الأحد، 2 مارس 2008

صباح الروقااااااااااااان

صباح الخير يا استاذ عبده يارااااايق ...المدير سألنى عليك وبيقول انت اتأخرت ليه لغايه دلوقتى ؟

صباح النور ولد فراااااااااااش ...وانا من امتى باجى بدرى ؟ .. مش يحمد ربنا ان مستحمله ومستحمل الوورك معاه

اممممممممممم

بطل هرش فى راسك على الصبح وروح هاتلى اتنين نسكافيه وواحد قهوه ساده وباكو باسكويت نواعم

اممممممممممممممممممم

مالك متنح ليه كده ؟؟جوووو

معلشى لامؤاخذه الحق حبيب الله ده تانى شهر نقبض ومتحاسبنيش ... بصراحه الحساب بتاعك تقل خالص ... واحنا لسه قابضين امبارح وانت زوغت منى زى الشهر اللى فات .... شخشخ جيبك وابجنى .. اجيب لك اللى انت عايزه

ايه ؟؟؟ ايه ؟؟؟ ايه ؟؟؟
سمعنى كمااااااااااااان
فلوس ؟؟؟
جالك قلب تنطقها قصادى ؟ لالالالالالالالالالالالالالالالالالالالا
لايسلم الشرف الرفيع من الاذى حتى يراق على جوانبه الدم

شرف مين ودم مين يا عمنا ؟ ما تدفع بالتى هى احسن

ووووولد انت مرفود

هههههههههههههههه
حلو يا حلو
ماتكنش فاكرنى شغال فى العزبه بتاعه الباشا جدك الثالث عشر ؟؟؟؟
انا موظف زيى زيك بالظبط .. ومتقدرشى ترفدنى

طيب مخصوم منك تلات ايام ... ودونت كراى ... هتعيط مش هارجع فى كلامى نيفر

يا خى تيييييييييت
روح بس شوف المدير لحسن يطين عيشتك
وبعدين انت مش رئيسى علشان تخصملى ولا فينتو ثانيه
سعيده يا اخ راااااااااااااايق

ولد يا سعاده الاستاذ فراش
انا كنت بضحك معاك يا راجل
ليه قلبتها نيرفز كده .. خليك ريلاكس
وروح هات الاتنين نسكافيه والقهوه والبسكويت

الفلووووووووووووووووووس الاول والا فلا

منك لله مسس رايق نفضتى جيوبى عاااااااااااااااااااا
منك لله يا جفرنمنت نفضتى هدومى وجيوبى يا حكحك يابنت ام حكومه
منك لله يا كادر خليت الناس تشمت فيا عاااااااااااااااااااا
منك لله يا غلا عاااااااااااااااا

خلاص يا راااااايق اهدى بس وصلى على النبى ... لحسن تجيلك ساكته ولا حاجه
انا هاجيب لك كوبايه شاى وساندويتش من بتوعى ... وبطل عياط

شاى فتله ؟؟؟

ياعم اهدى فتله مين

وساندويتش كايزر ولا بلدى ؟

ياعم الموجود هاجيبه ... بس وحياتك تخلى بالك معايا فى الحساب
حسابك تقل قوى يا عم عبده يا رااااااااااايق

ولد... اجرى يلا انجر اغسل يور هاند بالصابونه .. وهات الشاى والساندويتش وامرى لله
ولا زم يكون عليهم تاريخ الصلاحيه

صلاحيه ؟؟؟؟ منجيلكش فى صلاحيه

طب وبكره يا ولد يا فراش ؟؟؟

اعمل ايه ؟؟؟ نصيبى كده
كل يوم هاعمل حسابك فى كوبايه شاى وساندويتش لغايه اخر الشهر

بس ابقو وصى يور وايف تغسل ايديها بالميه المعدنيه والصابون وتعقم ايديها قبل ما تعمل الساندويتشات

هناك 35 تعليقًا:

انين الحزن يقول...

اول تعليق هااااااااه

هو فعلا فعلا صبااااااااح الروقااان

لالالالا روقان ايه التوهااااان

والنبي عسل لو انا من الراجل بتاع الشاي دا اعملك الا انت عايزة ما انت لما هتاخد الكادر الا بتحلم بيه يعني هتظبط الدنيا كلها ولا ايه يامعلم

سلاموووووز
وزة

فرنسا هانم يقول...

وزتى الاموره هنا
يابختك يا راايق
هو انت فى كل حته عامل مصيبه
وطوب الارض ليه عندك فلوس
بقولك ايه
انا مبسلفش حد
وخصوصا انت

Empress appy يقول...

