الخميس، 13 مارس 2008

الدعوه عامه للجميع

الشاى ياسى عبده

حطيه عندك على التيبول .. سانك يو مسس رايق

سانك يووهك معاك ياخويا ... ايه اللى انت بتكتبه ده ؟

دى اسماء المدونين والمدونات ..ماى فرندس

وبتكتبهم ليه ياخويا ؟

علشان الحفله ياوليه ... انا عامل لهم عزومه فرى فرى بيتيفول

عزووووووومه هنا ...فى الشقه اللى قد الحق دى ... دحنا مبنعرفشى نقعد ناكل فيها زى خلق الله ... هتزعم الناس فيها ازاى ؟

نوووووووووووووو نو مسس رايق ... انا هاعمل حفله لارج .. فرى فرى لارج ... وهاعزم فيها كل المدونين اللى اعرفهم واللى معرفهمشى من ايجيبت ومن كل الدول العربيه والعالميه

يوووووووووه يوووووووه وكل ده ليه ياخويا ؟

الكادر يا متخلفه ........خلاص سمعت انهم خلاص على وشك الامضاء .. وكانو هيمضوا لولا انهم ملقيوش قلم ... وكل المكتبات كانت كلوز
خلاص اول ما المكتبات تبقى اوبن هيمضوا القرار وهاعمل الحفله

امممممممممممممممم

مالك مسس رايق ؟

هتعمل الحفله دى فين بالصلاه على النبى ؟؟

فى استاد القاهره الدولى يا متخلفه .... انا هكلم ماى فرند . المحافظ واجر الاستاد .. واجر كام الف عسكرى حراسه واعمل الحفله

وهتجيب الفلوس دى كلها منين يا حسره ؟؟؟

الكادر يا متخلفه هيكون اقل حاجه 10 الاف دولار فى الشهر .. يعنى لو قبضنا زى البترول 3 مرات فى الشهر يبقى 30 الف دولار فى خمسه على الاقل يعنى 150 الف جند فى الشهر ... طبعا مبلغ بسيط لكن مع الزياده هنوصل .. وهارجع الالف جنيه بتاعه جوز اختك وهاسدد كل الايجار والجزار وكل الديون اللى علينا ... وعارفه انا مش هاعزم فرنسا هانم ولا البنت وزه علشان طلبت منهم فلوس سلف ومرضيوش يدونى فاكرنى هاكلها عليهم

والله جدعان عندهم حق

بتقولى حاجه مسس رايق

لا يا خويا انا بكح ... بس بقول ان الاتنين دول ناس كويسه وبلاش تخسرهم

عموما انا قلبى طيب .. وهما غلابه
فرنسا هانم مكسوره وبتجيب عيش من الفرنه غلبانه
ووزه بتحلم ب 7 مليون جند ومش عارفه تعمل بيهم حاجه غلبانه

طيب يا خويا خد لك البرشام بتاع الهلوسه وخش نام

برشاااااااااااااام ايه يا وليه ؟؟

انتى هتفضحينا قدام البيبول ولا ايه ؟؟؟

هناك 38 تعليقًا:

بطوط حبوب يقول...

ربنا يزقهم بقلم ويمضوا على قرار الكادر ده يااااااااارب
ال بالحق بعد ما تبقى من اصحاب الكادر هتنسا
بليز مستر رايق دونت تنسانا
وى مش نقدر نليف من غيرك

بطوط حبوب يقول...

بالمناسبه انا الاقول يعنى لى مكافأه وانا هطلع زوق وهنتظر الكادر

فضفضة يقول...

وانا الثااااااااانية

واكيد هينوبنى من الكادر جانب

بوست جميل

وموتنى ضحك مع انا يوم الجمعة بالعادة مش بضحك

متزعلشي نفسك فرجه قريب

ومتنساشي تعزمنا فى البااااارتى

جووود بااااي

عبده الرايق يقول...

بطوط حبوب
اوه نوه
انا مقدرشى فورجيت ماى فرندس ابدا ابدا نيفر

عبده الرايق يقول...

بطوط حبوب
طبعا لك جايزه
بط
بعد الكادر
ومن هنا لغايه الكادر
ممعكش 50 جند سلف

عبده الرايق يقول...

فضفضة
طبعا انتى معزومه على البارتى
ومتنسيش العشاء مفتوح
انا بفكر اعمل صفقه مع السودان لاستيراد كام الف عجل للبارتى

Desert cat يقول...

