الثلاثاء، 3 يونيو 2008

الرايق طبيب مشهور


الاخوه الكرام معذره عن التأخير ....انا مشغول شويه ...لكن سبت الدنيا دلوقتى واتفرغت لكم ...بالذمه استاهل ايه ؟؟؟؟؟
طبعا استاهل جايزه وانا مش طماع كفايه كل واحد يبعت لى 150 كارت تليفون من ابو 100 جند وانا اتصرف فيهم براحتى
ندخل بقى فى تدوينه انهارده
*************

سقراطه :- الف سلامه ليكى ياختى ياحبيبتى ..مالك عندك ايه ؟؟؟؟؟؟؟

مسس رايق :- الله يسلمك يانعمه ياختى ..من امبارح الفجر وانا جنابى الاتنين هينفجروا ..الم شديد جدا ربنا ما يوريه لحد

سقراطه :- والدكتور قالك ايه ؟؟؟؟؟؟؟؟

مسس رايق :- انا مارحتش للدكتور

سقراطه :- مرحتيش للدكتور ؟؟؟؟؟؟؟ .....ده برضه اسمه كلام .....امال فين المتعوس جوزك اللى مايتسمى ؟؟؟؟؟؟؟؟؟؟

الرايق :- صباحك جبنه قديمه مدوده يا سقراطه هانم ....نفسى سوريا الشماليه تبعت لك قنبله نوويه على مقاسك ..يمكن نخلص من طلعتك البهيه

سقراطه :- بسم الله الرحمن الرحيم ....ايه اللى مدخلك تحت السرير يا رايق ؟؟؟؟ ..منك لله خضتنى

الرايق :- ههههههه هو انتى بتتخضى زى البشر ؟؟؟؟؟؟؟ ....عجيبه

سقراطه :- امال انت شايفنى ايه يا بتاع سوريا الشماليه ؟؟؟ ...اسمها كوريا الشماليه ...مش سوريا

الرايق :- سوريا ولا كوريا هو انا هناسبها ...تطلع زى ما تطلع بس المهم تبعت القنبله ليكى لوحدك..انا كنت نازل ادور على الترموميتر وقع تحت السرير

سقراطه :- سايب مراتك تتوجع من امبارح الفجر ومودتهاش للدكتور ليه يا رايق ؟؟؟؟؟؟؟

الرايق :- خسئتى ..وخسىء ملفظك ...انا اودى مراتى للدكتور ..وانا دكتور وعلامه كمان ؟؟

سقراطه :- انت دكتور ؟؟؟؟؟؟؟؟؟؟

الرايق :- شوفى يا متخلفه انتى ..انا درست الطب لمده 12 سنه ......وقريت لحوالى 150 دكتور ....وده يدينى الحق انى اكشف على اى حد براحتى واكتب العلاج كمان

سقراطه :- مش فاهمه ....فهمنى اصلى كل ما اشوفك ...افتكر عالم الحيوان

الرايق :- عالم الحيوان ؟؟؟؟ عموما هاعديهالك المره دى ...بس لازم افهمك.......شوفى يا متخلفه ..طبعا عارفه الدكتور محمد سيد دكتور العظام المشهور

سقراطه :- عارفاه

الرايق :- اهو انا كنت زميله فى الابتدائى والاعدادى والثانوى...احسبى بقى 6 سنين ابتدائى و3 اعدادى و3 ثانوى يبقى 12 سنه وانا زميله يعنى شربت مهنه الطب

سقراطه :- اسم النبى حارسك وصاينك ...لأ عندك حق.......وايه حكايه ال 150 دكتور اللى قريتلهم دول ؟؟؟

الرايق :- طبعا زى عوايدك مش مصدقانى لكن انا هاثبتلك كلامى ....شوفى الاسامى اللى مكتوبه هنا ..خدى اقريى

سقراطه :- مالهم دول ؟؟؟؟؟؟

الرايق :- دى اسامى 150 دكتور قريت لهم اليافطه بتاعتهم...كل ما امشى فى شارع الاقى يافطه دكتور اقراها واكتب اسمه ....لغايه لما وصلوا ل150 اسم يعنى انا من حقى اخد جايزه موبيل فى الطب

