الاثنين، 5 مايو 2008

تاج المصرى ..ردا على فرنسا هانم


تاج استندر لسه... نيو تاج ...جانى من الاخ المصرى
وانا بشكره جدا على الثقه دى وبقوله ياريت استوب هنا التاج علشان نعرف نحكم البلد كويس
بس المصيبه الكبيره ان التاج ده راح لفرنسا هانم ...قال ايه فاكره نفسها هتبقى ريسه علينا ...ههههههههههه ...ريسه يا فرنسا .!!!!!!!!!!!!!!!!! ..ليه هى البلد فضيت ولا ايه
طبعا انا وال 120 مليون مصرى بنرفض رفضا باتا ورفضا صريحا كون فرنسا هانم تمسك الحكم ...وهى هتنفع اصلا ؟؟؟؟؟؟ ...يا جماعه الست فرنسا بتروح الفرنه وتقف فى الطابور وتشترى عيش ....ريس ايه ده اللى يقف فى الفرنه ؟؟؟
لأ وكمان اللى زاد الطينه بله ..انها بتحارب واحده اسمها ام دبوه ...يعنى حاجه بلدى ..ناقص كمان تعرفنا على حكشه .... وام الللالى ...والمفك ..وابو الليل ..وخيشه ...والنص ..وابودراع ...وست ابوها
يعنى مقر حكم الجمهوريه هيبقى فى حاره ( كل واشكر ) او ( زقاق العجل ) او ( قصر الحرنكش ) بدل ( قصر رأس التين ) ويمكن
ونلاقى وزراء اسمهم شحيبر ..وشويغر ...وسحتوت ...والمليس ..وكعبر.. وحماصه
وانا اوعدكم انى سوف اتولى الحكم بدون اراقه دماء ...هى فرنسا هانم مش محتاجه حرب
هى كلمه واحده هاقولها وتلاقى فرنسا سابت الحكم

بخ

بس كده فرنسا هانم ذهبت مع الريح وكل عام وانتم بخير
ونجاوب بقى على تاج المصرى

تخيل انك اصبحت رئيس الجمهوريهاول خمس قرارات هتاخدها

1 - تقديم فرنسا هانم الى محاكمه ديمقراطيه عادله ...ومهما يكن الحكم فسيتم نفى فرنسا هانم الى مثلث برامودا ..علشان تجيبلنا قرار السفن الغرقانه هناك
2 - اقرار الكادر العام للموظفين وتسويه اجورهم اسوه بالقطاع الخاص
3 - محاوله اجتذاب العلماء والاطباء والحرفيين المصريين الماهرين المغتربين ...لمحاوله احياء نهضه مصر من جديد لعلنا نستطيه بث الروح فيها
4 - عمل كشف حساب كامل وشامل للدوله ....واطلاع ممثلى الشعب عليه بكل نزاهه ( بلاش كلمه شفافيه لحسن الناس تزعل منى ..ويقواوا من اولها شفافيه ؟ )
5 - الاهتمام بالنشىء براعم الغد فى صوره علميه حضاريه بما يتفق وعقليه الطفل المصرى حتى نتمكن من تشكيل عجينه صالحه للاستخدام العالمى

من هم أول خمسة وزراء ستعزلهم فور توليك مقاليد الحكم

طبعا انا مش هغش الاجابه دى من فرنسا لكن طالما فى حكومه جديده ورئاسه جديده فالكل سوف يتغير

ما هى أول خمسة أماكن ستزورها عندما تصبح رئيسا للجمهوريه.

السد العالى واقراء الفاتحه على روح الرئيس الراحل جمال عبد الناصر وعلى روح اموات المسلمين اجمعين

سيناء الحبيبه واقراء الفاتحه على روح الرئيس الراحل محمد انور السادات وشهداءنا الابرار

القلعه واقراء الفاتحه على روح نسر الشرق صلاح الدين الايوبى محرر القدس داعيا من الله عز وجل ان يخرج من بيننا محرر اخر للقدس

االقناطر الخيريه واقراء الفاتحه على روح محمد على صاحب نهضه مصر الحديثه

الاهرامات الثلاثه واتعجب لقدره جدى الكبير احمس بانى الاهرام

كون جمهوريه لنفسك ومن وزير الداخليه ومن وزير الخارجيه ومن وزير العدل ومن وزير التربيه والتعليم ومن وزير التعليم العالى (سواء من أصدقائك أو أقاربك).

