طاااااااااااااخ طااااااااااااااخ طاااااااااااااااخ
ياساتر استر يارب ...مين اللى بيرزع الباب كده ؟؟.....مييييييييييين ؟؟؟؟
افتحى يا مسس راااايق ....بليز كويكلى ....بسرعه لو سمحتى
اهلا ياسى عبده ايه اللى على دماغك ده يا خويا ...وبعدين انت مش معاك مفتاح ؟؟؟؟
نزلى عنى يا متخلفه ...حططينى الاول
اهه يا خويا ...ياساااااااااااااااتر دى تقيله قوى ...ايه ده ياخويا ؟؟؟؟
دول 70 رزمه ورق فولساب ...ابعدى ايدك انتى فاكراهم لب ولا ايه ؟؟؟؟....انتى وليه فرى امبوسيبول
اختى جوه يارايق بلاش فضايح
اوه ..ربى رحماك ربى ....احدى لفراد العائله المالكه عندنا يا مرحبا يا مرحبا ....اختك مين فيهم مسس رايق ؟؟؟
اختى نعمه مدرسه الثانوى
اه سقرااااااااااطه ...حصل لنا الرعب والتهديد ..تعالى نقدم لها فروض الطاعه
والنبى علشان خاطرى بلاش مناكفه معاها انا مش ناقصه كل شويه تتخانقوا مع بعض ....تعالى يا خويا سلم عليها
اهلا وسهلا سقراطه هانم ...نص الاوده ...لا ربع الاوده ...لا عشر الاوده نور بوجودك
اهلا سبع البرمبه مفلس افندى ...قبل ماتدخل بثوانى كنت هامشى ....ياريتنى كنت نزلت
ومنزلتيش ليه السلم مرضيش ينزلك ....ولا هتستنى لما يركبوا الاسانسير بعد ربع قرن
ايه ياجماعه صلوا على النبى ....الا قولى ياسى عبده الورق الكتير ده كله ليه ؟؟؟؟؟ ....انتى هتبيع ترمس ولا ايه ؟؟؟؟
ههههههههه ظريفه مسس رايق ....انا ناوى اكتب مذكراتى
تكتب مذكراتك ؟؟؟؟مذكرات ايه ياحسره
انتى مش عارفه ان امبارح اتذاع ليا حلقه فى الراديو ..وفى البرنامج العام كمان ....انا قلت انتهزها فرصه واكتب مذكراتى
جميله يا جوز اختى ...هو انت بتعرف تقراء وتكتب ؟؟؟؟؟
لا بتعلم.....ههههههه ...ضحكتينى .....زغزغينى يا فانله ...هههههههههه ...مش الاخت ظريفه برضه ؟؟؟
خليك معايا يارايق ...جبت الفلوس منين يا عبده ؟؟؟؟
هه ؟؟؟؟
من غير هه جبت الفلوس منين يا عبده ؟؟؟؟
ماى فرندس فى الشغل سلفونى 500 جند
ازاى ده محدش بيرضى يسلفك ربع جنيه .؟؟؟..فهمنى يا عبده
اصلى اصلى ..سورى مسس رايق ...انا قولتلهم انك مريضه وفى الانعاش
يالهووووووووووووووووووووى
ياراجل حرام عليك وعلى عيالك ...تعييى مراتك وتوديها الانعاش علشان تلهف من الناس فلوس سلف ...انت بعت نافوخك لبتاع الروبابيكيا ولا ايه ؟؟؟؟ وبعدين مذكرات ايه وزفت ايه ؟؟؟ انت فى حد يعرفك اصلا ؟؟؟؟ ومين هينشر لك المذكرات دى ؟؟؟ومين هيشتريها اصلا ؟؟؟؟
سانك يو مسس سقراطه ...انا رجل جنتلمان ومش هارد عليكى بالبلدى بتاعك البيئه ده ..كلها كام يوم ودور النشر كلها تجرى ورايا وتحدف عليا الملايين علشان احن عليهم واديهم مذكراتى ...انا مش اقل من العالم الكبير احمد عادل ..المصرى اللى فاز بجايزه نوبل فى الفينو