يعنى من اللى معزومين فى الحفلة
اصلك مش طلبت منى فلوس سلف
المهم الحفلة امتا الله يبارك لك فى الاولاد مستر رايق
اصل الواحد من زمان نفسه يحضر حفلات من بتوع الكادر دول
و150 الف دولا ربقى وهنتظبط وتوزع علينا فلوس فى الحفلة من ال150 الف دولار
لووووووووول

فرنسا هانم يقول...

والنبى يا خويا
لا
ارجوك تعزمنى
حرام عليك اعزمنى
ايه يارااااايق حفله فى استاد القاهره الدولى هههههههه انت هتعتزل
وبعدين يا راجل
البنت وزه عملت لك ايه ؟؟
ارش ملحتها ليه ؟؟؟
اهدا يا رايق
لحسن اخلى يور فرند المحافظ ميدكشى ولا مليم احمر
ولا يأجر لك الاستاد
وتعمل الحفله
فى طريق القاهره الاسكندريه
فى الصحراء
وسط الرمله والزلط

3abdo me7tas يقول...

سلملى على الكادر

صوت من مصر يقول...

تعرف انى شكلى بجد بقيت مشدود للمحادثه الرائعه بينكم بس والنبى ابعتلى دعوه مجانيه ؟

Empress appy يقول...

كادر مين يا خويا الله يكرمك بتقول ايه هو مين ده
ايه هو انا مخدتش حبوب تقل السمع بتاعتى
يا ربنا معلش هأخدها وارجعلك مش معاك فلوس اجيب باقى الدواء

رئـــــيسـة حزب الأحلام يقول...

السلام عليكم هى الفلة دى امتى وياريت يكون فيها هوبر اصل احنا جعانين اوى

رئـــــيسـة حزب الأحلام يقول...

يالذيذ يارايق واوعى تنسى الاستفتاء

انين الحزن يقول...

رايق
انت طلعت بتبرشم كمان
طيب انا ممكن افتح مكتبه وابيع فيها كلها اقلام
ومش هتبقي كلوز خالص علشان بس ما يتحججوش

وبعدين علي راي فرنستي انت ارش ملحتي ليه
ايه الحقد الطبقي ده كل دا علشان معاي 7 مليون

ياقلبك
انا جاي الحفله مع فرنستي بس لما يمضوا قه علي الكادر ودا في المشمش
سلاموووووووووز
وزة

raspoutine يقول...

لاء بجد جميلة يا استاذ عبده يا رايق

بس بجد اسمع الكلام وخد البرشام بتاع الهلوسة وناااااااااااام


تحياتى ليك استمر اسلوبك الساخر بجد جميل

ايمن

تــــايه ومش تـــايه يقول...

10 الاف دولا بس ايه ده والله مينفعش كدا يارايق متسكتش على الاهانه دى ................

عروسة ننوسة يقول...

انت هايل ...اسلوبك دمه خفيف اوى اوى اوى اوى بجد والله ضحكتنى كتير...تحياتى

الجواز و سنينه يقول...

ايه الروقان اللى انت فيه ده
يا دماغك العاليه بجد
شكلك فعلا نسيت تاخد البرشامه
ياعم فوق كده كادر ايه ده اللى ب 10 الاف و كمان دولار
واضح انك واخد برشامه بس هلوسه
هههههههههههههه

همس الاحباب يقول...

حبيب قلبى
عبده باشا
انا من اول ما شفتك
وعارف انك اتوصل جامد
انا جاى الحفلة ما تخافش يا عم واسلفك جوز جنيهات وجوز شربات كمان وكرافته
وسيبك من وزة وفرنسا دول بيسلفوا طوب الارض وعندك انتى يدعوا الفقر
باقولك ايه انا ابعتلك دستة اقلام كل الالوان علشان خاطر الكادر
ونشوف اخرتها معاك يا راااااااايق
تحياتى خالد

عبده الرايق يقول...

Desert cat
انتى معزومه طبعا ياقطه
هو انا اقدر برضه
ده انتى من اوائل الطلبه
قصدى اوائل المعزوميين
وان كنت مطلبتش منك فلوس
ملحوقه
جارى الطلب

عبده الرايق يقول...