سقراطه :- ههههههههه ....احسن حاجه قلتها ....فعلا من حقك جايزه موبيل ...وتاخدها بنزين وسخ من ال 80 اللى لسه مغليش ...اسمها جايزه نوبل مش موبيل يا فالح

الرايق :- نوبل ولا موبيل ...هو انا هناسبهم ..المهم شوفى يابنت الناس .....انا مسبتش اختك من غير علاج ...انا استلفت لها على الصبح 600 جند من ام عادل جارتنا ..وكتبت روشته بنفسى ورحت اشتريتها من الصيدليه برضه بنفسى

سقراطه :- ورينى العلاج ابو 600 جنيه ده ؟؟؟؟؟؟؟؟؟

الرايق :- ادى يا ستى الشوال قدامك اهه ...اتفرجى براحتك

سقراطه :- ايه ده ؟؟؟؟؟ .....عشر لفات شاش ؟؟؟؟؟.......انتى متعوره يا ختى

مسس رايق :- لا ياختى مش متعوره ولا حاجه ...ده سى عبده جابهم وقالى لازم اى مريض يبقى متربط بشاش

الرايق :- اوه نو ......ذاتس رايت ...مفروض طالما فى مريض يبقى لازم شاش

سقراطه :- وده ايه كمان ؟؟؟ مكركروم ويازول ..وقطره عيون ومرهم عيون

الرايق :- طبعا ..اهم حاجه المريض عنيه تكون سليمه علشان يعرف مين اللى زاره

سقراطه :-وده ايه ؟؟؟؟؟؟...عشر دست معالق شاى ؟؟؟؟؟؟

الرايق :- علشان تاخد بيهم الدواء

سقراطه :- هو فين الدواء ؟؟؟؟؟؟؟؟؟

الرايق :-دواء ايه ؟؟؟؟؟؟؟انا عملت اللى عليا والباقى على ربنا....انا جبت كل حاجه حتى الجبس جبت سبع شكاير يمكن نحتاج نجبسها كلها ولا حاجه

سقراطه :- منك لله يا رايق ....انا هاخد اختى اكشف لها ...واشتريلها فرخه تبر بيها نفسها

الرايق :- فرخه ؟؟؟؟؟؟؟؟؟؟؟؟ فرخه ؟؟؟؟؟؟؟؟؟ فرخه ؟؟؟؟؟؟؟.... ااااااااااااااااااااااااااااااه يا جنبى انا كمان تعبااااااااااان قوى

هناك 73 تعليقًا:

المـــفـــــــقــــــــوعـــــة مــرارتـهــا يقول...

حمد الله علي سلامتك يارايق وحشتنا ياراجل ماتغيبش عنا كتير كدة
ده انا كل ماافتح النت لازم اعدي أشقر عليك مالاقيش لاحس ولا خبر

المـــفـــــــقــــــــوعـــــة مــرارتـهــا يقول...

هههههههههههههههههههههههههه
ده انت باين عليك بتحب المدام موت عاوز تجبسها عشان ماتسمعش صوتها
وعلي كدة بقي انا اطلع دكتورة ذيك بالظبط ماانا قريت اليفط بتاعة الدكاترة والال اللي عبدو بيقراه غير اي حد تاني

قوس قزح يقول...

ههههههههههههههههههههههههههههههههههههههه
ده انت بجد عايز جايزة موبيل

موت من الضحك على كلام سقراطة و هى بتقولك كل ما اشوفك افتكر عالم الحيوان ههههههههههههههههههههههههههههههه


انت بجد بجد ماليكش حل

Lobna Ahmed Nour يقول...

ههههههههههه

على كدة بقى عندك كام عيادة ؟!!!

ههههههههه قلبي معاكي يا مسس رايق

حاجات جوايا يقول...

ههههههههههههههههههههههههههههههههه
هههههههههههههههههههههههههههههههه
انت خطير والله
ربنا يكرمك
مش قادرة ابطل ضحك
شوف يا مستر رايق أنا برشحك رئيس الجمهورية للفترة الجاية
مهى خربانة خربانة بس نضحك شوية
ايه رأيك ؟؟؟؟
موافق


ايه ده ؟؟ ايه ده ؟؟
الصوت ده جاى منين ؟؟
مين بيصرخ ويقول لالالالالالالالا ؟؟؟؟؟؟
امسكوووووووووووووه

rtrcbh يقول...

