استاذ عبده ...ياراااااااااااايق ...انت نايم ولا ايه ؟؟
فى ايه ؟ هى الدوشه ورايا ورايا ..حتى هنا فى الشغل ...مش هنعرف ننام فى سنتكوا السودا دى ...وات هبن ؟؟
قوم يا استاذ عبده نفض هدومك من تراب السلم وتعالى ..سعاده البيه رئيس الحى عايزك ضرورى
ومجاش هو هنا ليه ؟؟؟؟؟؟..وبعدين انا معرفشى هو ساكن فين ...قدامى ورينا مكتبه ...طول عمرى بكره القلق
ادى اوضه رئيس الحى ..حبط وادخل
طق طق طق طق
هاى مستر بوس ..مستر بيج بوس بالحضن يا راجل اموااااااه...اموااااه
انا مش رئيس الحى يارايق ..السيد رئيس الحى قاعد على المكتب اهه
غريبه ....بجد ناس غريبه قوى ..طالما انت مش رئيس الحى بتسلم عليا ليه ؟؟؟...اوعى من سكتى الله لا يسيئك ..
ازيك يا ريس ...معلش الشمس كانت ضاربه فى عينى مشفتكشى
شمس ؟؟؟؟ شمس ايه جوه المكتب يارايق ..مفيش شمس ..عموما انا عاوزك فى موضوع مهم بالنسبه لك
طبعا ان كنت واثق ومتأكد مليون الميه انكم هتحتاجونى وتقدروا مواهبى
مواهبك .!!!!!!! اه فعلا مواهبك ...انت عارف الاستاذ اللى سلمت عليه ده وانت داخل ؟
ربنا يكرمك ويزيد من احسانك ياريس ...اكيد واحد عابر سبيل جاى ياخد حسنه ...انا للاسف ممعيش فكه كنت اتديتله
عابر سبيل ؟؟؟ اتأدب يارايق ..انت مش عارف الاستاذ مدير الاداره الهندسيه اللى انت بتشتغل فيها
ماخودش بالى منه ياريس
الاستاذ مدير الاداره الهندسيه جاى بنفسه يتوسط لك علشان تقعد فى اوضه وعلى مكتب زى باقى الموظفين ..وبيقول ان قاعدتك على السلم بقى منظرها وحش قوى والناس بدأت تقدم شكاوى عن الموضوع ده ...فانا قررت اديلك مكتب زى الناس
وانا عبده باشا الرايق قررت اديلك انت والمدير مكافأه 5 ايام ...انشاله ماحد حوش ...وهكلملكم ماى فرند المحافظ يرقيكم
انت قررت ايه يا رايق ؟؟؟؟؟؟؟؟ ....تدينى مكافأه ؟؟؟؟...ياخى بص لنفسك الاول ...ايه ده يا استاذ انت داخل المكتب عندى حافى ؟؟؟؟؟؟
اوه نو ايام فيرى فيرى سورى مستر بوس .....للاسف الجزمه عند بتاع الورنيش بتتورنش ...لزوم الشياكه يا ريس
اخرج بسرعه البس الجزمه وتعالى
بتاع الورنيش بعيد يا ريس ..ده جنب البيت على طول يعنى خمس محطات
امال انت جاى الشغل حافى ؟؟؟؟؟؟؟؟؟؟
يوميا ياريس .......كل يوم اطلع من البيت اسلم الجزمه لبتاع الورنيش ..واستلمها منه بتبرق وانا راجع من الشغل ...علشان البرستيج يا فندم
عايز تقولى انك بتيجى كل يوم الشغل حافى ؟؟؟؟؟؟
لا طبعا يا فندم ..زى ماحضرتك شايف لابس شراب ....و بعدين متشغلشى دماغك بالكلام الفاضى ده.....يلا بقى لم اوراقك علشان اقعد على المكتب بتاعى
من اولهاااااااااااا ...ده مكتبى انا يا رايق ...تعالى هنا ..امضى على الورقه دى علشان تستلم عهده