اسمه احمد زويل ...وفاز بجايزه نوبل فى اكتشاف الفينتو ثانيه ..مش الفينو
ايه الاسماء المكلكعه دى ؟؟؟؟بلاها فينتو ....انا هاكتب مذكراتى التاريخيه عن الحمله الفرنسيه وحفر القنال
حمله ايه يا فرحه اخواتك ؟؟؟؟ هو انتى كنت عايش ايام الحمله الفرنسيه ؟؟؟؟؟؟؟
هوانتى تعرفينى من امتى ؟؟؟؟؟؟؟؟؟
من يوم الجوازه الهباب بتاعتك
عندك اثبات او دليل مادى او شهاده وفاه تثبت بالدلائل والقرائن انى كنت ميت ايام الحمله الفرنسيه ؟؟؟؟
طيب مين كان قائد الحمله ؟؟؟ ومين اللى قاوم الحمله فى الاسكندريه ؟؟؟؟ وقعدت الحمله كام سنه ؟؟؟
امممممممممممممممممممممممم
ماترد يامفلس افندى ..قصدى يا رااااااايق افندى
بصى يا سقراطه ؟؟؟؟المعلومات اللى عندك كلها تايوانى ..يعنى من الاخر مضروبه ...اسمعى بقى الحقيقه المره والجديده من العبد لله ....قائد الحمله واحد فرنساوى ....واللى قاومها واحد مصرى ...وقعدت شويه ...ها عندك اعتراض ؟؟؟؟؟؟؟
سيبهالك مخضره يا رايق ...سلام عليكم
مش هتيجى معانا فى الصيف الجاى قبرص ؟؟؟؟؟؟؟؟؟؟؟
هناك 65 تعليقًا:
احجز اول تعليق يا عبده ياش وراجع تانى
اوعى تمشى
هههههههههه
ههههههههههههه
والله شكله التعليق كله ابقى ضحك
بجد انا قلبى وقف من كتر الضحك يا رايق
انت مصيبة من مصائب الزمن الغابر
انت مسخرة يا رايق بس بجد بموووووت فيك وفى كلامك بس ما قولتليش انت اتكتب مذكراتك ليه يا رايق
لو تحب اساعدك ما عنديش مانع بس نقعد فى غرفة مكيفة على النيل علشان انت عارف السلم بيتعبنى فى قعدته
بس والنبى بلاش تعملها طيارات ومراكب بعد ما تخلص كتابة
تحياتى ليك يا عسل
خالد
دى اول زيارة ليا عندك
انت مدونتك دمها خفيف واسلوبك عاجبنى اوى
ربنا يوفقك
لا بتعلم.....ههههههه ...ضحكتينى .....زغزغينى يا فانله ...هههههههههه ...مش الاخت ظريفه برضه ؟؟؟
جديدة خالص بالنسبة لى زغزغينى يا فانله
بجد لا أجد لخفة دمك حل و لكن أخى عبده خف شوية على مس رايق من فضلك..
أبو خالد
ههههههههههههههههههه
يارايق
هههههههههههه
تلاعبني بلياردوا
؟!؟؟؟؟؟؟؟؟
.....................
انا اول مره ادخل مدونه حضرتك
بعد ما خالتو فضحتك
وقالت ان حضرتك وليعاذبو بالله
بتستلف
ياللهوي
اخص
كالعاده راااااااااااايق
خالص تحياتي
انا جاي قبرص ان شاء الله يارايق
ومتقلقش هتحمل نفقاتي
لا متطمعش مفيش اي فلوس سلف
الحالة ضنك والمحلة مقفولةوشكلي هاجي استلف منك قريب
بس انا بعتب عليك يبقي اخواك مزنوق في المحلة كده ومتجيش تفرقعلك عربيتين ولا شوية عربيات امن مركزي
لا بجد دعواتك لكل اهل المحلة اليومين دول
تحياتي
عبده يا رايق
إيه دا
مدونتك لطيفة قوى
يعنى فرنسا هانم كلها نظر و بتعرف تنقى المدونات التمام ...