السلام عليكم ورحمه الله وبركاته
حمدا لله على سلامتك الاول
اضحك الله سنك
ربنا يكرمك يارب


فكرتنى بوالدتى

هههههههههه
كان عندى ادويه عامه كثيره فى البيت فكلما تاتى اليها احد الجارات وتقول لها تعبانه تعطيها دواء من المعروفين

ولما اقول لها يا امى كدا خطر تقول لى مش ابنى دكتور


هههههههههههههههه
ربنا يكرمك يارب ويجزيك عنا خير

وبعدين لا تتمارض قد تكون الفراخ مصابة بالفلونزا الطيور

وكدا تكون المصيبة الكبرى


هههههههههههههههه
والسلام عليكم ورحمه الله وبركاته

Mafrousa يقول...

ههههههههههههههههه
ههههههههههههههههه
هههههههههههههههه
هههههههههههههههههه
عاوزه اكتب نعليق مش عارفه
هههههههههههههههههههههد
ههههههههههههه
نصيحتى ليك من بكره تروح تقرى يفط المحامين و المهندسين
علشان تبقى موسوعه
ههههههههههههههههه
مش عارفه ابطل ضحك.هههههه.جنبى وجعنى من الضحك هههههههههههههههابعتولى حتة فرخة
ههههههههههههههههههههههه

الطائر الحزين يقول...

معلهش يا بنى
محدش فاهم بعد نظرك ولا نظرتك المستقبليه للامور
ذات اذ فرى فرى اى حاجة وحشة

الرايق بيا حضرات عارف ان مسلتزمات الصيدليات هتغلى فقرر يخزن شوية علشان الست بتاعته ربنا يمد فى عمرها لما تمرض لا قدر الله يبقى كله جاهز من الابرة للصاروخ

قصدى من الشاش للجبس

سلام يا رايق

2ensan wnsan يقول...

ايه يا رايق دا كله

دانتا ضاكتور كبير اوي اهه وايه النظافه والتعقيم دا كله اكيد انت جايب العر دست معالق شاي عشان التعقيم مش كده ؟؟

وايه دا دانتا خبره كبيره قريت ل150دكتور بس انا قريت ل286 دكتور ابقى انا عندي خبره اكبر ولا ايه بس هسيبك تاكل عيش بقى

وبعدين انت باصص للغلبانه التعبانه في الفرخه كمان ربنا معاها


بالمناسبه ليك تاج عندي يا ريت تجاوبه بكل صراحه وبكل وضوح

Desert cat يقول...

حمد الله لعى سلامتك يارايق انا كنت بدخل اشقر من وقت للتانى وبعدين المدام جنابها وجعاها تجيب لها 7 شكاير شاش علشان تجبسها ده ايه الحنان الجارف ده ومدام سقراطة دى زى العسل بصراحة ابقى سلم لى عليها

رئـــــيسـة حزب الأحلام يقول...

هههههههههههههههههههههه
ههههههههههههههههههههههه
هههههههههههههههههه
ايه يارايق انت مستغنى عن المدام
ياااااااااااااحبيبتى يامسس رايق
تحياتى لك ولمسس رايق

Empress appy يقول...

ههههههههههخخخخخخخخ الا دول صحيح يا دكتووووووور الدكاتره صحيح اي كلام الا انت طيب خليها جايزه اوبل فيكترا
يا عينى هو البنزين ده مش غلي لان كل الناس او عالبيه مش بتستخدمه
والله انت فظيع حمدلله على سلامتك

سمية يقول...

طب ده حتى الفراخ فى مصر دلوقتى تجيب وجع الجنب و القلب و الكبد و المعدة كمان

ده انتو كده هتقضوا على الست خالص يا عينى

بس ميضرش ابو بلاش كتر منه انعتلى ان شالله حتى دبوسة


الف سلامة على مس رايق

تحياتى ليك و لاسلوبك الفزيييع

انت تسال والكمبيوتر يجيب يقول...

