وعندك واحد شاى سكر بره ..وعندك اتنين حمص
ولد يا حسن فى ايه ؟ ..مالك مطنشنى خالص ولا اكنى هواء قاعد على التيبول ..وير يور ايس ؟
ايوه يا استاذ رايق خير ..اصطبحنا واصطبح الملك لله
خير ايه ياولد ؟...هو انا جاى اتساهر معاك ؟..انا قاعد على القهوه بقالى نص ساعه ..وانت رايح جاى ..مش معبرنى ..هو انا مش باين من الترابيزه ..ولا نظرك مش جايب لغايه عندى ؟
تحت امرك يا استاذ عبده عايز ايه ؟؟
ايوه كده ..ناس تخاف متختشيش صحيح
ياعم متكترشى فى الكلام عايز ايه ؟؟
هاتلى اربعه قهوه .واحده ساده ..وواحده على الريحه ..وواحده مظبوط.. وواحده زياده
ياعم بلاش الحكايه دى ..قديمه ...عملتها معايا قبل كده وجبت لك الاربعه قهوه وشربت من كل فنجان شويه وفى الاخر تقولى اخترت المظبوط ...هو احنا فاتحينها حادى بادى ..خلصنا يا عم تشرب ايه ؟؟
خلاص يا ولد ..هاتلى واحد قهوه مظبوط
ايدك على 25 جنيه الاول
ليه هو انا قاعد فى الشيراتون ..25 عفريت لما ينططوك ..انت ولد فيرى فيرى امبسيبول
ياعم مترطنليش بالاجنبى وحياه والدك ..عليك 24 جنيه حساب قديم وواحد قهوه بجنيه يبقى 25 جنيه ..خلص علشان ورايا زباين ..مش كل مره تطلب وتمشى ..انت فاكرها سبيل ؟؟؟
خلاص ياولد ..بلاش قهوه ..خد الجاوند الطبى ده ..البسه فى ايدك واغسل كوبايه بالرابسو 3 مرات وهاتلى كوبايه ميه ساقعه
طلما انت نزيه كده وحركات ...فى ميه معدنيه ايدك على جوز جنيهات واجيبلك ازازه معدنيه
اه من التخلف ...اه من التخلف ..يا متخلف ان بستعمل الميه المعدنيه فى غسيل وشى الصبح ..مش فى الشرب...انجر يلا هاتلى الميه ..والبس الجاوند ده .
بص انا اصلا مخنوق منك ...وروحى فى مناخيرى ..ابعد عنى الساعه دى الله لا يسيئك ..والحنفيه هناك اهى .روح اشرب منها
ولد انت مرفود ...جوو اوت ...جوو اوت
استغفر الله العظيم ..الصبر يارب
تعالى يا معلم حنفى شوف الرايق ده خنقنى بصراحه
تعالى يا معلم حنفى شوف الرايق ده خنقنى بصراحه
ايه يا استاذ عبده فى ايه ؟؟؟ استهدى بالله كده وصلى على النبى ...هات يا حسن واحد قهوه لعمك عبده على حسابى
سانك يو معلم حنفى ..فى كمان 24 جند ابقى ادفعهم طالما حلفت
يا عم ولا يهمك ..عندى انا ال 24 جنيه ..بس انا ليا عند طلب
خير يا معلم انت تأمر
الجماعه بتوع الحى مزودينها معانا شويه ..وبتوع التنظيم شدين حيلهم علينا حبتين ..وانت عارف القهوه صغيره والحته الوساعايه اللى قدامها نفعانى.. انا عايزك بقى تكلمهم يخفوا عنى شويه
ياسلام يا معلم انت تأمر .. غالى والطلب رخيص ..بس الجماعه بتوع التنظيم دول فين وانا اروح لهم...فى مصر هنا يعنى ولا فين ؟؟؟؟؟
ههههههههههه ...انت مش عارف زمايلك ؟؟ اكيد بتهزر ...عموما انا مستعد ادفع لهم اللى عايزينه ..ويخلصونى من المشاكل كل شويه
انت متأكد يا معلم ان احنا عندنا حاجه اسمها تنظيم ؟؟؟ ..اصلى معرفشى غير تنظيم الاسره
ياعم عندكم تنظيم فى ايه يا رايق انت مش شغال فى الحى ولا ايه ؟؟؟؟؟
شوف يا معلم حنفى ..طالما ناوى تدفع ..كل حاجه هتتحل ...ايدك على ربع مليون يورو وانا اخلص لك المشوار ده فى وان منت ...