ان شاء الله هتلاقينى عندك كتير
و أبو خالد يا راجل يا طيب
زغزغينى يا فانلة كنت بسمعها من اخويا زماااان ...يعنى عاوز يقولى ماتستظرفيش عليا ....و كدا
تحياتى لكم جميعا
و مذكرات أيه يا عم ؟
طب نقراها احنا الاول و نحكم بدل الفضايح قصاد الغرب ..
تحياتى ليك يا رايق
و فين ال 20 جني اللى عليك
هههههههههههههههههههههههه
بجد راااايق
انا عملت بنصيحه فرنسا وسبت الشنطة قبل ما ادخل قولت الاحتياط واجب
ههههههههه
بجد مداونتك جميلة جداا
تحياتي
رودي
البلد بتولع يا مستر عبدو
فرصه تاخد صور للحمله الفرنسيه بالصوت والصوره
ويبقى حد يقولك مش فرنسيه
على النعمله فرنسيه فرنسيه يعنى وشف المحله
بقى قائد الحملة الفرنسية كان فرنسى واللى وقف ضده مصرى
تصدق فعلا مذكرات لا تحصر بأثمان ده انت فظيع يا راجل وقدرتك التثقيفية فظيعة
دور النشر فعلا هتزحف على ابوابك طول الوقت ده انت ثروة قومية يا راااااااااجل
تحياتى لمسس رايق الله يكون فى عونها
هبة
هههههههههههههههههههه
بجد مينفعش نعلق عند الرايق بدون ما نضحك
شوفت فرنسا هانم مصيتااااك
وفضحااك ازااااى
لو عاوز سلف قوللى بس ولا يهمك احنا سدادين
عاوز كاام؟
ههههههههههههههههههههههه
انت مين اللى اختار لك اسم الرايق ده
عشان احيه بس
ايه الروقان ده
ياسلاااااااااااااااااااام
نفسى اتخيل لو كله دماغه رايقة كده
واهم حاجة انه يلاقى اللى يسلفه عشان يظبط الدماغ دى
هههههههههههههههههههه
تحياتى ليك يارايق
هههههههههههه
انا ممكن اجى معاك انت ومسسز رايق مش عارفه بحس وانا باقرا ان الرايق هو عبد السلام النابولسى....
انا حخرج جرى لحسن خالتو فرنسا قالت نمشى بسرعه لتقلبنا وتستلف مننا حتى مواطن باين علليه بيشتكى اهو
تحياتى ليك سومه_87
هههههههههههههههه
---
الحمد لله إنهم أذاعوا التدوينة في الإذاعة عشان نوصل لمدونتك الجميلة يا مستر رايق
---
دمت بخير
خدوني معاكوا قبرص عااااااااااااااااا
يارب يارب ما يحصلش فضايح ادام الاجانب
ياخوفي تستلف منهم وتتسبب في قطع العلاقات المصرية القبرصية يارايق
تحياتي
استلفت خمسميت اهيف عشان الورق يامفتري ... ورق بخمسميت جنيه يانصاب
ليه ورق سوليفان
وافرض المذكرات ماجابتش فلوس يافالح هاترد الفلوس منين .؟
همس الاحباب
اول تعليق يابو الخلود
حبيبى
همس الاحباب
طبعا يا خالد السلم ده بتاع الشغل بس
وانا برضه هرضى اقعدك على السلم المقرف ده
وبعدين انا مش محتاج اعمل المذكرات مراكب ورق وصواريح
اصلى عندى منهم بالهبل فى البيت
بفكر ابيعهم
متعرفشى حد يشترى مركب ورق 2 مجداف وفرامل ايد
simple girl.. ..simple dream
عشانا عليك يارب
يامزود الحبايب
أبو خالد
ضيفى العزيز اللى منور بيتنا ابو خالد
زغزغينى يا فانله مصطلح قديم جدا بيقولوه لما الواحد يقول نكته بايخه
اما مسس رايق
انا بفكر اعالجها من التخلف
أنا إنسان
فرنسا تقول اللى تقوله مين هيصدقها اصلا
