السبت، 10 مايو 2008

الرايق..... والعلاوه الجديده


هاااااااااااى افيرى بدى

الاخت :- ازيك ياختى فى ايه مش بتروحى عند ماما والتليفون مرفوع من الخدمه على طول ..فى ايه ؟

مسس رايق :- مفيش حاجه ..من ساعه ما الرايق سمع عن العلاوه وهو قافل على نفسه ورافع سماعه التليفون وعماله يحسب مش عارفه فى ايه ...بقاله كذا يوم على الحاله دى ..انا خايفه يجراله حاجه

الاخت :- يارب يخلصنا منه ونرتاح

مسس رايق :- لا يا نعمه معندكيش حق ..حرام عليكى ..انتى عايزه تخربى بيتى بدرى

الاخت :- طيب ماتحاولى تكلميه وتشوفى بيعمل ايه

مسس رايق :- حاولت كتير ومش عايز يكلمنى خالص ولا يرد عليا ...ما تحاولى انتى تكلميه يمكن يسمع كلامك

الاخت :- هههههههه ملقتيش الا انا ....ده انا اصلا مبقبلوش لله فى لله ..ولو دخلت اكلمه برضه هاخرب بيتك ...هيطلقك

مسس رايق :- بس بس اقفلى على الموضوع ده اهو خرج من الاوده اهو

الرايق :- هااااااااااى افرى بدى .......مييييييين سقراطه ؟؟؟.......فرصه مطينه بطين ..هو انتى كل ماتيجى عندنا مش بتعدى على شريط السكه الحديد ؟؟؟؟

الاخت :- مش اهلا ولا سهلا يا زينه الرجاله ....ايوه بعدى السكه الحديد بتسأل ليه ؟؟؟؟؟؟؟

الرايق :- اصلى متغاظ من القطر ومن صوته وعايز منك خدمه لاخوكى العزيز مستر رايق ...عايزك اول ما تلاقى القطر معدى ....تقفى على السكه الحديد وتخبطيه ..علشان يحرم يعدى من هنا تانى

الاخت :- خبطه لما تاخدك ....عايز القطر يفرمنى ....مالك رافع ليه سماعه التليفون مش عارفين نطمئن على اختنا فى ايه ؟؟؟؟؟

الرايق :- شوفى يا سقراطه ...السياسه الداخليه لبيتى مش عايز ناموسه تدخل فيها ...فاهمه ولا اجيب ميكرفون وافهمك.....وعموما يا متخلفه انتى كمان انا هاشرح لك الموضوع والثواب على الله

الاخت :- قول يابلبل زمانك ....غرد وسمعنى ....اتحفنا بكلامك اللى يسد النفس

الرايق :- انا بعمل حسبه للعلاوه الجديده ...قل اعوذ برب الفلق 30 %...سبعه وسبيعه فى وش العدو ....علشان الخمسه مش محوقه نخليها سبعه

الاخت :- سبع كلاب لما ينهشوك

الرايق :- شوفى يا سقراطه سيبك من الكلام الاهبل ده وخلينا نتكلم ...ااااز فرندس ...الالف ومتين جند الزياده هتعمل شغل مع العبد لله يعنى هنتنعنش وهنفرفش وهتبقى الحياه حلوه ....انا عملت جدول مشتريات لقيت انى محتاج 60 الف جند فى الوقت الحالى هادخل فى جمعيه من خمسين نفر ب الالف ومتين جند واقبضها الاول يعنى اتحلت ..سبعه وسبيعه ....60 الف جند جند ينطح جند

مسس رايق :- اوعى تكون نسيت حد ياخويا ليه عندنا فلوس ...لازم نسدد اللى علينا كله طالما ربنا وقفنا

الرايق :- اسدد ؟؟؟؟؟؟؟؟ انتى يا ام التخلف اسدد ايه يا استيكه ؟؟؟؟...هو اللى على لسانك فلوس الناس فلوس الناس ؟؟؟
انا مش هسدد ولا جند ..لما يجى الكادر هسدد .....انا عندى التزامات اكتر من الكلام الفاضى ده

مسس رايق :- التزمات ايه يا خويا ؟؟؟؟؟؟؟؟؟

الرايق :- انا عايز اروح اسبانيا واشوف برج بيزا المائل لسه بيميل ولا بطل ميلان ...والرحله دى هتكلفنى ال 60 الف جند انا بقالى اسبوع بحسبها بالسحتوت

