اخوانى الاعزاء واخواتى العزيزات
نداء الى اصحاب القلوب الرحيمه
يمر اخوكم عبده الرايق بظرف طارىء ومحتاج مساعدتكم الماديه ...ساهم اخى العزيز ..ساهمى اختى العزيزه
من قدم شىء بيداه التقاه ...وهنيه لك يا فاعل الخير والثواب ...وحسنه قليله تمنع بلاوى كتيره
ايه رايك مسس رايق فى الداخله المتشحتفه دى ؟؟؟؟
رايئ فى يا خويا انت داخل تشحت ولا ايه ؟؟
اشحت ايه يا متخلفه انتى ...انا فى ورطه ولازم كل المدونين يقفوا معايا ...هو الناس مش لبعضيها ولا ايه ؟؟؟
ورطه ايه يا خويا اللى بتشحت عليها دى ؟؟
تااااااااااانى بتشحت ؟؟؟؟؟؟ ....عموما يا ام التخلف انتى انا همشيها تشحت ...المهم ..فكرك المره دى المدونين هيدفعوا ولا هيلعبوا معايا الدنيئه زى كل مره ويدونى صابونه
مش اعرف طيب الورطه الاول وانا اقدر احكم الناس هتديك فلوس ولا لأ
طبعا مانتى ولا هنا ...فالحه بس تاكلى وتشربى وتتفرجى على توم وجيرى ...وضاربه الدنيا صرمه ..وعلى على بالك انا يور هسبن ..واقع فى ورطه فيرى فيرى بيج
خوفتنى ياخويا ...فى ايه كفالله الشر
انتى مش عارفه ان مرات اخويا ولدت اول امبارح ..وان السبوع بعد اربع ايام
عارفه ياخويا ..لكن فين الورطه ؟؟؟؟؟؟
ربى رحماك ربى .......غلطه عمرى انى اتجوزتك يا ام التخلف ....امرى لله ...هانزل لمستواكى الفكرى وافهمك
قول يا خويا انا سامعه
اخويا ناوى يعمل سبوع بلدى ..بفشار وسودانى وحمص ...شغل بلدى ...انا قلت له نو نو نو ....احنا لازم نعمل سبوع فيرى فيرى لارج ...انا هاحجز مركب نيلى عايم فايف استارز ..وهاعمل بوفيه مفتوح وهاجيب الفنانه الكبيره منسى عجرن تغنى فى البارتى ..ومعاها الفنان الكبير ناصر الساهر ..علشان نسهر للصبح ..وانا عملت الحسبه لقيت انى محتاج ربع مليون جند
طيب يا خويا بلاش البعزقه دى وامشى على قدك ...طيب ده انى نفسى فى الحمص بقالى شهرين واقولك يارايق عايزه ربع كيلو حمص تقولى لما حد يولد ابقى روحى السبوع هيدوكى حمص
الكلام ده مش فى عيله الرايق ... انتى متعرفيش ان اصول جدودنا ملوك ؟؟؟؟
ملوك ؟؟؟؟؟؟ ...ههههههههههه ....ملوك فى ايه فى الشطرنج ؟؟؟؟
بتتريقى يا ام التخلف ؟؟؟ ...انتى مش عارفه ان جدى الكبير احمس باشا بنى الاهرام التلاته فى اسبوع زمن
انا يا خويا معايا دبلوم تجاره اى نعم لكن عارفه ان اللى بنى الاهرام التلاته الملك خوفو وخفرع ومنكارع .... وان الملك احمس طرد الهكسوس من مصر
هههههههههههه ....... متخلففففففففففففففففه ....طول عمرى بقول عليكى متخلفه ..شوفى يا ام التخلف ... الهكسوس دول اللى طردهم من مصر الباشا الكبير محمد على ...لما عمل القناطر الخيريه ...وطمع الهكسوس فى قنطره ..وراسهم والف سيف ياخدوا قنطره ...قالهم محمد على باشا ..عايزنها ليه القنطره دى ...قالوله ..عنينا وجعانا .وعايزين نحط فيها قنطره ...قام عملهم بارتى فى القلعه وجاب لهم بيتزا ونسكافيه ودبحهم زى العصافير