الأخ العزيز عبده باشا
اجمل تحيه وشكرا على زيارتك لمدونتنا وتسجيل الحلقه ولحسن حظك انه لم يكن بالمودنه احد والا كنا تقاضينا رسوما وضريبة مبيعات ....وباليورو لأننا لا نقبل الدولار
وعموما سنذيع رسالتك التى تركتها لنا ونص الحوار الذى دار بينك وبين عبده الرايق فى حلقة يوم الأحد8-6-2008
كالمعتاد الساعه التاسعه وعشر دقائق صباحا على أذاعة مصر الرئيسيه
وبالتوفيق وتمنياتنا لك بوفور الصحه والسعاده

انت تسال والكمبيوتر يجيب يقول...

ملحق للرساله السابقه
....ولكن اذا اصريت على الدفع بالدولار فقد ننظر فى طلبك

ٍSOU يقول...

دكتور من منازلهم جااااااااااامد

غير معرف يقول...

ههههههههههههههههههههههههه

بجدا مدونة لذيذ موت

باه ياراجل الفرح اللى عمله دا

وصارف يجى 600 جند على دوا

وكام شكارة جبس

علشان تفرح فى الاخر بفرخه

ايه دا

انا مفروسة لوحدى

بس ميته من الضوحك


صدق اللى قال عليك ياريق

ابقى نورنا باه

وهات معاك حتة فرخه

Doba يقول...

يعنى هو كده ينفع
كده يصح يعنى

يعنى انت تغيب
وفرنسا كمان

مين بقى اللى ينور وشوشنا بالضحكة الحلوة كل يوم الصبح

مسموش كلام ده يا جماعة
عبده يا رايق
مخصوم منك الف جند عالتأخير
ولما تجيلك الفرخة ينوبك ثواب باصيلى جناح

واحنا وراك يا رايق لغاية متاخد جايزة موبيل مفولة

kochia يقول...

بركاتك يا دكتور
ربنا يستر وابقي بلغنا بالنتيجة

همس الاحباب يقول...

هههههههه
لا بجد مش ممكن وانا بقول حبيب قلبى غايب فين ومش ظاهر طلعت مشغول بالماجستير والدكتوراة فى علم التحنيط لمسس رايق
بس بجد سقراطة تجنن وفاهماك يا رايق
سيبك انت منور الدنيا وتستاهل جائزة نوبل فى الملوخية سا رايق
وحشتنى قوى قوى
تحياتى وتقديرى

Asmaa mahaba يقول...

ههههههه سلامته جنبك يا رايق علينا احنا الكلام دا
سيبك انت من كل دا خلينا فى ازاى حترد 600 جند
بص خدها وصفه منى لو عندك صداع خد اسبرين لو سخنت اديها نوفالجين برضو
لو وجع بطن اى حاجه اخرها جين زى فيسيرالجين ونصيبه جين ....لو اسهال خد انتوسيد ....وهكذا تكون خلصت من الدكاتره والامراض
واتكل على الله على وصفتى من واحده مبتفهمش غير فى البطاطس
سومه_87

مدحت محمد يقول...

حمد الله على السلامة ياباشا

جايلنا بمفاجئة جميلة مكنتش اعرف اننا ولاد بلد واحدة

بس مفاجئة زى العسل تستحق عليها فعلا جايزة موبيل

قصدى نوبل
ههههههه

تحياتى والف حمد الله على السلامة

الـجـدة فـصـيـحـة يقول...

السلام عليكم ورحمة الله وبركاته


سوريا الشمالية
سوريا الشمالية
!!!!!!!!!!!

لا وكمان دوا عيون لحد جنبه واجعه
وتقول جايزة في الطب انت اصلا مش عارف اسمها
!!!!!!!!!

حرام عليك يارايق
موتني من الضحك

لكن عندك حق
أحنا كلنا بنفهم في الطب وبنعالج نفسنا بنفسنا

تحياتي

Mafrousa يقول...

عبده يارايق فيه فى المدونه ديه درس عملى روح اقراه و تعالي اعمل العمليه لمسز رايق
ههههههههههههههههههه
على فكره فرنسا كتبت بوست جديد
http://dragd3banota.blogspot.com/

اهو ده عيبه يقول...

ما شاء الله
وكمان بتفهم فى الطب ربنا يكون فى عون مراتك اللى عايز تربطها بشاش وقطن

لو كل الدكاترة زيك اكيد بلدنا هتتقدم بس ع المشرحه على طول

وسلملى ع الفرخه

غير معرف يقول...