صباح الوجيعه على الغلا والكادر والنيله

بس بقولك ايه سيبك من محلسه الفلوس دى كوكبى على قده ههههههههه

عبده الرايق يقول...

انتى عسل ياوزه
صحيح احنا بنتخانق مع بعض على اللى يروح الاول عند خالتنا فرنسا
وانتى رحتى قبلى وفرجتى امه لا اله الا الله عليا
لكن ملحوقه
انتى تعليقك هنا نسانى الخلافات والخناقات
وعلشان كده
انا هاروح المدونه بتاعتك اشرب
الاتنين نسكافيه والقهوه
وياريت يكون فى ساندويتش لحمه فيليه
او كرواسون

عبده الرايق يقول...

ليه البق الحمضان ده يا فرنسا هانم
هتندمى
هتندمى
صدقينى يا فرنسا هتندمى
لما اخد الكادر
وابقى من الاعيان
واركب تياره من بتاعه الاغنياء
مش طياره كوحيتى
لا تياره هاى
واسافر بلاد الهبهوب
هتحالولى تضربى معايا صحوبيه
وساعتها
مش هتبقى من مستوايا

عبده الرايق يقول...

appy
ابى ماذا تقولين ؟؟؟؟؟؟؟؟؟؟
العااااااااااااار
النااااااااااااااار
الفرااااااااار
انا اتمحلس
لا والف لا
ان عدواه الفلوس تجرى فى دمى
انا لا اطلب فلوس
انااااااااااااااااااااا
اناااااااااااااا
انا جعان
عندك ساندويتشات ؟؟

آخر العنقود يقول...

والله رااااااااااااااايق
بقولك ياعم عبده
ابقى خد بالك من الكادر بناعك
واضح كده ان الكل عينه عليه
ايه ده
ده انت مداين الخلق كلهم
:)
واوووووووعى تفكر او حتى يخطر ببالك
انا بقولك اهوه
:)
سلام ياروقااااااااااااااااان

Desert cat يقول...

عايزه يوصى يور وايف تغسل ايديها بمية معدنية
هو فقر وارننة
ياباشا طب ادفع له الاول اللى عليك وبعدين اتشرط
منها لله كحكح بنت م حكومة

همس الاحباب يقول...

والله عاجبنى
وعاجبنى دماغك
بجد دماغ متكلفة صح
كرسى فى الكلوب ولا يهمك يا رايق
بس ايه حكايات الديون معاك
خف شوية يا عم رايق
و2 نسكافية وقهوة وبسكويت ايه اتعمل حفلة
تحياتى

تــــايه ومش تـــايه يقول...

رايح الشغل متاخر واعدت تلك معا الفراش 4 سعات فى واحد شاى وسندوتش وتنفي جيب .
وبعدين اكيد الفراش ده ممثل الجفرنمت عندكم فى الشغل .قصدى مصاصين الدماء اللى بيحكمونا

قبلة الحياة يقول...

جوود افتر نون يا مستر رايق

بجد انا لو كنت الفراش بتاعك كنت طخيتك عيارين وريحت مسس رايق وحكحك منك

ايه يا عم جاي متاخر ومداين للشعب كله وكمان بتتامر على الوايف بتاعه الراجل

بس والله بوست دماغ وفني تري تري فاني

ما تنساش تسلم لي على مسس رايق وعلى الكيدس
و قولها مس لايف بتسلم عليكي

تحياتي ،،،

صوت من مصر يقول...

عبده الرايق
ايه ياعم ده هو لازم تفطر
انا بقى عمرى ما فطرت

منوفيـــايــة يقول...

صباح النسكافيه والبسكويت ياعم الرقان
بس ليه كده هيا المودام مبتفطركش ليه قبل ما تنزل الوورك بتاعك ولا لازم تخليك تكلم اللى يسوا واللى ما....
.
.
لازم تاخد موقف ياعم الروقان

مدحت محمد يقول...

انا وانا عمال اقرا افتكرت موظف معانا فى الشغل
والله بيجى الشغل الساعه عشرة ويمشى الساعه
12
متستغربش ده ابن المدير
ومبيدفعش للفراش الفلوس اللى عليه
وبيشرب شاى ببلاش
كمان
دولة بنت تييييييييييييت
تحياتى ليك

أم أحمد يقول...

شحات وبيتأمر أقرع ونزهي
أيه الروقااان ده ؟ ربنا مايحرمك منه

غير معرف يقول...

ايه الرووقان ده يا عم الرايق
انا اول مرة ادخل المدونة بتاعتك والله مبطلتش ضحك

تقبل مرورى

عروسة ننوسة يقول...

