخير ياسعيد
وشكرا لك

عبده الرايق يقول...

kochia
طبعا انا رحت لغايه عندك علشان اصالحك ياريت اكون رميت الغلطه دى فى البحر

عبده الرايق يقول...

norahaty
هما فعلا السقاريط ميعجبهمش العجب ولا الصيام فى رجب
بس هنعمل ايه
كل سنه وانتى دايما منوره

عبده الرايق يقول...

راندا
كل سنه وانتى منوره دايما وفل الفل
واولادك واسرتك الكريمه بخير

عبده الرايق يقول...

FreeKiller
اشكرك جدا على كلامك عن المدونه
واشكرك اكتر على الدعوه
وجزاكم الله خيرا

عبده الرايق يقول...

همس الاحباب
كل سنه وانتى طيب يا خالد

عبده الرايق يقول...

عاشقة القمر
كل سنه وحضرتك طيبه وكلماتك جميله جدا
اشكرك جدا عليها وعلى الزياره الكريمه

عبده الرايق يقول...

راندا
انا هنا
اهه
هو ايه يا بشر
محدش شايفنى ليه
انا ببيع فل وياسمين فى الاشارات
بس الناس باين عليهم ضحكوا عليا
قالولى بيع فل فى الاشارات
ومن يومين وانا واقف فى مدرسه الصم والبكم بتاعه الاشارات ومحدش عايز يشترى منى

رندا يقول...

انا ببيع فل وياسمين فى الاشارات
بس الناس باين عليهم ضحكوا عليا
قالولى بيع فل فى الاشارات
ومن يومين وانا واقف فى مدرسه الصم والبكم بتاعه الاشارات ومحدش عايز يشترى منى

..........................
اشارتك خضرة
مين الى اداك العنوان يامعلم دة
تؤتؤتؤتؤتؤ
روح عند مدرسة تعليم السواقة واقف عندهم
ولا اقولك روح عند كازينو الشجرة
هتلاقى ناس بالهبل ياخدوا منك كل الفل

بس كدة هيخلص الفل ومش هتلاقى تبيع حاجة تانية
ابقى بيع ياسمين بقى
صباحوا مغارة على بابا والاربعين حرامى
نصب اخر حاجة اتلاقى الفل دبلان يامعلم اصلا

رندا

عبده الرايق يقول...

راندا

كححح كححح كححح
مين فى المغاره بيكح
انت نو
ولا انت نو
ولا انت نو
الله يبقى فى حد غريب هنا
انت ياض يا بتاع السمسم انت فتحت لمين المغاره
هههههههههههههه
يابختك ياعم على بابا
ازيك ياراندا
هو كازينو الشجره ده فين ؟؟؟؟
اصل الفل معايا وجايبه بالتقسيط المريح من عبد الرحيم عمرو
شكرا يا راندا على النصيحه اللى تودى فى داهيه دى

مسعدة يقول...

منورنا يارايق
تحياتى