الاخت :- برج بيزا ؟؟؟؟....ربنا يكملك بعقلك يا رايق ...برج بيزا ده فى ايطاليا مش فى اسبانيا ...وبعدين انت هتستفاد ايه لما تشوفه بيميل ولا لأ
وبعدين مين قالك ان العلاوه الف ومتين جنيه ؟؟؟؟؟؟

الرايق :- الولد الفراش قالى يا عبده باشا انت بتقبض كام ؟؟؟؟قلت له بقبض 400 جند قالى هيص يا عم هتاخد 30 % عن كل 100 جنيه ...وانا بقى حسبتها ...30 فى 100 بيساوى 300 جند ....يعنى كل 100 جند هاخد عليهم 300 جند ...اضربى بقى فى 400 هتلاقى العلاوه بقيت 1200 جند وسبعه وسبيعه فى وش العدو

الاخت :- هههههههههه....والنبى يارايق طالبه منك خدمه ....وانت جاى من اسبانيا ...ابقى اخطف رجلك بالطياره ..على الصعيد عندنا ...كان فى نخله مايله شفتها هناك شوفهالنا لسه مايله ولا انعدل حالها هههههههههههههه

هناك 81 تعليقًا:

Mafrousa يقول...

هييييييييييه انا الاولى
اروح اقرأ بقى و ارجع تانى

Mafrousa يقول...

الله الله يا عبده بيه
امال جوزى حبيبى حياكل عليا الفلوس يعنى بيقولى ان ال 30% و لا حاجه مع غلو الاسعار
و انت يا سيادة الريس بتقول ان 400 حيبقو 1200 ......كده انا لازم اعملها خناقة....و الدم يبقى للركب ...و لو قالى حاجه حقوله عبده بيه حسبها صح

فاتيما يقول...

يادى النحوسة
هوه المأساة متكاملة كدا من كل النواحى
طب الأنفصال عن الواقع و عدنياها
السلف من الناس نظام حسنة و أنا سيدك و عدنياها
برج بيزا أتنقل أسبانيا و عدنياها
أنما كمان الحساب ؟؟؟
يا شيخ نستينى اللى خدته فى إبتدائى كله
العلاوة خدت البرج اللى فاضل
لا حول و لا قوة الا بالله
كنت بعقلك يا عبده
ملحوظة كدا جانبية
أنا متهيألى خالتى فرنسا زعلانة من النكتة اللى قولتها عن الكمبيوتر
موش عارفة أنت شايف كدا و لا أنا موش واخدة بالى ؟؟

الساحرة يقول...

يعني بوظت التاريخ وقلنا هوبايظ لوحدة

كمان الحساب كل دة بسبب التعليم المجاني

كنت بعقلك


تبرعووووووة لعلاج الرايق هههههه

la3lahakhier يقول...

اه وسمعت ان فى اسبانيا شوية لحفة كويسين عشان الناس اللى مابتتغطاش كويس
كل التحية مسيو

المـــفـــــــقــــــــوعـــــة مــرارتـهــا يقول...

الف ومتين جيد ياراجل علاوة بس
ده انت غني بقي واحما مش داريانين

بطوط حبوب يقول...

1200؟؟
انا كنت حاسس ان الريس راجل طيب ومش هيسب الناس كده
شكرا ليك يا رايق وياااااااارب تبقى وزير الماليه

غير معرف يقول...

رايق انت قديم ليه
معرفتش اخر الاخبار
مش برج بيزا لما سمع اللي
عمله فينا الريس الراجل
قام اتنطر ووقف علي حيله
من فرط الصدمه وفر فلوسك بقي
يارايق ملهوش لازمه المشوار
لروسيا

صوت من مصر يقول...

رايق واحشنى والله مفيش سجارتين معاك ولا حتى سجاره تخيل خدنا العلاوه وخلاص السجاير بقت غاليه موت
ال 3 بقوا بنص جنيه فاكر ايام السبعه بنص ايام ياريت ترجع
بوست هايل

حاجات جوايا يقول...

هههههههههههههههههه
تصدق بالله
انت المفروض تمسك وزير المالية
خلى الحكاية تتظبط شوية والمرتبات تعلى
ده انا قلت الأساسى بتاعك 3600
يطلع 400
لا بجد .. حسبه ميه ميه
عقبال متتحول حقيقة

سؤال عالماشى :
مين اللى علمك الحساب ؟؟؟؟؟؟؟؟؟


دمت بخير أخى
اتمنى الزيارة
سالى

قوس قزح يقول...

