الخميس، 10 يونيو، 2010

عتبه .. رمسيس ..جنوب افريقيا

الرايق :- هااااااااااااى ايفرى بدى ... مسز رايق هاو اار يو ؟ .. سقراطه هانم فى بيتنا يا مرحبا يا مرحبا .. يبقى اكيد هتنقطع الكهربا
مسز رايق :- اهلا يا سى عبده ... مالك انهارده مزقطط كده ليه ؟؟؟ وكمان راجع بدرى من شغلك
الرايق :- راجع بدرى علشان احضر شنطه هدومى ... اما بقى مزقطط ليه .. خليها فى سرك احسن فى ناس هنا عنيها تفلق الجبل
مسز رايق :- مالكشى دعوه بنعمه اختى وخليك معايا انا ... شنطه هدوم ايه اللى هتحضرها يا رايق ؟؟؟
الرايق :- بليز بى كويت مسز رايق .. ترجمتها للعربى اهدى شويه يا ام التخلف ... مالك يا سقاريطو .. سقرااااااااااااطه .. فى ايه مالك حاطه رجلك على خدك وحزينه كده ليه ؟؟؟
سقراطه :- حطوك فى زير مليان يا بعيد روح ... انا برضه حاطه رجلى على خدى ؟؟ اطلع من نافوخى يا رايق الساعه دى انا مش فايقه لك
الرايق :- ااااااااو سوورى سقراطه هانم ..انا كمان معذور كل دى ايد ... وبعدين كم البلوزه دى شبه الشراب
سقراطه :- شرااااااااب !!!!! الله يرحم ده انت لغايه السنه اللى فاتت كنت بتخاف تلبس الشراب ..ههههه .. دلوقتى عرفت تقول على البلوزه شراااااااااب
مسز رايق :- فى ايه يا رايق ؟؟؟ وشنطه هدوم ايه ؟؟ انت مسافر ؟؟
الرايق :- طبعا هتعرفى منين يا وش التخلف انتى ... انا رايح جنوب افريقيا علشان افتتاح كأس العالم بعد بكره وصديقى العزيز جاكوب زوما وماى فريند التوينز بلاتير حلفوا يمين طلاق ان اول مان يلمس الكره الجديده اديداس جابيلانى هو العبد لله عبده باشا الرايق
مسز رايق :- جابيلانى ؟؟؟؟ مين ياخويا جابيلانى دى كمان ؟؟؟
الرايق :- جابيلانى ده اسم كره كاس العالم الجديده يا متخلفه انتى ويور سيستر
سقراطه :- اتمسى ياسى قردان انت وخليك مع مراتك ومالكشى دعوه بيا نهائى
الرايق :- نهائى ... نو نو نو.... انا لايمكن ارجع الا بعد ماتش النهائى
سقراطه :- نهائى مين ونيله مين ؟؟؟ هو انت اصلا معاك جواز سفر ؟؟ هو انت اصلا معاك فلوس تتنيل بيها وتسافر ؟؟ هو انت اصلا فى حد فى جنوب افريقيا يعرفك ؟؟؟
الرايق :- ههههههههههه .. جواز سفر مين يا ام التخلف انتى .. الواد حسن باشا الفراش صديقى العزيز قالى انه حجز لى فى بورت اليزبيث جنب بورتوفيق على طول
مسز رايق :- بورت ايه ؟؟؟؟
الرايق :- بليز مسز رايق .. لسن توو مى ... بورت اليزبيث دى مدينه من المدن المستضيفه للكاس وهى جنبنا هنا على طول
سقراطه :- يعنى هتاخد لها ميكروباص يعنى ولا ايه ؟؟؟
الرايق :- نو نو نو ... انا برضه هاخد ميكروباص لجنوب افريقيا .. نو نو نو .. هو انا اتجننت ؟؟؟ .. الميكروباص هو اللى هيخدنى يا ام السقاريط انتى .. وبعدين ماى فريند عمنا جاكوب عمره ما هينساتى فى ال 420 مليون دورر جوايز البطوله .. حتى لو مصاريف السفر والتليفونات
سقراطه :- فوق واصحى يا رايق الزفت حسن الفراش ده بيضحك عليك
الرايق :- نو نو نو ... الراجل كتر الف خيره جبلى الدعوه والكزاكر وحجز لى فى احسن فندق فى رمسيس وحجز لى فى الميكروباص .. كل ده بكام تتخيلوا ؟؟؟
مسز رايق :- هو انت دفعت فلوس ؟؟؟
سقراطه :- طبعا ..طول ما المغفل عايش يبقى اكيد النصاب بخير

هناك 9 تعليقات:

واحدة مفروسة يقول...

??????
ايه مش كملت ليه؟؟؟؟
ههههههههههههههه
مسز رايق خبطتك على راسك فقطت النطق؟؟؟؟
كمل و النبي عاوزة اشوف دفعت كاااام
ههههههههههههههه

Doba يقول...

انا مع مفروسة
واضح ان من كتر الكدمات والصدمات فقدت القدرة على النطق

مش عارفة ليه أسطر المدونة مش مظبوطة
حاول تشوفلها حل

عود أحمد يا افندم
تحياتى
هبة

ندى الياسمين يقول...

هههههههههههههه
جميله يا رايق

تسلم اديك

منور بلوجك يا ريس

غير معرف يقول...

حبيب قلبى عبده باشا الرايق
هههههههههههههههه
والله واحشششششششششششششششششششششششششششششششششششششششششششششششششششتنى جدااااااااااااااااااااااااا

حاجات جوايا يقول...

كام كام هاااا
هههههههههه
بس جنوب افريقيا دى طلعت قريبة خالص
ابقى عدى عليا بالميكروباص وانا اجيب العلم واجى اشجع

العلم اللى مرسوم عليه الكورة طبعا اللى هتفتتحها .. امال علم ايه .. احنا بره المونديال

حمدا لله على سلامتك مستر رايق نورت مدونتك من جديد

غير معرف يقول...

حبيب قلبى عوبد
واحشنى ياريس
انا كمان معزوم فى كاس العالم فى شمال افريقيا اصلى مش لقيت حجز للجنوب
اقابلك امس بقى
سلام يا صاحبى

غير معرف يقول...

سؤال بس ياريس
مين جابيلانى ؟؟؟؟؟؟؟

سومه...مجنونه فى بلد عاقل يقول...

ههههههههههههه يعنى عارف انك اتقرطست ومكمل
والله كتاباتك ليها وحشه يا رايق انت وخالتو فرنسا

amiina 2015 يقول...

http://prokr.com/furniture-transfer-movers-company/

http://prokr.com/cleaning-company-villas-houses-apartments-riyadh/