دماغك بقى يارايق محمد على عمل مذبحه القلعه للمماليك ...سبينا ياخويا من اجدادك وخلينا فى السبوع بتاع ابن اخوك ..انت معاك فلوس تعمل سبوع ؟؟؟؟
لأ طبعا وهو ده سؤال يا متخلفه ؟؟
طيب يا خويا بلاش نانسى عجرم وبلاش كاظم الساهر وسيب الناس يعملوا سبوعهم بنفسهم ملكشى دعوه بحد
طيب مالازم البارتى يبقى لارج ....خلاص نصيبهم كده مفيش الا حل واحد ... اروح اغنى انا فى البارتى وبالمره نفسى فى الحمص من زمااااااااااااااااااان
هناك 73 تعليقًا:
احجز اول تعليق وارجع
الدخلة دى مش عجبانى يا رايق
عامل زى اللى بيروحوا يعملوا عمليات وتبرع لاخيك المسلم
تبرعوا لاخوانكم فى غزة
هيهيهيهييييييي
وعايز تعمل سبوع وتجيب فيه نانسى ومييييين
لا اسمع انت تغلط فى كل اسامى المطربين والمطربات ما عدا كاظم دى روحى روحى روحى
حبيب قلبى
بما انك واصل كدا مش تعرف تجيب لى رقم تليفونه وهديلك 5 جنيه بحالهم تعمل بيهم سبوع تن نجوم
والله يا عبد باشا
انا ضحكت من قلبى
بس عاوز الفت نظرك يا جميل
ان الحفله بتاعة نانسك عجرم
وكاظمك الساهر
هتتكلف نص مليون جند
ننانسى لوحدها بتاخد 60 الف دولر فى الحفله
انا قلت انبهك للتدبس يارايق
واخوك يحب يكمل النص مليون جند من معاك
تحياتى
احمد سكر
السلام عليكم
هيييييييييييييييه رابع تعليق اولا يا رايق انت بهدلت التاريخ انا كنت حاسه انك فاضل شويه وتقول سعاد حسنى حكمت مصر ايام زمان مع شجره الدر ايه اللخبطه دلا والنبى بلاش كلام تانى فى التاريخ احنا مش ناقصين لخبطه.
وبعدين ذنبه ايه ابن اخوك النونو الصغنون انك تغنى فى السبوع بتاعه يعنى حرام روح كل الحمص يا رايق وبلاش غنه والنبى وسلام
انت اللي هتغني في السبوع يا رايق
كدة مش هيبقي سبوع دول هما اللي هيشحتوة عليك تبرعوة لاسكات الرايق
ههههههه بالنسبه للتاريخ انا بقترح عليك تئلف كتاب رجل اعاد كتابه التاريخ وبعدين مسحه هههههههههه علشان نعرف التاريخ
بحدحلوة مذبحه الهكسوس دي
نصيحة يااخ عوبد نسيت تحط فى البرنامج بتاعك انك هاتوزع هدايافى السبوع وبامبرزللاطفال النونو وموبايلات للرجال وساعات للسيدات وفى اخر السبوع اقعد حاسبهم بالورقة والقلم
لا لالالا انا مش معايا اسلف حد وانا مالى انا
وبعدين تغنى اية لا والنبى حرام كفاية
واخيرا تبرعوا لشراء سماعة طبيب
شكرا
وتحياتى
يا عم عبده وانت ليه معقدها
احنا ممكن نتبرع لك بالغنا
فلوس لا
نغنى اه
ايه رأيك اظن عملنا معاك الواجب وزياده
ملوك ف الشطرنج
عسل مسزز رايققق
سلملى عليها ام التخلف .. بجد ست زى السوكره
انا لولا الاخوه والزماله اللى بينا
مكنتش اتجرأت واتهورت وعرضت عليك جوز الجينهات دول
اهو تشرب بيهم ينسون علشان تعرف تبدع ف السبوووع
لووووووووول
أولا حمدا لله على السلامة بعد الغياب ده
ثانيا فين لينك الحلقة بتاعتك مع صلاح حجازى ...