ههههههههههههههههه
لا جامده يا مستر رايق

بقى اول ما سمعت فرخه
نسيت الست الى لسه داعى عليها بقنبله تاخدها وعملت عيان

وايه الطب الى بيشر ده يا راجل

دانت بهدلت المدام خالص
بس سكككككككككككر يا مستر رايق بجد

سلامى
:))

فرنسا هانم يقول...

انا جيت اسجل حضورى وسلامى يا رايق
واستعد لظهور المدونه المشتركه

حنين القلب يقول...

والنبى ده كلام
ارحم مسز رايق يا رايق
ايه علاقه القطن والشاش والقطرة بالجنب يا رايق
والله سقراطه ليها حق تموتك بعد اللى عملته فى اختها
طيب استلفت 600 جند من ام عادل واحنا عارفين طبعا انهم مش هيرجعوا وده مش موضوعنا كنت وديتها للدكتور بالمرة
وحلوة حكايه 150 دكتور دول اللى قريت لهم والله ضحكتنى يا رايق
الف سلامه عليكى يا مسز رايق وربنا يصبرك على الرايق
ملحوظه صغننه
مش تغيب تانى كده وبطلت تزورنى كمان انت ايه اللى شغلك عننا ؟؟
سلام

Mafrousa يقول...

دكتور عبده انت فييييييييين
ينهار مش فايت...تصدق أنا عينى الشمال كانت بترف
و أقول يا بت يا مفروسه إن شالله خير

و بما إنك مفقود..يبقى البت سقراطه بلغت عنك وأكيد وأكيد
اتقبض عليك ..و التهمه أكيد
مزاولة المهنه بدون ترخيص
هههههههههههههه
ولا انصيبه تكون قريت المقال اللى قلتلك عليه و عملت عمليه للمودام؟؟؟؟؟؟؟؟
ههههههههههههه
لأ بجد انت فين فرنسا ظهرت و إنت إختفيت

Asmaa mahaba يقول...

يا رايق خالتو فرنسا رجعتتتتتتتتتتت انت فيييييييييييين

Asmaa mahaba يقول...
أزال المؤلف هذا التعليق.
Asmaa mahaba يقول...

سورى يا رايق اخر تعليق دا مكانش ليك المفروض دا عند الطائر الحزين بس الكمبروتر احول هههههههههه معلش
سومه_87

آفاق الحرية يقول...

هههههههههههههههه
600 جند مرة واحدة
انا خلاص مرارتي اتفقعت منك يارايق
ههههههههههههه
اديني خلصت امتحانات ورجعتلك
سلامات ياسيدي

عبده الرايق يقول...

المـــفـــــــقــــــــوعـــــة مــرارتـهــا
والله كنت مشغول شويه
ومتشكر جدا على اهتمامك
وعلى فكره انا فكرت فى مشروع يخلصك من حماتك نهائى

عبده الرايق يقول...

المـــفـــــــقــــــــوعـــــة مــرارتـهــا
لو قريتى اليافطه كويس واستوعبتيها
وسمعتيها غايبا
طبعا من حقك تبقى دكتوره
الف تحيه لكى

عبده الرايق يقول...

قوس قزح
هى قالت عالم الحيوان ؟؟؟؟؟؟؟؟؟؟
انا معرفشى
انا كنت ولعت الدنيا
انا كنت كسرت
انا كنت موت
انا
انا
انا بصراحه سمعت وعديتها

عبده الرايق يقول...

Unique
ياااااااااااااااااااه
حكايه العياده دى نسيتها
برضه فكره

عبده الرايق يقول...

Sally
انا متشكر جدا يا سالى
وانا خلاص عرفت مين اللى قال لا
ده جاسوس من جواسيس فرنسا هانم
عايزه تاخد هى الرئاسه

عبده الرايق يقول...

د/أبويحيى وادم
هههههههههههههههههه
الحاجه بتحاول تخفف عن الناس
تعرف ان الناس المبيره دول هم قنديل حياتنا
ربنا يبارك لك فيها
بس ابعد عنها الادويه بتاعه الكحه انت عارف الادويه دى بتعمل ايه
لحسن الجارات بتعكوا يدمنوا

عبده الرايق يقول...