ايه يا معلم حنفى قمت ليه ؟؟؟
الله فى ايه ؟؟؟ سبتنى ومشيت ليه ...يامعلم ..يا معلم ..يامعلم
هناك 71 تعليقًا:
ااااااااه
الاول يارايق
ماشاء الله ده انجاز
علي العموم ياعم خليهم 128000 يورو بس وخاص
ومتنساش عمولتي 90% بس
شفت عملك تخفيض
يلا بعض من النصب اللي انت عمال تعليمهولنا
هههههههههههه
انت مشكله 4 قهوة
دة انت طماع بشكل
نصيحه مني متتكلمش عن التنظيم تاني
احسن يقتكروك من تنظيم القاعدة
وبدل ماتاخد من المعلم فلوس نتبرعلك
بعيش وحلاوة ههههههههههه
تنظيممممممم
وده بينظم ايه بالظبط ولامؤاخذه
والله اول مره اسمع ان ف تنظيم ف الحى
لوووووووووووول
وبطل تخنق الواد الغلبان
انت لا عارف التنظيم
ولا عارف انك شغال فى الحى
وعايز ربع مليون يورو ؟
قولى يا رايق
بجد من غير هزار
فى حد بيوديك الشغل وبيرجع ياخدك اخر النهار ؟؟؟؟؟؟؟
ممكن واحد كنز باكيت معاك لو سمحت
هو فى تنظيم فى البلد دى اساسا..المهم
انا عندى سؤال مهم مش عارف انام منه
مين اللى شرب القهوة فى الاخر
انا عرفت انت ليه رايق
من الميه المعدنية اللى بتغسل بها وشك الصبح
و بعدين كنت اصبر مش يمكن رايح يجيب لك اليورو ؟؟
اقولك نصيحة
متروحش القهوة دى تانى .. وحشة اوى اصلها و مش شيك كده و اللى فيها مش متافهمين لوضعك الاجتماعى و النفسى :)
المهم دفع حق القهوة وال25 جنيه
ولا لا
الصفقة بازت يا سيدي طب قول له ايدك على اللي تدفعه انما ربع مليون ويورو كمان
وبعدين تنظيم ايه دي
؟؟؟؟؟؟؟
بس راااااااايق فعلا
سلامي لمسز رايق
تحياتي
أخى الحبيب /مستر رايق
الراجل المعلم ده و صولى علشان خمسةو عشرون جند عايزك تبيع عقلك أوع يارايق ..صحيح الحى كله فساد ويزاوت يو بت بليز أشرح لى نظرية ال4أم أقصد الأربعة قهوة على السوا ليييييه؟
أبو خالد
بجد بجد بقى
هرجنا كتير قوى خالص يعنى
كتاباتك متميزة وساخرة وحلة قوى
حاول تنزلها فى دور نشر او فى جريدة او تجمعهم فى كتاب
لانك بجد دمك خفيف وليك قبول حلو
وربنا يوفقك
ومن جيبى هبقى ابترع للنااااااااشر ب اتنين جنيه ونص
سلام يا فقرى
هبة
ههههههههه
ياخرابى عليك يارايق
وبعدين ايه التنظيم اللى بربع مليون يورو ده
وهو فيه تنظيم من اصله
سلام
ههههههههه
بجد فرنسا عندها حق
يا عمر حرام عليك انت منين بالظبط مش عارف التنظيم ولا الاشغالات والادارة الهندسية ولا حتى سلم الحى
ومال عارف ايه بس
واربعة قهوة وربع مليون يورو على ايه بس
المهم بقولك ايه انا عندى قهوة وبتوع الحى قارفنى متشوفلى الموضوع ده بس مش ادفع ربع مليون يورو طبعا
احنا اصحاب يعنى اتعملى تخفيض وتخليهم 3.5 جم وسندوتش فول والقهوة على حسابى يا عم ما انت جاى علينا بالخسارة
يا بتاع الميه المعدنية هههههه
تحياتى يا اخف دم فى الدنيا
خالد
هههههههههههه
المعلم نفد بجلده ..