ثوانى يا فندم ثوانى ..اطلع الكارت بتاعى علشان بتلغبط فى الاسم
فى حد فى الدنيا يبتلغبط فى اسمه ...ورينى الكارت ده ...عبده الرايق عبده ...رقم البطاقه ...رقم بطاقه التموين ....ايه ده يا فندى الناس بتعمل كارت تكتب فيه رقم التليفون مش رقم بطاقه التموين
يعنى عايزنى اكدب يا ريس التليفون باسم مسس رايق ..لكن بطاقه التموين باسمى
عموما يا ريس متشغلشى بالك ...قولى بقى هنفرش امتى ؟؟؟؟؟؟؟
هنفرش ايه ؟؟؟؟؟؟؟
ماهو انا مش فاهم يا ريس هتشغلونى فين ؟ وهابيع ايه ؟؟ خضار ولا سمك ولا فاكهه ولا فول نابت
عبده يا راااايق ....اطلع بره ....بررررررررررررررررره ...اجرى اترزع مكانك على السلم
اطلع بررررررررررررررررررررررررررررررررررررره
هناك 82 تعليقًا:
اصلا انت وش سلالم
مكتب ايه اللى تقعد عليه
هو المكتب هيكسبك زى السلم
مش انا اكتشفت حقيقتك
ورحت الحى وشفتك وانت قاعد على السلم
واللى طالع واللى نازل بيديك حسنه
وانت على كلمه واحده
لله يا محسنين لله
بقولك
ممعكشى فكه عشره جنيه شلنات
باين عليك كنت وضع عينك على مكتب رئيس الحى
بس اتكسفت تقول ههههههههههه
شوف خليك فى الفاكهة مضمونة ومكسب خرافى
مس رايق
وكمان بدل السلم هيكون رصيف
جددد نفسم بنفسك هههههههه
تحياتى
اخر برستيج .. اخر روقان
ياترى شغال ايه على السلم !!
بتعد السلالم ؟؟ وياترى وصلوا كام سلمة لحد دلوقتي ؟؟
عايزة بوست شيك كدة يكون فيه وصف دقيق ومفصل للسلالم اللي حضرتك مشرف عليها
بلييز .. بلييز ..
رقم بطاقة التموين ؟ ههههههههههههههههه
جامده طحن
فين اجابات التاج يارايق
تحيـــاتى
المصـــــــــــــرى
روووووووووقه
الناس بتشتكي من قعدتك علي السلم
انت بتعمل ايه بالظبط اوعي تكون زي ما فرنستي قاااااااالت
ازعل اوي
سلاموووووووووووز
وزة
والله يا رايق انا عندي احساس
انهم لو قالولك تبقي رئيس جمهوريه هتوافق من غير تفكير
وتشترط ان الشعب كله يهاجر
عشان تبقي الجمهوريه الروقان فضيالك
ياراجل ده انت خليت الراجل
يندم انه اطص في نفوخه وقلك
تقعد ع مكتب
هههههههههههه
بقلك ايه انا من شويه
لمحت واد بتاع جزم لابس جزمه سوده
مقاس 42 ببوز طويل كده وبتلمع قوي
مش عارفه ليه حسيتها بتعتك
روح الحق الواد بقي بقي ع محطه القطر
وبرضه(بست وشز فور يو)0
بجنيه بجنيه بقي انشاالله محد حوش
ولا يغلي ع الرايق
يعنى دخله الشياكه دى وفى الاخر هنفرش فين، وسمك ولا خضار
يا باشا انت مستواك مكتب على احدث طرز الديكور و 2 تكييف و3 سكرتارية غير الفاكس كمان
اقل من كده متقبلش طبعا، ده انت الورنيش لوحده بيكلفك الشئ الفلانى
شغلتك ايه علي السلم يارايق
هههههههه شكلك مش هتطلع شغال في الحي
اعترف احسن ليك