كل واحد له عندى فلوس هياخد بيها وزاره بما لايقل عن عشرين الف جند للوزاره الواحده يابلاش
ها
حد ناوى يحجز
باب الحجز مفتوح من الساعه الخامسه مساء الى الساعه الخامسه وعشر ثوانى
يعنى هما عشر ثوانى واللى يلحق يشيل

من هم أول خمسة رؤساء ستقطع معهم العلاقات الدبلومسيه

اى دوله تشم نفسها علينا انا معنديش ياما ارحمينى ..ومش هخاف من حد
والدفاتى بتاعه الحكومه كلها هاعملها طيالرات ورق وصاواريخ والجدع يورينى نفسه

.من هم أول خمسة دول ستنول عطفك واهتمامك ومساعدتك "باعتبارك دوله غنيه"

فلسطين ...واريتريا ...والصومال ...وموريتانيا.... والاتحاد الاوربى

احب ان اضيف حاجه صغيره

التاج ده هديه لكل المعلقين
واللى مش عايزه يبوسه ويركنه جنب الحيطه علشان محدش يدوس عليه

اخر نكته

بيقولك واحده صاحبتنا اسمها فرنسا هانم اول ما اشترت كومبيوتر جديد كل ما حد يدخل عندها يلاقيها طالعه فوق ترابيزه الكمبيوتر وقاعده على الشاشه...واحده زميلتها سألتها بتقعدى كده ليه يا فرنسا مش خايفه تقعى او تتكهربى ....قالت لها فرنسا ..اصلى الراجل اللى اشتريت منه الجهاز بسأله ..هو الجهاز مؤذى للعين ؟؟؟ قالى لو قعدتى عليه ساعتين فى اليوم مش هيجرالك حاجه
هههههههههههههههه

هناك 73 تعليقًا:

المـــفـــــــقــــــــوعـــــة مــرارتـهــا يقول...

هههههههههههههههههههههههههه
يانهار ألوان ياولاد
يعيش ريسنا يا يعيش
هاكمل بعدين أنا الأول ياولاد
يالسخرية المفاقيع

المـــفـــــــقــــــــوعـــــة مــرارتـهــا يقول...

هو أحنا نطول يارايق تبقي ريسنا ... مفروض تنزل قرار بأن الشعب كله يحلق علي الزيرو .. عشان البلد مايبقاش فيها حد بشعر ... وإذا كان رب البيت بالموس حالقاً فشيمة أهل البيت القراع

أنا هابعتلك شيك حالاً عشان ألحقلي وزارة ..
يعيش ريسنا المرتشي .. يا ... يعيش
أنت مش حد تاني

المـــفـــــــقــــــــوعـــــة مــرارتـهــا يقول...

الملعب لسة فاضي أنا الأول والتاني والتالت
أحمدك يااااااااااارب
أنا كدة أموت وحاطة في بطني بطيخة مسمومة

Desert cat يقول...

يالف نهار ابيض يا الف نهار مبروك
انت لو بقيت ريسنا هتخلى البلد كلها مايصة وماشية تضحك على روحها بس اوعى تتغير بعد الكرسى ياعبدو باشا
اوعى المناصب تغيرك
النكتة ولو انها تموت من الضحك الا انى اشجب واستنكر واتنكر فى زى المماليك واقولك الا فرنسا

المـــفـــــــقــــــــوعـــــة مــرارتـهــا يقول...

وبعدين
دي لعبة حلوة
حلوة أوي
جالك يوم ياظاااااااااالم
وقعت في أيد اللي مابيرحمش
هااااااع هااااااااع هاااااااااااع

آفاق الحرية يقول...