وكمان بتطلب باليورو ومش عارف حاجة
عجبت لك يا زمن
بجد مدونة سوبر سوبر الصراحة
ههههههههههههه
دمت بخير أخى
سالى
اه يا لئيم يا عبدو باشا
انت بتحب كل انواع القهوة وبتاخد من كل واحده شوية وبعدين ترجعهم ويبقى كدا عملت دماغ قهوة جامدة
وبالمرة مدفعتش غير تمن واحد بس
وبعدين ربع مليون يورو ومش عايز الراجل يقوم
كويس انه مشى وهو ساكت احسن ما كان ؟؟؟؟
اخد القهوة اللى قدامك
ضحكتنى من القلب ربنا يجازيك عنى خير
انا بجد كان مودى سىء جدا
واحسن حاجه بعملها انى بدخل مدونتك وانسى الدنيا
محمد عارف
آفاق الحرية
ماهو الراجل مشى ومرديش حتى يرد عليا
انا لغايه دلوقتى مش عارف هو مشى ليه؟
الساحرة
تنظيم القاعده !!!!!!!!!!!!
تنظيييييييييييييييم القاعده
مش عارف
برضه عندنا فى الحى ده؟؟؟؟؟؟؟؟؟؟؟؟؟؟
د/اجدع بنوته
وانا كمان اول مره اعرف ان فى تنظيم فى الحى
بس سألت لقيت ان انا فى قسم التنظيم
مش عارف محدش قالى قبل كده ليه ؟؟؟
فرنسا هانم
طبعا بروح الشغل واروح لوحدى
مفيش الا واحد صاحبى بيجى ياخدنى من البيت علشان هو مش عارف مكان الشغل
واحنا مروحيين يوصلنى للبيت
بس ليه السؤال يعنى ؟؟؟؟؟؟؟
انا عارفك يا فرنسا قويه ومفتريه
فهمينى تقصدى ايه
صوت من مصر
كنز ؟؟؟؟؟؟؟؟؟؟؟
هو احنا فى مغاره على بابا ؟؟
سيبك انت من الكلام ده
لفلنا اتنين صاروخ
sasatifa
طبعا انا اللى شربت القهوه
وانا مالى يزعل يزعل
nonoymm
يقال والعهده على الراوى
ان الحى فيه اداره تنظيم مختصه بعمل مخالفات لمن يتجاوز حدود ممتلكاته
او يقوم باشغال الطريق
والمشكله انه اتضح بعد البحث والتنقيب ان الرايق موظف فى التنظيم
والمشكله ان بقالى سنين محدش قالى
أبو خالد
استاذنا الكبير
واخى العزيز ابو خالد
نظريه الاربعه قهوه دى نظريه علميه استراتيجيه موحده
اهم ضلع فيها انى مش بشرب القهوه عموما
ومش عارف الساده من المظبوط من الزياده
علشان كده
قلت اطلب الكل واختار براحتى
يبقى انا غلطان ؟؟؟؟؟
وبعدين متخافشى على اخوك الرايق
انا ضد الفساد
وحتى لو كان باليورو
Doba
تحيه جامده لهبه
وشكرا على التبرع
وبكده نضمن حق الجلده بتاعه الكتاب
بس تفتكرى
