الخميس، 29 أبريل 2010

زغرووووووووووووده ياسقرااااطه

نكته الدورى
========
واحد زملكاوى صميم راح لدكتور عيون يكشف على عينه - راح الدكتور اداله علبه نقط من عنده وقاله تحط فى كل عين ثلاث نقط قبل النوم - راح صاحبنا الزملكاوى ماسك الازازه ورماها على الارض وقاله ماخلاص يادكتور الدورى راح والنقط ماعاديتش تنفع
================
هااااااااااااى ايفرى بدى
هااااااااى بجد وجدانى
=============
الرايق -- هاى مسز رايق هاااااا ى سقاريطو
سقراطه -- اهلا يا رايق مالك كده مزقطط
الرايق -- خبر بربع مليار دورر امريكى خلاص الدنيا ابتسمت خلاص انا هاطير مع السحاب
سقراطه -- ماتطير لوحدك ياروقه والنبى احسن السحاب محتاجينه
الرايق -- ماشى ياوش السعد ماشى يانور عيون الرايق من الانتو
سقراطه --- خير اللهم اجعله خير فى ايه يا رايق
الرايق -- بس خلاص كله سكوووووووووت الرايق اتشهر يارجااااااااااااااااااااااااله --- انا وصلت للعالميه
سقراطه ---ههههههه وصلت للعالميه هههههههه --فاضل واحد وتوصل الكيلو 101 طريق العباسيه الصحراوى
مسس رايق -- ايه يا سى عبده - فى ايه وقعت قلبى
الرايق --- خلاص فاااااااااات الكتييير مابقى الا القليل --هاااااانت يا بشر
سقراطه -- ياشيخ حرام عليك فى ايه قول بقى وخلصنا
الرايق --- كله سكووووت كله انتباه -- كله يسمع وبس -- دونت سبيك -- دونت مووف -- خلاص انا بقيت اشهر من كيلوباترا ملكه مصر ايام الناصر صلاح الدين -- انا بقيت اشهر من المعلم حسن باشا شحاته محافظ القاهره -- انا بقيت اشهر من العندليب الاسمر محمود على -- انا بقيت
سقراطه -- بس صداع حرام عليك - ايه ماسوره ميه وانكسرت - فى ايه يا رايق
الرايق -- خلاص فاضل 79 مليون و999 الف و999 نسمه وكل مصر تعرف العبد لله
سقراطه -- انا مش فاهمه حاجه خالص
مسز رايق -- ولا انا فاهمه حاجه خالص
الرايق --- هتفهموا ازاى طول ما اللبانه دى فى بقكم ليل نهار-- بصوا يا بشر انا اتشهرت خلاص -- امبارح وانا متربع على الكرسى فى القهوه جانى واحد ماى فرند اسمه الباشهندس عبد الموجود وبص فى عينى وقالى ايه اخبارك يا رايق
سقراطه -- لوووووووووولى يام المطاهر رشى الملح سبع مرات --- واحد بس عارفك من 80 مليون واحد وتقولى خلاص انا اتشهرت
الرايق -- وايه يعنى يا ام التخلف انتى -فاضل 79 مليون و999 الف و999 فرد ومصر كلها تهتف اسمى

جرس الباب يرن ترررررررررررررر

مسز رايق -- فى واحد على الباب اسمه عبد الموجود بيسال عليك يا رايق
الرايق -- روحى قوليله الرايق فى رحله لكوننهاجن فى فرنسا -- ولا اقولك خليه يدخل انا عزمته يشرب معايا شفطه شاى علشان تسمعوا بنفسكم ان الرايق بقى من العظاء
مسزرايق -- اتفضل ياخويا اهلا وسهلا
عبد الموجود -- سلام عليكم -- خير يا عبده انا لقيت رساله منك على الموبايل انى احضر البيت عندك حالا -خير اللهم اجعله خير
الرايق -- لايا عوبد مش تتخض كده -- بس انا كنت عايز اعرف انت عرفت منين انى انا الرايق
عبدالوجود -- رايق مين وزفت مين انا بقول الكلمه لكل صحابى وزمايلى فى الشغل - عامل ايه يا رايق - ازيك يا رايق - اهلا يا رايق وكده يعنى
سقراطه --- هههههههههههه لوووووووووولى فاضل على الحلو دقه باقى 79 مليون و999 الف و999 نسمه ومصر كلها تعرفك ياسي رووووووووووقه
الرايق ---عارفك بتفرحى فى المصايب -- ولا يهمنى هانت برضه كلها 80 مليون واحد وواحده وايجيبت كلها تعرفنى

هناك 14 تعليقًا:

Mafrousa يقول...

هههههههههههههه
هانت يا روقة
و بعدين يا عم انت عاوز تتشهر ليه؟؟؟؟
حتى حتى المشاهير العيون عليهم
و مش براحتهم
ههههههههه
يعنى مش حتعرف تقعد على القهوة تاني
و لا تسرح البت مفروسة بجردل الساقع
هههههههههههههه

غير معرف يقول...