هههههههههههههههههههههههه
ياعم ارحم فرنمسا شوية
حرام عليك
بس النكتة ده جامدة
تسلم دماغك

رئـــــيسـة حزب الأحلام يقول...

اية دة يارايق مالك ومال فرنسا اية يارايق عايز تنافسها على الحكم لا لا لا يارايق وعملت اية الاول فى الكادر مش لما تاخد الكادر تبقى تتكلم

غير معرف يقول...

هههههههههههههه
ايه التاج الجامد ده
دانت ضيعت البلد ياراجل
وايه حكايه احمس ديه

بس اسمحلى كله الا فرنسا هانم
دى فرنسا هانم برضه
سلامى
:))

Mafrousa يقول...

هيييييييييييييييه يعيش الريس عبده يعيش ------ انا حاخد وزارة يا رايق بس مش عا رفه وزارة ايه...اهو اى وزاره و السلام
و النعمة انت كويس يا ريسنا ممكن ترخص البنزين تانى....مش علشان العربيه لا اصل الواد حكشه اللى بيشمه ..حالته تصعب على الكافر
النكته اللى انت قايلها على فرنساههههههههفظيعه تلاقيها بتسن سنانها و بتشمر علشان تيجيلك...بس و لا يهمك ده انت الريس

Tamer Nabil Moussa يقول...

ههههههههه

مية مية ياريس

رشح مفسك يس وراح اكون اول واحد بديك ظهرى قصدى صوتى هههههههه

حلوة النكت دى وجامدة

تحياتى

انين الحزن يقول...

روووووووووقه

طب مش تفتكرني بحاجه وانت ريس ولا الكرسي بيغير
ولا انت مش بتفتكرني الا علي السلم

بقولك صحيح

احنا كدا هنخسر بعض كله الا فرنستي
سلاموووووووووز

وزة

almasry يقول...

عاجبنى قوى حكاية الفاتحه دى .. انت مش حافظ غيرها ولا ايه؟


وانتم مش عاوزين تقولوا الوزرا اللى هتشولوهم ليه .. خايفين؟



تحيـــــاتى
المصـــــــــــرى

قوس قزح يقول...

هههههههههههههههههه
حلوة النكتة اوى
بس فى 3 حاجات عايزة اسألك عليهم
انت بتشترى العيش منين ؟
احمس ماله و مال الاهرام ؟
واللى مديون له باقل من 20 الف هتديله ايه ؟


نصحيتى سيبك من الرياسة وكفاية عليك وزراة الماليه او تمسك البنك المركزى :)

Asmaa mahaba يقول...

هاهاهاها كان غيرك اشطر انا حسرق التاج واجاوب عليه بطريقتى المجنونه لللللللل
تحياتى ليك سوسمه_87

صوت من مصر يقول...

دى حرب فرنساويه عبدويه رايقه صح ولا ايه خلى فيها هدنه شويه

حاجات جوايا يقول...

يااااااااااربى
من أولها كده
يدوب مسكت التاج خليت مصر بقت 120 مليون
ضعنا والحمد لله

بالروح بالدم نفديكِ يا فرنسا
هههههههههههههه

بس اجاباتك كلها جميلة الحقيقة
كله أجمل من بعضه

دمت رايق يا رايق

سالى

فاتيما يقول...

لأ لأ كله إلا فرنسا حبيبتشى
إيه يا عبده خليك ديمقراطى أومال و أعمل تداول سلمى للسلطة ...
و بتبيع الوزرات من اولها يا دى الحوسة
لا يا عم دانت هتوكسنا كدا دا فرنسا كانت مروقنا على الآخر
تعيش فرنسا حرة مستقلة
عودى يا فرنسا
الرايق هوه صاحب القرارت الجديدة بتاعة البنزين و السجاير
هجووووووم

بنوته مصرية يقول...