انى بعد ما انشر الكتاب واترجمه للغات الاجنبيه الموجوده فى العالم حاليا
لازم برضه اترجمه هيروغليفى
رصيف نمرة خمسة
تصدق اتضح ان فى تنظيم
هو انا مكنتش عايش ولا ايه ؟
همس الاحباب
خالد حبيب قلبى
انت تأمر يا باشا على عينى وراسى
هو فى حد يرفض طلب لاخوه
بس بقولك ايه انا اعلنت الحرب على فرنسا هانم
معاك سلاح ؟؟؟؟؟؟؟؟؟؟؟؟؟؟؟
Rainbow
عارفه يوم ما ارفض انى اروح القهوه يزعلوا ويتقمصوا
مره قعدت شهر مارحتش
كل يوم اعدى عليهم الاقيهم فاتحين الابواب بتاعه القهوه كلها
علشان ادخل
وانا اطنش وامشى
اول ما ادخل الشارع الاقى الابواب مفتوحه
لغايه لما صعبوا عليا ورجعت اقعد عندهم تانى
Sally
لا طبعا انا عارف كل حاجه
انا حجه فى عالم الاحياء
لأ
مش الاحياء بنت عم الفيزياء
الاحياء جمع حى
Desert cat
هو يقدر يا خد القهوه
طيب هياخدها ازاى ؟؟؟؟؟؟؟؟
دى كبيره وفيها ناس وكراسى وترابيزات
صدقينى
مش هيقدر يشيلها
محمد عارف
ياعم ربنا يبسطك كده على طول
لك خالص تحياتى
ازيك يارايق
عاوز تبيع مبادئك عشان 25 يامفترى ليه كدة تحياتى لك
السلام عليكم ورحمة الله وبركاته
تنظيم
ويورو
وحاجات غريبة كدة
لا و4 قهوة كمان
لالالالالالالالا
والراجل صاحب القهوة جايبلك قهوة وشال من عليك 24 ج كل ده وتطلب طلبات غريبة كدة
لا أحمد ربنا انه سابك ومشي وبس
سلامي:)
ههههههه
الرجل بتاع القهوة طلع كويس
دة لو كان من الناس اللى وحشين
كان هههههه
تحياتى
الحقيقه المعلم اختار الشخص المناسب فعلا
يا سلام
ياريق ازاي متعرفش زمايلك ؟
بتطلب باليورو يا رايق ؟
أنا هبلغ التنظيم
بس هو فين ؟؟؟
الله يارايق ولا تزعل نفسك
انا هعملك ترمس قهوه
وعلي راحه رحتك حمي بيه اللي يعجبك
طيب ماتخلى المعلم يجيبلى جوز جنيهات اروح اشرب كباية عصير وانا أخلص له كل حاجه .. ما اعملت لدياب كده وبدون مقابل
تحياتى
المصـــــرى
والله انت عسل يا رايق
طهقت القهوجى وصاحب القهوة كمان وبعدين حلوة حكايه انى اطلب 4 قهوة واختار منهم اللى يعجبنى هبقى اجربها بس يا رب مش اضرب,
وبعدين ربع مليون يورووو علشان تبعد عنه بتوع التنظيم اومال لو كانت جريمه قتل وعايز يطلع براءه كنت طلبت كاااااااااااااااااام .