لو عندك ياريت تنزلها فى البوست
بالنسبة للسبوع
فأشك كده والله اعلم انك هتعمل سبوع بلدى وتغنى وتاخد أجر الغناء من أخوك
ربنا يسترها معاه
ومبروووووووووك النونو الجديد
ربنا يباركلكوا فيه ويخليهولكوا
سلامى لمسز رايق المثقفة جداااا
دمت بخير اخى
سالى
يا رايق بجد بس انت تغنى واحنا معاك يا ريس
جبت البنى ولا لسه هتشترى لو كده اعرف واحد بيبع النص صباع رخيص
بليز مستر رايق
أبتعد عن الهستورى خالص أصل ضيوفك
يصابوا بالحول من فضلك خليها جغرافيا
أفضل
تحياتى للعبقرية فى أدب التورية
أبو خالد
بوظت التاريخ الله يسامحك
ثم ده سبوع
سبوووووع
مش فرح
طيب كنت عملت الفرح ده لهشام بدل دار الاوبرا وتأجيل الفرح سنة ولا اتنين
ثم احب من موقعى هذا ان انوه انك مش هتاخد من قوم المدونيين لا ابيض ولا اسود
وربنا يوفقك
سلام مستر رايق
وسلامى لمسس رايق العسل دى
وربنا يصبرها
هبة
ده ايه السبوع الخمس نجوم ده
كنت فين لما انا اتولدت؟
بينى وبينك انا كمان عندى سبوع اخر الاسبوع ده متعرفش حد يسلفنى معاك
وليك على نقسم الفول والحمص بالنص
انا قولت ومتفقه مع فرنسا وهنعمل حمله ضدك علشان موضوع السلف ده انا عارفه انت دخلت التدوين طمع بس خدعوك فقالوا اننا ممكن نسلفك ههههههههههههههههههههههههههه
معجب بخفة دمك
ياربيييييييييييييييييييي
ارحمنا ايه ياعمنا مش هتبطل تشتم في مسسز رايق والله خساره فيك
وبعدين انت فاكر المدونين دول معاهم فلوس
تؤتؤتؤتؤ
ميغركش منظر المدونات
هههههههههههههههه
سلامي لمسسز رايق
والله العظيم يا مستر رايق
انا بضحك لما اقراء بوستاتك
انا صحيح معنديش مدونه
لكن اتعرفت على مدونتك بالصدفه
ومازلت متابع جيد لك
الف تحيه لك اخى عبده باشا الرايق
محمد عارف
لا حول ولا قوه الا بالله
صعبت عليا يا رايق
تعالى يا خويا ادخل مدونه اختك فرنسا
تعالى
تعالى
تعالى
تعالى
ايوه كده انتى جوه المدونه استنى ثوانى
لما اقفل الباب وافتح الشباك
ايوه كده تمام
الحقووووووووووووووووووووووووونى
الحقووووووووووووووووووووووووونى
الحقووووووووووووووووووووووووونى
حرااااااااااااااااااااامى
حراااااااااااااااااااااااامى
Desert cat
مبروك المقدمه
وطبعا فى جايزه لاول تعليق تهدى لصاحب المدونه
فين الجايزه ؟؟؟؟؟؟؟
Desert cat
احمدك يارب
اول خمسه جند
تمام فات الكتير مبقاش الا القليل
باقى
249995 جند شدو حيلكن لحسن اغنى انا
سكــر
امال هما مش هيتبرعوا ولا ايه ؟؟؟؟؟
لأ طبعا
لازم يعملوا تخفيض للرايق
