الاولاد :- خالو عبده جه ...خلو عبده جه ... خالو عبده جه
الرايق :- هاى تشيلدرين
الاخت :- ازيك يا رايق يا خويا
الرايق :- هاى ماى سيستر هالوووووووووو
الاخت :- ايه يا رايق الكرتونه دى كلها ؟
الرايق :- دى هديه بسيطه ليكى وللاولاد ... هديه فرى بيتيفول
طفل خبيث :- انت قبضت الكادر يا خالو ؟؟
طفل اخبث :- ولا جاى تستلف العفش بتاعنا فى الكرتونه ؟
طفل برىء :- جايب لنا حلاوه المولد يا خالو ؟
الاخت :- سيبوا خالكم يا ولاد واقعدوا سا كتين
زوج الاخت :- ايه يا رايق الهديه دى مالكش حق يا راجل ؟
الرايق :- هاى افرى بدى .. دى حاجه تذكار من الرايق ...ماعلينا منها ياله يا اولاد محدش عنده حاجه معصلجه معاه فى المدرسه وعايزنى احلها له ؟؟
الاولاد :- امممممممممممممممم
الرايق :- مالكم بتبصوا لبعض كده ومتناحين كده ليه ؟
طفل خبيث :- مابلاش انت يا خالو ... الحساب اللى ذاكرتهولى كله طلع غلط والابله ضربتنى عشر عصيان
الرايق :- اوه ..نو ..الماث ؟؟؟؟؟؟ ....الماث ده لعبتى من زمان
طفل خبيث :- لعبتك ايه يا خالو .... اقولك 4 فى 12 = 48 تقولى لأ ...دى تساوى 16
واقولك 5 فى 10 = 50 تقولى لأ ...دى تساوى 15؟
الرايق :- بلاش حساب اى ماده واقفه قدامكوا غير الحساب انا لها
وزى ما قال عمنا امير الشعراء احمد زويل
قم للمعلم وفىء التبجيلا كاد المعلم ان يكون رسولا
طفل اخبث :- انا عندى سؤال فى الدراسات يا خالو محيرنى
الرايق :- جود ...يس فرى جود ...اى لف دراسات ...اسأل
نفس الطفل :- ايه هى الكوارث الطبيعيه والكوارث البشريه ؟؟
الرايق :- طبعا سهله ...الكوارث الطبيعيه هى الكوارث الطبيعيه اما الكوارث البشريه هى الكوارث البشريه
نفس الطفل :- ههههههههههههههه
طيب وبنقيس قوه الزلزال بأى جهاز يا خالو ؟؟
الرايق :- زى ما الناس بيقيسوه هو احنا هنخرج بره الناس
الاخت :- ياله يا ولاد ادخلوا ذاكروا جوه
الاولاد :- عايزين نشوف الهديه
الاخت :- ادخلوا دلوقتى جوه
زوج الاخت :- تشرب ايه يا رايق ؟
الرايق :- كانز بيريل ... اوور كانز فيروز
زوج الاخت :- عندنا عناب وعارف طلبك 7 كوبيات شوب كبير
الرايق :- لأ ده كان زمان ..دلوقتى علشان السكر عايز 6 كوبيات شوب وكوبايه عاديه
زوج الاخت :- تعالى ندخل المطبخ نجيب لاخوكى العناب
فى المطبخ
زوج الاخت :- ايه ده اللى جايبه اخوكى ده ؟
الاخت :- مش عارفه
زوج الاخت :-اكيد جاى يستلف منى فلوس وانا لو وقف على رقابته مش هديله ولا نكله ..كل مره يضحك عليا ويبلفنى وياخد فلوس ويمشى ... لأ المره دى لأ
الاخت :- ومين قالك انه جاى يستلف بس ؟
زوج الاخت :- ماهو باين جاى ومحمل بكرتونه كبيره وعمره ما عملها .. اخر مره جاب فيها زياره كانت من سنتين وانا عيان .. جاب كيس فيه خمس برتقالات وقال كل واحد منكم واحده .... وممشيش الا لما اكل نايبى ونايبك
الاخت :- تعالى بس احسن عيب نسيبه قاعد لوحده
فى الصالون
الاخت :- خطوه عزيزه يا رايق