انا بستلف فلوس من الناس ؟؟؟؟؟؟؟؟
لالالالالالالالالالالالالالالا
ده عمره ما بيحصل
الا كل مده يعنى
او كل شهر
او كل اسبوع
منك لله يافرنسا
Salwa
سانك يو مس سلوى
ومتصدقيش فرنسا
آفاق الحرية
مزنوق فى كام يا حبيبى
قول
بجد قول
متتكسفشى
لو مقلتش هازعل
عموما
اخوك الرايق فى الانتظار
من مليون لمليار جند
وربنا مع المحله واهل المحله اللى شرفونا
فاتيما
انا متشكر جدا جدا ليكى يا فاتيما
كلامك صادق
سلامى لكى
فاتيما
طبعا المذكرات بتاعتى انتوا هتقروها الاول وتحكموا
مواطن مصرى نايم
انا معايا 50 جند صحيحه
ابعت
30 جند وخد الخمسين
بنوته مصرية
فرنسا شردتنى
وخلت الناس تسيب المحفظه بره
عموما خليكى انتى قاعده
وانا طالع بره اجيب حاجه ساقعه
بطوط حبوب
طبعا فرنسيه
هو فى بنى ادم خلقه ربنا يقدر او حتى يفكر انه يخالف الرايق
تصور
مره كنت بتكلم مع اصحابى وقلت لهم انا من ايام احتلال الامريكان للعراق وانى كنت عايش الاحداث دى وبتفرج عليها فى الجزيره
وصدقوا
ومحدش قدر ينكر
Doba
شفتى انتى الدقه فى المعلومات ؟؟؟؟
ايه رايك ؟؟؟؟؟؟؟
تاخديش انتى نشر المذكرات وتصرفى عليها من الالف للياء والمكسب بلنص انا 99 فى الميه وانتى واحد فى الميه
صدقينى يا هبه مكسب جامد
دعاء مواجهات
الف يورو
والف دولار
وعشره جنيه مصرى
واتنين سودانى وواحد شاى كشرى
آخر العنقود
لا طبعا انا ارفض انا كل الناس تبقى زى الرايق
يعنى كله هيستلف ؟؟؟؟؟؟؟؟؟؟؟
امال مين اللى هيسلفنا ؟
somaa mahaba
فرنسا شردتنى
وخلت الناس كلها تخاف منى
انا هاعلق صورتها واكتب عليها ونيتد
خبيب
شكرا على كلامك الجميل ده وانا اللى اتشرفت بوجودك
nonoymm
طبعا عمر ده ما هيحل ابدا
الناس دى ممكن تدفع من غير سلف
مفقوعة مرارتي من حماتــــــــــــي
ومين قال انا المذكرات دى مش هتجيب تمنها
المذكرات دى هتتباع بالملايين
انت مش معقول
انت تحفه
ايه الروقان ده
انا هموت و الاقى صديق زيك كده
دمنه مصيبة
ههههههههههههههههه
يعنى واحد مستلف 500 جنيه بعد ما عييا مراته ودخلها الانعاش
وبيعزم اخت مراته على مصيف فى قبرص
هههههههههههههههه
كويس انها قالت سلاموا عليكو ومش جت لها سكتة قلبية
ياه بجد معلومة اول مره اعرفها قائد الحملة الفرنسية كان واحد فرنساوى وقائد المقاومة كان مصرى طب وقائد الحرب الخليج اوعى تقولى انه كان امريكانى
بجد بوست تحفه ومبروك انا كنت بسمع البرنامج ده فى الاجازة علشان بيتزاع الصبح والواحد مش بيبقى فاضى كان نفسى اسمع اللى حصل
عبدٌ من عباد الله
وانا يشرفنى صداقتك
ويشرفنى نكوم اخوه
Desert cat
انا فعلا كنت هاعزمها على قبرص
بس الكادر يجى
من هنا للصيف تكون اترستقت
hend...hanady
طبعا والله قائد الحمله كان واحد فرنساوى
ليه الناس مش مصدقه ؟؟؟
هو انت صحيح مش مصدقنى
مش بقوللك باشا.... من يوم معرفتك وانا بقول عليك باشا يا بــــــــاشا
.