ههههههههههههههههههههههههههههههههههههه دمك خفيف جدا

عبده الرايق يقول...

آخر العنقود
صحيح ايه ده كله عينه على الكادر ؟؟
بس تعرفى الكادر هيقضى الكل ويفيض كمان
انا بفكر اشترى قطر السكه الحديد واوصله للقصر بتاعى

عبده الرايق يقول...

Desert cat
محدش ضامن يا قطه
اهوه الميه المعدنيه نضافه برضه
وبعدين
الدفع ده خارج موضوعنا
بلاش نتكلم فى الفلوس
هتبقى معايا بالحيل
زى الرز

عبده الرايق يقول...

همس الاحباب
ااااااااااااااه
الكادر يا عزيزى
يجى الكادر بس
وانا افرجك على البشريه دى كلها
اللى ليه عندى جنيه يا خده الف
انا هتجرى فى ايدى الفلوس زى الميه

عبده الرايق يقول...

تــــايه ومش تـــايه
لالالالالالالالالالالالالالالا
الولد الفراش هو اللى قعد يلك معايا فى الكلام
اصله ولد غلبان
تلاقيه كان جعان ولا حاجه

عبده الرايق يقول...

قبلة الحياة
اوووووووووو
يس
يو ار ويلكم
انا مش مداين لحد
ابدا ابدا ابدا
عمرى ما اتداينت لحد بفلوس ابدا
بس كل الحكايه
انهم ليهم عندى فلوس
بس دى الاستورى

عبده الرايق يقول...

صوت من مصر
نووووووووووووو
انا لازم افطر
انا بجهز نفسى لاولمبياد الجولف ولازم غذاء

عبده الرايق يقول...

مستــ ج ــــدة
فعلا
لازم اخد موقف
لازم
احسن حاجه ان انتى اول واحده بتقول لازم تاخد
يااااااااااااه
الكلمه دى وحشتنى
من زمان والناس عماله تقولى
عبده هات هات هات هات اللى عليك

عبده الرايق يقول...

مدحت محمد
لالالالا انا مش زى ابن المدير
انا هادفع اللى عليا
بس يجى الكادر

عبده الرايق يقول...

أم أحمد
لالالالالالالالالالا
ام محمد انا مش شحاااااااات
انا عبده
عبده روقااااااااااااان
هما الناس اللى بيدونى ساندويتشات
ومش ينفع اكسفهم

عبده الرايق يقول...

as.zaid
مرورك
زود المدونه نور
وياريت متتأخرشى
اهوه
نوفر فى الكهرباء

عبده الرايق يقول...

gannah
ااااااااااااااه
لو كان دمى دهب
كنت اتمنى يبقى تقيييييييييييل جدا

رئـــــيسـة حزب الأحلام يقول...

السلام عليكم انت عامل وايه الروقان اللى انت فيه ده

آفاق الحرية يقول...

عبده بيه
بالرغم من ان ده اول زيارة للمدونة الكريمة
لكن احب اسجل شهادتي ان الواد الفراش ده خنيق
معلش ابقي حن عليه باللي يجود بيه جيب سيادتك
ومساء الروقان يا عم

أمـ الله ـة يقول...

والله حاسه ان من زمان مضحكتش

باين على الفراش انه طيب وبيحبك

رئـــــيسـة حزب الأحلام يقول...

ايه الروقان دة يارايق

mostafa rayan يقول...

دة ادولد رايق ريلاى رايق بجد
فيري جود بوي

فرنسا هانم يقول...

فينك يا رااااااااايق
هنادى عليك بمنادى ولا ايه

فضفضة يقول...

يعنى 2 نسكافية

وقهوة وبسكويت نواعم كمان

مهو التبذير ده هو اللى دينك

لم ايدك شوية

وخلى يور وايف تعمل لك ساندويتش فول مع كوباية شاي من غير سكر

واديها جت على راسك

وهتعمل للفراش كمان وجبة فطار

عموما انا معايا ثلاثة جنيه ونص

من اخر مرة كنت فيها فى مصر هى امى

لو تحب تاخدهم تفك بيهم زنقتك

وتبقى تبشبشنى اما تاخد الكادر

معنديش مانع

انا ميهنشي عليا اشوفك متبهدل كده

وانا كانزة على قلبي

ثلاثة جنيه ونص

خلاص خلاص خلاص

لا اقسمت عليك

والله ما هم راجعين يا راجل قطعت قلبي

وسلم لى على الكاااااااادر