وبعدين جزمه ايه اللي بتتلمع احنا هنضحك علي بعض
انت اخر مرة اشتريت جزمه كنت في الابتدائيه
هههههههه بس شكلك بتحب السلالم النوم عليهااحسن من المكاتب في الحر دة
تصدق يا عبده .. إنت فعلا مش وش مكاتب
إنت أخرك فعلا تقعد على السلم حافى
يا سلام قمة البرستيج
بس كله كوم ورقم بطاقة التموين دى كوم تانى .. هههههههههههه.. ده إنت كارثة
والله يا شيخ الله يكون فى عون اللى معاشرينك .. مراتك ولا جيرانك ولا اللى بيشتغلوا معاك ولا اللى بيقرولك أصلا
ده أنا إتعديت من الرواقة بتاعك .. ومش بكلم الدكاترة عندى فى الكلية غير لما ينزلوا من على الإستيدج ويقولولى لو سمحتى يا أنسة ميوشة ممكن تتكرمى وتتعطفى وتردى عليا
أقوم أنا بمنتهى الرزالة أقوله لأ مش ممكن
الله يسامحك إنت السبب
هههههههههههههههههه
يالهوي مع كل التناكة اللي انت فيها دي وقاعد في الآخر علي سلم المصلحة
ونعم الموظفين الحافييين
هههههههههههههههههههههههههههه
هههههههههههههههههههههههههههههه
هههههههههههههههههههههههههه
مش ممكن
بجد مش ممكن
ده انت موتنى من الضحك
بتفكرنى بشخصية على بيه مظهر اللى عملها محمد صبحى
ربنا يجازيك خير على الضحك اللى بتضحكهولنا
دمت بخير أخى
سالى
ههههههههه
فرنسا هانم مظبطاك والله :D
قاعد حافى علي سلم المصلحة .. الا هو انت بتشتغل ايه فى المصلحى ديه بالظبط ؟؟؟
تحياتي كتير مستر رايق :)
هههههههههههههه
هههههههههه
آخرتها السلم يا رايق.......وحافى ..سايب الجزمه عند الراجل خايف عليها تتبهدل هههههههه
أموت و أعرف فى ألآخر كده انت بتشتغل ايه فى الحى.........
هههههههه
قال جات الحزينه تفرح ملقيتلهاش مطرح
المنحوس منحوس ولو علقه فى ديله فنوس
بس لعلمك قعده السلم للرجاله
صدقنى انا....والشحات ليه نص الدنيا
ياله دا جزاء البطران وابطران نهايته قطران
حلو دش الامثال دا
تحياتى ليك سومه_87
ياعم ماله السلم
هههههههههههههه
والله ده احلي دماغ
قاعد في الروقان تصبح علي اللي طالع واللي نازل
ميه ميه
ههههههههه
ممكن اسانسير يبقى اوك ايه رايك يا رايق
ماله السلم يا عم دا كويس وابن ناس واللي طالع زواللي نازل بيشوفك بحاجه برده دا في ناس ماشيه تدور على سلالم وانت عايز تجحد النعمه دي حرام عليك يا اخي حرام
سلام سلام سلام
أبنى الحبيب مستر رايق
أنت يا بنى لسه قاعد على السلم
و كمان لا تعرف رئيسك المباشر
و لا رئيس الحى
فعلا الفساد فى المحليات للعنق
و منتظر التاج قصدى الكادر
رحماك ربى ..رئيس الحى مطلقش مراته
بعد أذنك مستر رايق كلمة صغيرة
للغالية فرنسا هانم
ليه كده يا فرنسا شلفطى الرايق
الا تعلمين أن 80% من العاملين
بالأحياء يوقعون فى دفتر الحضور
و يخلعون..