ههههههههههههههههههههههههه

ايه ده احنا احتارنا مينعش نعمل قرعه واللي يكسب الاول يبقي الريس

او حتي نعمل كيلو بامية ههههههههههههه


النكته حلوة بس احنا مع فرنسا وبنقولك الا فرنسا حبيبت الملاين

اجاباتك حلوة اووي

تحياتي

عاشــــــ النقاب ـقــــة"نونو" يقول...

هههههههههههههههههههههههههههههه
لسة معلقة عد فرنسا حالا واعلنت الولاء لحكومتهامعلش بئا المرة لجاة بئا حكومتك

walaa يقول...

هههههههه
جميل قوى عملين زى القطه والفار
وانت الاتنين دمكوا خيفيف وزى العسل
بس الحجاب اللى هى عملاه فيييك مش اثر فيك ولا ايه
تحياتى ولاء

Empress appy يقول...

لاا فرنسا طبعا هتهزر على الاقل عارفين مكانها ومن الشعب مش انت على السلالم ههههههههههههههههه
وبعدين موتنى من الضحك على النكته كده فرنسا هانم تقول عليها كده
بس ايه ده انت لو بقيت الريس هتخلينا ماشين نضحك ولا هتكشر فى وشنا وتخلى قفانا وشنا عمله ممسوحه

maiosha يقول...

يا سلام عبده الرايق بذات نفسه هيتنازل ويتواضع ويتمختر ويتبختر ويقبل إنه يبقى الريس بتاعنا
هشتكنا وبشتكنا يا ريس .. ده إنت رئيس والنعمة كويس
هههههههههههههههههه
وصحيح .. سيب فرنسا فى حالها .. دى فرنسا برضة على سن ورمح مش الهند ولا الصين
وبعدين مين أحمس ده اللى بنى الأهرامات هو فيه هرم خامس إتبنى وأنا نايمة ولا إيه ؟؟ (مش هم أربع أهرامات برضة؟؟)

على العموم ربنا يوفقك ياريس ويكون فى عون الشعب الغلابة اللى هتحكمه

غير معرف يقول...

بقي هتقول فرنسا تبخ هتقوم هي بخه
طيب روح استخبي بدل ما تيجي
تقولك عو فتوم متعور وتحتاح
علاج 16 سنه
هههههههههه
والنبي يارايق ابقي روح توشكي
واقرا الفاتحه علي المعلم الكبير
ده ان حصل بقي

انين الحزن يقول...

بابا عبده

ليك تاج عندي اوك ياعسل


سلامووووووووووز


وزة

فرنسا هانم يقول...

ههههههههههههههههه
حلوه النكته يا رايق
بس
مصر مش 120 مليون نسمه يارايق
انت لسه نايم على السلم ولا ايه ؟؟
اصحى يا عبده
واجرى بسرعه
فى واحد على الناصيه بيفرق لحمه

الساحرة يقول...

دة انت ناوي علي حرب فرنساويه


بس ياتري مقر الرياسه هيبقي علي


السلم

جامدةالنكته

أبو خالد يقول...

أبنى و حبيبى/مستر رايق
إلا فرنسا يا رايق ده إنذار
النكتة حلوة بس لو بطلتها مش فرنسا
زيس نو جود
بليز مستر رايق أنا مستعد نعمل
لقاءات سلام مكوكية بينك و بين
فرنسا و المطلوب خمسة الأف جند لاغير
أيه رأيك منتظرة على أحر من الجمر

غير معرف يقول...

كر كر كر كر كر كر
حلوة قوى النكتة دى

بس ابقى افتكرنا بسلم فى الرياسة
مش نهم مكتب

همس الاحباب يقول...

هههههههههههههه
هههههههههههههه
مش ممكن بجد
انا بطلت اتفرج على توم وجيرى من زمان
بس بجد انت وفرنسا احلى من مليون توم وجيرى
بجد ربنا يسعدكوا
المهم لما تبقى ريس اتقعد على السلم برده ولا على مكتب
بجد اجابتك حلوة ودمها خفيف
طبعا انا حاجز 5 وزرات ودافع خلو رجل مش كده
تحياتى وقبلاتى يا باشا

Mafrousa يقول...