ثم انا اصلا شاكه فيك يا رايق ورينى بطاقتك انت شغال فى الحى والله شكلك معاش وهتضحك على الراجل صاحب القهوه
سلام يا رايق
انا عمرى ما شفت الاطه بالشكل ده
جواند ويغسل 3 مرات ما يعقمها احسن علشان الحجر الصحى ده
وبعدين يا اخ عبده فى ادارة فى الحى اسمهاالتنظيم بس انت مش واخد بالك علشان دول مش بيقعدوا فى الحى من اساسه وطول اليوم لف فى الشوارع وغتاته على خلق الله
وانا لو منك اطلب نص مليون وابيعله الحى بالارض اللى عليه كمان
رئـــــيسـة حزب الأحلام
طبعا انا لايمكن ابيع مبادئى علشان 25 جنيه
انا قلت له ربع مليون يورو
جيهان علي
تفتكرى كان ممكن يعمل حاجه ؟؟؟؟؟
اعرف بس علشان مرحشى القهوه دى تانى
Tamer Nabil
ياجماعه انتوا كده خوفتونى
هو كان ممكن يتنرفز ؟؟؟؟؟؟؟
بس انا معملتش حاجه تنرفزه
Salwa
اسكتى مش طلع فى اداره اسمها التنظيم فى الحى
وانا بقالى سنين محدش معرفنى
الخوف لتكون اداره سريه
mady
اعتبر ده وعد ؟؟؟؟؟؟؟
almasry
هى الحكايه دى اخرها جوز جينهات ؟؟؟
خلاص نكروته ونطلب خمسه جنيه
حنين القلب
الرايق معاه بطاقه ؟؟؟؟؟؟؟؟؟
لأ طبعا
انا معايا شهاده ميلاد بالكمبيوتر
بسم الله مشاء الله
علشان الحسد بس
اهو ده عيبه
غعلا فى اداره فى الحى اسمها اداره التنظيم
وده اللى عرفته متأخر
وده اللى مجننى
ازاى جالهم قلب يخبوا عليا المده دى كلها ؟؟؟
هههههههههههههههههههههه
ربع مليون يروووووو
انا عندى الى يخلص على 100 الف بس
ومصرى كمان
ههههههههههههه
انا عاوزه اعرف انت بتاخد فلوس الناس وقلت ماشى
لكن تعليقى اكتبه امبارح اصحى ملاقيهوش النهارده!!؟؟
ايدك على 100 جنيه تمن التعليق اللى ااختفى
تحياتى ليك سومه_87
اي يا عم الخواجة البوست الرائع ده
ضحكتنى
____________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية
____________________________
ميفوتكش البوست الجديد (اوزه سينى هدوم اروسه)
بوست مظبوط.....شكله كده بنه محوج ....الحى فيه ادارة تنظيم؟اينعم ...بس هومن بعد 11 سبتمبر بيدوروله على اسم تانى .....علشان المشاكل انت سيد العارفين.....وبعدين ايه السذاجه ديه ...ده مبلغ تطلبه؟انت مش عايش فى البلد ديه و لا ايه؟..ماهو انت لو تبطل قعاد على القهوة و تروح الشغل ..حتعرف الاسعار وصلت لكام....سذاجه
انا راجعه تانى ...حاروح الف فى القهوه و راجعه تانى...اوعى تتفق قبل ما ارجع
اسلوب رائع و اكثر من رائع....بيفكرنى بمحمد صبحى ...على بيه مظهر...فيه منه شويه...بس شخصية عبده الرايق تنفع تتعمل مسلسل و هوه يكون البطل و ..الحلقات الساخرة يمكن ان تخفى فى طياتها مشاكل المجتمع..و البلد....خد بالك و اعمل براءة...علشان ما حدش يسرق الفكرة...احييك بشده...اسلوبك جذاب
السلام عليكم ورحمة الله وبركاتة
عبدة الرايق
والله انت موتنى من الضحك
كل ما افوت فى مدونة القى تعليق ليك
اقول اية الرايق دة
بصراحة ما فكرت ادخل عندك واشوف مدونتك رغم ان كان تعليقك فى اى مدونة كنت امر فيها بضحكنى بجد
والنهاردة اخدت قرار انى ادخل مدونتك واشوف كاتب اية
لان كانت الغزالة رايقةعندى
