جوود مورننج مسس رااااااايق
وعليكم السلام ورحمه الله وبركاته . مالك يابودى مبهدل كده ليه ؟
وات ؟.ايه مبهدل دى ؟ انتى وليه بلدى خالص يعنى ايه مبهدل
قال على رأى المثل اللى ميشوفشى من الغربال ...... مبهدل فى هدومك .القميص طالع من البنطالون والجيب بتاع السويتر طالع من مكانه والجزمه غرقانه طينه
ضريبه الكفاح يا متخلفه .مشوار من شغلى فى الحى لغايه هنا 9 محطات . محطه تنطح محطه
انت برضه مش عايز تركب الاتوبيس
وااااااااااات ؟ اتوبيس بتاع الغلابه .......نو
ولأ ليه يا خويا ؟
يو سبيك انجلش ؟ فهمتى يعنى ايه نو ؟..غريبه والله
ما غريب الا الشيطان مانت طول النهار بتنونو كل شويه نو
لغايه لما خلتنى احس انى عايشه مع قطه
واااااااااات ؟ انا قطه يا وليه ؟
لا يا خويا قصدى قط....قط كبير .... نمر يعنى
يس .. قصدك تايجر ...تمام تمام فعلا نمر .. شوفى ياوليه انا امشى على رجلى ولا انى احطها فى الباص
عارفه يا متخلفه . انا زمايلى فى الحى معاهم عربيات وفى ناس معاها شقق تمليك وناس معاها عماير لكن انا نو والف نو
عيش شريف تموت نضيف
طبعا ولا انتى فاهمه حاجه
غلطه عمرى انى اتجوزت واحده متخلفه زيك
الاكل جاهز ؟؟؟
ايوه يا خويا جاهز من بدرى
عامله ايه انهارده مسس رايق ؟
فضله خيرك كشرى
والصلطات ايه والحلو ايه ؟
صلطات وحلو كمان عندك قرنين فلفل خضر اجبهم والحلو نص باكو بسكويت من بتاع العيال بتاع التغذيه فى المدرسه
الا مقلتلكشى اختى كانت هنا انهارده وبتقولى ان جوزها مطين عيشه اللى خلفوها على الالف جنيه السلف اللى عندنا وبقالهم سنتين
امممممممممممممممممممممممممم
عبده
ياراااااااااااااااق
عبده
فى ايه يا مسس رايق ؟
انت بتبص للسقف ليه يا خويا ؟
مش عاجبنى حال لبنان ازاى بلد تقعد 3 شهور من غير رئيس ازاى ؟؟؟؟
لبنان ؟؟ بقولك اختى عايزه فلوسها يارايق
لازم يبقى فى رئيس ويتوحد الشعب اللبنانى لازم
قالتلى جوزها حلف بالطلاق لو الفلوس دى مجاتش بعد شهر هيفضحنا فى العيله كلها
مفيش بلد فى العالم قعد المده دى من غير رئيس ... انا اعصابى شاطت من التفرقه اللى فيها الدول العربيه
وقعدت تعيط وتقولى حرام عليكى ياختى مستقبلى ومستقبل عيالى انا مش هاسكت لو فضحك فى العيله وده راجل شرانى
وليد جنبلاط وجعجع والحريرى ازاى مش فاهمين ان اسرائيل سبب كل البلاوى
وانا مش عارفه اقولها ايه طيب يا خويا ما تشوف لنا جمعيه وندخل فيها ونديها فلوسها
ولا حسن نصر الله مع انى بحب الراجل ده الا ان عايز الامور تمشى طبيعى لانى شايف بوادر حرب اهليه
اهليه ؟؟؟؟؟ انا بكلمك عن اهلى انا .. اهليه مين ؟؟؟؟
هه ؟؟؟؟؟؟؟؟؟
هو انا كنت بتكلم معاكى ؟؟؟ هوزلت
هناك 28 تعليقًا:
اول تعليق
هقرا وارجع
ههههههههههه
بذمتك يا عبده يا رايق انت يا سفن آب
حد عامل زيك كده ونو وتايجر وحاجات انجليش ويقول يا وليه
متركبش خالص على بعض يا مان
:D
ايه يا ابو الروقان مش تركز مع طنط ام العيال شويه دى يور وايف برضو يا باشا.... وبعدين فين بقية اليوم كلته علينا زى ال ألف جونى ولا ايييييييية؟
مستــ ج ــدة
ههههههههههههههههه
يابختك يافندم على روقانك
الله يكون فى عون ميس رايق
وعلى فكرة اللى بيعيش شريف بيموت شريف برده
:)
تحياتى
اول تعليق واول زياره
ويا مساء الروقان
ياعبده باشا
مساااااااااااااء الدماغ الضايعه
والله انت فله خالص
وفعلا فعلا راااااااايق بجد
.......