فرنسا هانم
وسط الرمله والزلط يا فرنسا ؟
لايسلم الشرف الرفيع من الاذى حتى يراق على جوانبه الدم
لقد اهنتينى يا فرنسيس
وتلك الاهانه لاتغتفر
كنوز العالم لاتسوى تلك الاهانه
بس ممكن تتداوى ب 100 جند بس
ايه رايك فكرى

عبده الرايق يقول...

سلملى على الكادر
بس الولا ( الولد ) يجى

عبده الرايق يقول...

صوت من مصر
يا اخى العزيز انت مدعو من الان
وحتى تجهيز الحشيش
والشيش

عبده الرايق يقول...

appy
ولا يهمك يا ابى فلوس الدواء موجوده
والاشيه معدن والحمد لله
يلزمك كام ؟؟؟
الف
الفين
عشر تلاف
انا تحت امرك
بس ربنا يكرمنا بالكادر
او مدون غلبان نستلف منه
واسلفك

عبده الرايق يقول...

رئـــــيسـة حزب الأحلام
الحفله بعد الكادر
وفيها الاف العجول سوف تنحر

عبده الرايق يقول...

رئـــــيسـة حزب الأحلام
شاركت فى الاستفتاء
ومخدتش ولا مليم؟؟؟

عبده الرايق يقول...

انين الحزن
تنورى الحفله انتى وفرنسا هانم
انا هاكلكم لحمه
وفراخ
وفواكه الصيف والشتاء
وبعدين ال7 مليون بتوعك دول
انا هاجر بيهم الاستاد والنور والكراسى بس
ده غير اللب والسودانى وام الخلول
وهاجيب ب 2 مليون مخلل لفت وزيتون وفلفل
هو حفله الراااايق شويه
ده راديو وتليفزيون الموسكى هيذعها على الهواء مباشره

عبده الرايق يقول...

raspoutine
لالالالالالالالالالالالالا
انت صدقت الوليه المتخلفه مسس رايق
نو
نو
نو
انا مش باخد برشام الهلوسه
لالالالالالالالا
انا باخد برشام كاتبهولى دكتور الامراض النفسيه والعصبيه بس

عبده الرايق يقول...

تــــايه ومش تـــايه
نو
نو
دى مرحله انتقاليه بس

عبده الرايق يقول...

gannah
انا شكرا
والف شكرا
وانتى شكرا
اخجلتم تواضعنا
خلاص انتى معزومه

عبده الرايق يقول...

الجواز و سنينه
اوه نوه
مين قال لحضرتك ؟؟؟؟؟؟

عبده الرايق يقول...

همس الاحباب
شفت علشان تبقى شاهد عليهم
انا وراهم والزمن طويل
وهافضل وراهم لما استلف منهم وافرقعهم
ويبقوا يقابلونى لى طالوا بريزه مصديه
بس اوعى تقولهم
هما قربوا يقعوا

مروة الزارع يقول...

طب وانا اجى عيد الميلاد ولا لاءة

؟؟؟؟؟؟

:)))

الـسـيـدة نـون يقول...

ههههههههههههههههههههههه
قريتلك كل البوستات
اسلوبك يجنن
ومليان تفاؤل
بس ياترى انا معاكم فى البارتى دى ولا مش ناوى تعزمنى

تحياتى ليك
اختك خيخة

عبده الرايق يقول...

مروة الزارع
طبعا مش معزومه
علشان انتى مقرتيش كويس
وهى مش حفله عيد ميلاد
دى حفله علشان الكادر
عموما المره دى سماح
علشان انتى غلبانه
وهاعزمك فى الحفله

عبده الرايق يقول...

بت خيخة وأى كلام
اتنين دعوه ليكى
واحده لخيخه اللى هى انتى
والتانيه لشريف

رئـــــيسـة حزب الأحلام يقول...

عبده الرايق ايه دة انتى عاوز فلوس عاى الاستفتاء كمان ياعينى ياعينى طب لما نحقق احلامنا

SKOBL- Little Lazy Me يقول...

ههههه .. احلم يا باشا احلم .. مش الحكومة كانت عاملة برنامج اسمه لو بطلنا نحلم نموت برضه .. ههه .. بس بقولك ايه .. ابقى اعزمني معاكم لو فيها أكل ..
أول مرة ازورك بس حلوة المدونة .. يلا يا سيدي .. تعيش و تكتب
تحياتي