والله اسلوبك رائع
وربنا يروقك كدة على طول
اكيد لية زيارة تانية ليك
اذا سمحت ليا طبعا
اتمنى لك المزيد
بنت النيل
بطوط حبوب
اذا كان الراجل هرب من الربع مليون يورو
يبقى هيوافق بال 100 جنيه ؟
هى ال 100 جنيه مش اكبر مكن الربع مليون يورو ؟؟؟؟
somaa mahaba
انا والله ماعرف حاجه عن سرقه التعليق
ولا انا ياريس
ولا انا ياريس
ولا انا ياريس
ولا انا ياريس
اكيد فى غريب هنا فى المغااااااااااره
صحفية روشة
فكره جامده فيرى فيرى لارج
واحدة مفروسة
طالما هتروحى تقعدى على القهوه خلى بالك من الواد الطماع حسن القهوجى
وبالمره
ادفعى لى 10 جند تحت الحساب علشان انا مزنوق اليومين دول
واحدة مفروسة
براءه ؟؟؟؟؟؟؟؟؟؟؟؟
طبعا هاروح للمحكمه واخد براءه
هههههههههههه
انا اعرف ان الكتابه فى المدونات ليس لها براءه مثل الكتب والقصص
ان كان عندك معلومات خلاف ذلك انا منتظر منكى الافاده
بنت النيل
الحمد لله انكى اتخذتى القرار بتاع الزياره فى الوقت المناسب
لانى ناوى اعمل للمدونه رسم دخول
وبفكر اطبع تذاكر
لوج المدونه
بلكون المدونه
صاله المدونه
واهو نلم لنا قرشين ينفعونا فى السكن فى المحطه الفضائيه الدوليه
اخي الفاضل عبدة الرايق
مدونة حكاية وعاوزة
قاعدة قراءة شوية
بس حكاية
تقبل مروري
مع تحياتي
انت نسيت انت بتشتغل ايه ههههههههههه
وبترفد الواد هو شغال عندك
لا انت مفترى بجد
وبعدين ايه التنوع فى القهوة ده انت فظيه بتخلص البن للناس
الا صحيح شكلك دخلت فى السياسه انت مالك ومال التنظيم هتيجى مارينا ولا ايه خخخخخخخخخخخ
الكومنت الى فات وقعت منه شوية حروف قولت اكتبه تانى .. شكلك نحس يا رايق :D
ههههههههههه
زعلان ان الراجل سابك وقام
يااخى احمد ربنا انه ماشربكش الاربعة قهوة فوق دماغك :d
ده انت لا تطاق الله يكون فى عون يور وايف ميسز رايق , قلبى معاها
سلااام
شكلك فاهم يا نصه
و4 قهوه دا انت غني بقي ومش حاسس بالاسعار
سلملي علي التنظيمات
حلوة أوى حكاية قهوة حادى بادى دى
بس ده إنت مش رايق بعقل .. ده قمة الروقان
الله يكون فى عون القهوجى
وكمان بتطلب باليورو .. ده إنت مش عارف تدفع 24 جنيه
بس بجد دمك زى العسل .. بجد دمك خفيف موت
دى أول مرة ليا النهاردة فى المدونة بتاعك بس أنا هتابعها بجد كده إن شاء الله
تقبل مرورى
ياسر
خلاص اتفضل جوه فى قاعه كبار الزوار
واقراء براحتك خالص
ملحوظه
سعر دخول القاعه - 10000 جنيه مصرى
ياسر
خلاص اتفضل جوه فى قاعه كبار الزوار
واقراء براحتك خالص
ملحوظه
سعر دخول القاعه - 10000 جنيه مصرى
appy
مارينا ؟؟؟؟؟؟؟؟؟؟
لا طبعا
انا مش ممكن اخرج بره مصر وطنى حبيبى
وبعدين
احنا مارينا دعوه بالسياسه خالص
Miss. Sosa
هاى مسس سوسا
الظاهر ان فرنسا هانم قوتك على العبد الفقير الرايق
منك لله يا فرنسا
وبعدين
شرفتينى بالزياره اهلا بكى
coca
وايه يعنى 4 قهوه
اهم حاجه اللى يدفع
maiosha
نو
نو
نو
انا قادر ادفع ال 24 جند لكن ممعيش فكه
كل الفلوس ورق من ابو 200 جند
تحيه لمرورك الكريم
يارايق .. شوف الموقع ده يمكن......
www.arab.ewriters.com
إرسال تعليق