علي فكره انا بحب اجي مدونتك اوي عايزة اعرف هترجع الالف جنيه ولا لاءه
سلامووووز ياسكر
وزة
ايه يا راااااااااااايق
فلوس الناس فين ؟
الالف جند يا عبده ؟
سيبك من الاعيب لبنان واسمع لمسس رايق
الف جنيه لن تعود
ووليه تجيد صنع الكشري والبسكويت
وشريف الذي يموت بروحين ده ( شريف ونظيف)
وتسع محطات ماشي
وبلد من غير رئيس
وشخص يبحب حسن نصر الله
يالك من رفيق رقيق المشاعر يا عبده
وانا فى الانتظار
3abdo me7tas
شوف يا مان
احلى حاجه الخلطبيطه
بنفسجى مع اخضر
احمر مع ازرق
وليه مع مسس
كله جوان مش الكوره جوان
مستــ ج ــدة
لا
انا مبكلشى حاجه الا من ايد ام العيال
اما باقى اليوم
اكله جوجل
نازل الشغل جعان
هبش بقيه اليوم
مسكييييييييييييين
يا جوجل
آخر العنقود
ياريت الواحد يموت شريف
علشان عاش شريف
بطوط حبوب
مساء الروقان لاحلى فرشه سنان
صوره حلوه يابطوط
انين الحزن
الالف جند
اباااااااااااااه
لقد سألتينى سؤالا محرجا
ده لو باعوا الرااااااااااايق
ومدونه الرااااااااايق
ومكتب الرااااااااااااايق فى الحى
وجميع قمصان وبنطلونات ومستلزمات الرايق
مش هيكفوا فوايد الالف جند
لكن انا مستنى الكادر
وهلعلع
وهتحلو
وتبقى فله
فرنسا هانم
خليكى محضر خير يافرنسا
وبلاش تولعيها
انتى عارفه الرااااااااااايق
انا ممكن افجر مدونتك
عقلك فى راسك تعرفى خلاصك
ساعد نسرين الايمن
شكرا اخى ساعد نسرين الايسر
والف سلام لنسرين
ومعلشى انا بسأل
هو مين ساعد نسرين الايمن؟
يخرب بيت سنينك انت فعلا رايق ومروق المسائل بس جامد برده
انا اول زيارة بس مش اتبقى الاخيرة
انا بحب الدماغ الرايقة
بس لو ما سددتش الفلوس اتفضح فى العيلة وبين المدونين كمان
انتى ماشى على مبدا السلف تلف والرد خسارة
تحياتى ليك
الست بتقولك رجع الالف جنيه السلف تقولها لبنان
طيب ما تحل الحرب الاهلية اللى بسبب الالف جنيه وبعدين ابقى فكر براحتك يعنى فى حل للحرب الاهلية اللى هتحصل فى لبنان
هاهاهاهاى والله انت برنس لازم الناس الهاى الى ذيك يلاهو ناس بنفس مستوى التفكير لكن زوجتك دى بصراحه بلدى خالص مش فهما معاليك انت بتتكلم فى بلد هتروح وهى بتتكلم فى 1000 جنيه ياى
تحياتى
السلف تلف والرد خسارة
طب ومس رايق هاتجيب منين هو انت شاطر بس تستلف والست الغلبانة تشيل هم السلف دهالله يعينها
انت اغتيت اهو وبتاكل كشري اصلي امبارح قعدت احسب اكلة كشري تكفي يومين ليا انا والعيال وابوهم في ظل هذا الغلاء الفاحش لقيناها قفلت 22 جنيه كدة وبالشفا
ربنا مع لبنان ومصر والعراق وفلسطين وافغانستان والصومال ومين كمان
اللهم فرج كرب المكروبين يارب اجمعين
دمت بخير وسلامي للمدام
همس الاحباب
لالالالالالالالالالالالالالالا
انا ناوى اسدد
هى الفلوس ليها قيمه
ده الواحد بيمشى يتكعبل فيها فى الصاله
بس انا معنديش وقت اقعد اعد الفلوس
هى دى البروبليم
Desert cat
ياقطه انتى عاقله
سيبك من كلامها
دى وليه متخلفه
الف جنيه مين
هو انا هاغلب فى الف جنيه
الفلوس زى الرز
بس النفس اللى تدفع
ضد الظلم
شفت بقى الدماغ
صباح التوقودم
صباح النعانيع
هو ده الكولم
ياريت المتخلفه دى تقراء الكلام ده
علشان تعرف
ان لبنان اهم من الالف جنيه
المفقوعة مرارتها
مسس رايق
كيفه صرف وبس
متعرفشى توفر ابدا
مع ان مصارفنا قليله على المرتب
يعنى مش بنصيف فى قبرص ولا تركيا ولا فيينا
واكلنا عادى من هنا من مصر
مش بنشترى حاجه مخصوص من فرنسا
nonoymm
يااااه 22 جند
جند ينطح جند
فى اكله الكشرى
ليه ده كيلو رز وربع كيلو عدس
بس
كويس ان مسس رايق مبتقراش الكلام ده
كانت اعلنت حركه التمرد والانفصال
دمااااااااااااااغ عاليه جدااااا
فعلا رايييييق
طريقة عرض الافكار جديده جدا
احييك وبشده ياعمووو
كيب جوينج
وسلملى ع مسز رايق ورايق سونز
لأ رايق بجد
بس يور وايف والألف جنيه
بجد بوست جميل جدا
تحيااااااااتي
إرسال تعليق