الرايق :- الله يعزك ..شوفى يا ماى سيستر ..انا جاى لى مانى كتير الاسبوع الجاى ...حوالى 5000 جنيه قلت اسدد الناس اللى ليهم عندى عدد صحيح من الالاف بعنى اللى ليه الف او الفين .. اما الفرط زى ميه وستميه .. دول بعدين
زوج الاخت :- واحنا يا رايق
الرايق :- اه صحيح انتوا ليكم كام ؟؟
الاخت :- 650 يا عبده
الرايق :- خلاص خلوهم 1000 وانا احطكم فى الجدول الاسبوع الجاى ... هاتو 350 وكده يبقى الف جنيه تاخدوهم الاسبوع الجاى
زوج الاخت :- ماشى يا رايق ... ادى 350 جنيه بس اعمل حسابك لو كنت بتضحك عليا مش هيحصلك طيب
الرايق :- سلام عليكم
الاخت :- مش تستنا لما نشوف الهديه يا رايق
الرابق :- افتحى وانتى تتفرجى
الاخت :- اهوه فتحتها ...دى جواها كرتونه تانيه اصغر منها
الرايق :- افتحيها
الاخت :- وادى التانيه ... الله دى جواها كرتونه تالته اصغر .. ورابعه ..وخامسه .. وسادسه ..وعاشره
ايه ده يا رايق دى علبه كبريت !!!!!!!!!!!!!!!!!!!!!!!!!
الرايق :- علبه كبريت سوبر 120 عود لو متوسط استخدامك 4 عود فى اليوم معكى هديه تكفى الشهر بحاله .... سلامو عليكوووووووووووووووو
هناك 52 تعليقًا:
السلام عليكم
وكمان بتجيب هدايا يارايق امسك ايدك شوية دانت لسة ماخدتش الكادر
عليكم السلام
لو انا من جوز اختك كنت قلتلك خود اختك معاك
احسن اجرب فيها علبه الكبريت
والله انت عسسسسسسسسسسسسل
يارب تاخد الكادر وتجبلهم ولاعه المره الجايه
سلامووووووووز ياسكر
وزة
ههههههههههههه
اخرتها علبه كبريت يا رايق ؟؟؟؟؟؟
بس انت طلعت تعلب
قدرت تاخد منهم ال 350 جند
انا ابتديت اخاف منك يارايق
بس
مدونتك
داخله دماغى قوى
تحياتى لك
مبروووووووووووك يا رايق بالنص بقى
وتعيش وتستلف غيرها
ربنا يقرب الكادر
مش عشانك لا عشان الناس كلها ههههههههههههه
السلام عليكم
والله يارايق مش عارف اقولك ايه
يعني انت سبت فرنسا نقلت علي اختك وجوزها
لا ياعم انا هبعد عنك لتيجي تقولي انا عايز عشروميت جنيه ولا حاجة مش ناقصة
يعني اللي الواحد بيعمله في الناس بط بط هتطلعه سعادتك علينا وز وز
مستر رايق ده نصاب بس فى قمة الذكاءوحلوة حكاية الكريت الموفر ده بس يا ترى ليه ما فكرش فالولاعات ؟
اسلوبك تحفة
تحياتى
اتشليت
ايه يارايق ده
جوز اختك ده راجل طيب علي فكره
سابك تمشي كده ازااااااااااااااااي
يارايق يارايق
بجد رايق رايح تجحيب هديه ده انا حتى البت بتاعتى من فتره ايام ما كان ليه بت كان تقولى هجبلك هديه اقولها لا حوشى عشان نتجوز
ياريق يا مبعزق اموال القطاع العام
ياااااااااااااااه
سابوك تمشي وادوك ال350 جنيه العوض على الله
مش عارفة ااقول ايه
طيب عشان خاطر العيال
ما هو جوزها لو فاض بيه هتجيلك
ربنا يسدد ما عليك بقى
تحياتي
والله انتا بجد رايق
بس فهمني
هتسدد كل ده ازاي
خايف تقلب بنكد
عموما تحياتي
وصباحو سلف
ملعوبة ... بجد ملعوبة ... و جامدة جدآ
تعيش و تستلف
ههههههههههه
ياعلبك يارايق
خد بالك بس عشان الحركات دى هتتفهم كده
بس انا عارفة لما تاخد الكادر هتروقهم
:)
عارفة عارفة من غير حلفان
هههههههههههه