هاللو مستر رايق :)
يعجبنى فيك انك مثقف و محب للاطلاع

بس للاسف بالحسبة الصح مش هتقدر تعمل حاجة غيرانك تروح الصعيد تشوف النخلة اتعدل حالها ولا لا

او اعمل جمعية ب500 نفر و امرك لله


سى يو بااااى

اهو ده عيبه يقول...

يا ريت يا مستر رايق متنساناش فى اسبانيا
وتفتكرنا ولو بازازة زيت زيتون

وعلى فكرة بفكر اجيبك تدى درس رياضه للاولاد خصوصا النسبة المئوية

عاشــــــ النقاب ـقــــة"نونو" يقول...

مبروك العلاوة وبالشفا الزيادة في الاسعار
عااااااااااااااااااااااااااااا
تحياتي

أبو خالد يقول...

أبنى الغالى/ مستر رايق
ياراجل عايز أخت مسز رايق تسلم
على القطر ..حرام يا عبده
خفة دمك عالية علو برج بيزا المائل
هو مش فى الجزيرة برضوا يا عبده

Empress appy يقول...

ههههههههههههه والنبى انت ما ينفعك غير سقراط دى بس هههههههههه
من الاخر واقعد استنى الكادر لما تخلل على السلم كده

GOLDEN B0Y يقول...

ههههههههه

يا عم سيبه على الله وهاتتعدل وهتبقا ميه ميه

احمد عز بيقولك
(والله يابلد لاجيبكو على الحديده )
الراجل حالف معلشى يقع فى الحلفان وبعدين ده راجل من اسرياء البلد يقع فى الحلفان ازاى

تحياتى :
ROONEY

همس الاحباب يقول...

حبيب قلبى من جوه
بصفتى محاسب وكنت بعرف فى الحساب شوية
بصراحة انت عقلية فذة فى الحساب
وفعلا انا ارشحك وزير مالية بجدارة وخصوصا لما الدولة تمنح علاوات
بس انت رافع ليه سماعة التليفون ولا علشان التركيز فى العملية الحسابية
وعايز سقراطة تسلم على القطر
وبرج بيزا المائل اتنقل لاسبانيا
انا اضم صوتى لصوت سقراطة وافضل تزور النخلة اللى فى الصعيد احسن اهو توفير فى 60 الف جندههههه
بحبك يا جدع مش عارف ليه
تحياتى

مدحت محمد يقول...

ههههههههههه

تعرف ان حال الشعب المصرى عامل زى برج بيزا المائل

وعمره ماهيتعدل ابدا

ولو عملنا ايه

تحياتى وتقديرى وحبى

حنين القلب يقول...

لالالالالالا يا رايق ده كتير بجد انت خريج ايه بالظبط يعنى قولت الاهرمات بناها احمس وقولنا مش بيعرف فى التلريخ كمان برج بيزا المائل فى اسبانيا يعنى ولا بتعرف كمان جغرافيا لا والادهى من كده الحساب بقى 30% من 100 جنيه يعنى 300 جنيه يا لهووووووووووى والعلاوة 1200 ربنا يستر على عقلك يا رايق .
وبعدين فلوس ايه اللى مش عايز تسدها انا عايزة ال 200 جند بتوعى احسن ابلغ عنك وفرنسا حبيبتى شهده .
واطمن يا رايق برج بيزا هيفضل مايل. لا المايل بيتعدل ولا العلاوة بتتصرف ..
سلام يا رايق

Desert cat يقول...

نات كنت بتحسب ازاى يارايق
هى الحكومة هتدفع الـ 30 % على الحسبة الجهنمية بتاعتك دى
ده كدا الموظفين هتريشوا
عندك حق متخرجش من الاوضه شهر مش كام يوم
بيقولوا فى برج مائل فى الدقى ابقى شوفه كدا واهو تنفع ابراج بلدك ماله المحلى يعنى مش احسن ما نصرف العلاوة على اسبانيا والصعيد

فرنسا هانم يقول...

ههههههههههههههههه
ههههههههههههههه
برج بيزا المايل فى اسبانيا ؟؟؟
بالذمه انت مش مكسوف على دمك ؟؟؟
عارف
عارف يا ريقوته يا خويا
مش برج بيزا اللى مايل
ده حظ مسس رايق هو اللى مايل

فرنسا هانم يقول...