واحدة مفروسة
طبعا انا قريت يفط المحامين والمهندسين والمحاسبين والاطباء و.......
متخافيش على الرايق اخوكى فعلا موسوعه

عبده الرايق يقول...

الطائر الحزين
هى الادويه هتغلى ؟؟؟؟؟؟؟؟؟؟؟؟
يبقى مدام مين وبتاع مين
انا همنع عنها العلاج واركنه يمكن نكسب لنا كام مليون جند

عبده الرايق يقول...

wa7ed 2ensan wnsan
انت قريت ل 286 دكتور ؟؟؟؟؟؟؟
يادين النبىده انت تستحق كده بقى جايزه موبيل
حلال عليك ياعم
بس على فكره اليفط بتنور
ولا يفط عادى
اصلها تفرق

عبده الرايق يقول...

Desert cat
برضه يا قطه كده
هو انا زعلتك فى حاجه
عايزه تسلمى على العدوه اللدوده ليا سقراطه ؟؟؟؟؟؟؟

عبده الرايق يقول...

رئـــــيسـة حزب الأحلام
انا برضه مستغنى عن المدام ؟؟؟؟؟؟
طبعا اه
قصدى ايوه
قصدى لا

عبده الرايق يقول...

رئـــــيسـة حزب الأحلام
انا برضه مستغنى عن المدام ؟؟؟؟؟؟
طبعا اه
قصدى ايوه
قصدى لا

عبده الرايق يقول...

appy
احنا هنغالط فى المعلومات العامه ولا ايه يا ابى
شوفى بقى معلومات وامكانيات الرايق المذهله
اوبل فيكترا دى ماركه عربيه
ها
صح ولا انا غلطان ؟؟؟؟؟؟؟؟؟؟
اما موبيل جايزه كبيره اخدها .........
مش فاكر
اهو الناس بتتكلم

عبده الرايق يقول...

سمية
بس كده ؟؟؟؟؟؟
دبوس واحد
علبه دبابيس بحالها
انتى غاليه علينا

عبده الرايق يقول...

CAIROCOMPUTER
اخى العزيز صلاح حجازى
دولار او يورو او استرلينى او ين او حتى جنيه سودانى
انا تحت امرك
وهادفع الطاق طاقين
لكن انا عرفت السر
ومش هازوركم الا فى الفجر
قال يورو قال
هو انا لاقى حتى السنت

عبده الرايق يقول...

CAIROCOMPUTER
لا طبعا انا لا اصريت ولا حاجه
وبعدين نصيحه منى
ماشيها مصرى بلاش لا دولار ولا يورو
انا عرفت طريق الشباك المكسور فى منور المدونه
وممكن افتش السر ومتلقوش حد يدفع

عبده الرايق يقول...

ٍSOU
صديقى السويسى
وابن البلد
تحيه لك

عبده الرايق يقول...

همس
انوركم اه
لكن حته فرخه مش ممكن
وده لان سقراطه اتديتنى بومبه

عبده الرايق يقول...

Doba
ان كان على الجناح سهله
مش خساره فيكى
بس الفرخه كلها اتلغت
لو عندك فرخه قديمه ملهاش لزمه اخوكى جعان

عبده الرايق يقول...

kochia
هى النتيجه لغايه دلوقتى التعادل

عبده الرايق يقول...

همس الاحباب
والله يابو همس انا بفرح لما الاقى تعليقك
ربنا يخليك ليا
اما عن الدكتوراه والماسجتير دول كلام فاضى
انا ببص لفوق قوى
انا ناوى اخد الاعداديه وعارف انك اول واحد هتفرحلى

عبده الرايق يقول...

سومه...مجنونه فى بلد عاقل
ارد ال 600 جند ؟؟؟؟؟؟؟؟؟
ليه هو انا انهبلت ؟؟؟؟
لو ام عادل سألت اقولها اتصرفوا
وبعدين ام عادل ست طيبه وقلبها ابيض
وسلفتنى كتير
ومن كتر الفلوس اللى ليها عندى
بتشاور نفسها على العباسيه

عبده الرايق يقول...

مدحت محمد
ناس كتير ماكنوش يعرفوا انى من السويس
تحيه سويسيه لكل اهل السويس

عبده الرايق يقول...