معلش يا ريس ممكن تقولى عملت
google reader
إزاى اصل اختك محتاسه بقالها كتير و مش عارفه الضربة بتاعة زيادة الاسعار جت على نافوخى

2ensan wnsan يقول...

اصحى يا عم انت وهو وهي ريس جديد نزل عالساحه وخلاص انا المنافس بتاعكوا على كنبة الرياسه (اصل الكرسي بيلزق انما الكنبه تقيله على انها تلزق ما علينا )انتظروا برنامجي الرئاسي مش هتقدر تغمض عنيك
برنامج فظيع فظيع فظيع موووزمووووزمووووز على رأي عمرو اديب
انتظروا البرنامج الانتخابي بعد بكره على http://wa7ed2ensan.blogspot.com/

سلام

حنين القلب يقول...

هههههههههههههههههههههههههههههههههههههههوالله العظيم بجد عسسسسسسسل
المهم اولا انا موافقه على فرنسا تحيا فرنسا تعيش فرنسا.
وبعدين يا عم انت من اولها هتخلص ديونك على حساب الوزارة واحنا مالنا اللى عايز منك فلوس سدها انت مش على حسابنا.
وبعدين قولنا مليون مرة احمس ملوش دعوة بالاهرمات انت مصمم ليه عليه وبدل ما تتعب نفسك وتفضل رايح جاى تقرى فى الفاتحه اقعد فى بيتكو واقراها براحتك.
انما رايسه وتمسكنالالالالالالالالالالالالالالالالا انسى يا رايق .
تسقط حكومه الرايق
تعيش مصر حرة مستقله
سلالالالالالالالالالالالالالام يا رايق

Miss. Sosa يقول...

ياسيدي انت تحكم ده ايه هي سايبة ده فيه حجز ولا انت متعرفش ولا ايه ... احنا حاجزين من ست اشهر

عبده الرايق يقول...

مفقوعة مرارتي من حماتــــــــــــي
مبروك التقدم المذهل ده
وعلشان كده هعينك رئيسه للوزراء

عبده الرايق يقول...

مفقوعة مرارتي من حماتــــــــــــي
اذا كان الشيك دسم
فانتظرى وزاره جامده جدا
فيرى فيرى جووووووووود

عبده الرايق يقول...

مفقوعة مرارتي من حماتــــــــــــي
بعد الشر عليكى
انشالله الاعداء
لا مش حماتك
متودناش فى داهيه

عبده الرايق يقول...

Desert cat
دى هى فرنسا اللى اعلنت الحرب على العبد الفقير الى الله عبده باشا الرايق
وبعدين اوعدك بعدم التغير
بس انتوا شدوا حيلكم معايا

عبده الرايق يقول...

مفقوعة مرارتي من حماتــــــــــــي
ولايهمك انا مشغل العداد
وكله بالدين عليكى
هتدفعى هتدفعى

عبده الرايق يقول...

آفاق الحرية
فرنسا هى الباديه
وعلى البادى تدور المراجيح
انا سمعت خبر كده انها هتهاجر بسبب النكته دى

عبده الرايق يقول...

رئـــــيسـة حزب الأحلام
الحكم غير الكادر
دى سبوبه
ودى سبوبه تانيه خالص

عبده الرايق يقول...

shayma
انا شايف ان النسبه الكبيره بتشجع الرايق
وداعا فرنسا

عبده الرايق يقول...

واحدة مفروسة
طيب خلى فرنسا تحط رجلها هنا فى المدونه
انا عامل لها مصايد
وفخاخ
وهتقع هتقع

عبده الرايق يقول...

Tamer Nabil
وانا اوعدك بوزاره من النوع التقيل قوى

عبده الرايق يقول...