أنا اول ما شفت تعليقك عند خالد مصدقتش واحشني جدا جداً انا لما رجعت ادخل نت تاني مكنتش عارفه اسئل حد علي فرنسا ولما بدخل المدونه بتاعتها مابقدرش احدد هيا بتدخل ولا لاء
اسئلك انت عليها لو تعرف حاجه طمني عليه ولو بتكلمه قولها انها وحشاني جامد اوي وبحبها اوي اوي

انا بعتلها ايميل بس هيا مردتش عليا

المهم بجد انت واحشني اوي وفرحت بجد لما شفتك عند خالد


وزة (انين الحزن ) علشان افكرك بس لو مكنتش عرفتني

همس الاحباب يقول...

ههههههههه
حمدلله على السلامة يا رايق
ولا حمدلله على سلامة النت
هى فعلا هانت وكل مصر هتعرف مين الرايق
نورت التدوين يا باشا
تحياتى

عبده تليفون يقول...

ياعم الرايق ============ روق اولا الف مبروك الدوري للاهلي للمره ال 6 عالتوالي وانا متاكد انك الترااهلاوي لان كل الاهلاويه دمهم خفيف معندهمش كأبه وماتزعلش يكفي ان في 4 يعرفوك وردوا علي مقالك

عبده الرايق يقول...

واحده مفروسه
شريكه الفكر والعقل الراجح فى الضاحكون
ازيك يا مفروسه
واحشنى جدا جردل الساقع كنا بنطلع منه باحلى فلوس
ولو ان الفرصه دلوقتى احسن لان كل غطاء ازازه عليه دقيقتين فودافون
والعبد لله فودافون
يعنى اكسب واتكلم براحتك

عبده الرايق يقول...

وووووووووووووزه
انين الحزن
واحشششششششششتينى فيرى فيرى ماتش
انا سعيد جدا جدا بوجودك
وعلى فكره
انا كمان بعت لفرنسا اكتر من اميل ومش بترد
وانا مش معايا تليفونها
لكن هى كانت ردت على اميل من عيد الاضحى اللى فات
والى الان مفيش اى رد لاى اميل منها
وانا عن نفسى كنت ايضا بعيد جدا جدا عن السويس وعن النت
معلشى الشغل كان واخدنى

عبده الرايق يقول...

همس الاحباب
خالووووووووود باشا
ازيك ياريس
ولو انى كنت زعلان منك لانك مش بتتصل خالص
وان كنت اتصلت بيك وانتى مش رديت من فتره
لكن رجعت لقيتك فاكرنى ببوست عيد الميلاد فى الضاحكون

عبده الرايق يقول...

عبده تليفون
هههههههه
السويس وجمال السويس
طبعا التدوينه دى مكتوبه على شرف حضورك يا عوبد
وانت عارف غلوتك عندى قد ايه
على فكره يا جماعه
الباشمهندس عبده تليفون هو فعلا صديقى العزيز الباشمهندس عبد الموجود
وانا بشكره جدا جدا على اهتمامه بمدونه الرايق
وهو قعد فعلا معايا يتكلم عن المدونه كتير جدا
لدرجه اثارت انتباه اخى العزيز حسن عبد العظيم
انا بجد يا عبده بشكرك
لانك رجعتنى تانى لاناس بحبهم جدا ولعالم افقدتنى زحمه الحياه حلاوته

غير معرف يقول...

مبوك العوده ياموسيقار
عايزين نتمتع كتير معاك
انا بحبك قوى يا رايق

Doba يقول...

اهلا اهلا كاراتيه
والآن نقدم لكم وبمناسبة رجوع الرايق للأسواق مرة آخرى صندوق ساقع

كل أزازة تديك توو مينيتس مجاناُ ولكن قبل متاخد الأزازة تدفع 20 جنيه لزوم المصاريف الإدارية
======

مرحبا بيك وبعودتك
وعقبال الباقيين الحلوين لما ييجو من تانى


سعيدة بوجودك بين المدونات
تحياتى
هبة

حنين القلب يقول...

حمد الله على السلامه يا بابتى
ايه البوست الجااااااامد ده

بس عندك حق انت خلاص اتشهرت
ده انت بقيت اشهر من فودافون وام نبيل

ههههههههههههههههههههههه
نورت مدونتك يا بابتى

تعالى عندى فيه كلام عنك

وحشتنا يا بابتى ونفسى كلنا نرجع بيتنا تانى
الواد عمر بيقولك
هاى جراند مازر

الفقيرة إلى الله أم البنات يقول...

طيب يعنى اعمل ايه
انا زملكاويه ومتغاظه من النكته...بس هى وكست الزمالك حقيقيه
بس اوعدك مع تغيير النظام ويجيى حاكم زملكاوى
وضعنا هيتغير تمام


منور التدوين واهى الحمله جابت نتايج كويسه
بس بلاش سيرة الاموات( الزمالك)

الطائر الحزين يقول...

منور يا عمنا
لك وحشة والله

دعواتك

غير معرف يقول...

عمنا وعم عيالنا كمان
سلامات يارايق
خمن انا مين
واحشنى والله