اوعى يارايق من وشى

اختى فاتيما

انا عمرى ما ازعل من الضحك والهزار
انا بحب الرايق كاخ عزيز جدا
وبموت فى مدونته وفى خفه دمه
ولا يمكن ازعل ابدا
هو كان انشغال شويه فى الوقت

اوعى يارايق من وشى هو فى الداخله والخارجه الاقيك ؟؟؟؟

آفاق الحرية يقول...

هههههههههههههه
طب ماتروح تشوفها يارايق
هتخسر ايه
مش جايز تطلعلك بنصبه جديدة هناك
هههههههههههههه
وافتكرني في العملية ده بقي
ههههههههههه

جيهان علي يقول...

السلام عليكم ورحمة الله وبركاته

معلوماتك الجغرافيا محتاجة إعادة تأهيل
ومعاها معلومات الحسابية بالمرة بقى

بقى علاوة الـ 400 تبق 1200
طب ازاااااااااااااي

وبعدين متقلقش
لا فيها اسبانيا ولا ايطاليا
ولا حتى راس البر
العلاوة خدها البنزين وطاااااااااااار


تحياتي

رئـــــيسـة حزب الأحلام يقول...

ههههههههههههههههههههههههههههه
ههههههههههههههههههههههه
طريقة جميلة للتخلص من اللى مضايقنى
اية يارايق بتعامل اخت المدام كدة لية بقى عاوزها تروح القطر وتديلة بالبونية

maiosha يقول...

والله يا رايق إنت ربنا هيحاسبك على إللى بتعمله فينا ده .. ده إنت بوظتلى كل معلوماتى .. ده لو كان عندى أصلا.
أنا أخر معلوماتى إن برج بيزا المايل ده فى سويسرا إيه اللى نقله إيطاليا بقى.
وبعدين إنت مرتبك 400 جنية يبقى المفروض علاوتك 1150 بس هتنسونا الحساب كمان

ربنا يكملك بعقلك يا ميوشة

عروسة ننوسة يقول...

حلو كتيييييييييييييير يا مسيو عبده ...على فكرة لك عندى تاج تعالى خده

(احمد سكر ) يقول...

يسمع من بقك

اما ياواد ياعبده

لو حسبوها كدا

ياااااااااه

دا انا ادخل الواحد محمد

المدرسه اللى بالدولار

هههههههه

تحياتى

احمد سكر

شفـقــة و إحســــان يقول...

انت فعلا مالكش حل دمك خفيف جدا

كلام على بلاطة يقول...

جميل يا رايق
ربنا يروقك اكتر واكتر عقبالنا
وعقبال باقى المدونين
فرصة سعيدة
-سعيدة مين
تحياتى

همس الاحباب يقول...

عبده باشا
ايه الاخبار
انت وحشتنى قوى
فينك يا عمو ايه الاخبار اوعى تكون فى القسم زى فرنسا ما بتقول انا ازعل بجد
بس بجد مفتقدك قوى قوى
تحياتى
خالد

قوس قزح يقول...

انت سافرت الصعيد ولا ايه ؟
ايه الاختفاء ده ؟

سمية يقول...

لا حضرتك برج بيزا اغمن عليه ووقع من طوله بعد ما جاله خبر ال 30%

اقرأ الفاتحة بقى..


اول زيارة..
مدونة رائعة..

تحياتى لك..

Asmaa mahaba يقول...

خالتو فرنسا مش بترد يا رايق شكلك انت اللى زعلتها وانت مسؤل ترجعها ومتقولش ازاى
بس هى

ابو العربى يقول...

ربنا معاك يامعلم رايق حسبتها يا اخويا والله سقراطه عندها حق ياريت كانت العلاوه بالخصم وكان خصم 30 فى الميه وبقى سلملى على برج بيزا الى فى شبرااااا
تحياتى

رندا يقول...

عبدة الرايق

ربنا يروق بالك على طول
دى اول زيارة ليا وان شاء الله
هقرا المدونة اصلها خفيفة وحلوة
وبجد بتحكى ببساطة قوى

تحياتى

رندا

حاجات جوايا يقول...

ازيك يا مستر رايق
أخبارك ايه ؟
خالتو فرنسا هانم رجعت خلاص بالسلامة .. انت مش بترد عالتعليقات ليه ؟؟؟
مش خلاص روقت .. واتظبطت بالعلاوة الجديدة

تعالى بقا كمل روقان وخد التاج اللى لك عندى

مستنياك اهه


دمت بخير اخى
سالى

maiosha يقول...