ومفروض يعرفوا انى لو غنيت هخليهم يقعدوا فى بيوتهم
الرايق كروان عصره وجيله
حنين القلب
احب اطمنك ان الموضوع ده خرج من ايدى خلاص
يعنى لو جمعت المبلغ هجيب مطربين
ولو مقدرتش هغنى انا ويمكن صوتى يضرب واعمل فيديو كليب
بس برضه هانت
قطه الصحراء اتبرعت ب 5 جند وباقى حاجات بسيطه
الساحرة
انتى رأيك كده ؟؟؟؟؟
خلاص هاكتب التاريخ من تانى
واروقه براحتى بقى
ولو عايزانى مغنيش ساهمى فى التبرعات
النمر الاسود
دى اول زياره لك فى مدونتى
اهلا وسهلا بك
ويبدو انك جديد فى عالم التدوين
بس تصدق كلامك مظبوط جدا
فى حاجات كتير نسيتها
وكمان الفراشه بتاعه المركب العائم
اكيد محتاجه عروق خشب 4 متر و 3 متر
يا ترى عديت العروق كويس ؟؟؟؟
wanna b a physician
ازاى انتى مالك
لازم كلنا نساهم فى السبوع من اجل مصر
ومن اجل تقدم البشريه
وسماع نانسى عجرميه
بطوط حبوب
خلاص وانا موافق
انتوا تغنوا بس النقطه انا اللى هلمها
د/اجدع بنوته
العداد مستمر فى الزياده
كده بقوا 7 جند ياااااااااااامسهل
ها مين هيزود ؟؟؟؟؟؟؟؟
فاضل 249993 جند
Sally
للاسف انا مسجلتش الحلقه من الكمبيوتر
الاستاذ صلاح قالى على الطريقه وانا معرفتش اعملها
لكن سجلتها على شريط كاسيت
وهاحاول انزله لو عرفت
صوت من مصر
يابا البنى مضروب اليومين دول
والاخضر بايظ
خلينا فى الاسود وخلاص
غير معرف
ابو خالد يا عظيم
انا متكلمتش اصلا عن التاريخ خالص
انا بحب الجغرافيا وكلامى كان عن الجغرافيا
هو موضوع الهكسوس والاهرام ومحمد على ده مش جغرافيا ولا ايه ؟؟؟؟؟؟
اوعى تقول لا
تلخبط لى معلوماتى القيمه
Doba
اختى هبه
انا كنت فاكرك هتقولى لى ربنا يصبرك على مسس رايق
طلعتى بتصبريها عليا
معلش اكيد حنيتى لها علشان هى ست زيك
لكن خليكى شاهده
دى ميح خالص فى التاريخ
هههههههههه
قال بتقول احمس طرد الهكسوس
بالذمه دى تستاهل ايه ؟؟؟؟؟؟؟
اهو ده عيبه
اوعى تكون ناوى تضارب معايا فى السوق وتزود على اتفاقى مع نانسى وكاظم
لحسن يطمعوا
appy
فرنسا العدو اللدود ليا تتحالف مع ابى
لأ يا ابى
لا تتحالفى مع فرنسا هانم
شوفى التعليق بتاعها هنا عملت فيا ايه ؟؟؟؟؟
دى شردتنى وفرجت عليا الخلق كلها
وبعدين انتى مقرتيش عداد التبرعات ولا ايه ؟؟؟؟؟؟؟
اصحى يا هانم
الرقم وصل ل 7 جنيه يا ابى
يعنى هانت
غير معروف
اشكرك جدا
ومنتظر التبرع
عاشقه الفردوس
هى برضه مسس رايق اللى خساره فيا ؟؟
دى بتقولك ان احمس مش هو اللى بنى الاهرام
دى انسانه متخلفه
اه لو افتكر اسم الناظر اللى مضى على شهاده الدبلوم بتاعها!!!!!!