انين الحزن
احنا لايمكن نخسر بعض ابدا
وفرنسا هى اللى اعتدت عليا الاول
وانا مستعد انا اذهب الى اخر العالم
الى مدونه فرنسا نفسها
وامد يدى بالسلام
وليه 367 شرط
لازم فرنسا تنفذهم الاول
لو وافقت على الاستسلام ورفع الرايه البيضاء ووافقت على الشروط
هاعقد معاها فى زنزانتها معاهده صلح

عبده الرايق يقول...

almasry
انا مش خايف يا مصرى
انا بس عايز تغيير جذرى
من الجذور
مش تغيير ساقى من الساق

عبده الرايق يقول...

Rainbow
سؤال وجيه
انا بشترى العيش من بتاع العيش
اما احمس هو اللى بنى الاهرام انتوا سقطوا تاريخ ولا ايه ؟؟
ببساطه كده
احمس ده جدى وحكى لجدودنا كل حاجه بس كان فى بينه وبين محمد على مشاكل ورث وكده وكان بينهم محاكم
هو ده السبب الى خلى التاريخ يقول ان الاهرام بناها رمسيس التانى
تالت سؤال
اللى معاه اقل من 20 الف جند يحنن
احنا مش هنشحت
وعلى فكره
التمن غلى بقى ب 20001 يعنى زاد واحد جند

عبده الرايق يقول...

somaa mahaba
من غير سرقه انا باعلن اهداء التاج ده لسومه
ومتشكرين على ال ربع مليون جنيه
بس هتبعتى الشيك امتى ؟؟؟؟

عبده الرايق يقول...

صوت من مصر
انا اعلنت شروطى لوزه عن الهدنه

عبده الرايق يقول...

Sally
هو احنا مش 120 مليون ؟؟؟؟؟؟؟
اه من الولد الرايق الصغير باين عليه اشتغلنى وضحك عليا ؟؟؟؟؟؟؟؟؟؟؟
الانتقااااااااااااااااااااااام

عبده الرايق يقول...

فاتيما
فاتيما تعد الجيوش لتحارب الرايق
اذن فانا اعلن الحرب على فاتيما ايضا
هاحدف عليكى انتى وفرنسا طوب

عبده الرايق يقول...

بنوته مصرية
طبعا مينفعش نعمل كيلو باميه
انتى عارفه كيلو الباميه دلوقتى بكام ؟

عبده الرايق يقول...

nonoymm
اذن انتى مع فرنسا
كنت اريد ان تكونى معى حتى ندك حصون فرنسا
انا لن اعلن الحرب عليمى اليوم
فقد اعلنتها على فاتيما
بسبب مناصرتها لفرنسا

عبده الرايق يقول...

walaa
ههههههههههه
حجاب
حد يعمل لحد حجاب فى القرن ال 23 دى فرنسا مخها ضرب
قال حجاب قال

عبده الرايق يقول...

appy
لا طبعا انا هاخلى الضحك مجانا
واجبارى كمان
واللى مش هيضحك هجلده عشرين الف جلده تلات مرات يوميا بعد الاكل

عبده الرايق يقول...

maiosha
اجابه خاطئه
الاهرام تلاته بس
ادرسوا التاريخ كويس هتزعلونى منكم
الاهرام تلاته
قولى ورايا
الاهرام تلاته بناهم احمس
وكل الكلام اللى مكتوب فى كتب التاريخ ان رمسيس هو اللى بنى الاهرام كلام غير صحيح

عبده الرايق يقول...

mayada
انا مستعد اروح توشكى
عادى مفيش مشاكل
بس هى فى اى قاره ؟؟؟؟؟؟؟؟؟؟

عبده الرايق يقول...

انين الحزن
تاااااااااااااج تانى
خلاص هاقبله علشان خاطرك
بس هاجوبه بعد كام يوم
لانى بتعالج من اجابه التاج ده
والدكتور قالى ابعد عن الدهون والتاجات
شكرا ابنتى الكريمه وزه

عبده الرايق يقول...