ممكن بقى يا استاذ عبده تفق الإعتصام اللى إنت عامله ده

فرنسا رجعت بالسلامة وكتبت بوست جديد

ربنا يكمل شفاها إن شاء الله

المـــفـــــــقــــــــوعـــــة مــرارتـهــا يقول...

أنت فيييييييييييييين ؟
أنا كل شوية أدخل أشقر وبرضه مافيش جديد .. مالك ياعم عبدو... ماتكتب بقي

المـــفـــــــقــــــــوعـــــة مــرارتـهــا يقول...

أنت فيييييييييييييين ؟
أنا كل شوية أدخل أشقر وبرضه مافيش جديد .. مالك ياعم عبدو... ماتكتب بقي

عبده الرايق يقول...

واحدة مفروسة
الاول هنا بيدفع 100 جند غرامه
يا مسهل

عبده الرايق يقول...

واحدة مفروسة
طبعا قوليله عبده بيه حسبها صح
ولو قالك تلت التلاته كام
اخوكى الرايق موجود
ومستعد اواجهه
لكن
طالما فيها دم للركب
يبقى بلاش المواجهه
وخلينا اواجهه على النت بس
محدش ضامن عمره

عبده الرايق يقول...

فاتيما
اختى الكريمه فاتيما
انا حاسس ان فعلا قلبك كبير جدا وبتراعى شعور الناس اللى حواليكى
لكن انا كتبت اميل لفرنسا عن الحوارات الموجوده بيننا وهى ردت انها سعيده جدا بتلك الحوارات
وعلى فكره انا استاذنت منها قبل ما اقول النكته
وكنت قد ارسلتها لها على الاميل ولم انشرها الا بعد موافقتها
فرنسا انسانه عظيمه تحب ان يضحك الناس ولو على حسابها
وانى فعلا انسانه عظيمه ايضا ام يوسف

عبده الرايق يقول...

الساحرة
تبرعوا لعلاج الرايق
فعلا دعوه جميله
لكن محدش اتبرع ليه ؟؟؟؟؟؟؟؟

عبده الرايق يقول...

la3lahakhier
كويس ضمنا نشترى لحاف
لكن ايه مسيو ؟؟
انجليزى دى يا مرسى ؟؟؟؟؟؟؟

عبده الرايق يقول...

مفقوعة مرارتي من حماتــــــــــــي
كنت هبقى غنى لكن الحسبه طلعت فشنك

عبده الرايق يقول...

بطوط حبوب
شوفتوا الناس اللى بتفهم
جدع يابطوط

عبده الرايق يقول...

mayada
هههههههههههههههههههههههه
روسيا
ههههههههههههههه
شوف التخلف
البرج فى اسبانيا وموجود فى العاصمه بتاعتها باريس
ذاكروا بقى التاريخ كسفتونا

عبده الرايق يقول...

صوت من مصر
ولد ايه الكلام الفاضى ده ؟؟؟
الرايق بيشترى سجاير فرط السبعه بنص جنيه
ولا التلاته بنص جنيه ؟؟
نو
نو
نو
الرايق بيشترى بالسيجاره الواحده بس

عبده الرايق يقول...

Sally
مين علمنى الحسااااااااااااااااب ؟؟؟؟
بدون فخر
مجهود ذاتى

عبده الرايق يقول...

Rainbow
النخله اللى فى البصعيد ؟؟؟؟؟؟؟؟؟؟
مش هينفع
اصلى معنديش جواز سفر
هى الصعيد عاصمه ايه ؟؟؟؟؟؟؟

عبده الرايق يقول...

اهو ده عيبه
وانا مستعد ادرس للاولاد ببلاش
كويس ان فى حد بيقدر مواهبى
انا مش طالب غير المواصلات
طياره رايح وطياره جاى
يعنى اعمل حسابك فى 50 الف جند فى الشهر

عبده الرايق يقول...

nonoymm
اسعار ايه ؟؟؟؟؟؟؟؟؟
هو فى اسعار ذادت ؟؟؟؟؟

عبده الرايق يقول...

أبو خالد
ههههههههههههه
الحقوا ابو خالد بيقول ان برج بيزا فى الجزيره
ههههههههههه
لا طبعا البرج اللى موجود فى الجزيره
اسمه برج الحوت

عبده الرايق يقول...

appy
طبعا هاستنى الكادر
وهو جاى
بس سمعت ان فى كمين فى الطريق

عبده الرايق يقول...