.
بس اوعى يا عبدو باشا تنسى الغلابة اللى حلموا معاك بالكادر بعد ماتنشر المذكرات وتبقى مشهووووور
وبعدين ابقى قولى انت هتنشرها ف انهى بلكونة ف الفيلا علشان آجى اتفرج
وعلى فكرة سقراطة دى طلعت اى كلام هى بتعمل معاك كده ليه
هى ماسكة عليك حاجة لاسمح الله؟؟؟؟
ألف مبرووووك يا مستر رايق
وعقبال الدستور والبيت بيتك
إلى الأمام يا باشا
عارف يا رايق مشكلتك ايه
انك رايق وعسل في وقت صعب وبصل
بس يمكن ده كمان يكون سر تميزك
جقيقي
دمك سكر وقلبك ابيض
وجيبك كمان
عاوز فلوس!!!
بتكلم جد مش بهيس
لو عاوز قولي بس
تحت امرك يا باشا
ههههههههههههههههه
انت مش عاتق اخت المدام كمان الرحمة
مذكراتك من ايام الحملة الفرنساوي !!!!!!!!!!
لا بجد حرام عليك .. لو كنت هتكتبها ايام الهكسوس ممكن حد يصدقك .
رايييييييييييق
عبده يا رايق
تصدق
تتصور
تتخيل
انا كنت بحسب ان قائد الحمله واحد شاى
ههههههه
ايه ياعبده نكت ده قصدي عبده الرااااااااايق
قولي صحيح مالقيش عندك فالنة من اللي بيزغزغزوا دول اصلي مزنوق في واحدة
ههههههههههههههههه
ومعذرة على الغيبة الطويلة دي
اقرا البوست بتاعي وانت تعرف السبب
تحيااااااااتي وفي انتظار مذكراتك
مسخره
هههههههههههههههههههههههههههههههه
هههههههههههههههههههههههههههههههه
المدونه ديه كانت تايهه عنى فين؟؟؟؟؟
فرنسا هانم ليها عندي باتنين جنيه عيش عشان عرفتنى على المدونه التحفه ديه
ههههههههههههههههههههه
حرام الضرب فى الميت حرام بجد خلاص صدعت من الضحك
يا بجد لا مش ممكن هتعمل مذكراتك ربنا يستر عليا
بس بجد اللى وقف للحمله الفرنسيه واحد مصري ايه العبقريه دي ولا واحد باتى بان من ريتش بيك صحح معلوماتك
مساء سعيد عليك يا اجمل رايق
مستــ ج ــــدة
لأ طبعا مش هانشرها فى البلاكونه
هو انا عبيط البلاكونه منط والمافيا ممكن تسرقها
وانتى عارفه المذكرات دى كنز قومى
مستــ ج ــــدة
شكرا لكى
بس على ايه ؟؟؟؟؟؟
خايف من الحقيقة
طبعا عايز فلوس
وكويكلى كمان
بس انا سايبك للتقيله
شكرا جزيلا
رئـــــيسـة حزب الأحلام
دى هى اللى مش عتقانى
Unique
ايام الهكسوس ؟؟؟؟؟؟؟؟؟
مين الهكسوس دول ؟
فرنسا هانم
واحد شاى لفرنسا وصلحه
ويكا
اى فانله الخط الجوانى فى الغرزه الرابعه من النوع اللى بيزغزغ
وشكرا جزيلا
Nsreen Bsunee
شرفتينى جدا جدا
وشكرا على الزياره
appy
لا طبعا انا معلوماتى صحيحه ودقيقه وخمس ثوانى كمان
واللى وقف للحمله واحد مصرى
بس الجديد بقى ان فى ناس تانيه وقفت معاه
gannah
مساء النور يا احلى جنه
عندك اسلوب رائع وظريف كتير في الحوار
بجد عجبتني مدونتك وكل مقالاتك
تقبل مروري من هنا
تحياتي
إرسال تعليق