صباح الروقان
خالو عبده
انت ضيفنا مره اخرى فى حلقة الأحد6-4-2008 على موجة الأف ام 107 وسته من عشره الساعه التاسعه وعشر دقائق صباحاعلى اذاعة البرنامج العام اى المحطه الرئيسيه لأذاعات ماسبيرو -ادام الله عليك الدماغ العاليه
خالو عبده يمكنك ويمكن كذلك للزوار المعلقين والمعجبين مراسلتنا
netonradio@yahoo.com
وزيارة موقعنا
http://dear.to/cairo
ههههههههههههههههههههههههههه
متوسط استخدامك 4 عود ف اليوم
بقى تضحك ع الراجل وتلفه وتاخد فلوسه كالعاده
ايه ده ياخالو جاى تلم عفش البيت ف الكارتونه دى
هههههههههههههههههههههههههه
يانصاب يارايق ضحكت علي الراجل وطمعته واخدت فلوس تاني
آدي دقني لوسلفتك شلن
تحيه معطره ليك ولكل انسان قادر على زرع بسمه , أول مره أدخل مدونتك بس ناوي اكون زبون مستديم , بس عندي سؤال كده ع الماشى : انا بعد ما قريت عن سياستك الفظيعه في كيفية تسديد القروض من خلال المزيد من القروض .. انت متأكد انك متقربش لبطرس غالي ؟ ... ولا عبده المنعم ابراهيم؟
هههههههههه
ههههههههههههههه
لا بجد تجنن
يخرب بيت سنينك
عسل يا رايق وكمان اخدت 350 جنيه
برافو عليك
وفى الاخر علبة كبريت يا مفترى
بس بجد بموووووت فيك
تحياتى يا باشا
خالد
رئـــــيسـة حزب الأحلام
هنعمل ايه بقى بعزقه
انين الحزن
نو
نو
انا لو اخدت الكادر
هافتح لهم مصنع كبريت بحاله
ويقعدوا طول النهار يلعبوا بالكبريت براحتهم
فرنسا هانم
تعلب يا فرنسا ؟؟؟؟؟؟؟؟؟؟
وانا اللى بقول فرنسا هى اللى فهمانى
انااااااااااااا غلبااااااااان
قوووووووووووووووووووووووووووى
بطوط حبوب
بطوط انا ابتديت اخاف منك
انت ناوى تطير الزبونين اللى تعبنا عبقال ما جمعناهم
تقولى الناس يستريحوا ؟؟؟؟؟؟
خلاص يا عم هنقسم استريحت ؟؟؟
شوفلك كام زبون انت كمان
آفاق الحرية
حبيبى وعم عيالى افاق الحريه
فداك البط والوز
ومتخافشى انا مش بتاع سلف
انا دلوقتى هادخل فى دور الهبه او المنحه التى لا ترد
جهز انت كام باكو منحه
dreem
العلبه بتاعه الكبريت فيها 120 عود
يعنى شقله جامده
اما الولاعه رقم فردى تعبان
عاشقه الفردوس
وفيها ايه انا هارد له الالف جنيه حته واحده
وان ماكنشى الاسبوع الجاى السنه الجايه
او العقد الجاى
برضه الناس لبعضيها
صوت من مصر
لا يسلم الشرف الرفسع من الاذى حتى يراق على جوانبه الدم
فلوس قطاع العام ايه ؟؟؟؟؟؟
هو حد جايبنى ورا الا الشرف وعفه النفس والمشى سليم
nonoymm
تيجى اهلا بيها
انا احط ولادها فى عينى
ان كان على الاصول الرايق يعرف فيها قوى
لكن الحظ مكروتنى
وبعدين انا بعرف اتعامل مع العالم دى كويس
عالم تعبانه
حد يصدق الرايق ويسلفه ؟؟؟؟؟
عموما
مالقيش معاكى 150 جند علشان اكمل ال 500
خايف من الحقيقة
اخوك مش اهبل
وعارف انا بعمل ايه
وبعدين انا هاروق الناس دى اول ما الكادر يوصل
هبشبشهم
نو
مش هشبشبهم
helium atom
طيب ماحنا فيها سلوفنى ارجوكم
وارجوكم ليه ؟؟؟؟؟؟؟
هو انا بشحت ؟؟؟؟؟؟
عايز فلوس سلف حالا
آخر العنقود
صدقينى