فرنسا هانم
ماشى يا فرنسا
ولتشهد كل الدنيا
وليشهد كل البيبول
وليشهد كل الشعب
وليششهد كل المدونين ان فرنسا هانم كعب الغزال خلت العبد لله الرايق يلف فى الشوارع بقالى يومين وانا بدور على الراجل اللى بيفرق لحمه
لالالالالالالالالالالالالالا
اوعى حد يفتر انى منتظر حسنه
نو
نو
نو
انا لقيت فرنسا غايبه قلت يمكن حد يكون خد السكينه وراح السويس وخلص

عبده الرايق يقول...

الساحرة
لا طبعا فى بسطه للسلم ممكن تنفع فى حالات الحرب

عبده الرايق يقول...

أبو خالد
عمى الكبير قوى ابو خالد
انا مستعد للجلوس على مائده الحوار
واللقاء السباعى بينى وبين فرنسا
انا واحد وانت واحد وفرنسا واحد
يبقى كده سبعه برضه ولا انا غلطان ؟
المهم
سيبنا من الحساب
انا مستعد لقبول الهدنه مع فرنسا وقد جاوبت على وزه بشروطى
ولن اتنازل عن قصقوصه واحده من الشروط

عبده الرايق يقول...

عبدٌ من عباد الله
سلم ؟؟؟؟؟؟؟؟؟؟؟؟
حالا طمعت فى مقر الرئاسه ؟؟؟؟؟

عبده الرايق يقول...

همس الاحباب
خالووووووووووووود
حبيبى
انت متدفعشى ولا جند
نقى اجدع وزاره من على وش القفص
وخد لك هديه اربع وزارت
هو انا فى دى الساعه
لما صاحبى واخويا وحبيبى يطلب منى حاجه

عبده الرايق يقول...

واحدة مفروسة

الريدر موجود شرحه فى البوست ده

http://a-researcher-from-the-truth.blogspot.com/2007/12/blog-post_10.html
واى خدمه ..نو مش مطلوب حاجه ..خلاص طالما مصممه 9 الاف دولار بس

عبده الرايق يقول...

wa7ed 2ensan wnsan
انت بكره هتبقى ريس ؟؟؟؟؟؟
تدينى وزاره واديك وزاره ؟؟؟؟؟

عبده الرايق يقول...

حنين القلب
دى دعوه بالعصيان المدنى على حكومه الرايق
مسروووووووووووووووووووووور

نو
مسس حنين مسرور مش ليكى مسرور لفرنسا زعيمه الانقلاب

عبده الرايق يقول...

Miss. Sosa
هى طلعت بالحجز ؟؟؟؟؟؟؟؟؟؟؟
بلاها رياسه
نرجع للسلم

Asmaa mahaba يقول...

انا بتطمن الشيك وصل ولا حتطلصق عليه عموما لو جيت عندى حتلاقى مفاجاه ليك وهديه

(احمد سكر ) يقول...

ههههههههههههه

تاج جامد اوى

والاحلى النكته

هههههههههههه

تحياتى
احمد سكر

2ensan wnsan يقول...

حلوة اللعبه دي بس عايز وزاره ايه انا معنديش غير وزارة فاضيه الا وزارة الشئون الاجتماعيه خدها بس استحمل دعوات الناس الغلابه

عبده الرايق يقول...

somaa mahaba
شكرا على الوزاره ياريسه

عبده الرايق يقول...

سكــر
شكرا يا سكر
فرنسا تستاهل

عبده الرايق يقول...

wa7ed 2ensan wnsan
يا ما ماليه يابلاش
وهتتحايل على العبد لله

الربان يقول...

تحياتي

لقد تأكدت بنفسي الان من حقيقتك..عبده الرايق جدا...

ريس مرة واحدة....يانهار اسكت...رحنا
ببلاش...و عيشتنا كلها ها تبيقي هزار
و فرفشه....يا عيني عليك يا حزب يا وطني...الناس في عهد الوطني استساغت الحزن....
و في عهد الرايق ايامها كلها هنا و سرور مما رفع نسبة الانتحار بين الشباب.

سترك يارب.

تحياتي و تقديري اخي الكريم...و ان شاء الله مروري يكون خفيف.