فرنسا الغاليه صحيح أنا عامل معاك
إتفاقية دفاع مشترك بس الرايق غلبان
هزرى معاه آه بس برضه لو ميت جند
للرايق لأخر الشهر يبقى خير
انا قلت امر كده وأرمى السلام
ههههههههههه
كده يا رايق بلاش فضايح وجرس
سلم وكمان حافى وطمعان فى مكتب رئيس الحى مرة واحدة ياراجل عيب عليك
نفسى اسالك سؤال هو انت بتلمع الجزمة ليه طالما بتسيبها جنب البيت هههههههه
جبته لنفسك يا رايق وفرنسا مش اتسيبك اتسيحلك فى المدونة
بس احسن حاجة فيك النزاهة يا عبده
فعلا اقرع ونزهى وداخل تشحت رئيسك المباشر عند رئيس الحى روح يا شيخ وتعالى بسرعة
بس بجد موتنى على نفسى من كتر الضحك
تحياتى وتقديرى يا باشا
خالد
السلام عليكم ورحمة الله وبركاته
اسمك بتتأكد منه بالكارت
وكمان حاطط فيه رقم بطاقة التموين لأنه باسمك
ياسلام
لا بجد حقاني يارايق
ازاي تحط في الكارت بتاعك حاجة مش تخصك
وحد يجيله مكتب لحد عنده ويعمل اللي انت عملته ده
وعايز مكتب رئيس الحي كمان
طب ما تاخد مكتب المحافظ
يادوب على قدك
تحياتي
وهو ماله يعنى السلم يارياق على الاقل فى طراوة وفى ناس بتعدى باللىف يه النصيب
نياهاهاهاها
عرفت الحقيقة
ايه ياعم عبده انت نسيت تاجى ولا ايه؟؟؟ كده فرنسا تسبقك وتحرقك وتكون انت الأخير وتبان بمنظر اخصيه مش قد كده
تحيـــــــاتى
المصــــــــرى
هههههههههههههههههه
سلالم اخرتها سلالم يارايق
ههههههههه صدق اللي سماك
رايق
مبروك 30%
ياعم عبده الرااااااااااايق
مدونتك جميلة جدا جدا
انا ضحكت جداعلى مدونتك الجميلة
تدخل حافى على المدير يارايق دا انت دمغ تمام ربنا يكفينا شر الروقان
فكرتنى بزميل فى الشغل كان ماشى مرة حافى ال اية رايح يتوضا دى ظاهرة جديدة على الشغل المصرى
ههههههههههههه وانا كل ما اطلع اتكعبل فى حاجه قاعده ومش واخده بالى منها اتاريك انت ههههههههههههههه
معلش القهر وحش يا عبدو اقعد فى البلكونه ولا فى الشباك هههههههههههههه
ههههههه
تعرف ان السلم انسب مكان
مكتب ايه وبتاع ايه ده حتى مش هتعرف تنام عليه بعد ماتعودت على نوم السلالم
ههههههههههههه
تحياتى لك
ع السلا يا رايق
ليه ؟
بتعد العملاء والزوار؟؟
والله شغلانه تمام
بلاه المكتب
السلام عليكم ورحمة الله وبركاتة
يا استاذ عبده ليه مش عايز مكتب يا استاذ عبده
شكرا يا استاذ عبده
والسلام عليكم ورحمة الله وبركاتة
هههههههه
غلطان الرجل اللى كان يكلمك دة معقول مش عارف
قيمتك
لالالا
لازم تحاسبةمش تعديها لية ههههه
تحياتى
سلام عليكم يا عبده يا رايق
امدونه جامده جدا بس انا حاسس انك متأثر بكحيت احمد رجب ولا ايه
وثكرا ثكرا
عالسلم عالسلم انت بتشتغل اية اوعى تكون بتاع الورنيش هههههههههههه
صحيح انت عارف انا اعرف ناس فى الحى مش بتروح غير يومين تلاتة وكمان بتروح فيهم الساعة 11 صباحا
عفوا انهم مش فاضيييييين
ههههههههههههههههه
يعنى اخرتها سلالم يارايق
ومال كادر ايه اللى انت مستنيه بس ياراجل
اوعى يكون كادر السلم
ههههههههههههههه
مش ممكن بجد عليك
تحياتى ليك
ع السلم ع المكتب
يحمدو ربنا انك قاعد اصلا ده الشغل فى الحى والحكومة كلها