محمد عارف
ومعندكشى مدونه ليه ؟؟؟؟؟؟؟؟
لو عايز مدونه
ابعت 5000 جنيه وانا اعملك مدونه عشره على عشره
فرنسا هانم
دى حجركه تعمليها يا فرنسا ؟؟؟؟؟؟؟
فليشهد الجميع
ولتشهد السماء
ولتشهد العصافير
ولتشهد ان الخلول
انى اعلنت الحرب الشعواء على فرنسا هانم
والى القتال يا رجاااااااااااااااااال
ممكن اقول اقتاح لو عاوز تعمل سبوع لارج يعني ممكن تبيع عفش البيت ومعاه تبيع المولود وبكدة ميبقاش فية مولود واللي اشترو المولود يعملو السبوع وانتو تحضرو وتبقو عملتو السبوع
اصحا ياعم
ادعوك لزيارة مدونتي والتواصل الدائم بيننا
أدمنت مدونتك مستر رايق ردودك فيرى فيرى نايس بت بليز لا تهاجم مسز فرنسا
لأننا موقعين اتفاقية دفاع مشترك ..
وأذا تعرضت لها سأكون معها..هى صحيح
فضحتك فضيحة اللحم فى السوق و لكن دعنا نحيا معا فى سلام إستراتيجى بدون غاز و لا الكترستى..
أبو خالد
يا رايق اسكت ملكش دعوه بالناس هتوديهم فى داهيه
سيب اخوك يعمل السبوع وعديها .
هههههههههه
طب اعمل ايه بس معاك بجد تعبتنى معاك
تعرف مسس رايق صعبان عليا ربنا يكون فى عونها يا راجل
نانسى عجرم وكاظم الساهر وبارتى بنص مليون يا مفترى
عامة نصيحة بلاش تروح الاسبوع وبلاش تغنى لانى عارف صوتك زى الفل بس انت مش مقامك تغنى فى سبوع انت تغنى فى الاوبرا كده يعنى
ولو على الحمص تعالى اعزمك على كيلو حمص بحاله وريح نفسك انت من البهدلة
احنا فى الخدمة برده ومش اعمل معاك زى فرنسا متخافش ههههههههه
وحشتنى يا باشا
على فكرة وزة بتسلم عليك قوى
تحياتى يا رايق
خالد
اللي بتكتبه ده لو اتعمل مسلسل
حلقات منفصله
هتعمل سبوع فيري لارج
وفرح في الاوبرا
ومش بعيد تعمل تغني وتعمل شريط كمان
بجد جميل
ربنا يوفقك
ايه ده يارايق
ده انا مكنتش بدرس تاريخ
علي يدك اكتشفت انه اسباني
خلاص هتبرع لك اول ما باب ياخد
الكادر
دمك زى السكر
الله يكون فى عونك مراتك منك
هههههههههههههههههههه
انا مستعده اديك الف جنيه حاخد قرض بضمان مصروفى من بابا ولا انك تغنى فى السبوع دا العيل كدا ممكن يفطس من اول اسبوع ويعيش طول عمره متقعد
رايق معلوماتك مش مظبوطه محمد على دا اللى غنى اغنيه العنب اما احمس فهو نوع شانبمو جديد للاطفال بتلاته ساغ ما تزوقينى يا ماما حتعرف كوووول دا
تحياتى ليك سومه_87
لالالالا عد كما كنت الا خالتى اه صحيح على راى المثل يعملوها ويخيلوا ابقى شايفاك بعنيا اللتنين بتسرق من عندها وتتبلى عليها كمان
قال على راى المثل الحقوهم بالصوت قبل ما يغلبوكم
يقتلوا الميت ويمشوا فى جنازته
حكم
تحياتى ليك سومه_87
1 .. 2 .. 3 ..