اسامه
بس ياريت نلاقى الحديده

عبده الرايق يقول...

همس الاحباب
حبيب قلبى الغالى همس الاحباب
من القلب للقلب رسول
وكويس ان انتى محاسب
يلا بقى
احرج الناس دى وقول لهم ان حسبه الرايق مظبوطه

عبده الرايق يقول...

مدحت محمد
ااااااااااااااااااه
وانا اقول السياح بيجوا هنا ليه ؟
اتاريهم بيتفرجوا علينا

عبده الرايق يقول...

حنين القلب
انا خريج ايه انا خريج ايه ؟؟؟
يادى الحوسه .....نسيت
هو فى سته اعدادى ؟؟؟؟؟؟؟

عبده الرايق يقول...

Desert cat
برج بيزا فى الدقى ؟؟؟؟؟؟؟؟؟
كويس مش محتاجه مواصلات
بس دى الدقى بقت محافظه

عبده الرايق يقول...

فرنسا هانم
مش هاقولك غير تستاهلى التدوينه اللى كتبتها عنكى

عبده الرايق يقول...

فرنسا هانم
انا رديت بعد العمليه

عبده الرايق يقول...

آفاق الحرية
نصبه اعوذ بالله هو انا برضه وش كده

عبده الرايق يقول...

جيهان علي
لا طبعا انا مش هيصبنى غلاء البنزين
اصلى ناصح
مش باكل ولا بشرب بنزين خااااااااالص

عبده الرايق يقول...

رئـــــيسـة حزب الأحلام
عقابا للقطر

عبده الرايق يقول...

maiosha
انا برضه حسبتها زيك كده
والفرق بسيط
الظاهر انا وانتى هناكل علقه

عبده الرايق يقول...

maiosha
انا برضه حسبتها زيك كده
والفرق بسيط
الظاهر انا وانتى هناكل علقه

عبده الرايق يقول...

gannah
شكرا على التاج

عبده الرايق يقول...

سكــر
ربنا يديك وتدخل اولادك احسن المدارس
ولو عايزنى اكلملك ماى فرند الفراش انا معنديش مانع

عبده الرايق يقول...

شفقة و احسان
يحنن
قصدى شرفتونا وانستونا
وبرضه يحنن

عبده الرايق يقول...

كلام على بلاطة
احنا مش عايزين على بلاطه
احنا نفسنا فى اللى تحت البلاطه

عبده الرايق يقول...

همس الاحباب
اشاعه طلعتها فرنسا لكن انا مس هاسيبها
تحياتى لحبيب قلبى خالد باشا

عبده الرايق يقول...

Rainbow
لا والله كنت مشغول شويه
شكرا على السؤال

عبده الرايق يقول...

سمية
برج بيزا اغمى عليه
لا حول ولا قوه الا بالله
يلا البلاكه فى باقى الابراج
انا سمعت ان اللى هيمسك بداله الحكم برج الحمل

عبده الرايق يقول...

سومه...مجنونه فى بلد عاقل
ردت يا سومه
كانت بتاخد شاور علاجى

عبده الرايق يقول...

ضد الظلم
هو برج بيزا عماله يتنطط كل شويه فى مكان
محدش عارف يوقفه عند حده

عبده الرايق يقول...

رندا
اقرىء براحتك خالص
محدش هيستعجلك
وانتى طالعه اقفلى الباب
وخلى بالك من الا تنين مليون دولار اللى جنب الباب

عبده الرايق يقول...

Sally
طبعا انا اشكرك على التاج
ومبروك عوده الماضى
قصدى عوده فرنسا

عبده الرايق يقول...

maiosha
خلاص فكينا الاعتصام
والحمد لله على عوده الغاليه

عبده الرايق يقول...

حماتــــــــــــي ملاااااااااااك
انا متشكر جدا على السؤال بس كنت باخد رست

رندا يقول...

عبده الرايق

رندا
اقرىء براحتك خالص
محدش هيستعجلك
وانتى طالعه اقفلى الباب
وخلى بالك من الا تنين مليون دولار اللى جنب الباب

............

التعليق لوحدة تحفى امال المدونة
تبقى اية

انت حكاية ياعبدة باشا
انا لما دخلت لقيت مش مليون لا ملايين
بحب الناس تبقى ملايين بجد

تقبل مرورى

رندا