بيروحو يمضو ويمشو على طول
من كبيرها (كبير المصلحة) لصغيرها
تحياتى
هههههههههههههههههههههههههههههههه
ايه ده بس
حتي مش عايز تقعد علي مكتب
لا وحافي
بس وجه نظر برده
تدي الجزمه لبتاع الورنيش يورنشها وتبقي فل وتروح حافي
نظريه برده
هيجيلي الضغط علي فكره:)))
بجد بجد يو ار ا بج بروبلم انا مش عارفة انت هتعمل ف نفسك ايه بعد كده انا لو مكان الرئيس بتاعك مش كنت طردتك م المكتب و قعدتك ع السلم بس ده انا كنت انفيك من الجمهورية
اااااااااه
انا عرفت انت مين
واحد قاعد عالسلم
وحافى
واللى طالع ونازل زهقان منك
شكلك كده انت اللى بتسىء السلالم
بتمسحهم يعنى
عموما يحنن
وتقريبا السبوبة بتاعت بعد الضهر من بيع الخضار والفاكهة
حلوة يا طماطمممممممم
ههههههههههه
خفة دمك ملهاش حل
سلاموز
هبة
انت فين يا رايق ؟؟؟
بقالك كام يوم مبتظهرش
تلاقيك قاعد تعمل حسبة ازاى هتصرف العلاوة الجديدة وهتجيب بيها ايه وايه ؟
هتتبشبش يا عم مين أدك
وتسد ديوووووونك وتجيب الهمررر
ههههههههههههههههه
شر البلية ما يضحك
دمت بخير أخى
سالى
فرنسا هانم
كلامك صحيح ميه فى الميه
فعلا انتى جيتى الحى بس نسيتى تقولى ان الامن بتاع الحى حجزك تلات ساعات للاشتباه لولا العبد لله كان زمانك فى اوضه الفيران
تحيه من الرايق لاجمل حس فكاهى فرنستنا الغاليه
Tamer Nabil
نو نو نو
رصيف نو
انت عايزنى اتكتب غياب
لو رصيف داخلى معنديش مانع
شكرا لتشريفك
سعيده يارايق
Unique
القعده على السلالم غيه
وانا لو عايز مكتب من بكره اروح بدرى واقعد على اجعص مكتب ولا يهمنى
شكرا لتشريفك
almasry
التاج جاوبته يا باشا
هو انا اقدر اتأخر
شكرا لك على التاج
انين الحزن
وزتى الغاليه
ابنتى العزيزه
متصدقيش كلام فرنسا
انا فى حاله حرب معاها
وبأذن الله سننتصر
شكرا لكى يا وزه
نوري
جزمه سوداء ببوز طويل ؟؟؟؟؟؟؟؟؟
مش عارف
يمكن بتاعتى
ولا بلاش نظلم الراجل ..الظلم حرام
انا فاكر اخر جزمه اشترتها فى الاعدادى كانت بنى
اهو ده عيبه
نو
نو
نو
انا بورنش بالشهر
ولما اتزنق فى الدفع
انا اصلا مش فاكر انى دفعت
اصل الراجل بتاع الورنيش طيب وبيقول لى هاخصم الورنيش من حق ايجار الجزمه
الساحرة
انا لسه مجاوب على السؤال ده
بلاش افتراء
اخر مره اشتريت جزمه كانت فى الاعدادى
بس انا محتار
هو احنا خدنا الاعدادى الاول ولا الابتدائى ؟؟؟؟؟؟؟؟
maiosha
طبعا لازم الواحد يعتز بذاته
وبعدين هما الدكاتره احسن منكى فى ايه
كلنا ولاد تسعه
شكرا على الزياره
مفقوعة مرارتي من حماتــــــــــــي
وهو حد يطول قعده السلم ؟؟
دى هى الروقان كله
Sally
والله يا سالى انا ممنون جدا لكلامك الجميل وادعوا من الله ان يجعلنى سببا فى رسم ابتسامه على الوجوه
شكرا لكى
Miss. Sosa
انا بشتغل فى المصلحه ايه ؟؟؟؟؟؟؟؟
انا الشعب
اما عن فرنسا الحرب بيننا وسأدمرها
واحدة مفروسة
شوفى انا ماسك منصب كبير قوى فى الحى
وعلشان كده بكتب على لوحه المفاتيح بايد واحده
علشان الايد التانيه فيها المنصب
واخاف يقع منى
somaa mahaba
صدقينى انا مش بطران