الجدة فصيحة
نو
نو
نو طبعا عارف اسمها لكن مكار
البنت ابى قالت لى عليها وانا ضحكت عليها وقولت لها دى ماركه عربيه
قالتلى اوبل

عبده الرايق يقول...

واحدة مفروسة
نو
نو
نو
ده طلع عملى الرمد
حاجه بتاعه تلامذه
انا عايز حاجات اكبر

عبده الرايق يقول...

اهو ده عيبه
ده طبعا تقليل من امكانيات الرايق
لكن انا هافتح عياده فى وسط رمسيس
ولا اقولك جوه محطه مترو مبارك
وشوفى بقى اسم الرايق هيوصل لفين

عبده الرايق يقول...

shayma
ماهو انا رجعت ادعى تانى عليها
مشروع الفرخه طلع مشروع فاشل

عبده الرايق يقول...

فرنسا هانم
حمدلله على السلامه ياست الكل
انتى طبعا شايفه انى بقيت دكتور مشهور
ماتيجى اعالجك انا لاونخلص منك

عبده الرايق يقول...

حنين القلب
من ناحيه زيارتى ليكى انا متأسف جدا واعذرينى
اما عن ال150 يافطه دكتور امبارح قريت يافطه جديده بقيوا 151 يعنى ممكن ادخل موسوعه جينس

عبده الرايق يقول...

واحدة مفروسة
لاطبعا متقدرشى تبلغ
وانا بازاول المهنه منزلى
يعنى محدش يقدر يكلمنى

عبده الرايق يقول...

سومه...مجنونه فى بلد عاقل
شكرا يا سومه
عرفت متأخر

عبده الرايق يقول...

سومه...مجنونه فى بلد عاقل
كنتى سيبى التعليق وانا كنت ابيعه للطائر الحزين
كنا اخدنا منه تمن عشوه

عبده الرايق يقول...

آفاق الحرية
مبروك ياعم
وعبقال النتيجه
سلامات وحته بقى

رندا يقول...

عبدة الرايق

هههههههههه
هههههههههههه
هههههههههههههه
ممكن تسلفى شكارة جبس عندى ترميمة لازم تتعمل
ليك فيها ههههههه

شكلك بتاع كلة
وصحيح
انت كنت بتخضها ليةههههه
مش تتاخر تانى وادعيلى مش اتاخر
والامتحانات تخلص بقى على خير
اتصدق بجد بحس بانتعاش لما باجى عندك
مبروك المدونة مع خالتى فرنسا
اكيد هتكون روعة ربنا يبارك فيها يارب وتكبر

دمت بسعادة وحب

رندا

عبده الرايق يقول...

رندا
طالما مرمه ليا فيها
شيكاره او اتنين او عشره انا تحت امرك
بس اوعى اكون انا المريض واجيب الجبس ياعينى اتجبس انا بيه

خديجة عبدالله يقول...

ربنا يعينك علي سقراطة بجد :)

بس برضه كان المفروض تودى مسس رايقة للدكتور دى مهما كان عشرة عمر:)

مدونتك جميلة أول زيارة ليا هنا لكنها تحفة ربنا يوفقك

د. إيمان مكاوي يقول...

فعلا رايق..ودمك خفيف...
مبروك المدونه الجديده
تحياتي
أم البنين

MIND TO THINK يقول...

عبده باشا
قرانا فى التعليقات عن مدونه مشتركه مع خالتى فرنسا...فما هو عنوانها ومتى ستظهر الى الوجود....وهذا شىء طبيعى مثل تعاون ميسز كلينتون وباراك ...والا ايه رايك

شمس يقول...

هههههههههه


مدونتك جميلة


انا مدون جديد

وعايز تشجيع

تحياتى

tamer.sala7 يقول...

حمد الله علي سلامتك ده اولا

ثانيا متميز كالعادة وربنا يجازيك خير عن كل واحد بيضحك بسبب كتابتك

علي فكرة كل المصريين دكاترة بالفترة يعني من اول العطارين لغاية الناس اللي بتطاهر في المولد بموس الحلاق
انا عندي واحد صاحبي أمه بتعالج الناس كلها بحجة ان بنتها دكتورة يعني مش لواحدك متخافش
بس المهم مقولتش بقيت الـ 600 جندي اللي اخدتهم من ام عادل راحو فين ؟؟