ادعو جميع المدونين وزوار المدونة الاعزاء
للتبرع بما تجود به نفوسهم الطيبة
على الخط الساخن
00000000000000000000
لصالح مسزز رايق
الله يكون في عونها .. دي يتعمللها تمثال
جنب ابو الهول اللي بناه صلاح الدين
السنة اللي فاتت
!!!!!!!!!!
رايق بجد
ابراهيم
نبيع المولووووووووووووووووود ؟؟؟؟؟
هذه اهانه لاتغتفر
هذه اهانه لاتغتفر
هذه اهانه لاتغتفر
احنا بعنا خمس عيال من العائله
وكل مره يرجعوهم تانى
بحجه انهم مش عايزين نسل ملوك
لو عندك مشترى اوكى
الولد ومعاه اتنين بامبرز هديه وبزازه
ب 299 جنيه غير مصاريف الشحن
أبو خالد
شوفت اللى حصل يابو خالد يا خويا
فرنسا بهدلتنى اخر بهدله
لسه طالع من القسم حالا
بس كل البهدله والحجز دول مش همينا
انا اللى هممنى وحازز قوى فى نفسى انى اكون فى السويس واتمسك فى القسم بتاع السويس
والمحافظ ميجيش بنفسه يطمئن عليا
واللى غايظنى كمان
انهم مقدموليش وجبه جمبرى سوبر
علشان كده
انا كنت ناوى لفرنسا
لكن الظاهر ان احبابها كتير
وانا اللى هنضرب
وعلشان خاطرك سماح المره دى
بس قولها تعمل حسابها
لو عملت اى حركه نداله تانى من النوع ده
تودينى قسم خمس نجوم ويركبونى بوكس مرسيدس شبح
السلام عليكم
يارايق ما كفاية اللي عليك ارحم نفسك شوية يا اخي
هههههههه
بس انا نفسي اسمع صوتك
علي كده بقي هلاقي روتانا بتقول قريبا عبده الرايق
شريط حصري من روتانا
هههههههه
تــــايه ومش تـــايه
سبوع بلدى
نو
نو
نو
ومش هتعدى
همس الاحباب
عارف والله يا خالد يا حبيبى ان انت ابو الواجب كله
وانا لو اتزنقت فى شويه حمص اول واحد هاجرى عليه انت ومن غير كسوف احنا اخوات
بقولك صح
الواد بولو فاضى
اصلى فى واحده مفروس منها
وعايز بولو يعملها شعرها هديه منى
واللى يطلبه انا تحت امره
طبعا اكيد عرفت مين ؟؟
سلامى وتحياتى لك اولا
ولابنتى العزيزه الغاليه وزه
Salwa
انا مستنى الكادر
علشان اعمل شريط يكسر السوق
ولو مكسرشى
اشتريه انا واجر بلطجيه وبرضه اكسر السوق
mady
طالما انتى ابنه زميل
تبقى براءه
ايش ياخد الريح من البلاط
وانا والوالد الكريم فى خط دفاع واحد
وربنا معانا
Rainbow
ويكون فى عونى منها
دى وليه فيرى فيرى ستيوبد
somaa mahaba
وانا موافق على القرض
وموافق على الالف جنيه احسن من بلاش
اما عن محمد على
طالما هتدفعى الف جند يبقى كلامك سليم ميه الميه
وانا موافق على كل كلامك وشامبو الاطفال هو اللى غنى العنب ومحمد احمس هو اللى طرد على من مصر
somaa mahaba
انتى شفتينى بسرق من عندها
حرااااااااااااااام عليكى ياشيخه
حرام
انتى لما جيتى وولعتى النور فجاءه انا فعلا كنت فى المدونه
وكنت ماسك فعلا فى ايدى كشاف
وكنت فعلا فاتح الدولاب وماسك علبه الدهب بتاعه فرنسا
لكن
انا كنت تاعب نفسى وجاى بالليل وطالع على المواسير