بس عايز ابعد عنى القطران
وطبعا انتى عارفه مين القطران
انا مش هاقول على الاسم اللى اوله ف ر ن س ا ه ا ن م
آفاق الحرية
انا بفكر اعمل باب عند النجار واخلى رسم المرور بكارته
صوت من مصر
ههههههههههههههه
يابنى انت شارب حاجه ؟؟؟؟؟؟؟
فى فى الدنيا كلها اسانسير داخل المبانى ؟
wa7ed 2ensan wnsan
نو نو نو
فكرك ميرحشى لبعيد وتصدق كلام فرنسا
حسنه ايه اللى هاخدها ؟؟؟
لو سلف معلش
أبو خالد
حبيبى عمى ابو خالد
ابوسك منين
لو كلمتين من دول لكل المدونين
وكل واحد اخلع منه ب 100 جند ياه دى تبقى لعلعت وز قططت
شرف كبير ليا زيارتك يا ابو خالد
3abdo me7tas
الحمد لله انى لحقته فى الوقت المناسب
كان اتلهف
همس الاحباب
حبيب قلبى خلووووووود
تحيه ليك يا غالى
فرنسا تعمل اللى تعمله ولا هيهمنى منها
بس اللى ميعيطش
عارف يا خالد
فرنسا دى كنز فكاهى
تحيه لاحلى اخ فى الدنيا
جيهان علي
اوه
ماى فرند المحافظ عرض عليا المكتب كتير وانا ارفض
انا ببص لقدام محافظ ايه ؟؟؟؟؟
انا عايز ابقى شيخ حاره
Desert cat
نو
كلام فرنسا مش صحيح
اوعى تصدقى
وعلشان اثبت لك
محتاج 100 جند اجيب طلبات
almasry
هى فعلا سبقتنى
لكن انا قلت لها بخ
وذهبت مع الريح
mady
تفتكر ال 30 فى الميه كفايه للهمر والقصر وملعب الجولف ووووووووو
نو
انا بحلم ب 32 فى الميه
النمر الشرس
نمر النمور يا وحش
ازيك يا كتكوت
انا بحبك
رئـــــيسـة حزب الأحلام
وبرضه كان سيب الجزمه عند بتاع الورنيش ؟؟؟؟؟؟
اكيد زميل
appy
نو
مش انا اللى كنت بكعبلك
يمكن المدير بتاعى
اصل ساعات بنبدل سوا
ra7eel
نو المكتب للعب الطاوله بس مش للنوم
كل حاجه ولها حاجه
Salwa
عملاء ؟؟؟؟؟؟؟
هو فى عملاء بيطلعوا السطوح ؟؟؟؟
القط البرى
هو حد ادانى مكتب يا قط وموافقتش
خايفين منى مش عارف ليه
أسد المدينة
طبعا لازم احاسبه
هو خد مشاريب ايه ؟؟؟؟؟؟؟؟
wa7ed 2ensan wnsan
ممكن كلامك يبقى صح
انا فعلا بحب الشخصيه دى
شكرا لك
wanna b a physician
لأ طبعا هو انا اطول ابقى بتاع الورنيش
وبعدين ده هو جنب البيت هناك
آخر العنقود
كادر السلم مضمون احسن من اى كادر
بس المشكله ان لا ده جاى ولا غيره جاى
مدحت محمد
فعلا يحمدوا ربنا
مفروض يعملوا لى تمثال من الدهب الخالص عيار 65
عاشقه الفردوس
الف سلامه عليكى من الضغط
بس انا عايز الجزمه فيرى فيرى بتبرق
هى دى البروبلم
anonimous
ياريت تنفينى من الجمهوريه كلها انا زهقت
ودينى اى دوله تانى انشاله المنصوره
Doba
نو نو نو
مسس دوبا
انا مركزى لا يسمح ابدا ببيع حلوه يا طماطم
نو
انا اقل من خوخ ومانجه مش هاسرح
Sally
العزيزه سالى
شكرا على سؤالك عنى
بس العلاوه دى مش هى اللى فى دماغى
انا احلامى اكتر من كده بمراحل
بس محتاج منكى 200 جند سلف
غير معرف
سعيده غير معرووووووف
مادام كادر تبقى اعد تستنى المجموعة ...صح؟
الاصحيح هى لسه وزارة التعميم شغالة ولا فلست؟
كل التحية
200 جند ايه بقى ؟؟
ما خلاص هتبقى رئيس جمهورية
وكلنا هنيجى نستلف منك
ما خلاص اتعدلت
وحالتنا اتقندلت
ههههههههههههه
دمت بخير
إرسال تعليق