انا ناوى اعمل لكل واحد استلفت منه جنيه دفتر فى البوسته
واحط له كل مليم اخذته منه وزياده كمان ....بس طبعا الدفاتر دى هتبقى باسمى
غير معرف
المره دى هتابع
وشكرا مقدما
غير معرف
مره تانيه شكرا على الرابط
د/اجدع بنوته
اعمل ايه معذور
وبعدين جوز اختى طيب جدا
زى المدونين اللى هيدفعوا قريب
أم أحمد
خلاص يا ام احمد
لا ينفع الفرار
انا كتبت اسمك فى الكشف بتاع الناس اللى هيسلفونى
وانتهى الامر
معلش
الموضوع خرج من ايدى
محمد فوزي
بطرس غالى وعرفناه
مين بقى عبده المنعم ابراهيم ؟؟؟؟؟
قصدك الممثل ؟؟؟؟؟؟؟؟؟؟؟؟
عموما
انا مسلم
ومش قريب بطرس غالى
اما السياسه دى ممكن تنفع جدا
طالما انا منتظر الكادر
همس الاحباب
حبيب قلبى خالد
وانا كمان بحبك فى الله
وعلشان تعرف معزتك عندى
روح مستشفى الدمرداش قسم الحوادث
علشان تزور بولو
ايه النصباية دى يا رايق
ههههههههههههه
والله انت طلعت دماغ عالية اوى
واجمل حاجه علبة الكبريت
مش تسلفنى عودين اصل الولاعة خلصت
اسمك جميل اوى ياعبده
ومدونتك اجمل اسمحلى نكون اصدقاء
ونتبادل الزيارات
يا نهار كوارث طبيعيه
انت ضايع حساب وجغرافيا وبتدور علىالكادر
طيب مش لما تتعلم الاول هههههههههههههههه
بجد ضحكتنى موت
والله ياراايق إنت مشكلة بجد مالكش حل
أنا من كتر ما بضحك على كلامك وأنا قاعدة لوحدى إفتكرونى مجنونة
بجد تحفة
فيري سمارت مستر عبده
بس ليه البعزقه
علبه كبريت مرة واحده
بس كويس إنك حددت الإستهلاك اليومي
بــ 4 عيدان
مستر رايق بليز
حاول تختفي من أمام زوج يور سستر
أحسن وي دونت نو هو ممكن يعمي إيه
انت معذب الناس معاك كده على طول.
بس انا هموت واعرف مستحملينك ليه !!
ياااااااااااه
والله شكلك مش هتاخد لا 5000 ولا 5 جنيه حتى
وشكلهم اضحك عليهم كده
وبعدين ايه علبة الكبريت دى؟
بس بصراحة دمك خفيف
هتابعك على طول ان شاء الله
Desert cat
عودين بحالهم يا مس قطه
انا هاجيب لك علبه 120عود بحالهم بس جهزى ال 350 جند
طبعا انتى شفتى بعينك الراجل لسه دافع فى العلبه 350 جند اهه
mthlykaweyy
شكرا على الزياره
ويسعدنى تبادل الزيارات
appy
نو
نو
نو
مس ابى
انا مش ضايع ..الكتب المدرسيه هى اللى فيها غلطات مش انا
دعاء مواجهات
هى بتحصل دايما كده
لكن بشكل مختلف
تصدقى وانا قاعد فى شغلى على السلم
الناس بيفتكرونى شحات
بس محدش بيطلع الهواء
Salwa
دونت وورى مس سلوى
اى نو ماى سيسترز هاسبن ممكن يعمل ايه
اكيد هيسلفنى تاااااااااانى
تــــايه ومش تـــايه
اعتبر ده تحريض لماى وايف مسس رايق انها تستعمل الساطور والاكياس البلاستيك ؟؟
3abratalsabeel
5000 جند
انتى صدقتى
هههههههههههه
احنا بقى على كده هنبقى اصحاب جدا
حكم انا بعز الناس اللى بتصدق دى قوى قوى
وممكن افتح لك حساب تكتبى فيه كل الفلوس السلف بالجنيه الواحد
السلام عليكم
خسارة على ورق الرسائل
وعلى الحبر كمان
نقطة حبر بتسوى الانظمة العربية كلها
تحياتي
عفوا كان تعليقى السابق على موضوع
عايز حقي من الحكومة
سوري ........ لخبطة
تحياتي
إرسال تعليق