علشان خاطر فرنسا
اصلى حلمت ان فى دبانه واقفه على علبه المجوهرات بتاعه فرنسا هانم
قلت اخاطر بنفسى واروح اهشها
Unique
ههههههههههههههه
ههههههههههههههه
وادعو المدونين
ورقم مش عارف كام
وعامل حفله
ومش عارف مين اللى بنى ابو الهول
ههههههههههههه
طبعا الهول هو اللى بنى ابو الهول
وعلشان كده سماه على اسمه
والهول ده كان زميلنا فى قسم الحسابات فى الحى
وطلع على المعاش ومشغل ابو الهول بداله
آفاق الحرية
بص بقى
انا مش هلتفت لا لروتانا ولا غيرها
انا مصرى
وطنى
وهشجع قنوات بلدى
ومش هاعرض اغنياتى الا فى البى بى سى او السى ان ان
مستر رايق هتجيبلي الضغط
ايه ده مسسز رايق هي المتخلفه برده
ياربي
ههههههههههه
مع انك تسويق يعني
:)))))
طيب بلاش
انت داخل لقيت عندي اسامي مدونين افتكرت فيها فلوس
هي حصلت يارايق
:)))))
ربنا يكرمك ويفتحها في وشك يارايق يارب انت وكل المصريين
بص يا معلم انا عايزك تبعت للناس
http://www.sneen.blogspot.com/
انا كان نفسي ابعتهولك بدري بس للاسف انا متكعبلتش في اللينك غير انهاردة وكمان انا شايف انك تستاهل
السلام عليكم
معلش انا رايحة اجيب حد يلحق خالتشي فرنسا قبل ما تخرج تجري من المدونة عندها
ههههههههههههههه
اضحك الله سنك
سامي للمسز رايق
السلام عليكم ورحمة الله
نانسي وكاظم فس السبوع !!
طب يوم الفرح هاتجيب مين بقى ؟!
وبعدين البلدي يؤكل خليك في الحمص والفيشار
هو في احلى من الفيشار
وبعدين بلاش تكلم عن التاريخ واجدادك تاني .
كله إلا لخبطة التاريخ كدة
حرااااااااااااااااااااااااااام
دي جناية
يا لهووووووووووووى بقيت مغنى وكمان فى السبوع نصيحة لا تغنى مرة ثانية
ياعبده باشا يارايق
لو كنت بتعرف تغنى بجد
ارجوك تعالى لانى محتاجك تغنى فى فرح واحد متغاظ منه قوى
هههههههههههه
لا يارجل انا بهزر
سعيد بالتعرف عليك وعلى مدونتك
ابو خليل
عاشقه الفردوس
نو
انتى فهمتينى غلط
انا كنت افتكر الناس دى محتاجه فلوس
وكنت هاقوم بالواجب
هو انا برضه بتاع فلوس ؟؟؟
غير معرف
مع انى مش عارف اسمك
انما صاحب واجب
شكرا جزيلا
nonoymm
اه من فرنساااااااااااااا
انا وراها والزمن طويل
تحياتى لكى ولاسراء القموره الصغيره
جيهان علي
جنايه ؟؟؟؟؟؟؟؟؟؟؟؟؟؟؟؟؟
انا كنت فاكرها جنحه
عموما
انا صح
ومسس رايق هى اللى هتلبس القضيه
القط البرى
شكرا يا قط على النصيحه
لكن عايزين فلوس لكاظم ونانسى
والا
هاغنى
ابو خليل
واحد متغاظ منه؟؟؟؟؟؟؟؟؟؟
نو
انت كده متغاظ من عيلته كلها
لا بقى انا اسكت على اى حاجة الا انك تغنى اه مش انت اتفقت مع منسى عجرن و صابر الساهر انت غلطان بجد مش كنت تقوللى كنت كلمتلك كاظم فور باى فور بجد بجد زعلتنى
يور بوستس ار فرى فرى بيوتيفول اند اى ونت تو تل يو تو جو اون
إرسال تعليق